منى سؤال ومنك الاجابة

samsam85 كتب:

الخيانه اعتقد انى لو عرفت ان جوزى بيخونى مش ممكن اقدر اعيش معه تانى او حتى انى اشوفه
ومع احترامى لرأيك يايامن مفيش فرق بين خيانه صغيره وخيانه كبيرة الخيانه هى الخيانه

سؤالى:تعملى ايه لو سمعتى ان اعز اصدقائك بتقول عليك كلام وحش

متستهلش تكون صحبتى

لما بشوف حد بارد بيعصبنى جدا جدا وارجع تانى طبيعيه لو حد بحبه حاول يهزر معايا علشان يطلعنى برا المود
السؤال بقى
ما هو الشى الى بتتمنى تعمليه كل يوم

نفسي اثبت علي اذكار الصباح والمساء وورد القرآن والمراجعة
عشان بتدلع جدا ودايما مش ثابتة فيهم خاااااااااالص


اية الشغلانة اللي ساعات نفسك تجربي تشتغليها؟

ان شاء الله تثبتى عليهم دائما
علاقات عامه علشان الى يسالنى على حاجه اقدر اساعده وادله عليها

ايه الاكله الى لو اكلتيها كل يوم مش تزهقى منها

الملوخية
ايه المكان اللي تحبي تروحيه تريحي فيه اعصابك وهتاخدي معاكي مين؟

اى مكان فى بحر واخد معايا جوزى وابنى ولومسموح باكتر اصحابى علشان بتبقى لمه حلوه اوى لما بتتجمع كل واحده وجوزها مش بنبطل ضحك ولا زار ولا تريقه
معلش طولت عليكوا

ايه السوال الى بتساليه لنفسك ومش بتلاقى له اجابه

مفيش


اية الحاجة اللي تخليكي تعيطي

لية الدنيا بقت وحشة قوي ومبلقيش اجابة علية


الدنيا بقت وحشة اوى دىعلامةمن علامات يوم القيامة الكبرى لو انتى بصيتى للدنيا اصلا هتلاقى انها بتخلص تخيلى كدة ان كلنا عايشين مؤقتين فى الدنيا(وما الدنيا الا متاع الغرور)

السؤال اللى بجد بقى لية دايما ننصر الشيطان مع اننا عارفين ان اى حاجة غلط ممكن تكون وسوسة شيطان ومع ذلك بنمشى فيها زى مثلا اللبس الخليع و ترك الصلاة وغيرة(ان تنصروا الله ينصركم)

علشان الشيطان مش هيسيب الانسان فحاله وهيفضل وراه لحد يوم القيامه باذن الله وطبعا لان الانسان ضعيف وساعات الايمان مش بيكون قوى اوى والشيطان بيدخل للانسان من اى نقطه ضعف ويفضل يحاول ويحاول لحد ما يوصل للى هو عاوزه
السوال : - ليه الانسان الطيب ملوش مكان وسط البشر واما يقولوا عليه عبيط ولوحد عارفه شويه يقول عليه ملاك لكن فى الاخر محدش بيقدره

ayoya كتب:

نفسك تقضي شهر العسل فين او قضيتية فين لو كنت متزوجة ؟

تركيا

انا هسيب سؤالك يا يامن للي بعدي

yamin كتب:

السوال : - ليه الانسان الطيب ملوش مكان وسط البشر واما يقولوا عليه عبيط

ولوحد عارفه شويه يقول عليه ملاك لكن فى الاخر محدش بيقدره

الزمن دة بالناس الي بقو موجودين فية محتاجين من الشخص الطيب انة يعدل في نفسة شوية بحيث يتوافق ويتكيف مع الناس والحياة دلوقتي بمعني انة يكون واعي اكتر واهم حاجة انة يكون صاحب موقف ويقدر يسيطر علي طيابتة ويستخدم كلمة لأ وقت ما فعلا يكون لايزم يستخدمها ولازم يقدر يعبر عن رأية في الوقت اللي الناس مش هتراعي مشاعرة عشان هو يراعي مشاعرة
اصلي مريت بالتجربة دي طول الوقت بسمع جملة انتي موجودة في زمن مش بتاعك
انتي ملاك
الطيبة دي متنفعش في الزمن دة
كنت بستغرب التعبير لأني بحس ان المفروض الناس كلها تكون كدة بس جيت في وقت تعبت قوي وكان لازم اتغير بس مش اني يعني ابقي الوش التاني او العكس للي كنت فية بس بقيت لية موقف وقرار ورأي وبقيت اقول لأ ومتكسفش وبقيت اراعي نفسي مش بس الناس
لازم الناس تبقي عارفة ان فلان طيب بس مش عبيط
الواحد المفروض يكون بسيط بس حويط
ههههههههههههههههههه


السؤال:اية الموقف اللي من طفولتك ولسة فاكراة ودايما بييجي علي بالك؟

كنت ببص فى حمام السباحه مره ووقعت فيه بس ربنا ستر واخويا واصحابنا طلعونى هههههههههههههه
السؤال :- لو عندك طفل هتعملى معاه زى مامامتك كانت بتعمل معاكى ولا لا وهتعلميه هجات تانيه

سؤال حلو قوي
علي فكرة انا خريجة رياض الأطفال
بصي هو عموما الموضوع دة كبييييييييييييييييييييييييييييييييييييييييييييير
انا قعدت 4 سنين ادرس فية فأكيد الأجابة مش هتكون في سطرين علي سؤالك
هههههههههههههه
بصي في حاجات مهمة ممكن اقولك كعناوين واكيد هي نقطة في بحر اللي انا درستة
لازم يكون في ثواب وعقاب والعقاب طبعا مش ضرب ,ولما بتيجي تعدلي السلوك في حاجة اسمها تعزيز ايجابي وتعزيز سلبي التعزيز الأيجابي انك بتكافئية علي حاجة كويسة عندة عشان تثبتيها والتعزيز السلبي غير العقاب لأن التعزيز السلبي بيقوي السلوك زي التعزيز الأيجابي اما العقاب فبيقلل السلوك
والتعزيز السلبي زي انك تقعدي الطفل بعيد عن باقي الأطفال عشان ميضايقهمش وعشان يسمع الكلام عشان ميتعاقبش

حاجة برضة مهمة قوي لازم الأب والأم يكون رأيهم واحد والحاجات اللي البيعاقبوا عليها واحدة والحاجات اللي بيوافقوا عليها واحدة عشان الطفل ميتشتتش ماما مثلا لما بعمل كذا عادي اما بابا فبيضربني مثلا يعني

برضة مينفعش شخص واحد زي الأب مثلا هو اللي يكون مسؤل عن القواعد وهو اللي بيعاقب فكل ما الطفل يعمل حاجة تقوليلة لما بابا يجي هقولة هو هيتصرف معاك
لازم يحس انك انتي كمان ليكي احترامك وسلطتك

مينفعش مثلا تقولي لطفلك شايف اخوك بيذاكر ازار شايف درجاتة اية دة طالع الأول
او انا عيزاك زي ابن عمتك
كل الكلام دة مش صح لأنة بيولد كرة جوا الطفل من ناحية الشخص اللي بتقارنية بية ولما يكبر شوية بيبقي في حسد وغل وغيرة دة كلة غير الكرة نسأل الله العافية
فلازم لما تقارني الطفل متقارنيهوش الأ بنفسة وحالة يعني مثلا انت الشهر اللي فات كنت احسن كنت مركز اكتر كنت بتسمع كلامي وجميل كدة يعني

لما تقولي علي حاجة لأ تبقي هي لأ وملهاش معني تاني يعني معناها مش يعني او بعدين
لازم تكوني حازمة
والأطفال دايما يجربوكي كل شوية هيشوفوا لسة بتقولي لأ ولا ممكن الحاجه دي تتعمل
وفي كل مرة لازم تبقي الأجابة هي هية وكمان الأب يكون لية نفس الرأي ومن هنا لازم الأم والأب اصلا يتفقوا علي كل حاجة مع بعض الأحسن من قبل وجود الأطفال انما لو محدش كان عارف فأكيد مالا يدرك كلة لا يترك كلة

العقاب علي الشئ لازم يكون في نفس وقت التصرف الخاطئ ولازم يكون حاجة فعلا هتقدري تعمليها وكمان لازم يكون علي قد التصرف اللي حصل
يعني مثلا لو قلتي مش هتطلع رحلة نص السنة انتي كدة معملتيش حاجة لأنة متعاقبش علي الحاجة اللي عملها دلوقتي والعقاب هيفقد قيمتة
وزي ما قلت لازم تقولي حاجة عارفة انك هتقدري تعمليها

لما تكلمي الطفل وتقوليلة من فضلك هاتلي كذا, لو سمحت كذا, بعد اذنك,شكرا,الكلام الحلو دة تلقائي هتلاقية بيكلمك بنفس الطريقة

انا حاسة اني طولت قوي لو عايزين اي حاجة ممكن تبقوا تسألوني وانا اقولكم ولو حابين تعرفوا اكتر برضة قولولي وابقي اكتبلكم معلومات حتي لو في موضوع لوحدة
ربنا يبارك فيكم

ربنا يعلمنا كلنا وينفعنا بما تعلمنا
اللهم امين
وياريت تدعولي قوي قوي لأني محتاجة الدعاء


السؤال:تعملي اية لو انتي عايزة تعملي طاعة معينة لله وكل اللي حواليكي مانعينك وواقفين قداك ورغم الجهاد والصبر والمحايلة مفيش فايدة وزانتي مقتنعة باللي انتي عايزة تعملية وهو اصلا حاجة صح جدا؟

الصبر لان كل شى بميعاد لكن مش تتحايلى واستغلى الفرص ونقط الضعف علشان تقدرى تنفذى لو شى صح لكن او اصرار وخلاص يبقى لازم تسمعى كلام الى حواليكى وشوفى وجهت نظرهم يمكن تكون اصح منك
السوال:- تأيدى البنت الى بتسافر وتعيش لوحدها ولا الى مقفول عليها فى بيت اهلها

ولا دي ولا دي
يعني ولا اللي منطلقه ومن هنا لهنا بلا ظابط ولا رابط ولا اللي محبوسه في بيت اهلها
دة ليه سلبيات وده ليه سلبيات
انما بحب البنت اللي تكون محترمه نفسها واهلها ودينها قبل كل شئ يعني متبقاش منغلقه علي نفسها وفي نفس الوقت بتعمل كل اللي هي عيزاه في الحدود الشرعيه وحدود اهلها وعيلتها وتقاليدها


السؤال : ايه الحاجه اللي حطتيها في دماغك وقررتي انك توصليلها وممكن تكوني اتحديتي نفسك واللي حوليكي وبالفعل وصلتلها وحققتيها؟

لان الموضوع مبكنش لسة دخل ف الجد حتى لو حصل مشكلة كبيرة بتكون بينهم هماااااا الاتنينن بس وبيحلوهاا بدال عايزين بعض لكن بقة لمااا الاهل عرفين مثلا وخطوبة وكدا الحوار بيبكبر ماما قالت لاء مامتك انت الدنيا بتبوظ
السؤال
اى الحاجة ال عملتيهااااا وندمانة عليهااااااا ولو رجع الزمن مكنتيش هتعمليلهااااااااا

والله ياسمرمر لغاية كام يوم فاتو مكنتش من النوع اللي بيندم على حاجه لاني مؤمنة بالنصيب جدا والحمد لله مش بحاول اعمل حاجه غلط تخليني اندم

لكن قعدت مع نفسي لقيت ايه ده في حاجات فعلا بقول ياريت بس والله اغلبها برده نصيب يعني متهيألي لو رجع الزمن بنفس ظروفه ما انا
برده مش هقدر اعمل حاجه
يلا الحمد لله لكن حاجتين فعلا هم اكتر حاجة مديقني
اني فيه حد كان محتجني واتخليت عنهم يعني سبت اصلا المكان اللي كنت هساعدهم فيه من خلال شغلي بس لغاية دلوقتي نفسي الزمن يرجع وهسيب برده المكان بس كنت هفضل معاهم من بره لغاية مايقفوا على رجليهم الكلام ده من 5 سنين بس كأنه امبارح الموضوع مأرقني من وقت للتاني انا مش مذنبة ف حاجه لا خالص بس كانت هتبقى اعظم حاجه ف حياتي اعملها ونفسي اعملها حتى لو مع ناس تانين بس الحمد لله يارب يكونوا اتوفقوا من غيري وربنا كرمهم
الحاجه التانية لو رجع بيا الزمن هقف وقفة جامدة ف اني مسيبش المكان اللي كنت فيه بعد ما اتخرجت على طول لأ كنت هستنى شوية لغاية ما اكمل دراستي ف نفس الجامعة


السؤال: مين اكتر شخص بترتاحي معاه ونفسك تكلميه على طول ويكون صديق ليكي بس الظروف تمنع أو مينفعش انك تتعامليه معاه من المنطلق ده ؟

اتمنين انى اتجوز حبيبى ال بحبوا بس اهلى رفضوووا بعد ماتقدملى 4 مرات وانا دفعت كتير عنوا واتخنقنت كتير بس ف الاخر بردوا مقدرتش اعمل حاجة عملوا ال هما عايزينووا
يالله
الحمد لله على كل شىء
السؤال بقة
لو اهلك رفضوا انك تتجوزى حبيبك هتعملى اى

هشوف ايه الصفات والانتقدات الى اهلى شيفنها فيه وهحاول اغيرها انا وهو علشان مش يكون لهم اى حجه بعد كده
تعملى ايه لو لقيتى اهل جوزك اتغيروا من غير اى اسباب وبقوا عاوزين يدخلوافى كل شى

والله يايامن انا شايفه ان الموضوع ده متوقف على الزوج نفسه هو بأيده يوقف اي حد عند حده لأن انا شخصيا بعاني من المشكلة دي معايا خطيبي يعني لسه بس هو اللي بيسمح بالتدخل ده ف حين اخويا خاطب مش بيسمحلنا خالص مع اننا ف صفها على طول خصوصا انا عشان اللي بشوفه وبالرغم من كده ميحبش حتى سيرتها كده تيجي على لسانا خالص ومحافظ عليها وبياخدلها حقها عمال على بطال انا مش زعلانه بالعكس اصل هيا دي طباعنا ف البيت والخصوصية والاحترام وكل واحد عارف اللي عليه وليه فالحمد لله
المهم طولت عليكي انا بالنسبة لي بقول حسبي الله ونعم الوكيل وللاسف من كتر ما بدايق بديهم فرصة اكتر يدخلوا واقول براحته يعمل اللي عاوزه وحسبي الله ونعم الوكيل

بصراحة السيرة ديقتني فمش مركزة ف سؤال
ياريت حد تاني يسبلي سؤال
ايه ؟؟!!!ده سؤال
لله يامحسنين سؤال
.
.
.
سؤال بسيط يباركلكوا ف عافيتكوا يارب

بصى يا قمر انا بقى موضوعى مختلف اخويا زى اخوكى كده بالضبط ويمكن اكتر
لكن انا بقى اهل جوزى كانوا زى الملاك فى فتره الخطوبه لكن بعد الجواز معرفش ايه حصلهم تقريبا سحليه عدت عليه بالليل بقوا كده
معلش بس من همى مش هطول عليكوا دى قصه طويله واحسن شى انك تقولى حسبى الله ونعم الوكيل وربنا اكيد هيكون جنبك وحاولى تغيرى خطيبك بس واحده واحده ومن غير ما يحس علشان يتعود على طباعك
السؤال:- ازاى تكسبى كل الى حواليكى فى صفك

بالاحترام اكسب كل ال حولية وبالحب
انا اشيل من قلبى الكرهة
احب الناس كلهاااااا الناس هتحبنى اعامل الناس كويس هيعملونى كويس
طبعا ف حالات شاذة ممكن مثلا تعملى حماتك كويس وهيا تعملك وحش
خليكى انتى احسن منهااا وافضلى عمليها حلو شوية وهتعملك هيا حلو
اهم حاجة انى احترم الناس ال ادامى وارضى جميع الاطراف
انا كمان عايزة قول حتى لو انتى حاسة ان ال قصادك بيعملك وحش وانتى بتعملية حلو وفترة كبيرة عدت والحال مبيتغيرش انتى بتعملية حلو وهو بيعملك وحش
ربناااااا شايف دة ووالله العظيم ف راحة كبيرة جدا جدا لما تعملى كل ال حوليكى بحب وتنسى الكراهية دى