منى سؤال ومنك الاجابة

كن … ذلك الشخص الذي إذا خرج من مكان… تبقى رائحة طيبهُ
.. تعطر المكان .. كن ذلك الذي .. يحمل بين أضلعه .. قلبٌ أبيض .. يشع منه
الصدق والإخلاص و الإحسان ..قلبٌ تشتاق لنوره .. كل الأرواح كن ذلك الذي
يذكر بالخير في كل مجلس ..الذي تشار إليه بنان الطيبين قائلين ما أروع ذلك
الشخص… فإنه… ذو قلبٍ كبير كن ذلك العزيزالذي سيكون حياً… في قلوب الناس….
...بعد موته وستخلد ذكراه… بالخير .. بين القلوب

سمرموره يا قمر ازيك يارب تكونى بخير بجد وحشتينى جدا
مرسى جدا على كلامك الحلو
بس يا قمر نسيتى تسيبى سوال

انتى كماااااااان وحشانى ياقمر
بس حلو اسم الدلع دة سمرمرورة حلوة جدا اول مرة حد يقلهلوى
بجد حلو تسلملى دماغك
بس اية دة هو نااااااااا نسيت اسل
طب مفيش استعانة بصديق او حزف اجيبتين اى حاجة كدا تساعدنى ف السؤال
هسال اهووو وهبطل رخامة
اى اكتر موقف محرج مريتى بية
واتكسفتى بقة وكدا واتحرجتى وسط الناس

يا واحده صحبتى مسيحيه وكنت انا وهى عند واحده تانيه وكنت بقول انى صايمه مش فاكره قالت ايه بقوله ليه هو انا مسيحيه ونسيت انى صحبتى قاعده واتكسفت جدا وكنت خايفه تزعل منى زقاعده اصلح ومعرفتش بس الحمد لله عدت على خير
السؤال:- نفسك تسمى اولادك اسماء غريبه ومحدش يعرفها ولا اسماء عاديه علشان الناس مش تنتقدك

انا بحب الحاجه الى هى مش تقليديه حتى لما اخترت اسم ابنى اخترت اسم مش غريب بس مش كتير عارفينه بس لازم الاسم يكون ليه معنى علشان لما حد يسألنى على معناه مبقاش زى الهبله وساعتها يحرجونى

السؤال: ايه اغرب اسم عرفتيه

اغرب اسم سمعته هو تولاى بس نسيت معناه
السؤال:- لو واحده صحبتك كدبت عليكى بس الو وقعها انها حكت كلام تانى لاصحابك وانتى وصلك الكلام تعملى ايه

اقولها الكلام اللى هى قالتة لاصحابى من غير معرفها انهم قالولى واجننها شوية واضحك عليها واعرفها انها مش هتعرف تشتغلنى
من الاخر هعمل عليها ناصحة بقى وفقستها ههههههههه Basketball

نسيتي تسيبي سؤال يا ساسو

اسيب انا ياسوبيسو ولا تزعلي نفسك
اصلي انتي مش مورياهم العين الحمرا
عموما انتوا كده كده ليكوا عندي سؤال
خدوا السؤال بقى
بالراحة عليا اهو جاي ف السكة اهوه

لو مشكلة حصلت بين طرفين وانتي مش طرف فيهم بس ليكي علاقة بطرف فيهم و الطرف التاني ليه مجموعه ف صفه وطبعا زعلانين عشانه حتى لو هو على باطل المهم زعلانين منك وعملوا حاجات تدايقك واتعدوا عليكي ف حاجات تخصك ومش بيكلموكي لو قابلتيهم تعملي ايه وتتصرفي ازاي؟

مدام هى لعب عيال كدة أنتى كمان متكلمهمش برضة وفوجودهم كأنهم مش موجودين
سؤالى أنا بشتغل فمكان وليا وحدة صحبتى برضة بتجيب أوريفلام وهى عضوة تحتى المشكلة أنها تعاملها مش حلو ومبتنصحش الناس بالكويس والمهم مصلحتها فهم مش عيزين ياخدو منها وعيزين ياخدو منى أنا
أنا نصحتها بس هى مفيش فايدة مصلحتها أهم طيب أعمل أية مش عايزة أخسرها وأكيد مخسرش نفسى

بصي يا ساد بصرف النظر عن الشغل كده كده هيا مش ماشية مظبوط ودي رغبة الناس مش انتي اللي بوظتي عليها يعني انتي مدتيش عروض احسن منها ولا اي حاجه من دي

وده رزق ما المحلات ف نفس المجال بتبقى فاتحه جنب بعضيها وكل واحد ورزقه

فانتي عملتي اللي عليكي بما يرضي الله والناس اللي تتعامل معاكي مترفضيهاش واشتغلي عادي وتجنبيها
وفهميها انها كدا كدا تحتك يعني هيا بتشتغل انتي برده بتكسبي من شغلها ده مكافات او هدايا وكدا يعني بس الناس طلبوا منك انتي

وربنا يهدي ويسامحها انها مش بدل الناس على الكويس والمناسب ليها وبتضللهم كدا حرام ربنا يهديها
ارجو اكون فيدتك

السؤال: ايه الحاجه اللي مفتقداها ف حياتك ؟

لو انا مش عايزة اجب بقة
ققول اى نو كومينت
ولا اجب مش مشكلة ولا بلاش بقة
السؤال بقة اى الحاجة ال مفتقدهاااااا ف حياتك

يا سلام يا سمرمر
هههههههههههههههههههههههه
جاوبي وسيبي سؤال يالا بسرعه

هجاوب انا وخلاص
هما حاجتين الاولى السفر لكل بلاد العالم
الثانيه يكون ليا معارف كتير لان مليش اصحاب ناس بسيطه اوى
السؤال:- لو اتقدم لكى عريسين واحد عنده طفل وواحد من سنكوالاثنين بيحبوكى وممكن يعملوا اى شى علشانك والى عنده طفل اكثر رومانسيه وحنون اوى تختارى مين

اختار اللى من سنى طبعا وهو كدةكدة بيحبنى بردة

فين السوال يا ساره Wink

لو قابلتى انسان كنت طول حياتك بتتمنى تقابليه وحبتيه وحبك حب مالوش وصف بس الظروف كانت ملخبطة شوية معاه وانتى حواليكى ضغوط من كل ناحية تعملى اية؟

هصبر لحد ما ربنا يريد اننا نتجمعبس قبل الصبر هعمل استخاره واشوف اكمل ولا لا ولو اه هصبر لو لا هعتبر انى مش قابلته واكيد ربنا هيقف جنبى وينسينى حبه
لو الشخص الى بتحبيه اتغير بعد الجواز وبقى انسان مستهتر فى شغله وكسلان تعملى ايه

ييييييييييييييييييييييييييييييه هعمل كتييييييييييييييير ربنا ما يورى حد
Mad

ايه السؤال ده انا اللى جابنى هنا clown

ده يبقى عوضى على الله
كم مره قابلتى فى حياتك الصداقه الحقيقيه؟؟

انا الحمد لله الصداقة الحقيقية قابلتها كتير بس هو المسافات والظروف لكن الحمد لله التواصل مستمر وهم كتير الحمد لله ووقفوا جنبي كتير وجمايلهم كتير ف الدراسة والشغل وعلى المستوى الوجداني ساندوني كتير فالحمد لله

yamin كتب:: السؤال:- لو اتقدم لكى عريسين واحد عنده طفل وواحد من سنكوالاثنين بيحبوكى وممكن يعملوا اى شى علشانك والى عنده طفل اكثر رومانسيه وحنون اوى تختارى مين

اسمحولي انا عاوزة اجاوب ع السؤال ده
انا عن نفسي اختار اللي عنده طفل لان مميزاته احسن وانا محتاجاها اكتر وبصراحه انا اتعرضت لموقف شبيه مع ظروف تانيه بس عموما رفضي الشخصي مكنش عشان اولاده
لكن الرفض المجتمعي مش عايزة اقولكوا -اي حد وحش ارحم منه عشان انتي مش فيكي حاجه توافقي على
ده و........- عموما الكلام ده من سنين انا خلاص مخطوبة لحد كويس اوي دلوقتي بس انا بتكلم ع التجربة الاجتماعية وباركولي جبت الفرش اول امبارح ادعولي بقى وعقبال الكل

المهم عشان انا رغيت كتير انا عاوزة اوصل لحاجتين وهم ضد بعض
الاولى: ان العبرة باللي هيعيشك كويس ويكون جوازكوا رااااااااااائع مش بالمظاهر الاجتماعية
التانية: ان ف الاول والاخر البنت بالذات مش بيبقى رأيها لوحدها بالعكس محدش بيحط رايها ف الاعتبار ف الظروف اللي زي دي

اممممممممممممم
طبعا مستنين السؤال
طب يعني عماله اقولكوا جبت العفش وعاملة عروسة اتجنتلوا بقى واعملوا ديس كاونت وكفاية الاجابة -لأ اجابتين ولااا اجابة ومشاركة
اممممممممممممم برده مصممين طيب خليني انا العروسة بقى واسيب سؤال

السؤال:ايه اكبر طلب اطلب منك من صديقتك او من اي حد وتطلب منك تضحية ومقدرتيش تعمليها؟

اطلب منى انى اسامح واحده صحبتى غلطت فيا وفى الاخر سامحت وبس الكلام على قد الكلام
مبروك يا قمر العفش ويارب تتهنى وتتمتعى بيه وتعيشى وتجيبى والف مبروك يا قمر وان شاء الله تبقى عروسه قمر يا قمر
السؤال:- نفسك تقضى شهر العسل فين
سواء السوال ليكى او لاى حد تانى

ههههههههههههه مبروك ياقمر ربناااا يتتمملك بخير يارب
هو طبعا السؤال ليهااا
بس انا هاجب بردوا ان شاء الله
انا نفسى اروح 4 اماكن كل اسبوع بمكان
اول اسبوع الغردقة تانى اسبوع الفيوم تالت اسبوع مرسى مطروح
رابع اسبوع
اليكس
ولكن بما ان الظروف بقت صعبة جدا اليويمن دول ومحدش بياخد اساسا شهر اجازة من شغلو بيبقوا 10 ايام وبس اروح مرسى مطروح
السؤال بقة
لو حد قالك ان حبيبك بيخونك واصلا خاطب هتعملى اى مع العلم انك مينفعش تروحى تقوليلوا انها قالت كدا

اكيد هحاول اعرف من الى قالتلى تفاصيل اكتر علشان امشى على التفاصيل دى لحد ما اوصل للحقيقه وبعدين اقوله الحقيقه لما اتاكده واواجه بالى قالت كده
السؤال:- لو جوزك مش بيسمع كلامك ودايما فى حاجه كل ما تطلبيها منه ميعملهاش تعملى ايه

هستني ساعه صفا وهو رايق كده وهتكلم معاه في الموضوع بس بهزار ودلع مش لازم احسسه انه موضوع بقي واقعده قدامي وكده
ولو هو بيهمه زعلي واني ابقي مضايقه من حاجه هفهمه ان دي حاجه بتزعلني او بتضايقني فياريت ميعملهاش ونتفق نغيرها ازاي,ولازم يوصله ان كل واحد بييجي علي نفسه شويه عشان التاني مره عليه ومره عليا

وممكن اقوله حط نفسك مكاني وتخيل الموقف وشوف احساسك ساعتها لأن اوقات الواخد لما مش بيفكر بالطريقه دي يعني مش بيحط نفسه مكان الطرف التاني شويه ممكن يبقي اناني

في الأول والأخر بحس ان التصرف بيكون حسب شخصيه اللي قدامك
في حد ممكن يجي بعتاب في ممكن انك تقولي اللي عيزاه وسط الكلام بهزار في انك تتقلي وتعملي زعلانه شويه يعني

السؤال:لو ممكن تكوني شخص تاني لمده يوم واحد تتمني تبقي مين؟

اتمنى انى ابقى عمر خيرت لانى بحب عزف البيانو موت وكان نفسى اتعلمة بس للاسف محصلش
وسوالى بقى ايه اكتر صفة فى اى بنى ادم لايمكن تطيقيها او تتعاملى معاها؟

التناااااااااااااااااااااكة
ياساتر يارب على الشخص التنك
انا طبعا اى حد يتنك بتنك علية بس ببقة مش طيقااااااة وقرفانة منواا
عشان من تواضع لله رفعة
السؤال بقة
بتحبى شوكلاتة جلاكسى ولالا

بموووووووووووووووووت فيها وخصوصا الفلوتس
بتحبى يكون عندك رصيد فى البنك وعربيه اخر موديل ولا بتحبى تكونى عاديه ومش بتحبى المظاهر الكدابه

اه احب يكون عندي رصيد ف البنك وبالنسبة للعربية لا مش مهم اخر موديل ولا بحب المظاهر اصلا بس احب الحاجة الروشة والكماليات
اللي احتاجها زي التكييف طبعا في صيف مصر والزحمة لازم والا هنزل اولع فيها واسيبها ف نص الشارع

السؤال: ايه الحاجة الي ممكن تغيري من واحدة صاحبتك او اي واحدة في ظروفك عشانها -مش تستخسريها فيها- بس تتمني تكون عندك؟

» سؤال متكرر بيننا ارجو الاجابة
» سؤال ارجو الاجابة عليه سريعا !!!!
» سؤال هام جداااااااااااااااا؟؟؟؟؟؟؟
» سؤال هام جدا
» سؤال لاي حد جرب