منى سؤال ومنك الاجابة

انا الصفه اللى فعلا مكنش نفسي تبقي موجوده فى شخصيتى هى العصبيه
انا فعلا عصبيه اوى وده بيزعل ناس كتير حولى
وفعلا بحاول اقللها على اد ما اقدر
السؤال:
ايه الصفه اللى لو كنت موجوده فى شريك حياتك لا يمكن تتعايشي معاها؟
ارجو الرد من اللى هيدخل بعدى

الصفه اللى مقدرش اتعايش معاها فى شريك حياتى الكدب لانى مش هقدر اصدقه تانى

السؤال :: امتى اخر مرة عملتى وقفه مع نفسك؟؟؟

اسماء ودودو اشكركم حبيباتى على تفاعلكم ومشاركتم بالموضوع

طيب انتى مجاوبتيش ليه يا رحاب

اجاوب انا بس بعد ما احيي رحاب علي الموضوع الهاااااااااااااااااااااايل
ميرسي يا قمر ........... الموضوع مفيد جدا وحلو اوي ومفيييييييييييييييييد ويستاهل التثبيت لانه لعبة مسلية ومفيييدة جدا الف شكر حبيبتي

الاجابة :اخر مرة وقفت فيها مع نفسي اول امبارح وبصراحة بستفتها وبهدلتها علي الاخر .... ومدياها فرصة تانية لنهاية الاسبوع ده ويانا يا هيا

سؤالي للي هتدخل بعدي
ايه رائيك في التشات الجديد في المنتدي في اسفل الصفحة الرئيسية للمنتدي؟؟؟

حلو قوى يا رشا بس يا ريت نتقابل كلنا فيه

سؤال للى بعدى

مين اخر واحد بتفتكريه قبل ماتنامى؟؟؟ اللى تيجى بعدى ترد

الموضوع لذيذ جدا شكرا يا رحاب
أجاوب السؤال: اخر واحد دايما افكر فيه بابا ربنا يخليه لانه تعب علشانا كتير وطيب جدا جدا بس الناس مبترحمش ودايما ادعيله هو وماما ربنا يفرج همهم وادعولهم انتو كمان لان الدعاء لأخيك بظهر الغيب مستجاب ولك بالمثل
السؤال :لو شفتي في يوم انسان بيظلم انسان هتحقي الحق عشان ترضي ربنا واله هتقولي وأنا مالي ؟؟؟

لأ اكيد هحق الحق
لانه صعب اوى انك تشوفى حد بيتظلم وتقولى وانا مالى
مع ان فى ناس كتيركده
السؤال:
هل ممكن تسامحى صحبتك المقربه منك لو نصفت حد غلطان عليكى؟

اه ممكن

السؤال:: امتى دموعك بتنزل؟؟؟

لما احس ان الناس اللى بحبهم اوى نسيونى
وسؤالى:ايه الصفه اللى كانت نفسك تبقي فيكى ومش موجوده؟

اهلا يا بنات
الموضوع جميل على فكره يارحاب
وهيكون اجمل بتواجدنا ومشاركتنا وتفاعلنا فيه
اجاوب انا على السؤال اللى محدش راضى يجاوب عليه انا هقول



(((((((((((((((((( لا لا ))))))))))))))))


انا مش هقدر اسامحه يمكن هحاول ابين انى مسمحه بس حقيقى من جوايا مش هقدر وعلى فكره ده حاصل فعلا

سؤالى بقا

بتعمل ايه لما بتبقا اودام كذا اختيار وبعدمتحتاااااااااااااااااارمش قادر تاخد القرار وبصراحه ده طبعا
ينفع شعر ههههههههه

مستنيا الاجابه

اشكرك يا ملك على مرورك وتفاعلك مع الموضوع
واجابتى على السؤال هى
انى هحاول اختار الحاجة الايسر والاحسن ليا
وسؤالى للى بعدى
هلى تعرفى من هم العشرة المبشرين بالجنة

معلش يا رحاب انا بجد شوية بعيدة عن المنتدى اليومين دول
لان انتى عارفه الدراسة وهمها
وكمان عندى امتحانات قريب
وسؤالى للى بعدى:
ايه اكتر حاجة بتحيبى تعمليها فى وقت فراغك؟

بحب اخرج مع اصحابى و لو منفعش نرغى ف التليفون
و سؤالى للى بعدى :
اى هى اكتر مثل او مقولة سمعتيها و اثرت ف حياتك؟؟ و غيرت فيكى اى ؟؟؟

السلام عليكم يا بنات
الموضوع هايل يا رحاب وتسلمى عليه وانا حاسه انه هيقربنا من بعض
الاجابه:السخص الا اثر على شخصيتى قوى هى امى
واثرت فى بقوتها الشخصيه وتحملها لخمس اولاد مختلفين تماما وكانت قريبا مننا قوى وحبت كل شئ بنحبه وكمان بتناقشنا فيه مهما كان بعيد او قريب عن تفكيرها مش هتتخيلوا قدا ايه هى مثقفه رغم انه لا تقراء ولا تكتب بس كان لازم تفكر زينا علشان تحافظ علينا وتخلينا نبنى شخصيتنا المختلفه

سؤالى:هل تعتقدى ان الحب الصادق البرئ موجود فعلا ولا دا مجرد كلام اعلانات ؟
وانا اقصد الحب المؤدى او الناتج عن الجواز

اكيد موجود بس كل واحد وقدرة ونصيبة سؤالى بقي لية احنا بقينا اسيين اوى على نفسنا مش كفاية اللى حوالينا؟

عشان القسوة على النفس ارحم كتير من القسوة على الغير .. ويا بخت من بات مظلوم ومباتش ظالم
سؤالي بقي ؟؟ . ايه هي الآية القرآنية اللي لما بتسمعيها بتبكي من خشية الله ؟؟

انا شخصيا مش من ايه بس اللى بسمعها وببكى ده القران كله طول منتى فعلا بتسمعى وتقرى القران وتبقى فعلا فهماه بتلاقى دموعك
نزلت لوحدها ربنا يحفظنا جميعا ويبعد عننا اى شر ويكرمنا فى احسن حال

وبجد بشكرك قوى على الموضوع الرائع ده هو فعلا مسلى وممتع وبنتعلم منه ومن اراء الاخرين
سؤالى بقى
ليه الانسان بيبقى عارف انى الحاجه دى غلط او حرام او مينفعش تحصل وبالرغم من كده بيعملها يعنى مثلا الاغانى حرام وكلنا عارفين كده وبالرغم من كده فى ناس كتير بتسمعها وحاجات تانيه كتير قوى

ده بيكون تساهل فى طبع الانسان نفسه وسؤالى بقه مين اغبى انسان قابلتيه فى حياتك

يوووووووه يا رانيا الاغبية كتير قوي دلوقتي اقولك مين ولا مين بس الواحد طول ما هو شغال بيقابل والغباء بيكون انواع ودرجات بعيد عنك سؤالي ايه اكتر موقف محرج اتحطيتي فيه ؟

اكتر موقف محرج اتحطيت فيه كنت لبسه ومتشيكه على سنجه عشره زى مابيقولو وكنت اول مره البس حزاء بكعب
واحده جرتى شفتنى قلتلى كبرتى قوى ياأمل اللى يشوفك يقول عليكى عروسه ملحوظه انا كنت لسه فى اولى ثانوى
المهم لقيت نفسى بقدره قادر رجليا اتلفو على بعض بشكل غير طبيعى ووقعت فى بركه طين مقلكوش لما قومت كان شكلى عامل ازاى
المشكله الاكبر ان كان تقريبا كل شباب الشارع وقفين وشافو الموقف
وطبعا انتو مقدرين احساسى كان ايه؟
سؤالى بقى
تعمل ايه اللى زعلانه من جوزها وشيله فى قلبها منه زعله كبيره صعب تسمحه عليها
وفى نفس الوقت متقدرش تسيبه وتنفصل عنه لاكتر من سبب؟ياريت حد يجوبنى

معاكي حق يا امولة الموقف محرج اوى

اجابتي : فيه فرق بين الزعل وجرح الكرامة والمشاعر .. من السهل انك تزعلي من اي حد وكل يوم . اما بقى كون الزعلة كبيرة وشايلة في القلب كمان ده معناه انها بتحبه جدا . الست بطبعها حساسة قوي ووفية جدا . لما بتحب بتحب بجد ولما بتقسى اعرفي ان فيه حاجة كبيرة قوي اكبر من الزعلة الكبيرة اللي بتقولي عليها جرحت كرامتها وخليتها تقسى . اما حكاية انها في نفس الوقت متقدرش تسيبه وتنفصل عنه ده معناه انها باقية عليه ومش هاين عليها العشرة . فياريت تحاول تسامحه وتراجع نفسها يمكن تكون غلطانه ومش واخده بالها . ولو هو اللي غلطان تحاول تتفاهم معاه بس مش تقوله انت غلطان وتزعق معاه ياريت بالود والحنية تحاول تكسب قلبه وتبين له انها زعلانة منه لكن بلطف ودلع .. الراجل دايما بيحب يحس انه مسيطر وماسك زمام الامور وميحبش الست المتسلطة وسليطة اللسان .. ياريت الصبر والحكمه في حل الامور وان شاء الله يراجع نفسه والامور تبقى على مايرام ..


سؤالي : ايه هو اكتر موقف حسيتي فيه ان كرامتك انجرحت وكان بالنسبة ليكي اهانة كبيرة ؟؟

شكرا ليكى يا رحاب على الموضوع الجميل دة اللى هيخلى اعضاء المنتدى يتعرفوا على بعض من قرب وتمنياتى لكى بالنجاح بالسبة للاجابة على السؤال انا الحمد لله لغاية دلوئتى مااتعرضتش للموقف دة فى حياتى

سؤالى: ايه مقياس الرقة والدلع للبنوتة؟