مين هايكسب فى الانتخابات؟

يا جماعة كل الاراء تحترم و على دماغى بس انا راى متواضع ممكن تسمعوه بليييييز؟
دلوقتى احنا بنعدى بيومين مش سهلين ونقطة فاصلة وربنا يعديها على خير ويحافظ على مصر بس انا عاملة البوست ده عشان يلمنا مش عشان نتختلف مع بعض وانا بعتذر بجد لانى كان قصدى خير
وكل المرشحين مصريين الحمدلله يا جماعة مافيش حد دسيسة من السويد ولا حاجة الحمد لله ههههه يارب بس اوريفليم ما تزعلش
المهم ان الحمدلله كلنا واثقين فى ربنا انه هيختار الاصلح لمصر ويبعد عنها الفتن باذن الله واحنا كلنا هنا اصحاب واخوات واش ا مافيش حاجة هاتغير من الحقيقة دى
بحبكم كلكم

د ورده كتب:

يابنات الرجاء التوقف عن الكلام دا خالص وكل واحد يحتفظ برائيه لنفسه سواء كان صواب او خطأ

اللهم يكرمكو احنا هنا مش فى محاوره سياسيه ونخسر بعض اللى ربنا كاتبه هيحصل ومهما اتكلمنا فلامفر من قضاء الله

اتمنى تسمعونى لان مهما اتكلمنا مش هنرجع للشهيد دمه اللى راح هدر ولا لام الشهيد ابنها اللى راح

اتمنى نوقف الكلام دا ارجووووووووووووووووووووكم وكونو فقط اخوات متحابين فى الله

ربنا يباركلك ويكرمك يا وردة

اقتباس :

إسمحى لي يا أم عبد الله وتحيه ليكى واحترامى لكل كلامك
بس أنا لى رأى بعد إذنك

لو كانوا فعلا عايزين يطبقوا شرع ربنا مش كانوا دخلوا مجال السياسه والسلطة وتسارعوا وتهافتوا عليها
بيقولوا انهم هيساعدوا الثورة
طيب
ماهما أداروا ظهرهم للثورة وقت موقعة محمد محمود والعباسيه وقالوا ان اللى
فى الشارع دول شوية عيال وراحوا اتفقوا مع المجلس العسكرى
وطلعوا بيان ان المعتصمين لازم يروحوا بيوتهم
لو كانوا فعلا نيتهم الدين مش كانوا كذبوا ولا كانوا نقضوا كلامهم وعهدهم
مش كانوا طلعوا بقالهم كام يوم بالتهديد والوعيد وان اللى انتخبوا شفيق دمائهم لا تسوى دماء دجاجة وسوف يداس عليهم بالنعال
هو دم الناس مستباح قوى كده
دول أكتر من خمسة مليون شخص ؟؟ هتبقى مذبحة بقى يعنى
وطلعوا فتوة ان اللى ينتخب غير الاسلاميين يبقى آثم
وده كلام ؟؟؟
واسلوب بصراحة مستغرباه وأستنكره عليهم لأنه اسلوب يسيئ ليهم كنخبة دينيه

أنا
مش هخوض فى كلام عن الإخوان وإوعوا تفتكروا إنى بضطهدهم أكيد لأ , بس دول
مش من الإخوان المسلمين الحقيقين تعالى شوفى تصريحات الاخوان الحقيقين اللى
بيقولوا ان الاخوان مش من المفروض انهم يبقوا فى سلطة اصلا ولا يسعوا ليها
3
وان اللى بيحصل منهم دلوقتى عار على جماعة الاخوان
وليا سؤال معلش رئيس المخابرات القطرية كان بيعمل ايه معاهم من يومين ؟؟
وأكيد أنتم عارفين قطر نفسها فى ايه من مصر ؟؟؟
أرجوكم
يا جماعه أنا مش بدافع عن حد لكن أنتم فعلا واخدين الامور عن الاخوان
بعباءه بيضاء ورغم ان السواد واضح فيها جدا الا انكم عاميين نفسكم عنه
وعلى فكره أنا جدى كان من الإخوان المسلمين وعاشرته فترة طويلة قبل مايموت
وأصدقاءه كانوا من أروع ناس فى الإخوان
الشيخ الغزالى وناس تانيه كتير
وخلفيتى كبيره قوى عنهم
علشان كده بقول لكم إن الموجودين على الساحة دلوقتى مش إخوان
الموجودين دلوقتى بيحطوا الدين سبب للوصول لغايتهم

يعنى انا مش بتكلم من فراغ

أنا فى دمى دم واحد منهم يعنى أكيد مش بفترى عليهم بس دى حقيقتهم

وارجعوا لأراء أصحاب العقول وانتم تعرفوا
الشيخ محمد حسان والشيخ مشارى راشد وغيرهم

ومش فى حد مسلم هيكره ان شريعته تطبق فى كل معاملتنا فى الحياة
بس ده مسلك إتجاه نابع مننا أولا
وبدون الإساءه لأى حد ياريت كلنا نتقبل بعض برحابة صدر
جزاك الله خيرا بس أنا ليه رد على كلامك
فكرة أن نطالب من يريد تطبيق الشرع بأنه المفروض يبتعد عن السياسة والسلطة فكرة غريبة جدا لأنه تخيلي لو تنحي كل من يريد هذا الفكر بعيدا عن السياسة و تركت لمن يريدون العلمانية و الحرية المطلقة للناس و تهميش دور الدين كيف سيكون النظام العام للدولة سيحارب الدين ويمنع في المدارس والمساجد كما كان يحدث طوال 60سنة ومثلما حدث في تركيا حتى وصل الأمر إلى منع الحجاب في المدارس والجامعات وكانت البنات المحجبات ترتدي باروكة فوق الحجاب لتستطيع دخول الجامعة، لماذا نعيب على من يطالب بتفعيل دور الدين أن يسعى للسلطة ولا نعيب من يريد تهميش الدين بسعيه للسلطة مع أنه من باب الحرية يحق لكل أحد أن يعمل بالسياسة والسلطة هي باب من أبواب تطبيق الفكر عمليا
أما موضوع محمد محمود فهو إختلاف في وجهات النظر بدليل أن حازم صلاح أبو اسماعيل لما نزل محمد محمود ودعى الناس للنزول الإعلام اتهمه وقال عليه محرض وفي نفس الوقت قالوا إزاي الإخوان ما ينزلوش يعنى اتهمه الإسلاميين على فعلين ضد بعض والأصل أن كل واحد يرى المصلحة من وجهة نظره ولا يجب أن يلام طرف ويتهم بالخيانة لمجرد أنه رأى مصلحة البلد من اتجاه مغاير للآخر
أما موضوع التهديد فهو مفهوم خطأ لأنهم قالوا هذا الكلام عن رموز النظام السابق الذين ظلموا الشعب وليس عن الشعب نفسه حتى لوانتخب هذه الرموز وفي هذا أنصحك بأن لا تنقلي أي شيئ إلا ما سمعتيه بنفسك لأن من قال لك لوغير كلمة أو حرف بدون قصد تغيرالمعنى وأصبحتي تنشري شيئا غير حقيقيا و أخيرا أريدك أن تعلمي أنه لا مشكلة في أن نختلف مع الإخوان أو السلفيين أو أن نعترض على إساءتهم التعبير في أي وقت لأنهم ليسوا ملائكة لكن لا ننساق لكلام الإعلام ولحملة التشويه المتعمد لكل من ينادي بتطبيق الشرع أو أن نشارك فيها لأن أكبر آمال العدو أن نختلف لدرجة الكراهيةو أن نفقد الثقة في بعضنا ونخون بعض وبهذه الطريقة ينتصر علينا و تموت الثورة الحقيقة أن كل المسلمين يريدون تطبيق شرع الله لذا يجب علينا أن نختار من يسعى في هذا الطريق وإن كنا نختلف معه في بعض النقاط أفضل من من يريد أن يجعل حريتنا في أن نقلد الغرب ولا يعطينا الحرية في أن ندرس ديننا أو نطبقه وعلى فكرة كثير من الشيوخ مثل الشيخ الحويني و الشيخ محمود المصري يؤيدون د محمد مرسي ليس لأنهم يوافقون الإخوان و لكن لأننا نؤيد من هو يعلن أنه مع الشرع و من نعلم أنه يخاف الله و يجب أن تعلمي أننا مهما إختلفنا فيجب أن نظل أخوة في الله

ازيكم يا بنات معلش يا وردة ممكن اقول رايى اولا يا منمون ياجميل انتى شفتى او تعرفى حد من الاخوان سرق او قتل قبل كدة علشان يعملو كدة بعدين يا بنات الاعلام بتاعنا دة الله يهديهم نازلين هجوم من نار على الاخوان ولية دة كلة لية كل الكرة دة وعلى فكرة اذا ربنا قدر لمرسى بالفوز كل الاعلام دة هيغير كلامة 360درجة وموضوع ندوس عليهم بالاقدام دة معناة ان كل السارقبين من النظام السابق والفاسدين لو حبو يرجعو تانى نقف لهم ولا نسمح لهم بالعودة وسرقة البلد مرة اخرى واللى انا شيفاة ان اى حاجة تخص الاخوان نكبرها ولو تخص حد اخر تمر مرور الكرام وموضوع الرجوع بالمراة للوراء دى اكاذيب الاعلام اللى بيضحكو بيها على الناس ويخوفوهم من الاخوان من الاخوان سيدات اعمال واساتذة فى جميع المجالات يعنى الاخوانية مش محبوسة فى البيت وشوفتهم فى السلاسل البشرية اللى عملوها ناس عادية خالص لبسين طرح عادية وفى المنقبة برغبتها وعندى جيرانى لبسهم عادى زينا لا نقاب ولا غيرة وبيروحو مصايف وعايشين حياتهم عادى خالص معلش اسمحولى اللى هتنتخب شفيق لو ليها حد مات فى الثورة كان ليها نفس لاالراى ولما نقابل الشهيد يوم القيامة نقولة ضحيت علشانا واحنا بعنا اهلك ودمك نفكر شوية شوفتو نائب نتنياهو قال انتخاب شفيق يعنى رجوع العلاقات الاستراتيجية معا وطبعا الغاز يتصدر تانى بابخس الاثمان وقالوشفيق هو املنا دة من صحيفة عبرية يا ريت نفكر فى الشهيد واهلة وحرقة قلب امة

ربنا يحفظكم جميعا ويعزكم ويحفظ مصرنا ويولي علينا الأصلح ومن يصلح ويجمعنا دائما على خير و يجمعنا جميعا في الجنة تحت لواء سيدنا محمد صلى الله عليه وسلم خاتم الأنبياء و المرسلين آمين و أن شاء الله الخلاف في الرأي لايفسد للود قضية وجزاكم الله خيرا

hازيك يا وردة والله كلامك كلة مظبوط انا قلبى موجوع على الشهداء واهلهم لية نقولهم ابنكم دم ابنكم رخيص مش غالى علينا بانتخاب شفيق لية نحرق قلبهم مرة تانية لية مش دى امى وامك وابويا وابوكى واخويا واخوكى لية لية فين لية لسة دلوقتى والله سامعة التعليقات فى الصحف العبرية بيقولو دة من صحيفة احرنوت لازم نفكر فى طرق لدعم شفيق ونجاحة فى الانتخابات لاننا نخشى من وصول مرسى لان معناة مشروع نهضة يخدم كل الفقراء وتصبح مصر قوية مثل تركيا وهذا خطر علينا وقالت الصحف الايام القادمة دعم وتوجية للصحف المصرية لتشوية مرسى والاخوان وان من دعم شفيق هم اعضاء الوطنى ماليا ويدعمونة فى الاعادة وعلى ةواسرائيل تفكر فى كيفية دعم شفيق الم تلاحظو انة اخد اعلى الاصوات فى اسرائيل ولم تعرفو ما قالة عندما اجتمع مع اعضاء الغرفة التجارية الامريكية قال سنعيد الامن بالقوة الوحشية والمعتقالات يعنى نظام مبارك راجع تانى

سيكرت يا قمر بصى ممكن تصلى استخارة وتدعى ربنا يوجة صوتك للاصلح وكترى من دعائك دة

ياريت كلنا نصلي وندعي ربنا
هو سبحانه وتعالي قادر ينجي البلد ويحميها ويحافظ عليها
ويصبر اهالي الشهداء

ومش معني اننا بنختلف في الراي اننا نكره بعض
بالعكس لازم نفضل اخوات ونحب بعض
بس نخلي بالنا من التلفزيون والجرايد اللي بتنشر كلام غريب جدا وبتهاجم الدين بشكل مستفز

ازيك يا نهى ربنا يخليلك ابنك وتفرحى بية ويكون بار بوالدية حبيبتى احنا لا نقصد انك بتضيعى دم الشهداء وقلبك حجر والعياذ بالله ربنا يرقق قلوبنا جميعا اللى نقصدة حبيبتى انة دة من نظام مبارك هل تتوقعى انة هيحاسب مبارك ونلاقى احمد عز وجمال تانى طيب تعرفى يا نهى دلوقتى الحملة المضادة للاخوان بينزلو منقبات فى المترو ويقعدوا يكلمو البنات بشكل غير محترم واحنا الاخوان هنمسك وهنقعدكو فى البيت والفجور دة هيخلص حسبى الله ونعم الوكيل فى كل واحدة او واحد باع ضميرة بالفلوس ويشهد الله ان الاخوان مش كدة لانى بعرف ناس كتير منهم وانا كنت مسافرة بداية زواجى فى دولة عربية اقسم بالله وجدت اناس حولى فى كل ظروفى ومعى فى ولادتى بقعد ب3 اسلبيع الاكل يجى يوميا وعلى طول واحدة عندى تخلص امور البيت والله لم ارى منهم الا كل خير وحب وود بدون مقابل وعرفت انهم من الاخوان ولغاية دلوقتى علاقتى مستمرة معاهم منهم اللى رجع مصر ومنهم اللى لسةبعتبر الفترة اللى قضيتها معاهم اجمل ايام حياتى والله بصدق دون مبالغةكنت بلاقيهم جنبى فى الصغيرة قبل الكبيرة لذلك انا بحبهم ومش معنى الحب انك من الاخوان بس بقول شهادة حق فى حقهم وربنا يولى بلدنا الاصلح ويوفقنا فى الاختيار بس لازم كلنا نبقى اخوات زى ما احنا وندعى ربنا كتير الايام دى ربنا يقينا شر الفتن ويجعل تدبير الاعداء لمصر تدميرا لهم انة العزيز الجبار

علي فكرة اسرائيل بتوجه بالعكس لما بتكون عايزه شى لان يهمها ان الاسلاميين يمسكوا البلد علشان تقدر تنفز مخططها يعنى تقول ان فلان يكون احسن لما يحكم مصر وهيه كده بتدفعك لانتخاب الاخر سياستهم غريبه بس كل المحللين السياسيين عارفين كدة

يا جماعه من الاخر انا هقولكم حاجه وياريت نبدا في تنفيذها
اولا اللى ((متعلم)) واختار شفيق وناقشته مره ومصمم على رائيه ده خلاص تفكك منه لانه خلاص دماغه اتركبت كدا ومش مدرك انه اخد كم من الدعوى من الفلسطنين والسوريين اللى هو بصوته اللى هيتحاسب عليه يوم القيامه داس على كرامتهم واحبطهم يقومو بثوره ليه
ف خلاص المتعلم وعارف الصح من الغلط واختار شفيق فوض فيه الامر لله

_________________________

الاهم دلوقتى الناس اللى مش متعلمه الباعه اللى ف الاسواق والناس البسيطه اللى لا بتقرا ولا بتكتب اللى كان اول يوم ليا معاهم انهارده من عمال الكليات وباعه الاسواق والناس ف المواصلات الللى لافيتهم بالاجماع بيقولو شفيق لان هو اللى صوره متعلقه ف كل السوق وهما مش فاهمين حاجه ولا عارفين لما بدات اشرح لهم الحمد لله الحوار كان مثمر واقتنع اكتر من 20 وباذن الله مكملين ((((((في اخر فرصه لانقاذ مصر)))

دول االلى ياريت نركز معاهم لان الناس اللى على النت متعلمين وفاهمين خلاص تحاول معاهم مره وبعدها خلاص متوجعش دماغك وانزل للناس وثوابك كبير عند ربنا ويكفيك حبك لبلدك وخوفك عليها
واللى يثبت كلامى ان اول مره ف الانتخابات مكنتش اتصور ان حد ممكن ينتخب شفيق الا الحزب الوطنى اللى شفتهم على النت ودول كانو قله قليله انما لما نزلت لارض الواقع لاقيت غير كدا

(((( للعلم انا لا انتمى للتيار الاخوانى ولا السلفي ولا اى حزب)))) مجرد بننقذ ما يمكن انقاذه ياريت يا بنات نبدا ف التنفيذ

ايوة يا نونا الناس اللى بتجرى ورا لقمة العيش طول اليوم عايزة اللى يفهمها والاجر عند الله وربنا يولى علينا الاصلح

ربنا يكرمك يانونا باللي بتعمليه ده
فعلا في ناس كتير مش واضح عندها الموضوع وملتبس عليها الامر خالص

انا اسفة الموضوع قديم و مليش خلق اقراء كل الكلام عشان مخنوقة
انا موقفي المقاطعة و لان يغير رائي شي بس محتارة ما بين المقطعة السلبية اني مروحش او مقطعة ايجابية اني اروح ابطل صوتي

سبحان الله المقاطعة معناها إن حد هايختار بدالك وهاتبقي برضه مسئولة لأنك سبتيه يختار بدالك الحل إنك تستشيري وتستخيري أي تستشيري من حولك وتسمعي كل الأراء وتستخيري الله وتدعي له أن يلهمك الصواب وينور بصيرتك ويرشدك للإختيار الذي فيه رضاه، ربنا يولي علينا الأصلح و من يصلح