مين هايكسب فى الانتخابات؟

كون ان حد ماينزلش معناها ان صوته راح
واللي هيكسب الفلول لانهم بيجمعوا بعض دلوقتي
وبصراحة مر الاخوان (ده لو كان مر) ولانار الفلول
ومشروع الاخوان حلو مش وحش ولاحاجة
واحنا كلنا اخوات والاختلاف في الراي ده صح ومفيد للجميع
وان شاء الله تتجمع الاصوات ليه
وربنا يكرم البلد وينجيها ويعدي الايام دي علي خير
ان شاء الله

حلو توقيعك ده ياوردة
فعلا بيعبر عن الواقع بالظبط

nona mido كتب:

باذن الله دكتور مرسي ناجح باذن الله وادينا بنكثف الحمله بتاعتنا
مش عاوزين نخلع نظام ونجيبه تانى نجيب المتهم التانى في موقعه الجمل واللى الدين مش من اولوياته اصلا واللى مييقدرش يحكم على مبارك واعوانه لانهم ماسكين عليه ملفات توديه ف داهيه وله فضايح كتير كلها موجودة ع اليوتيوب يعنى مش ظلم ولا افترا
ولو كان الاخوان دواء مر ف شفيق سرطان مميت
واحنا جربنا 30 سنه مش هيمنع نبدا تنفيذ مشروع النهضه ونبدا ندى صوتنا لمرسي لان اولا واخيرا لو منزلناش يعنى بنقزل نعم للفلول

باذن الله يا بنات ده دورنا الفتره الجايه اننا نوعى الناس ان محدش يقاطع ولا يروح يبطل ولا الكلام الفارغ ده وانهم يصوتو لمحمد مرسي ومش هنضحك عليهم لا هنشرحلهم موقف كل مرشح وهما هيختارو بناءا عليه
واللى كان سمع كلام دكتور مرسي امبارح على قناه النهار كان عرف يحسم قراره ولو انها مش محتاجه
وانا مش اخوانيه ولا حاجه بس بحترم الاخوان لان عمرهم ما قلو ادبهم على حد ولا اعتدو على حد ولا تسببو ف اذى
وغير كدا احنا مبقاش قدمنا اختيارات
(((فرصه اخيره لانقاااااذ مصر الثوره))))

هيكون دورنا مع الناس البسطاء اللى والله كنت بسالهم هتنتخبو مين قالولى هما قالولنا خدو السلم السلم كويس وهما ميعرفوش حاجه انا بتكلم عن الناس البسيطه جدا اللى لا بتقرا ولا بتكتب

واولا واخيرا ربنا يولى من يصلح ويولى علينا خيارانا

فعلا المفروض نعمل كده دلوقتي
وندعي ربنا يكرمنا

الاثنين اسخم من بعض ، واحد حيرجع المرأة 100 سنة لوراء والثانى من الفلول ، ولا عزاء للشعب المصرى

يا ريت حمدين اللى كسب أنا انتخبته لانه الوسط بينهم ، لا عنده أراء راجعية ولا من الفلول ، بل بالعكس اشتراكى يعنى حيساعد العمال والطبقة المتوسطة زى عبد الناصر

لو كان حمدين صباحي في الاعادة مع شفيق
كنت هختار اكيد حمدين صباحي
ومفيش رجعية ولا حاجة كل الستات في الاخوان بيشتغلوا وبينزلوا مظاهرات وشفوتهم كانوا مندوبين في لجان الانتخابات
يعن مفيش حد هيرجع المراة للوراء ولا حاجة
وعلي فكرة اكتر حاجة بتدي للمرأة حقوقها هي الشريعة
المرأة في الشريعة ليها حقوق كتير اوي
لانها هي الام والاخت والزوجة والبنت
شوفي الشريعة ادت لكل واحدة من دول حقوق ايه
هتعرفي ربنا سبحانه وتعالي كرم المرأة اد ايه بس العيب في التطبيق مش في النص

اديكى قولتيها ياجيجى العيب ف التطبيق والاخوان هيطبقوا ع مزاجهم

والله ياموني
المهم يكون حد حاطط الموضوع ده في دماغه مش الدين اصلا مايهموش في حاجة
تعرفي انا كنت مفكرة ان المساواة بين الرجل والمراة والكلام ده هو اللي يجيب للمرأة حقوقها صح بس لما قرات في الشريعة عن حقوق المرأة اتخضيت الشريعة بتدي المرأة حقوق كتير اوي مش واخدين بالنا منها واراء الفقهاء في حقوق المرأة حلوة جدا
وكانها واخدة حقوق اكتر من الراجل بكتير

كل واحد محتار يرؤح يدي صوتة لمين يسال نفسة سؤال --انت تريد مصر دولة مدنية ام دينية ---بغض النظر عن اي شي اخر لان البلد لا تتحمل الخلاف الان وعلية ها يقرر صوتة لمين

اقتباس :

لو كان حمدين صباحي في الاعادة مع شفيق
كنت هختار اكيد حمدين صباحي
ومفيش رجعية ولا حاجة كل الستات في الاخوان بيشتغلوا وبينزلوا مظاهرات وشفوتهم كانوا مندوبين في لجان الانتخابات
يعن مفيش حد هيرجع المراة للوراء ولا حاجة
وعلي فكرة اكتر حاجة بتدي للمرأة حقوقها هي الشريعة
المرأة في الشريعة ليها حقوق كتير اوي
لانها هي الام والاخت والزوجة والبنت
شوفي الشريعة ادت لكل واحدة من دول حقوق ايه
هتعرفي ربنا سبحانه وتعالي كرم المرأة اد ايه بس العيب في التطبيق مش في النص

تسلمى يا جيجي ع العقل والكلام ده ياريت كل الشعب فاهم زيك
من امتى الاخوان متخلفين وبيركبو جمل وماسكين سيف مش عارفه

وكمان مفيش دوله اسلاميه _رغم ان ده مش وحش_ في حاجه اسمها دوله مدنيه بمرجعيه اسلاميه والاخوان صرحو ب ده

ربنا يبارك فيك وفي عقلك يانونا

السلام عليكم و رحمة الله و بركاته
يابنات كل واحد من حقه يختار إللي هو عايزة لكن بلاش تشويه الطرف الآخر و نشر الشلئعات إللي بيروج لها الإعلام
أولا الإخوان مخدوش 73 في الميه من مجلس الشعب ده حاصل جمع الإخوان مع السلفيين و السلفيين لا يملك الإخوان السيطرة عليهم ولا تقيددهم بما يقررونه هم كما أنهم لم يقولوا أبدا بعدم الخروج على الحاكم و كان هذا رأي فئة من صغيرة من السلفيين أما الباقي فشاركوا في الثورة وبشهادة كل الناس الإخوان شاركوا بشكل كبيرفي حماية الثوار الثوار يوم موقعة الجمل
ثانيا الإخوان لما قتلوا زمان كانو بيقاوموا الإحتلال زي كل مصر غيركده كانوا جماعة سلمية تسعى لتطبيق شرع الله
ثالثا لا أحد يريد أن يرجع بالمرأة للوراء أبدا لأن المرأة في الشريعة درة مصونة يحافظ عليها الإسلام ويعطي لها كل الحقوق رابعا لا يستطيع الإخوان أو غيرهم تطبيق الشرع على مزاجهم لأن التطبيق سوف يكون من خلال هيئة متكاملة زي الأزهر خامسا الكلام عن الإسلاميين عموما بيكون كأنه كلام عن كائنات فضائية تريد حرق البلد واحتلالها ودخولها في حرب أهلية و ننسى أنهم مصريون يعيشون وعائلاتهم في هذه البلد فكيف يفعلون هذا بأهلهم و أنهم للآن لم يسيئوا لأحد بل على العكس يأخذون النصيب الأكبر من الشائعات والشتائم و أنهم كانوا مضطهدين فعلا من النظام السابق و هم أكثر من وقع عليه أذى النظام السابق من حبس واعتقالات وتعذيب فكيف نعيبهم بهذا الأن وهم يقدمون الخدمات الكثيرة للناس من أول الثورة ومن قبل الثورة وطبعا قيل دي دعاية انتخابية ياريت لو كل من يريد أن يعمل دعاية ينزل للمواطن الغلبان و يرفع عنه بعض الفقر بدل ماتتصرف كل الدعاية علة اللافتات و غيره
سادسا طبعا لهم أخطاء ككل البشر ولكن لهم أيضا أعمال خير كثيرة يكفى أنهم يسعون لتطبيق شرع ربنا والبعد بالمجتمع عن المعاصي الفجة الموجودة فيه فعلا وإللي هي سبب لبقاء البلد في الفقرو الظلم فيجب علينا أن نساعدهم في ذلك وإن أخطئوا نحاسبهم ولا نسكت لأن هذة أمانة أمام الله أن نقول قول الحق أمام السلطان و إن كان جائرا
سابعا إحنا كشعب من ستين سنة واحنا بنبعد عن دراسة ديننا همشوا دراسة الدين في المدارس وضيقوا على المساجد وكانوا يقبضون على الناس إللي بتروحها أما آن الأوان أن تترك لنا المساحة لنعرف ديننا السمح بحق وحرية والذي لو عرفناه حقا سوف نطالب جميعا بتطبيقه أما آن الأوان أن تكون هناك حرية لمن يريد أن يتعلم في المسجد أو يطلق لحيته تشبها بالرسول أو غيره لا أن يستمر مسلسل الإبعاد و التخويف من الدين وأخيرا الإسلاميين كما يسمونهم جزء من هذا الشعب يعيشون فيه بعائلاتهم ولا يحملون له الشر بل العكس يحلمون فقط بالحرية التي حرموا منها كثيرا فيا ليتنا لا نساعد الإعلام في تشويه صورتهم والهجوم عليهم و نعلم أننا سوف نسأل أمام الله عن كل كلمة نتهم بها أحد هل رأيناها بعيننا و تيقنا منها أم لاقبل أن ننشرها ونشوه قطاع من المصررين المسلمين
و على فكرة أنا لست إخوانية وأعارضهم في كثير من الأمور ولكن أنا طالبة علم شرعي أحلم بنهضة الإسلام وتطبيق شرع الله

:shock: تسلمى ياام عبدالله

كلام ام عبد الله مضبوط 100000%
وياريت بالله عليكم كلنا نشوف اللفيديو ده لاخره وكل الامور هتوضح منه
https://www.youtube.com/watch?v=m1KfqPjdbSc

د. وردة :جزاك الله خيرا على الرد
بس أنا نسيت حاجة كمان إن نقطة إن الإخوان هايدخلوا الشيعة و إيران مصر دي بقى نكتة بجد لأن الأخوان والسلفيين أهل سنة ويعلمون جيدا أخطاء الشيعة ويصرخون طول الوقت تحذيرا من خطر المد الشيعى على المجتمع السني بل ويرفضون حتى ممارسات الصوفية التى تقدس أضرحة آل البيت ويحاربهم الصوفية لهذا الأمر ولأنهم يشتركون مع الشيعة في ذلك فكيف بهم يدخلون المذهب الذي يرفضونه؟؟؟؟؟؟
بل انظروا من الذي يتحالف مع الصوفية وسوف تعرفون من أين قد تدخل الشيعة مصر؟

اولا
تسلمي يا ام عبد الله بجد كلام حلو
ثانيا
فين الفتوي ان اللي مش ينتخب الاسلامين يبقي اثم ؟؟؟؟؟
ومين اللي قال ان اللي انتخبوا شفيق دمائهم لاتساوي دجاجة ؟؟؟؟
حضرتك الكلام ده فين بالظبط ومين اللي قاله ؟؟؟؟؟

اللي هندوس عليهم بالنعال لصوص النظام السابق اللي عاوزين يسرقوا الثورة ويرجعوا ايام الظلم والفساد وامن الدولة تاني
لو حضرتك شايفة ان كل اللي انتخب شفيق من لصوص النظام السابق فده رايك الشخصي ماتنسبهوش لحد
والكلام واضح ومفهوم هو قال انا بشكر كل اللي اداني صوته واقدر واحترم رايي الي انتخب غيري
وصفوت حجازي قال كده بنفسه حضرتك سمعتيه ولا اقوال بتقولها الجرايد والتلفزيون ؟؟؟؟؟

مش كانوا طلعوا بقالهم كام يوم بالتهديد والوعيد وان اللى انتخبوا شفيق دمائهم لا تسوى دماء دجاجة وسوف يداس عليهم بالنعال

ده كلام حضرتك
مين بقي اللي قال ان دمائهم لاتساوي دماء دجاجة ؟؟؟؟؟؟
[b]

ياريت حضرتك تتاكدي من الكلام كويس قبل نشره لان كل واحد محاسب علي اللي بيقوله
مش تسمعي كلام من حد وتيجي تنسبيه لحد تاني
وسبحان مغير الاحوال دي تتقال علي كل الناس
واحنا مستنين تردي علي السؤال اللي وردة سالته ليكي وانت ماردتيش
وانت ليكي مطلق الحرية طبعا