مين هايكسب فى الانتخابات؟

فكرو شوية بعقلكم وفكرو ف الى هيحصل لو الاخوان مسكو البلد
وشفيق كان كويس جدا وهو رئيس وزراء بس انتو مصبرتوش عليه يعمل حاجة لانه فعلا ملحقش

مين هايكسب فى الانتخابات؟ - صفحة 2 156283_308028375938347_126667927407727_723331_558763854_n

الاخوان افضل شويه يا مون مون كنتى اتفرجتى على البرامج بتاعه شفيق قبل الانتخابات اذا كان مش معترف بالثوره اصلا وبيقول انها للاسف نجحت , الله يكرمك قبل ماتقولى الكلام دا فكرى انتى كويس اوى وشوفى شفيق دا عباره عن ايه وبعدها قولى رائيك على الاقل وقتها هتكونى مقتنعه مش الكلام اللى بيتردد لو الاخوان مسكو البلد هنتبهدل العمر واحد والرب واحد احسنو اختياركم متدوش للى كان وقت معركه الجمل وبهدل الدنيا

انا مش من الاخوان ولا حاجه بس هختار مرسى باذن الله

انا ممكن منزلش الانتخابات اصلا لانى مش عاجبنى حد ومش مقتنعة بحد فيهم

ماشى انا فكرت زيك كده بس للاسف التفكير دا مش فعال لو شفيق كسب لاقدر الله مع احترامى لكل اللى عايز شفيق يكسب البلد هترجع لنفس اللى كانت فيه على الاقل بنفس عقليه مبارك ونفس الفساد والدمار اللى البلد كانت فيه

ومعلومه كل الاحكام والقضايا هتسقط قريب عن الرئيس المخلوع وعلشان تعرفو بس التاخير فى كل حاجه كان ايه سببه والمحكمات اتاجلت ليه دا كله وليه شفيق اصلا بعد ماتغلى ترشييحه قبلوه تانى فكرووووووووووووو كويس اوى قبل اى قرار البلد مش ناقصه يابنات

وانتى اخبارك ايه يايمان وحشانى والله وعملتى الاوردر ولا لسه وجبتى ايه

انا تمام الحمد لله وانتى اكتر ياوردة
عملته امبارح بعد عناء جبت كرات اللؤلؤ اللون الجديد وبرفان رجالى انفينت رش واسبراى معطر للقدم الاورانج والمبرد بتاعه وبرفان ايكلا من العرض وصابونة الشاى وكريم اساس ستديو وملمع الاظافر وعينة بلسم وبس كدا

مبروووووك ياايمان تتهنى بحاجتك يارب انفتنى راش حلو؟؟؟؟

ميرسى ياوردة انا سالت هنا ف المنتدى قالو حلو لسة بقا لما الاودردر يوصلنى هقولك

ان شاء الله Embarassed

الاختيارين كلاهما مر الإخوان غير صادقين فى اللى بيقولوه زمان كانوا بيقولوا ان الشعب لا يخرج على الحاكم ولما لقوا خلاص الحاكم نهايته قربت نزلوا الميدان وكان كلامهم على نسبة فى مجلسى الشعب والشورى ولن يرشحوا احد للرئاسة وحاليا كل كلامهم بيتغير فى اقل من سنة وشفيق كان عايز يدى الثوار بونبناية علشان يهدوا وكان رافض فكرة خلع الحاكم واللى بيسانده دلووقتى اللى فى السجون علشان لما يبقى رئيس يعمل قانون التصالح مع اللى فى السجون أناعن نفسى بفكر منزلش فى الإعادة لأن الأثنين زى بعض
كلاهما يهددويوعد ويا عالم بكرة فيه ايه يارب افرجها من عندك

بس عدم النزول ده غلط جدا يابنات
ليه ؟؟؟
لان الفلول بيحشدوا بعضهم دلوقتي عشان يقفوا ورا مرشحهم
لو احنامانزاناش وايدينا صوتنا للتاني حتي لو مش مقتنعين بيه
بتاع الفلول هينجح
كل واحدة تخلص نيتها لربنا
احنا مش بندي صوتنا للاخوان حبا فيهم احنا بندي صوتنا لمصر عشان ماترجعش تانل لنظام مبارك وامن الدولة والفساد اللي كانت فيه
حرام بجد كل واحدة اتخرجت وجابت تقدير عرفت تتعين في وظيفة كويسة
بالعكس
بنات اقل منك في التقدير وبالواسطة وصلوا للمكان اللي انت تعبت وذاكرتي علشانه
دا حالنا احنا كبنات
امال الولاد يعملوا ايه
حرام دم الشهداء اللي هنتسال عنه يوم القيامة
وامهات الشهداء اللي محدش نصفهم لحد دلوقتي

انا مقاااااااااااااااااااااااطعة
لان الاخوان هيبقوا اسخم من نظام مبارك
يعنى مفيش حل غير انى مش نازلة

انا كمان مقاااااااطعة بصراحة معلش يا بنات

rain كتب:

secret.whisper كتب:: إنتوا ظالمين شفيق قووووووى يا جماعة ومش عارفه ليه دايما بسمع إيديه ملوثة بدماء الشهداء
كلمه غريبه ومش حقيقية والوش أى دعوه بدم اى شهيد
إحنا بس بنحب نسمع لإعلامنا الأسود زيادة عن اللزوم
ومرسى مش احسن من شفيق إنتوا عايزين الإخوان يمسكوا البلد من ساسها لراسها علشان تخرب
هتتدوا صوتكوا للى زور واللى رشى واللى نافق واللى كذب واللى طمع وكل همه السلطة وبس
فكروا كويس وبلاش تعموا عنيكم عن مميزات أحمد شفيق

انا راضية زمتك يا شيخة انتى مقتنعة باللى كاتباه دة

مميزات شفيق
ايه مميزاته
مطار القاهرة اللى من عشر اسوأ مطارات ف العالم
ولا لما مسك رئيس وزرا وف بقه لبانة انا ملحقتش اشوف انا ملحقتش اعمل
ايده ايوة ملوثة بدم الناس اللى ماتت ف موقع الجمل
مش دة اللى قال الجمال كانت رايحة ترقص
لو هنتكلم عن التزوير فيبقى شفيق مش مرسى
على الاقل الاخوان بيعملوا كدا طول الوقت لكن شفيق اشترى اصوات ومتقوليش لأ لانه مكنش هينجح غير كدا
واكبر دليل نجاحه ف مسقط راس مرسى اللى حاجة مش منطقى حدوثها اصلا
مبقولش الاخوان كويسين
خالص على فكرة
احنا ادامنا اختيارين اسوأ من بعض
بس متوصلش انى انتخب اللى قتل واتقتل

على فكره الشرقيه مقط رأس شفيق كمان
ولما تقولى انه قتل او مسؤول عن قتل أوقفى مع نفسك شوية وفكرى كويس وبلاش ننساق ورا اى كلام
اولا هو مسك الوزارة قبل موقعة الجمل ب 12 ساعة بس
كان هيعمل ايه بقى هو اللى زق الناس اللى راحت الميدان بالجمال والاحصنة للميدان
ولا هو اللى نزل يقتل فيهم ؟؟؟
هو مسك الوزارة فى أسوأ توقيت لو حد مخضرم مسك الوزارة وقتها ولا كان قدر يعمل حاجه ورغم كده عمل
قدم المتهمين فيها للنيابه العامه ومش سكت
راح دور فى كل القضايا اللى متأجل فيها احكام وأحالها للبت فيها
راح جاب الدكتور فاروق الباز علشان يبتدوا تنفيذ مشروعه اللى واقف من التمانينات
بتقولى مطارنا أسوأ من عشر مطارات فى العالم ؟؟؟ ولو كان سابه زى ماهو كان بقى ايه ؟؟
يعنى الراجل مش عمكل اى حاجه ولا ليه اى انجازات ؟؟
تعالى قوليلى بقى وانتى عايزه تحاسبيه على موقعة الجمل اللى مات فيها 11 واحد
مش رحتى تحاسبى عصام شرف ليه على الناس اللى ماتت فى موقعة محمد محمود
مش رحتى تحاسبى الاخوان ليه على ال 78 شهيد اللى اتدبحوا واتقتلوا وارتموا من المدرجات واتقطعوا فى استاد بورسعيد لما هما ماسكين المجلس وقائمين على شئون الدولة
وشفيق قال اكتر من مره ان الموضوع اول مابدأ انا قولت عليه حركه لأن مكانش لسه بان انه ثورة وخلونا نعترف بالحقيقة بقى
الثورة جت من عند ربنا ممانتش ثورة من أول يوم
لكن بعد اللى حصل فى أول يوم ربنا بدأ يسهلها والناس بدات تكتر وتتكاتف وقت وقتها ثورة بجد وبعد 28 فبراير اتحددت معالمها وهو قال كده بعد مااكتملت بقت ثورة وثورة حقيقية>
وحكايه الجمال رايحه ترقص ياريت نبقى من العقلانيه علشان اى واحد هيشوف الفيديوهات دى هيعرف انها مليانه قص ولزق
واللى بيقول ان شفيق لو مسك الكرسى هيلزق ومرسى هيمشى يبقى غلطااااااااااااااااان ومش عارف يعنى ايه اخوان
بالعكس شفيق لن يجرؤ انه يعيد حاجه من عهد مبارك تانى ابدااا وشفيق لما كان فى رئاسة الوزراء وشاف ان الناس مش عايزاه استقال ومش قعد فيها غير شهر او اقل
اما الاخوان المنافقين اللى مش ليهم عهد واللى بيغروا كلامهم اول مامسكوا كراسى البرلمانت نسوا الثورة ونسوا الشعب وراحوا دوروا على مصالحهم
وكل همهم دلوقتى انهم يمسكوا كل مناصب الدولة وساعتها بقى هتعرفوا معنى اللى ينتقم منكم بجد لانهم عاشوا حياتهم مضطهدين بسبب خيانتهم فأول حاجه يعملوها انهم يردوا اللى اتعمل فيهم ويدخلوا الشيعيه ويقلبوها خلافة ويلغوا قانون التحرش وقانون االخلع ويقللوا سن حضانة الطفل مع امه ويرجعوا ختان البنات ويسنوا قانون لجواز البنت فى سن 16 سنة
مش دول اللى قالوا هندخل مجلس الشعب بنسنة 30 فى الميه حتى لو جالنا اصوات اكتر دخلوا ب 73 فى الميه مش دول اللى قالوا مش هندخل مجلس الشورى دخلوه بالأغلبيه مش دول اللى قالوا مش لينا دعوه بكتابة الدستور دخلوا بنسبةتفوق ال 50 فى الميه من لجنة كتابة الدستور مش دول اللى قالوا عمرنا ماهنرشح رئيس للجمهورية ولا نسعى لكرسى الرئاسه
أهم نزلوا باتنين مرشحين بدل واحد
الله مش دول اللى كانوا مع مبارك وبيأيدوه وبيقولوا انه افضل واحد لرئاسة مصر مش مرسى ده اللى كان بيقول مش هنزل مرشحين للاخوان فى المجلس وهنسيب الكرسى لعزمى وعز ومش عارفه مين كمان من الناس اللى فى السجن دلوقتى

بقى غلطة شفيق كلها ال 11 شهيد بتوع موقعة الجمل اللى مسك الوزارة قبلها ب 12 ساعة ؟؟؟؟؟؟؟؟
ع الاقل هو الوحيد اللى مش غير كلامه ولا موقفة وواضح وصريح ومهذب لكن اللى بيتلونوا هما اللى حلويين ؟؟

ياريت نبقى عقلانيين فى تحليلنا وياريت مش نبقى سلبيين ونقول هنقاطع الانتخابات معنى المقاطعه انكم هتسبوها للاخوان على طبق من دهب فأكيد لأ
انا هادى لشفيق وانا واثقة انه ان شاء الله هيعمل حاجه لانى استخرت ربنا فيه وكل اللى اعرفهم وانتخبوه استخاروا ربنا فيه
ع الاقل لا عنده ولد يورثله الحكم ولا عنده زوجه تبقى السيده الاولى
وعارفه انه حتى لو مش قدر يعمل حاجه فهقدر أقوله امشى وهيمشى زى ما مشى من رئاسة الوزراء
ولو كنتى شوفتى ان شفيق زور او شوفتيه بيرشى يبقى ليكى الكلام اما لو كان كلام بنسمعه وبس فما اكتر الكلام اللى اتقال ضده ومااكتر البلاغات ورغم كده ربنا برضه خلاه فيها ده مش بيمثل لك حاجه أنا أعرف ان مرسى اه رشى الناس بالصوت والصورة لكن مش شفت شفيق ورغم كدهخ المخطئ اكيد لازم يتحاسب ان ثبت غلطه
أما الإخوان فاكييييييييييييييييييييييد عمرهم ماهيسيبوا سلطة مسكوا فيها بإيديهم وأسنانهم
وافتكرى ان ربنا زى ماقوملنا الثورة دى هيودينا للى فيه خير لينا ومين عارف مش يمكن صباحى يرجع تانى
ولو مش رجع يمكن وقته للرئاسه مش دلوقتى وربنا سايبه لوقت أفضل ليه ولينا
بلاش نتشتت احنا نادينا بديموقراطيه علشان نتقبل اراء بعض
وقولنا انتخابات علشان نقبل بنتيجة الصندوق خلونا نقبل بالنتيجة بقى ونشوف الدنيا رايحة بينا على فين ونحط ايدنا فى ايد بعض ونبنى بلدنا
بلاش التشتت اللى احنا فيه ده كل واحد اعترض على النتيجة وكل واحد قال هقاطع وكل واحد قال هننزل الميدان وكل واحد بيحاول يفرق أكيد مش بيحب البلد دى
وعسى ان تكرهوا شيئا وهو خيرا لكم
وشوفى مين اول ماحس ان النتيجة بتتاكد راح جرى وعمل مؤتمر علشان يشحن الشعب ضد شفيق ويقولوا هنقف جميعا ضد بقايا النظام السابق وسندوس عليهم بالأحذية وهنعمل و هنسوى ده لأنهم أنفسهم ضعيفة علشان كده اخطائهم هتبقى كتيره
اما المحترم اللى عمل المؤتمر تانى يوم إتكلم بكل أدب وإحترام وشكر الناس وشكر شركاؤه فى الانتخابات ولم يقل عنهم منافسين وشوفى كلامه فى المؤتمر الصحفى اللى عمله وشوفى كلام مرسى وانتى هتعرفى الفرق الكبير
وربنا يوفقنا للى فيه الخير لينا ويحنن قلوبنا على بعض

وعايزه اقول لك حاجه تانيه بتقولى الاخوان مش فى ايدهم دماء ؟؟؟؟؟؟؟؟؟؟؟؟؟؟؟
دورى على ماضيهم كويس وانتى تعرفى حجم الدماء اللى سالت بسببهم قد ايه

بجد بجد ربنا يباركلك ع كلامك دة انا الكلام دة كله جوايا بس مش عارفة اقوله
معاكى حق ف كل كلمة قولتهيها والله

معاها حق في ايه ؟؟؟؟
هم الاخوان اللي قتلوا الناس اللي في بورسعيد ؟؟؟؟
ولاهم اللي كانوا ماسكين البلد ؟؟؟
ايوه شفيق مسئول عن موقعة الجمل كان رئيس وزراء ساعتها ومسئول
مش شفيق ده اللي بني لمبارك استراحة ب3 مليون جنيه جابهم منين من فلوس الشعب
مش شفيق ده اللي كان هيوزع بوبوني علي الثوار في ميدان التحرير وقال عليها حركة وقال للاسف الثورة نجحت
لو انت مستهونة اوي كده بال11 اللي ماتوا في موقعة الجمل تبقي مش حاسة باهاليهم
لو كان ليكي حد من الشهدا او المصابين عمرك ماكنت هتقولي كده
لو ابنك او بنتك او اخوكي كان مات او اتصاب عمرك ماكنتي هتقولي كده
الامهات اللي قلوبهم اتحرقت علي ولادهم الصغيرين اللي زي الفل وماتوا في عز شبابهم
شفيق اللي اول ما مسك رئاسة الوزراء قال مبارك عمره ماهيمشي
شفيق اللي هيطلع الناس من طرة ويمسكهم فلوس ومناصب تاني
شفيق اللي هيرجعلنا امن الدولة تاني
اللي قال اي حد هيعترض عليا لو نجحت الجيش هيفض المظاهرة بالقوة واللي حصل في العباسية كان بروفة
دا بقي لافيه قص ولا لزق دا كلام صريح قاله بالحرف
لو شفيق كان حاكم المسئولين كان يحاكم نفسه الاول علي قضايا الفساد والرشوة وبيع ارضي الدولة اللي هو متهم فيها
بتقولي الاخوان قدموا رشاوي في الانتخابات
شفيق جاب اصوات بالتزوير وشوفي اخبار الظباط وافراد الامن اللي كانوا بيصوتو ببطاقات مدنية وهم مالهمش حق التصويت
بتقولي الاخوان زوروا ونافقوا وقدموا رشاوي
شفيق قتل وحرق وسرق وزور
احنا مش بنختار بين مرسي وشفيق
احنا بنختار بين الثورة او عهد مبارك تاني

علي فكرة انا في الجولة الاولي ماكنتش مع الاخوان
بس دلوقتي انا مستعدة انزل انتخب اي واحد غير الفلول اتباع مبارك
ربنا ينجي البلد وينجينا منهم

وينجينا من الاخوان ياجيجى انتى مش عارفة لو مسكو البلد ايه الى هيحصل
مصر هتبقى اسوء من الاول مليون مرة وصدقينى دول ملهومش عهد وكدابين
والله اعلم شفيق مظلوم ولا لاء
بس ربنا يولى الصالح لينا وللبلد

وانتى فعلا مش بتختارى بين مرسى وشفيق
انتى بتختارى بين الثورة والعبودية .. لان الاخوان زى النظام الديموقراطى بالظبط
وابقى قابلينى لو قعدوا على الحكم ومشيوا
ع الاقل هتختارى بين المدنية والجاهليه

دا كلامك اللي انت كاتبها
سبحان الله دلوقتي بقي شفيق هو الثورة ؟؟؟؟؟؟؟؟؟؟؟؟؟؟؟؟؟؟؟؟؟
بقي هو المدنية ؟؟؟؟؟؟؟
والاخوان الجهل ؟؟؟؟؟؟
وايه الجهل اللي عندهم ؟؟؟؟؟
انت اهو كاتبه بايدك ان الاخوان زي النظام الديمقراطي بالظبط
ردي علي نفسك بقي

الظاهر انه مسحوا المشاركة بتاعتك اللي انا رديت عليها دلوقتي
عملوا خير والله

asd1234 كتب:: معاها حق في ايه ؟؟؟؟
هم الاخوان اللي قتلوا الناس اللي في بورسعيد ؟؟؟؟
ولاهم اللي كانوا ماسكين البلد ؟؟؟
ايوه شفيق مسئول عن موقعة الجمل كان رئيس وزراء ساعتها ومسئول
مش شفيق ده اللي بني لمبارك استراحة ب3 مليون جنيه جابهم منين من فلوس الشعب
مش شفيق ده اللي كان هيوزع بوبوني علي الثوار في ميدان التحرير وقال عليها حركة وقال للاسف الثورة نجحت
لو انت مستهونة اوي كده بال11 اللي ماتوا في موقعة الجمل تبقي مش حاسة باهاليهم
لو كان ليكي حد من الشهدا او المصابين عمرك ماكنت هتقولي كده
لو ابنك او بنتك او اخوكي كان مات او اتصاب عمرك ماكنتي هتقولي كده
الامهات اللي قلوبهم اتحرقت علي ولادهم الصغيرين اللي زي الفل وماتوا في عز شبابهم
شفيق اللي اول ما مسك رئاسة الوزراء قال مبارك عمره ماهيمشي
شفيق اللي هيطلع الناس من طرة ويمسكهم فلوس ومناصب تاني
شفيق اللي هيرجعلنا امن الدولة تاني
اللي قال اي حد هيعترض عليا لو نجحت الجيش هيفض المظاهرة بالقوة واللي حصل في العباسية كان بروفة
دا بقي لافيه قص ولا لزق دا كلام صريح قاله بالحرف
لو شفيق كان حاكم المسئولين كان يحاكم نفسه الاول علي قضايا الفساد والرشوة وبيع ارضي الدولة اللي هو متهم فيها
بتقولي الاخوان قدموا رشاوي في الانتخابات
شفيق جاب اصوات بالتزوير وشوفي اخبار الظباط وافراد الامن اللي كانوا بيصوتو ببطاقات مدنية وهم مالهمش حق التصويت
بتقولي الاخوان زوروا ونافقوا وقدموا رشاوي
شفيق قتل وحرق وسرق وزور
احنا مش بنختار بين مرسي وشفيق
احنا بنختار بين الثورة او عهد مبارك تاني

علي فكرة انا في الجولة الاولي ماكنتش مع الاخوان
بس دلوقتي انا مستعدة انزل انتخب اي واحد غير الفلول اتباع مبارك
ربنا ينجي البلد وينجينا منهم

ردا على كلامك واحدة واحده

مش الاخوان اللى قتلوا الناس فى بور سعيد .. يعنى أحمد شفيق اللى قتل الناس فى موقعة الجمل ؟؟
ولما هو كان مسؤول ساعتها واللى عمله انه قدم المتهمين فيها للمحاكمة يبقى اللى عمله وحش .. كان مفروض ينزل ينتحر بقى ولا ينزل يحارب ؟؟ عمل اللى اى مسئول هيعمله بعدين انتى مدركة وضع البلد كان عامل ازاى وقتها .. كمال الجنزورى بجلالة قدره وبنزاهته وخبرته مش عارف يعمل ايه فى البلد ومش قادر يلمها لحد دلوقتى .. هو عصام شرف ده مش من الثورة وال ثوار الميدان هما اللى جابوه وانسان شريف جدا ومحترم وكويس ومش حد يقدر يقول فيه كلمه .. تقدرى تقوليلى الشريف ده انتخب شفيق واداله صوته له لو شفيق انسان مش كويس ؟؟؟
شفيق انسان تربيته راقيه ولما قال بنبونى يمكن تعبير خانه لكنه كان بيقوله بحسن نية ولو بتتابعى حواراته هتعرفى قد ايه هو انسان مهذب وراقى لكن احنا اللى بنحب ناخد الامور على قلبنا قووى

ولما قال عن الثورة مش تنكرى ان يوم 25 يناير ده كانت وقفة لتحديد مطالب معينه ولتنفيذها وفعلا مش بدات ثورة ولا كانوا متخيلين انهن هيطلبوا بسقوط النظام والحكم لكن الامور لما تطورت حصل ده يعنى هى فعلا مش بدأت ثورة بس مع الوقت اتقلبت ثورة ضد الحكم والحمد لله اكتملت وأسقطت الحكم وافتكرى برضه ان مش كل اللى نزل عبر عن كل الشعب لكنهم عملوا شئ جميل ريح ناس كتير
بس مش علشان ثوار بقى يبقى اتحكم فى رغبات الناس ولما الناس تختار اقول لأ اختياركم غلط وهنقفلكم ونقلبها عليكم هى دى الديموقراطية ؟؟ ومش تنكرى ان كل تصرفات احادات الثورة لحد النهارده لم تجدى نفعا ولم تصل لشيئ عارفه ليه لأنهم بيعملوا ايضا على مصالح خاصه ولأنهم مش بيفكروا غير فى ان هما بس اللى يصح وعارفه لو كانوا عاقلين كانوا اتفقوا على مرشح واحد فقط للثورة وكان زمنا خلصنا لكن الاهواء الشخصية هى اللى فرقتنا وهى اللى وصلتنا لكده فبلاش نندم دلوقتى لأن ده قرار شعب فاحترموه

زعلت منك لما قولتلى لو حد مات من اهلك مش كنتى هتقولى كده .. مش تقللى من وطنيتى ولا من حبى لبلدى .. ولا تفتكرى انى مش تعبت وقلبى وجعنى 1000 مره على اللى ماتوا وانتى مش تعرفى اذا كان حد مات من اهلى ولا لأ علشان تقولى كده مين هايكسب فى الانتخابات؟ - صفحة 2 820935

مين هايكسب فى الانتخابات؟ - صفحة 2 820935

لكن انا انسانه بحكم عقلى مش هاخد العاطل بالباطل .. ولا هبقى عارفه ان حد مظلوم وأزيد عليه .. ولا هزايد على دم اللى ماتوا اللى بنحتسبهم عند الله شهداء

ولما بتقولى انه قال انه هيفض اى ثورة رجعى الشريط كويس واعرفى انه مر بضغوووط كثيره جدا من وسائل الاعلام ويمكن الوحيد اللى إتسأل لو مسكت الرئاسه وتانى يوم نزلت ثورة ضدك هتعمل ايه ؟؟ رد وقال هخصص مكان للتظاهر ويتظاهروا براحتهم طالما سلميين اما لو تعدوا حدود السلميه وبدأو التخريب هتعامل معاهم بالقانون .. ومش الطبيعى اننا لما نختار رئيس نروح تانى يوم نقول له لأ امشى مش عايزينك دى تبقى مهزلة وبلدنا ساعتها هيمشيها شوية عيال بقى لحد ماتخرب
لازم الرئيس يكون عنده قوة وحزم فى الأمور اللى تحتاج لقوة وحزم .. قوليلى بقى لو السؤال ده كان اتسأل لأى حد تانى من المرشحين بالعقل والمنطق كده كان هيبقى رده ايه ؟؟ اه هامشى ؟؟ يبقى خساره فيه الرئاسه
وبعدين اللى خلى شفيق يستقيل من رئاسة الوزراء علشان مش كانوا عايزينه يخليه يستقيل برضه من رئاسة الجمهورية لو احنا مش عايزينه
وكل الاتهامات اللى بتقولى عليها دى ما هى الا اتهامات لم تثبت صحتها ولم يدان فيها
وبالعقل كمان بالمره شوفى الشرطة كلها على بعضها تعدادها قد ايه وشوفى هو جاب اصوات قد ايه بالله عليكم بس حكموا عقلكم وبلاش اندفاع

وقوليلى بقى شفيق قتل مين ؟؟؟ وحرق ايه ؟؟ وسرق مين ؟؟ وزور ايه ؟؟

ولو بتتكلمى عن صور البطاقات اللى ع النت فأحب أقول لك انها صور من 2011 وفيها صور سيدات .. هو احنا عندنا ظابطات فى الجيش والشرطة ؟؟

وانتى فعلا مش بتختارى بين مرسى وشفيق
انتى بتختارى بين الثورة والعبودية .. لان الاخوان زى النظام الديموقراطى بالظبط
وابقى قابلينى لو قعدوا على الحكم ومشيوا
ع الاقل هتختارى بين المدنية والجاهليه
لأنك أكييد مش بتقولى ان مرسى هو مرشح الثورة علشان ساعتها دى تبقى مصيبه
لأن مرسى نفسه كان بيأييد مبارك والمرشد بيقول مبارك اب لكل الشعب وهنتخبه مرة ثانية
وهنتنازل لأعضاء الحزب الوطنى عن كراسينا فى مجلس الشعب .. والله يرحم حاجات من دى كتير

وبمناسبة الفلول والمحسوبين على النظام السابق ......... انتى مش محسوبة عليه ولا ايه
حسب الله الكفراوى والتلاوى وغيرهم من الشرفاء مش كانوا فى النظام السابق ولا لأ
كمال الجنزورى مش كان من النظام السابق وموجود دلوقتى وساكتين يعنى ..
هو كل واحد شاف ظلم وسكت عليه مش من النظام السابق ؟؟
هو كل واحد قادر انه يدفع فلوس لبنك ولا لشركة علشان يشغل ابنه او بنته مش دى تعتبر رشوة واللى قدر يعملها عملها وده برضه من النظام السابق .. كل من ساعد على خطأ فهو من النظام السابق يبقى كلنا كده نلم نفسنا ونربط بعضنا بحبل كبير ونرمى نفسنا فلى حفرة ونولع فى نفسنا علشان ننهى النظام السابق ده خالص ونسيب الاطفال اللى هيتربوا بقى فى العصر الجديد اللى الله اعلم هيبقى شكله ايه بسببنا احنا برضه

حكمى عقلك ومش تفكرى دلوقتى بقى فى صباحى ولا شفيق ولا فوزى
فكرى مصلحة البلد دلوقتى تبقى ايه تبقى دولة مدنية واحنا قادريين نتعامل مع المدنيين ولا تبقى اخوانيه والله اعلم بالإخوانيه ومليشياتها ونظامها اللى عمرنا ماتعاملنا معاه فى سلطة قبل كده

ع الأقل شفيق دلوقتى بيمد إيده بالخير والأدب وصدقينى عمره ماهيرجع عهد مبارك ولا أمن الدولة تانى زى مابتقولى هو مش بالغباء ده بس مصر لازم يبقى لها هيبه ولا عاجبك عدم الامن والهزل اللى احنا عايشين فيه دلوقتى وعلى فكره هو أول واحد قال لعمر سليمان لازم الرئيس يتنحى دلوقتى قبل ماتحصل مجازر فى مصر أكتر من كده والكلام ده على لسان عمر سليمان شخصيا

إنتى ليكى رأيك وبحترمه وممكن يكون صح
وانا ليا رأيى وأتمنى إنك تحترميه ويمكن يكون صح
المهم اننا مهما اختلفنا ايدنا تبقى ايد واحده لمصلحة البلد دلوقتى بعيدا عن اى رغبات شخصية مصلحة البلد اهم لاننا احنا بقوتنا واتحادنا هنقدر نوصل ونحقق كل شئ

وربنا يسترها علينا وعلى بلدنا يارب

asd1234 كتب:: وانتى فعلا مش بتختارى بين مرسى وشفيق
انتى بتختارى بين الثورة والعبودية .. لان الاخوان زى النظام الديموقراطى بالظبط
وابقى قابلينى لو قعدوا على الحكم ومشيوا
ع الاقل هتختارى بين المدنية والجاهليه

دا كلامك اللي انت كاتبها
سبحان الله دلوقتي بقي شفيق هو الثورة ؟؟؟؟؟؟؟؟؟؟؟؟؟؟؟؟؟؟؟؟؟
بقي هو المدنية ؟؟؟؟؟؟؟
والاخوان الجهل ؟؟؟؟؟؟
وايه الجهل اللي عندهم ؟؟؟؟؟
انت اهو كاتبه بايدك ان الاخوان زي النظام الديمقراطي بالظبط
ردي علي نفسك بقي

انا مش قولت ان شفيق هو الثورة انا بقول شفيق هو المدنية وطبعا هو المدنية
ولا الاخوانية هما المدنية ؟؟؟
والاخوان الجهل اه طبعا لما الاقى قرارت عايزين يطلعوها بان الختان يرجع تانى وسن الجواز يبقى من 16 سنة ويقللوا سن حضانة الطفل مع امه وحاجات تانية كتير يبقى ده فيه جهل ولا لأ مش بعمم الجهل عليهم بس اللى بقوله ده يبقى اسمه ايه ؟؟
وقولت لو كانوا اتحاد شباب الثورة كلهم اتفقوا على مرشح واحد للثورة مش كنا وصلنا للى احنا فيه دلوقتى

بس خلاص وصلنا لده يبقى ايه الحل اسكت ومش انزل الانتخابات وبكده يبقى الصوت فى صالح مرسى
ولا اختار شخص يقدر يعدى بيا ولو سنتين حتى بس هيخلى بلدى مدنيه لا فيها حروب اهليه ولا فيها تحكم كامل لكل السلطات فى مصر

اقول لك حل حلو اتفرجى على برنامج عماد الدين اديب على سي بي سي برنامج حيادى وعقلانى وممتاز
والناس اللى فيه محترمين دكتور علاء عبد الفتاح وعمرو حمزاوى مع عماد اديب

asd1234 كتب:: الظاهر انه مسحوا المشاركة بتاعتك اللي انا رديت عليها دلوقتي
عملوا خير والله

لأ مش مسحوها انا اللى كنت بحاول اكبر الخط

وعامة شكرا كلك ذوق

monmon mony كتب:: بجد بجد ربنا يباركلك ع كلامك دة انا الكلام دة كله جوايا بس مش عارفة اقوله
معاكى حق ف كل كلمة قولتهيها والله

مين هايكسب فى الانتخابات؟ - صفحة 2 20726

يابنات الرجاء التوقف عن الكلام دا خالص وكل واحد يحتفظ برائيه لنفسه سواء كان صواب او خطأ

اللهم يكرمكو احنا هنا مش فى محاوره سياسيه ونخسر بعض اللى ربنا كاتبه هيحصل ومهما اتكلمنا فلامفر من قضاء الله

اتمنى تسمعونى لان مهما اتكلمنا مش هنرجع للشهيد دمه اللى راح هدر ولا لام الشهيد ابنها اللى راح

اتمنى نوقف الكلام دا ارجووووووووووووووووووووكم وكونو فقط اخوات متحابين فى الله

صح ياوردة معاكى حق بلاش كلام ف السياسة احسن احنا زهقنا منها

د ورده كتب:: يابنات الرجاء التوقف عن الكلام دا خالص وكل واحد يحتفظ برائيه لنفسه سواء كان صواب او خطأ

اللهم يكرمكو احنا هنا مش فى محاوره سياسيه ونخسر بعض اللى ربنا كاتبه هيحصل ومهما اتكلمنا فلامفر من قضاء الله

اتمنى تسمعونى لان مهما اتكلمنا مش هنرجع للشهيد دمه اللى راح هدر ولا لام الشهيد ابنها اللى راح

اتمنى نوقف الكلام دا ارجووووووووووووووووووووكم وكونو فقط اخوات متحابين فى الله

ده كان توضيح لوجهة نظر يا وردتى
وعمر الإختلاف ماهيخلينا نخسر بعض صدقينى بالعكس
جميل انك تقولى رأيك واقول رأيى ونسمع بعض ونفهم من بعض انا والله مافى نيتى أى حاجه غير التوضيح مش أكتر
ومش علشان بختلف معاكى ورأيك غيرى يبقى انتى وحشه لأ طبعا عادى جدا أنا صدرى رحب وبتقبل الجميع مين هايكسب فى الانتخابات؟ - صفحة 2 27231

مين هايكسب فى الانتخابات؟ - صفحة 2 27231

وصدقينى الشهداء يابختهم ماتوا شهداء وارتاحوا وبأمر الله هما فى الجنة أحياء عند ربهم يرزقون
ربنا يسترها علينا احنا ويوفقنا الى مافيه خيره ورضاه

بكل ود وحب وتقدير واحترام ليكو يااحلى بنات وربنا مايجيب خلاف ابدا مهما اختلفت وجهات النظر Embarassed

باذن الله دكتور مرسي ناجح باذن الله وادينا بنكثف الحمله بتاعتنا
مش عاوزين نخلع نظام ونجيبه تانى نجيب المتهم التانى في موقعه الجمل واللى الدين مش من اولوياته اصلا واللى مييقدرش يحكم على مبارك واعوانه لانهم ماسكين عليه ملفات توديه ف داهيه وله فضايح كتير كلها موجودة ع اليوتيوب يعنى مش ظلم ولا افترا
ولو كان الاخوان دواء مر ف شفيق سرطان مميت
واحنا جربنا 30 سنه مش هيمنع نبدا تنفيذ مشروع النهضه ونبدا ندى صوتنا لمرسي لان اولا واخيرا لو منزلناش يعنى بنقزل نعم للفلول

» الانتخابات
» عرض جديد من يوم 26 مايو بمناسبة الانتخابات
» زى كل مره بقى:D:):