تغطية كتالوج مايو

ها يا بنات هتجيبوا ايه من الكتالوج دة
وايه الحاجات اللى اسعارها كدا كويسة واللى اسعارها بتنزل عن كدا
عيشوا حياتكو يعنى Embarassed

ازيك يا آية عاملة إيه؟
انا بفكر اجيب احمر الخدود بتاع فري مي الجديد
وبرايمر ستدويو ارتست
وصابونه الشاي الجديدة
ومبرد القدم بتاع مجموعه الفيت اب السيلفر
وسبراي اكتف الجديد
وبس كده

ازيك يا دينا صباح الخير Neutral

انا برضه بفكر اجيب البرايمر والفرشاة بتاعة البودر وبتاعة فيرى مى
كمان الماسك بتاع البثور السودا
واللوشن الجديد اللى نازل للشعر عشان السيشوار
وكمان ال dual core foundation

تسلم اديكى ياايه على الموضوع

ان شاء الله ناويه اجيب

بودره ارتيست الجديده والفرشاه بتاعتها

وبريمر ارتسيت

فرشاه القدم السليفر

وكريم النهار وكريم العين ايكوبيوتى

والروجات اللى عليها عرض واحد + واحد

ماسك بيور سكين

صابونه الشاى الاخضر
صابونه ديسكفر مكسيكو

ومزيل عرق الجديد

اللى ممكن اجيبهم او لا حسب الظروف ان شاء الله
ايكلا الرجالى
ولوشن حمايه الشعر
وكونسيلر جيوردانى الجديد

كريم اساس الدويل كور وفرى مى
واى شادو فرى مى
وزيت جوز الهند

ايه رايكم
فى كونسيلر الشاى الاخضر وبيستخدم لايه بالظبط

واقلام فرى مى للعين اللى لونه موف ؟؟؟؟

Embarassed

انا لسة مش عارفة هجيب ايه
بس ممكن مجبش حاجة خالص واجيب كريم الايدى الى باللوز سعره كدا جامد اول مرة ينزل للسعر دة
وكمان لاحظت حاجة يابنات انا كنت بستخدمه بقالى اكتر من سنة وكان ماشى معايا حلو اوى وبعدين جبت كريم الديلكسى هو حلو بردو بس لاحظت ان ايدى اسمرت وبعدين قولت ارجع تانى للى بالوز لاحظت ان ايدى بدات تفتح تانى بس هو خلاص خلص
عشان كدا انا هجيبه تانى واستخدمه لان ايديا بتفتح عليه

مون مون الحاجه اللى تريحك جيبها احسن وبعدين كريم الايد دا فيه حمايه وسعره كده كويس جدااا وانا مجرباه زيك قبل كده وان شاء الله اجيبه احطه فتره الشغل على الاقل ان شاء الله
خلى كريمات الحمايه بالنهار والمرطبات العاديه الفتره المسائيه Embarassed

ايوة هعمل كدا ان شاء الله
ميرسى ياوردة

انا كمان مجربة ال2*1باللوز وكان جميل جدا بس للأسف عندي بتاع السيلك اند بيوتي ولسه فاضل فيه يللا خير في غيرها

ورده كونسيلر الشاي تحففففففففففففففففه الجزء البيج ده كونسيلر واستخدامه طبعا واضح من اسمه بيتحط على اي جزء في الوجه فيه بقي او الهالات تمام
الجزء الأخضر ده سحر خيال تحطية على الحباية بيعالجها من غير ما يسيب اثر بجد جميل

تسلميلى يادينا هجيبه ان شاء الله

monmon mony كتب:: ايوة هعمل كدا ان شاء الله
ميرسى ياوردة

انا على فكرة صاحبتي اللي اخدته مني مش بتحط ميك اب يا ورده فمتقلقيش هي كانت بتحطه من غير ماتخاف او تقلق من انه يبان

dinaali كتب:: انا على فكرة صاحبتي اللي اخدته مني مش بتحط ميك اب يا ورده فمتقلقيش هي كانت بتحطه من غير ماتخاف او تقلق من انه يبان

تماااام هو دا المطلوب Embarassed

بس هو الجزء البيج اللى فيه ينفع تحت العين عادى ؟؟؟؟ Embarassed

ايوة يا وردة عادي جدا

انا ناوية ان شاء الله علي بريمر ستديو ارتيست
لوشن حماية الشعر من الحرارة الجديد
درجة من محدد الشفايف الي في صفحة 60% لسه مقررتش اي درجة
جيل غسول شجرة الشاي
و مين بقا العسولة الشطورة الي هتجربلنا كونسيلر جورداني الجديد ؟ هام مين ؟

طيب يا بنات هوا الروج الي عليه واحد هديه خامته حلوه ولا لا وثابت ولا خفيف

اما بالنسبه لي ناويه ان شاء الله اجيب ماسك بيور سكن وكريم الروزماري وشجرة الشاي والروج لو قلتولي انه حلو والمرايه

انا إن شاء الله ناوى اجيب ايكلا الرجالى بس عايز حد يقوللى هى حلوه ولا لا وشبه ايه كده من برفانات اوريفليم او اى برفانات تانيه
كمان ناوى اجيب البرفان الرجالى الجديد وبرضه برضه بارجو اللى جربة واخد العينة بتاعته يقوللى زى ايه وهجيب فرشة القدم الفضى لوالدتى وخطيبتى وهاجيب واحد من برفانات الفى بس مش عارف انهو الاحسن منهم ياريت اللى جربهم يفيدنى وممكن اجيب لخطيبتى كريم الجسم بريشيوس ولو حد يعرف كريم تانى احسن منه ياريت يفيدنى وكمانناوى اجيب الافتر شيف اللى هو انفينيت رش ولو برضه ممكن حد يقوللى هو احسن ولا ديب امباكت ولا تروانستنكت

تقصدي فدائية شهر 5 يا مارو؟؟؟؟؟؟؟؟؟؟؟؟؟؟

ليلي الروج مش مسالة حلو ولا لأالموضوع انه الوانه خفيفة هادية شوية حتي الأحمرات هادية مش فاقعه وبعض الناس مش بتحب كده

عقبال ما تجيب لخطيبتك كل حاجة كويسة يا مصطفي
الأيكلا انا كنت جايباها لزوجي البالم بتاعها الأفتر شيف بس حسيتها هادية قوي وريحتها معجبتنيش عجبتني اكتر الجلاسير والأركتكت تحفة بجد
كان حد هنا من المنتدي جالة عينه البارفان الجديد وقالت عليه انه ثابت بس مش فاكرة مين
الألفي الخضراء جميلة جدا لو خطيبتك بتفضل البارفانات البارده لأن الألفي التانية ريحتها معجبتنيش خالص
كريم البريشوس حلو والجورداني كمان ريحته مختلفة شوية عن البرفان بس احلي وثابت جدا
بالنسبة للأفتر شيف الديب امباكت انا شميته هو مشكلته انه خفيف لكن كان برضه في حد هنا في المنتدي شكر في ترو انستاكت وقال انها افضلهم واقواهم
اتمني اني اكون افدتك
وعقبال كل شهر

متشكر اوى مدام دينا
بس انا كنت عايز اعرف الايكلا قريبه من ايه كده يعنى مثلا زى السول والايكلا سبورت ولا السيجنتشر

كمان على فكرة كنت هايز اسال عن الجيوردانى الرجالى الخضرا ايه اخبارها لوه ولا لا وقريبه من ايه كده وهى احلى ولا البنى
معلش انا بتقل عليكى بس انا اعرف ان كل الناس هنا فى المنتدى بعتمدو عليكى فى وصف البرفانات وانا بالذات استفدت كتير جدا فى وصفك لبرفانات كتير
شكرا

كنت عايزة أسأل أنهي أحسن بيور سكين فيس واش ولا بيور ناتشر اللي بلشاي الاخضر؟
أنا عن نفسي عايزة اجيب: 1- كرات اللألأ اللون الخوخي اللي نازلة جديد 2- كريم العين اوبتيمالس 3-كحل كاجال 4-فونداشن وبلوشر فري مي

طويب يا بنات هو ال dual core foundation مناسب للبشرة المختلطة ولا لأ
وكمان حاجة هى كبسولات الاكسجين كويسة للبشرة المختلطة ولا لأ وخى تأثيرها ايه اصلا

انا شايف ان كتالوج مايو مش قد كدة بتاع شهر ابريل كان احل كتير ولا اية رايكم يا بنات
بس انا ناوية انشاء الله مبدايا كدة هجيب مجموعة الحواجب اية رايكم فيها وعايزة اجيب كريم اساس فيري مى انا جبت الجورديانى الادابتيف الشهر الى فات فعيزا امشى الاتنين مع بعض وطبعا كريم الى باللوز لان سعرة حلو جداااا مع انى لسة عاندى واحدة فتحتها بس كدة

ليه يابناات قلبتوا عليا المواجع انا مش هجيب حاجه من 5 عشان مش هبقي هنا
حتي انا كنت عامله عضويه جديده عشان الميدنايت مش هعرف اخدها ولا اخد هدية الشهر ده بعد ماكملت نقطها
اهئ اهئ اهئ انتحر بقي
تغطية كتالوج مايو 649663

اه يارانيا فونديشن الديوال كور لو بشرتك مش دهنيه وبتزيت متجبيهوش هتكرهيه هو عاوز بشره يتزفلط عليها تغطية كتالوج مايو 374892

ويابسمه انا بفضل غسول بيور سكين عن شجرة الشاي لانه مش بينشف الوش اوي كده

انا كمان شايفة ان كتالوج 5 مش حلو
4 كان احلى بكتيييييييييير

فعلا يا بنانيت كتالوج 4كان وهمي جميل وانا جبت منه حاجات كتير

مصطفى خروب كتب:: متشكر اوى مدام دينا
بس انا كنت عايز اعرف الايكلا قريبه من ايه كده يعنى مثلا زى السول والايكلا سبورت ولا السيجنتشر

كمان على فكرة كنت هايز اسال عن الجيوردانى الرجالى الخضرا ايه اخبارها لوه ولا لا وقريبه من ايه كده وهى احلى ولا البنى
معلش انا بتقل عليكى بس انا اعرف ان كل الناس هنا فى المنتدى بعتمدو عليكى فى وصف البرفانات وانا بالذات استفدت كتير جدا فى وصفك لبرفانات كتير
شكرا

بص يا مصطفي انا مكدبش عليك انا مشميتش اللايكلا سبورت ولا الجورداني
انا ححاول اقربهالك هي هادية قوي ماشي بس مش على ليمون زي الجلاسي هي قريبة من الخط بتاع السجنيتشر والفلامبوينت والحاجات دي بس هي معجبتنيش ومعجبتش زوجي برضه محسهاش قوية فاهمني ؟
هي زي مابيقول وصفهها كلاسيك قوي مش عايزة حد يكون بيدرس مثلا او شغلة محتاج تنطيط ومجهود وركوب مواصلات لأ
عايز حفلات استقبال وشغل فنادق من بتاع التكييف ده
اتمني اني اكون قدرت اوصفهالك
بس خدها نصيحه مني حاولي لما تكون محتار في بارفان اشتري الأفتر شيف بالم بتاعه مش حتخسر حاجة حيقربلك الصورة جدا لأن المزيل بتكون ريحته مختلفة تماما عن البارفان

مساء الخير عليكم

انا عن نفسي ناوي ان شاء الله اجيب

urban lovers for him ياريت لو في حد جربها يقولي رايه فيها حلو ولا لا بتثبت ولا لا

وهجيب كمان السول نازل عليها نفس عرض ابريل

بخصوص البرفان الرجالي الجديد اخباره ايه في حد عارف عنه حاجه يعني ريحة الخشب دي حلوه ولا ايه

وميرسي ليكم كلكم

لو سمحتو يابنات كريم الايد الي في اخر صفحه ايه الفرق بين الاتنين وانهي احسن فيهم؟

واحد للايدى الجافة الى مكتوب عليه هاند دراى
والتانى 2*1 دة للايدى والاظافر وفيه عامل حماية من الشمس
وانا جربت ال 2*1 دة وجمييييييييييييل جدااااااا وبيفتحلى لون ايديا المسمرة من الشمس وسعره كدا جدااااااامد جدا وانا هجيبه ان شاء الله

انا جربت الاتنين اللى للايدى الجافه دا ترطيبه عالى وجمييييييل جداااا

و2*1 زى ماقولت مون مون جميل برضو فشوفى اللى يناسبك ايه لو بتخرجى بالنهار يبقى هاتى الحمايه ولو محتاجه حاجه ترطيبها عالى علشان شغل البيت وكده يبقى هاتى التانى Embarassed

» تغطية كتالوج فبراير 2012
» كتالوج مايو
» كتالوج مايو السويدى
» سؤال في كتالوج مايو
» **اوريفليم كتالوج**مايو 2009 وصل