يلله اللي عايزه تبدأ معنا الريجيم تيجي بسرعه

يا جماعه عايزين نعمل جروب نبدأ فيه ريجيم مع بعض ونشجع بعض
عاوزين عشر مشتركات معانا بس يكونوا جادين ويكملوا للاخر مش مهم اوزانهم ايه
المهم الجديه وهنتابع مع بعض ونوزن كل اسبوع
اللى شايفه انها مش هتواظب بلاش احسن
بس مفيش هزار ولا تهريج عشان حيكون فيه كلام كبير يضايق يعني
لانى بجد تعبت ومش عارفه اكمل لوحدي يعني محتاجه تشجيع
والريجيم براحتك كل واحده تمشي عالنظام اللي هي عايزاه بس المهم انها كل يوم تدخل هنا تقول لنا اكلت ايه وشربت ايه
وعايزين كمان نتفق اننا نمشي كل يوم شويه بلتدريج حد ما تبقي ساعه حتي لو في البيت وحتي لو كل وجبه تمشي بعدها 10 دقايق
والوزن كل اسبوع

بس علي فكره اللي حتتدلع ومش حتنتظم حنطلعها بره المجموعه
تمام كده
وانا اول مشتركه معاكم ها مين معايا

اللى عاوزه تكتب
اسمها
وزنها
طولها
الوزن اللى بتتمناه
هنبتدى انشاء الله من يوم السبت 12 يونيو علي ما نجمع المشتركات وتكون كل واحده اتأهلت نفسيا وكمان كلت اللي نفسها فيه قبل مانبدأ
يلله يا ام سيف وسمايل انجل عشان نشجع بعض
يلله يا بنات
كمان فكروا معايا في اسم للجروب واقترحي عشان نختارله اسم

خلي اسم الجروب خليكى احلى
الاسم سلوى
الطول 160سم
الوزن71ك
الوزن اللى عاوزاه60ك
وانا معاكى فى الجروب والفكره حلوه بس لومكلش لى 10 لغايه يوم 12 /6 نبدا برده

انا كمان معاكو انا وزنى 73 ونفسى اخس واوصل ل 60 كيلو بس لو هكمل معاكو لازم كلنا نمشى على نظام غذائى واحديعنى اللى ابتكرت الفكرة الحلوة دى تقولنا كل اسبوع نظام جديد نمشى عليه وكل اسبوع نوزن نفسنابس والنبى بلاش الانظمة الصعبة اللى فيها حاجات الواحد مش بيعرف يجيبهاخلى النظام سهل وفى المتاح
وان شاء الله نخس كلناوكل واحدة تتحق الوزن اللى بتتمناه

اهلا يا بنات ماشاء الله عليكم
والله اتفائلت بيكم لما لقيت الردود بتاعتكم
بصي يا ياسلوي احنا انشاءالله من هنا ليوم السبت حنعدي العشره باذن الله وياستي لو ماحصلش حنبدأاحنا انشاءالله
اما بأه بانسبه لألفت انا عن نفسي انشاءالله حانزل برامج غذائيه كتير واللي يعجبها منها حاجه تعملها
بس انا مثلا وغيري كمان ماشيين علي ريجيم بقالنا شويه وفيه كتير حيبقو لسه بيبدأو فنديلهم اختيارات للبرامج عشان مايزهقوش
وانا ياستي عندي برامج كتيييييييييييييييير ماتعديش
وكمان كل اللي عايزه تنزل نظام شغال وكلنا نستفيد انشاءالله

كمان بأه انا حانزلكم انشاءالله طرق الاكلات اللي انا عملتها بطريقة الريجيم وطلعت تحفه وعجبتني عشان ماحدش يبقي نفسه في حاجه
واولها محشي الريجيييييييييييييييييييييييييم
شفتو بأه مش باقولكم مش حنحرم نفسنا
وكمان اللي جربت طريقه وطلعت حلوه تعرفهالنا
يلله ياقمرات خللونا نبدأ
وبالنسبه للاسم ياسلوي جميل اوي بس بيتهيألي بالنسبه لأن الموقع ده خاص بأوريفلام يعني الكلام كله عن الحلاوه يبقي الاسم كده متعمم يعني حولي كده تفكري في اسم اللي يقراه يعرف احنا بنعمل ايه عشان نشجع معانا الناس التانيين
وعموما ياقمر حنستني لما نشوف لو فيه افكار تانيه جت ونختار كلنا مع بعض

وانا ياقمر انشاء الله ابدا معاكى

اهلا يا جميل ويارب وفقك انشاءالله وتبقي احلي من نجلاء فتحي
بس اكتبي لنا بأه وزنك وطولك وعايزه تبقي كام

الاسم نجلاء
الوزن68
الطول156
نفسى يكون وزنى 60ومن غير ماياثر على البشره يعنى اعمل رجيم صحى

كده الاعضاء المشتركين لحد الوقتي
1-shaden
sollyamar -2
3 -الفت
4-نجلاء فتحي
من فضلكم ياجماعه كل واحده تشترك تكتب:
الاسم :
الطول:
الوزن:
الوزن اللي عايزه توصل له:

انا حاكتب لكم اول ريجيم دلوقتي انشاءالله ويكون فيه:
غيره عشان كل واحده تشوف اللي يريحها
نظام غذائي للدكتور مصطفي ساري
الافطار:-3
ملاعق فول بليمون+ا معلقه صغيره زيت ذره او بيضه مسلوقه او5 معالق جبنه قريش
+ربع رغيف اسمر أو نص رغيف سن أو شريحة توست
+شاي بلبن منزوع الدسم
الغداء:
طبق سلطه+طبق خضار +ربع فرخه بدون جلد +ثمرة فاكهه فيما عد(الموز والعنب والتين والبلح والمنجه)
أو:طبق سلطه +4 معالق فول +ربع رغيف +ثمرة فاكهه
أو: طبق سلاطه +2 سمك مشوي +3 معالق ارز +ثمرة فاكهه
العشاء:
ا بيضه مسلوقه+قطعة جبنه قريش
أو كوب زبادي +بيضه مسلوقه
أو كوب زبادي +قطعة جبنه قريش

ايه جماعه ماحدش لسه جه عشان يشاركنا ليه
فين سمايل انجل وام سيف مش انتم اللي طلبتم نعمل كده وللا رجعتم في كلامكم وللا ايه

الله ينورعليكى ياقمر
الرجيم ده يلزم معاه ادويه

انا مش قلت لكم تستنونى لاول الشهر لو بداتم بدرى زى ما حدتى انا حزعل قوى انا ما صدقت انى لقيت حد يشجعنى

خلاص يا ستي ماتزعليش انتي تؤمري واحنا ننفذ علي طول احنا حنبدأ انشاءالله يوم 12 يونيو
وحنستناكي لأول الشهر زي مانتي عايزه خلاص يا قمر
انت تأمر يا جميل

جميل جدا يا shadenبس انا شايفة اننا كلنا نمشى على نظام واحد علشان ميبقاش فية لخبطة لان مينفعش كل واحدة تمشى على النظام اللى هى عايزاة
خلينا كلنا نلتزم بنظام غذائى واحد وتمارين رياضية لمدة ساعة فى البيت او المشى لمدة ساعة
ونوزن كل اسبوع زى ما قولتى ونشوف النتيجة وكل واحدة تقولنا وزنها
انا همشى على النظام اللى انت كتبتية دة من بكرة ولمدة اسبوع وان شاء الله ابلغكوا بأنى خسسيت
والاسبوع الجاى نغير النظام
وطبعا كلنا اعضاء فى اوريفلام وممكن نكون اصحاب
وممكن نعمل شغل مع بعض فى نفس الوقت
طبعا كلنا بنجيب حاجات من الشركة علشان نقفل نقط وعندنا حاجات كتير متباعتش وطبعا بنحتاج حاجات كتير من الشركةوساعات مش بنلاقيها فممكن كل واحدة تقولنا هى ساكنة فين ونتبادل المنتجات مع بعض لانى فى حاجات كتير بتتطلب منى ومش بلاقيها فى الشركة
وممكن نكون اصحاب
انا على فكرة اسمى علا مش الفت وساكنة فى العباسية

ماشي يا علا انا موافقه بس ل مانشوف اراء الباقيين بالنسبه لموضوع النظام اللي حيمشي عليه الكل
بس احنا متفقين اننا كلنا حنبدأ يوم السبت عشان الجمعه انشاءالله يكون يوم الوزن للكل وكمان يكون يوم الفري للكل ونمشي مع بعض
وبخصوص بأه اننا نبقي اصحاب طبعا دي حاجه تفرحنا كلنا وانا كمان ساكنه جنبك في مدينة نصر

والله يا جماعه فكره تحفه وياريت انضم معاكوا حتى لو مش هعمل نفس الرجيم بتعاكوا علشان انا ماشيه مع دكتور من سنه تقريبا ونزلت عشره كيلو
مش عاوزه استغراب دا لان معدل الحرق عندى ضعيييييييف جدا ولو شربت ميه بتخن
فادعولى وتعالوا نشجع بعض
وانا فاطمه وطولى 163ووزنى 80 ونفسى ابقى 60 او 65 يبقى تمام برضوا

انا بقى نفسى اتخن شوية شوفوا حد يشجعنى عالشان اكل انا طولى 158 ووزنى 45 ونفسى اكون 50او 55 ادعولى وربنا يعينكوا وتوصلوا للانتم عاوزينه

اه يا توتي ااااااااااااااااااه منجوه القلب
سبحان الله ماحدش عاجبه حاله
يعني انا وزني 96 تقريبا لو اتضربنا انا وانتي في خلاط حنطلع اتنين تخان ههههههههههههههههه
بس عموما اللي بجد بأه ماتحاوليش تتخني عشان لما حتتجوزي حتتخني حتتخني انشاءالله

يا حبيبتي يا توتو ربنا يكون في عونك انتي كده زي اللي بيزق في حيطه عموما خلليكي معانا انشاءالله
انا النهارده الجمعه الفري بتاعي ومن بكره انشاءالله حنبدأ كلنا

شوفو يا بنات عشان اللي حتبدا معانا وهي ماكنتش ماشيه علي دايت اصلا
انا في اول ما بدأت اخدت سيبوتريم عشان يساعدني شويه علي سد النفس واني ما اجوعشي
اللي حاسه انها محتاجاه تجيبه وتاخد واحده بس بعد الفطار وانا عملتله سيرش عالنت وعرفت انه امن جدا ومافيش خوف منه انشاءالله
وعن تجربتي انا وناس كتير بيساعد فعلا في انك ماتتعذبيش من الجوع بعد اسبوع او 10 ايام ممكن تبطليه بتكون معدتك اتعودت علي نظام الاكل الجديد وكل كام يوم كده حتلاقي شهيتك بتتفتح شويه ترجعي تاخديه يومين ولا حاجه
انا باعمل كده
اما بأه لو عايزه تستمري عليه فده عادي لأن فيه دكاتره كتير بيكتبوه مع الريجيم
والكلام ليكي يا نجلاء

شكرا ياشادن على المعلومات القيمه

ايه يا بنات انتم ما بدأتوش ولا ايهانا اتأخرت عليكم عشان انا في اسكندريه
بس مستتنيه اعرف عملتم ايه

على فكرة يا شادن برشام سيبوترم اللى بيسد النفس او اى برشام يسد الشهية الدكاترة ف التليفزيون قالوا ان انواع البرشام ده بيشتغل على المخ وده غلط
واحسن انواع البرشام التى تمنع امتصاص الدهون ف المعدة
حبيت بس انصحكم

ميرسي اوي يا نجلاء اسكندريه جميله بأهلها
احنا في شاطئ النخيل
شكرا يا رهف الكلام عالمعلومه
احنا والله عارفين ان كل الكلام ده مؤذي بس احنا لازم حاجه تساعدنا في الاول بس زي مانا قلت وبعدين نبطله ولما نحس ان احنا ضعفنا تاني نبقي ناخد منه تاني
يعني مره كل كام يوم
وانا فيه دكتور قاللي انه بيعمل اكتئاب لأنه بيشتغل عالمخ وده بيحصل مع استخدامه المنتظم عشان كده انا خدته الاول 5 ايام متتاليه وبعدين بقيت اخده كل كام يوم
وعلي فكره الادويه اللي بتنزل الدهون كمان ليها اضرار كتير اولها انها مش بتخللي المعده ترفض الدهون بس لكن كمان حاجات تانيه وفيتامينات اساسيه جدا\لكن احنا بنشوف الحاجه اللي نفعها اكتر من ضررها
والله المستعان

ايه الجمال ده يا شادن ماشاء الله اغيب شويه الاقى قالبه المنتدى وعامله جروب
يا حبيبتى ربنا يكرمك وتوصلى انتى وكل بنات الجروب القمرات للوزن اللى نفسك فيه وتبقى مزه المزز
انا هقولك حاجه سمعتها من الدكتور بتاع التغذيه كنت رايحه مع صحبتى هى تخس وانا اتخن
قالتله امشى يا دكتور كل يوم
قلها انتى الاحسن كل يوم قبل ما تنامى تجرى فى مكانك عشر دقايق فى الاول وتزيدى الفتره بعد كده تلت ساعه او نص على قد ما تستحملى بس اهم حاجه الاستمرار يعنى مش يوم تجرى ساعتين ويومين لا يعنى على الاقل ربع ساعه كل يوم لمده شهر
ولو تحبى يا شادن اجبلك مشروبات لتخسيس وشد الجسم ووصفات للقضاء على السليوليت والخطوط البيضا بس انتى تأمرى يا قمر وعقبال ما اباركلك على الوزن المثالى

سورى كده على التاخير بس انا برده بدات معاكو

الله عليكم بجد ربنا يكرمكم انا كمان نفسى اخس وعملت كل المحاولات اللى تتخيلوها ومفيش حاجة جابت نتيجة عموما ان شاء الله هبداء معاكم يمككككن ربنا يكرم واخس يا رب
الاسم........اميرة
الطول.....159
الوزن الحالى....75.5
الوزن المطلوب ان شاء الله.......60
على فكرة انا بتابع برضة مع دكتور تخسيس بس مفيش فايدة لكن لو عايزين اكتبلكم نظام انا معنديش مانع بس اولولى هنبتدى اذاى لانى لسة داخلة دلوقت بس معاكم

وانا معاكوا يا احلى بنات

انا نور
وزنى 87 ونص
طولى 173
نفسى ابقى 70 او 72

ياريت تنصحونى

وع فكرا ل ريجيم شادن الزبادى تشيلى منها الوش واللبن تشيلى منة وش القشطة والعيش كل ما يكون ناشف كل ما يتخن اكتر يعنى تاكلوا ربع او نص رغيف عيش ابو شلن العادى ومتكلوش حتة عيش ناشف والتوست يكون توست ترى ريتش بيك والعسل الاسود لو حطتية ع الزبادى بيحرق الدهون جامد الدكتورة كتباة ل اختى


يارب اكون افدتكم وقبلتونى معاكوا ف الرجيم