حل البشرة الجافة أخيراً لقيته :)

السلام عليكم و رحمة الله و بركاته

ازيكم يا قمرات يارب تكونوا بخير ... أنا من كام يوم كنت رايحة قريب من الفرع و كنت محتاجة أوي كريم لبشرتي الجافة اللي مش نافع معاها حاجة و عذبتني طول الشتا و كتبت الموضوع دا أسأل عن كريم ميلك أند هاني بس لغاية منزلت مكنش حد رد عليه

https://oriflame.ahlamontada.com/t7795-topic

المهم إني اتأخرت ومروحتش الفرع و اضطريت إني اشتري من سوبر ماركت كبير معروف كريم مستورد كنت أول مرة أشوفه زي مرديت على بوبس لما شوفت ردها بعد ما رجعت
انا من يومها بستخدمه و بجد الكريم حلو أووووووي أنا مستخدمتش قبل كدة أحسن منه مع إني استخدمت كتير
أنا هقولكم على الكريمات اللي استخدمتها و منفعتش معايا عشان تكون مقياس ليكم و هقولكم على الكريم و عمل إيه بالظبط معايا
..............

الكريم اسمه كريم 21 ... طبعاً غريب مش كدة .. الكريم دا الماني دي صورته

حل البشرة الجافة أخيراً لقيته :) 13079440185700

حل البشرة الجافة أخيراً لقيته :) 13079440185700

لما فتحته حسيته تقيل و خوفت يكون زي نيفيا وأول مرة حطيته كان وشي ناشف فحرقني لمدة تقريباً 10ثواني و بعد كدة حسيت وشي هااااادي و امتصه بسهوله و مفيش دهون على وشي و في نفس الوقت وشي مرتاح جداً و مش مشدود نهائي
بعد كدة و بالاستخدام حسيت إنه بيعالج وشي من الجفاف و مش بيروح مفعوله بغسل الوش زي بعض الكريمات اللي تحوطيها و بعد كدة تغسلي وشك تلاقيه نشف تاني و بعد ما كونت بحط منه 3 مرات دلؤتي بحط مرة الصبح و مرة قبل منام و وشي طول النهار مش ناشف و مرتاح و مش مشدود
دي كل تجربتي لغاية دلؤتي و قولت أقولكم للإفادة
و على فكرة انا شوفت على النت ناس شكرت في كريم البشرة الدهنية منه بس طبعاً انا مجربتوش و شوفت كمان ان ليه مجموعة كاملة و لقيت ناس بتسأل مش لاقياه و بتقول إنه كان كويس
..............
أما الكريمات اللي استخدمتها قبل كدة
* من اوريفليم استخدمت كريم الاكسجين و كان حلو في الصيف لكن في الشتاء لأ نشفلي وشي
كمان تايم ريلاكس و كان مش حلو و محسيتش ان وشي كان بيستفيد منه
كريم تندر كير و هو كان بينزل من سنتين تقريباً و مكانش حلو معايا و برضه نشف وشي
تندر كير حلو لما بعمله على وشي بمياه دافيه زي مقولتولي لكن لو لوحده بحس ان وشي مش بيتشربه و لما بغسله وشي بينشف تاني

*أما من خارج اوريفليم
نيفيا الأزرق طبعاً تقيل على الفاضي وشي بيكون مليان دهون و بمجرد غسله بينشف
نيفيا سوفت بينشف وشي
جونسون الأزرق بينشف وشي
دوف الأبيض نشف وشي جداً
كاميلا بينشف وشي
جليسوليد تقييييييل و بعد غسله بيروح مفعوله و كأنك يا زيد ما غزيت
دول اللي فاكراهم دلؤتي

يارب اكون افدتكم و متنسونيش من دعواتكم الحلوة
و السلام عليكم و رحمة الله و بركاته

نسيت أقولكم ان اللي فيه خط ازرق زي الصورة دا للبشرة الجافة و دا اللي جربته أما اللي فيه خط أخضر فيه ناس بتقول انه للبشرة الدهنية
حل البشرة الجافة أخيراً لقيته :) 103841

عدد المشاهدات 48 مشاهدة و مفيش أي تعليق حل البشرة الجافة أخيراً لقيته :) 820935

طيب حتى اجبروا بخاطري عشان كل الكتابة دي حل البشرة الجافة أخيراً لقيته :) 156602

... طيب قولولي إنه وحش حل البشرة الجافة أخيراً لقيته :) 440166

.. هو المنتدى دا مفيهوش حد بشرته جافة غيري حل البشرة الجافة أخيراً لقيته :) 461734

هوة المنتدى اليومين دول نايم يمكن لان الكتالوجات مبقيتش حلوة ومفيش حاجة تشجع وظروف البلد وحشة جدااااااااااااا
معلش ياقمر انشاء الله المنتدى يرجع زى الاول واحسن

emy star كتب:: هوة المنتدى اليومين دول نايم يمكن لان الكتالوجات مبقيتش حلوة ومفيش حاجة تشجع وظروف البلد وحشة جدااااااااااااا
معلش ياقمر انشاء الله المنتدى يرجع زى الاول واحسن

والله عندك حق الواحد زهق حل البشرة الجافة أخيراً لقيته :) 705119

مش عارف يشوف حاجة حلوة لا في البلد و لا في الكتالوج و لا حتى العروض حل البشرة الجافة أخيراً لقيته :) 682635

ربنا يصلح أحوالنا جميعاً يااااااارب cheers

نورتي يا قمر حل البشرة الجافة أخيراً لقيته :) 855315

و إن شاء ربنا يفرجها علينا و على البلد و على المنتدى و يااااارب ربنا يفرجها على الشركة و ينزلوا عرض محترم بدل الهم اللي احنا فيه ده ... شكراً يا جميل على مرورك العطر حل البشرة الجافة أخيراً لقيته :) 855315

العفوا يا قمر

هدور عليه يارب الاقيه ميرسي ي قمر

اقتباس :: العفوا يا قمر

اقتباس :: هدور عليه يارب الاقيه ميرسي ي قمر

هتلاقيه ان شاء الله في الصيدليات الكبيرة و السوبر ماركت الكبيرة حل البشرة الجافة أخيراً لقيته :) 855315

ازيكم يا قمرات .. معلشي للأمانة الكريم كان فعلاً حلو معايا أوي لكن بعد فترة بسيطة وشي وشي بدأ ينشف تاني مش عارفة أخد عليه و اللا من تغيير الغسول فقولت أقولكم عشان محدش يدعي عليا حل البشرة الجافة أخيراً لقيته :) 140564