تغطيه كتالوج 13 وكل سنة وانتم طيبين

متشكرة اوى ياسارة :)

على فكرة يا بنات جارتي النهاردة جابت الباودر بتاع التبييض جابت وحدة ليها ووحدة لاختها انا بقا قلتلها عايزة اشوفها عليكي و جارتي عندها كم حبة طلعولها اليومين دول اما حاطتها بجد غطت لها الحبوب و هي بيضة فمش بانت انها اوفر ابدا و غطتلها المسامات بجد ادتلها تغطية حلوة اوي و مش اوفر ولا جيرت و على فكرة زي ما قالت ساندي انها مائية جارتي بقا بللت الاسفنجة بتاعتها شوية و حطت منها و على فكرة سابتها اليوم كله لحد الليل و اما رجعت صحيح ان الباودر خفت شويييية بس مش كثير اوووي عشان هي اصلا محطتش كثير لكن التغطية لسا موجودة و مجيرتش ولا حاجة و بكرا هقلها تحطها من غير مية و اشوفها هتطلع ازاي عشان انا مش بحب الباودر المائية جدا عشان بردو ليها اضرارها لو اهملنا بشرتنا.. يعني هي بتملي المسام فلو مجرد انك شلتيها من وشك بمزيل ميكاب مش هينفع ابدا المسامات لسا مليانة و هتكون معرضة للرؤوس السوداء فلازم لما نشيلها نغسل بغسول عميق ندلك وشنا و نمسح و نحطه مرة ثانية و لو استلزم الامر ثالثة و رابعة و لازم قبلها نحط تونك عشان مش تتضر مسامات البشرة و نعمل تقشير للبشرة مرة او مرتين في الاسبوع دي اتعاب الباودر المائية

ولو يا اية انتي تأمري

rbna ya5aliky ya amar :)

aya yoya كتب:

ازيكوا يا احلى بنات ؟؟
انا ان شاء الله هجيب مجموعة دليكسى هدية لواحدة صاحبتى
برفان فليستى عشان عاجبنى :)
كريم الرومان اليل النهار عاجبى عارضة
وروج فرى مى بصراحة بحبة كتيييييييير ناعم وسعرة جميل
وماسكرا جوردانى
والكونسلير الجديد
البلشر درجة فريش بينك بصراحة بعشقة جدااااااا
اسكرب الايد دة وهمى بجد
كريم جوردانى وايت للجسم
كريم الايد بالتوت ناس طلبوة منى وشكروة فية
الحجات الى جربتها وجميلة اوى
ماسكرا اندليس جميلة وبرفان ميدنايت بيرل تحفففففففففففة
ماسكات بيورناترل معجبتنيش خالص
ايلاينر جوردانى جميل واساس ميكياج تحفة بيدى نضارة وبيثبت الميكب فعلا
البلاشر وهمى وروج 3 فى 1 تحفة تحفة تحفة :)
فرفان فلامبوينت حلو اوى وعرضة جامد
صابونة مساج عادية جداااا
شامبو هير اكس الاصفر اكتر شامبوة ناشفلى شاعرى وشاعرت مامتى بكرة اوى
بس يمكن شاعرى مش ماشى معاة !!!
شاور جيل ديسكوفر الروز ريحتة تحفة اوىىىى وطبعا تندر كير صغير بس جبار :):):)
معلش كنت عاوزة اسال على كذا حاجة كدة؟؟؟؟:):):)
برفان بوشن حلو ولا وشبة اية كدة؟؟
عاوزة كريم للعين حلو لسن لمامتى 47 سنة وعندها انتفخات وتجاعيد بشكل مش معقول تنصحونى باية؟؟
واية رايكم فى ماسكرا جوردانى حلوة ولا لاء؟؟
حد جرب الكونسلير الجديد عشان هجيبة ان شاء اللة؟؟
شكراااا جداااا طولت عليكو كتيييييير معلش :)

متزعليش يا آية

بصي يا ستي اللوف بوشن شبة الديفين بس دي على شيكولاته بس مش لدرجة انك تشميها تجوعي طبعا

كريم العين لوالدتك كممكن تجيبلها بيوماكسيمم او رويال على حسب اللي نازل فيهم

وتسلمي لأنك فاكرة ست الحبايب

اي حاجة من جورداني حتطلع حلوة ان شاء الله بس انا بفضل التانية اللي كانت نازلة مع الجوردان يجولد شاين الكتالوج اللي فات

الكونسيلر عشان هو جديد فحتصبري لما الناس تجربه وتقوللك

اتمني اني اكون افدتك ومكونش طولت عليكي

دينا اللف بوشن شبه ديفين الحمرا ولا الزرقة؟؟؟؟؟ وهادية ولا نفاذة وهي احلى ولا جريس الموف؟؟؟؟

سـآرة كتب:

بيوتي ليلي زي ما اتوقعت لمعته مش تنفع غير للمناسبات الحمد لله اني مجبتهوش
انا بنصح ئلي عمره ما جرب هير اكس الاصفر يشتري اول حاجة الحجم الصغير بتاع 250 مل عشان لو مش ناسب شعره ميتدبسش ف 400 مل
و مش حلو ابدا اننا نستمر على شامبو فترة طويلة يعني مش تزعلي ولا حاجة
يعني على الاقل استعملي هير اكس شهر او اثنين و غيري حاجة ثانية حتى لو مش تناسب شعرك استمري عليها شهر و ارجلي لو عايزة لهير اكس
عشان لو الشعراية اتعودت على شامبو واحد هتدمن عليه و مش هتتقبل غيره و لو غيرتيه هيبقا الشعر يوقع من غير توقف و القشرة هتكثر هيبقا عامل زي المخدرات بالنسبة للشعر و فروة الراس و ده كلام دكتور جلدية عشان كده المفروض كل فترة نغير الشامبو حتى لو هنرجعله مرة ثانية فلو وحدة عاوزة تشتري هير اكس الاصفر 400 مل تشتري 250 مل و تشتري واحد ثاني مثلا العناية اليومية او حاجة ثانية

كريم العين فوق 40 رويال فولفت كويش للهالات للتجاعيد مش عارفة
مضادات الهيشان للشعر فى اوريفلام مبتجبش نتيجة
فى شامبوهات طبية ممتازة بس غالية زى اكرينال ب100 جنية ال400 مل بس ممتاز
وكمان فولتين جميل 200مل ب56جنية
بس بتحسى انك بتستعمليها وانت مطمنة على شعرك
بس اى شامبو لازم بعدة بلسم لا يوضع على الجذور طبعا
معان اكرينال مبينشفش الشعر حالص
على فكرة الى سمعتة عن مجموعة الصبار انها افضل للبشرة الحساسة الاميل للدهنية
والابتمالز للجساسة الاميل للجافة

كاتا على كتب:

كريم العين فوق 40 رويال فولفت كويش للهالات للتجاعيد مش عارفة
مضادات الهيشان للشعر فى اوريفلام مبتجبش نتيجة
فى شامبوهات طبية ممتازة بس غالية زى اكرينال ب100 جنية ال400 مل بس ممتاز
وكمان فولتين جميل 200مل ب56جنية
بس بتحسى انك بتستعمليها وانت مطمنة على شعرك
بس اى شامبو لازم بعدة بلسم لا يوضع على الجذور طبعا
معان اكرينال مبينشفش الشعر حالص
على فكرة الى سمعتة عن مجموعة الصبار انها افضل للبشرة الحساسة الاميل للدهنية
والابتمالز للجساسة الاميل للجافة

معلومات مفيدة جداااااااااااااااااااااااااا جزاكي الله كل خير

شفتوا يا بنات طلع في مشكلة في شركة الشحن عشان كده الاوردر ما وصلش رغم اني عملاه اول يوم وبتصل باوريفليم الشبكة مشغولة ومبيردوش كده الاوردر اتلغى ولا ايه ؟؟؟شكلي هرجع للناس فلوسها

شكرا يا كاتا على المعلومات بس الشامبوهات دي اقدر اجيبها منين ياريت حد يقوللي

لوما اللوف بوشن شبة مش زي تشبه الديفين شوية بس على شيكولاته

طيب مشكلة شركة الشحن دي عامة ولا في محافظة بعينها وكمان حتتحل امتي؟

dinaali
واللة ضحكتينى اوى ههههههه
ربنا يخليكى يا حبيبتى عللى ردك :)

الشامبوهات من العزبى
الاكرينال لايستخدم للحوامل ولا الى بيرضعوا
الفولتين امن حتى للسن الصغير خالص

انا استخدمت قبل كده شامبو اسمه كيراستاس وصفهولي الطبيب و هو غالي اوي مش متدكرة اشتريته بكام لكن غالي قللي الطبيب هيعملك قشرة و هرش عشان بيشيل الجلدة الميتة من الفروة و هيستمر ده شهر في الاول كنت متحمسة اوي لكن بعدين اما بدأت القشرة تطلع بدأت انزعج و ساعتها كنت لسا مش عاملة حجاب فوقفته و اديته و البنت للي ادتهولها ناسب شعرها و كمان مبقاش هايج
انا دلوقتي محتارة جدا بجد خايفة من الصوديوم ده للي في الشامبوهات في نفس الوقت النهاردة عديت على صيدلية قالتلي ان مينفعش ابدا نغسل شعرنا بصابونة حتى لو صابونة الغار او صابونة غالية و قالتلي عن شامبو مافيهوش المنيوم ثمنه خيالي و قلتلها بعدين اعدي و اشتريه لكن مش ممكن ادفع فلوس قد كده على شامبو احسنلي اروح اعمله كيراتين على اني ابعزق فلوسي على شامبو كل للي فيه انه خالي من الصوديوم

نورتي يا وردة

وحشتيني يا وردة والف سلامة على النت متزعليهوش انتي وهو حيبقي كويس
شكرا يا كاتا العزبي قريبة جدا مني هي وخليل
شكرا يا اية وانا مبسوطة اني بقدر اضحكك في عز الهم اللي احنا شايفينه من البلد وحالها ومن همومنا الشخصية ودي كل واحد ومشاكلة واوريفليم واللي عاملاه فينا
شكرا يا سارة على المعلومات المفيده

اية رايكم في مسكرا جورديانى الجديدة حد جبها

كريستاس شامبو غالى جدا اعتقد الحجم الصغير 250 جنية
الشامبوهات الطبية تستحدم لعلاج للتقصف و التساقط مش بس لخلوها من مادة كيميائية معينة

كيراستاس مش بيخلو ولا حاجة على فكرة الدكتور قللي ان فيه كمان مادة الصوديوم و زايدة كمان و انا اخدته زي ما قلتي عشان شعري مقصف و كمان مجعد و باهت و جاف و كان العلاج هيبدا فعلا لكن انا مليت من القشرة و منظرها كان هيبقا مقزز خصوصا اني كنت من غير حجاب و دلوقتي بفكر اني ارجعله انا اشتريت الصغير ب 200 جنيه تقريبا عشان كان عليه تخفيض في الصيدلية لكن بجد المنتج رااائع
لكن الشامبو للي الصيدلانية قالتلي انه بيخلو من الصوديوم مش معروف يعني ماركة فرنسية مجهولة شوية و تقريبا ب 300 جنيه و الماسك بتاعه ارخص منه و هو 2 في 1 شامبو و بلسم لكن يستحيل ادفع الثمن ده عشان شامبو و الحاجات عندهم هنا غالية جدا خصوصا المستوردة ده حتى سيتافيل اشتريته هنا بضعف ثمنه اما كنت فمصر اشتريته من الصيدلية و ارخص بكثير

emy star كتب:

اية رايكم في مسكرا جورديانى الجديدة حد جبها

انا بحب التانية اللي كانت نازلة الشهر اللي فات مع الجورداني جولد شاين

سـآرة كتب:

جومانا انا كمان مناسبنيش بالدرجة للي كنت متوقعاها و مجموعته زفت بالنسبة ليا خربت شعري من غير السيروم و كمان مش شغال زي ثمنه

ططيب انتي شعرك دهني ولا عادي علشان عايزة اجيبه وخايفة يطلع وحش واللي هتاخده شعرها دهني

شعري جاااف و باهت و منكوش و الاطراف متقصفة

د ورده كتب:

سـآرة كتب:

شعري جاااف و باهت و منكوش و الاطراف متقصفة

قلبى عندك لو لقيتى حل لشعرك ياساره ابقى عرفينى الشعور عند بعضها

انتى صحيح جبتى شامبو وبلسم ميلك اند هانى ولا لا ؟

انا مليت من شعري جدا و جربت حاجات و للاسف منفعتش معايا حمامات الزيت و حمامات الكريم كلها مبتعملش حاجة لشعري منكوش منكوش و الكيراتين معنديش امكانياته حاليا هنا عندهم غالي اوي اوي اوي و حنة الفرد اطباء الجلدية مبينصحوش بيها معرفش اعمل ايه لشعري شكلي هروح اقصه و خلاص
ان شاء الله لما اروح اشتري تونر افين من الصيدلية هسالهم على حل لشعري المنكوش ده
ملقتهوووش يا ورودة لقيته خلصان ملقتش اي حاجة غير مسرح الشعر ده و طلعت المية احسن منه
قوليلي دلوقتي اما استعملتيه اكثر من مرة سرح شعرك ؟؟ اصل انا البلاسم و الشامبوهات مش بتعمل معايا حاجة لاكثر من يوم و يرجع شعري لحالته المزرية رغم اني من سنة او اكثر معملتش استشوار

ورده معلش طلب غلس انا تاه مني الموضوع بتاع حمام النخاع ممكن لوعندك اللينك تحطيه او لو تقدري وميكونش فيها تتقيل مني تكتبيلي الطريقة تاني معلش يا وردة حتعبك معايا