اسألوني وانا اجيب..!!

نهى2 كتب:

بجد انتى سكره والمفروض تاخدى وسام شرف
جزاكى الله خير

شكرا ياقمر ربنا يسمع منك

بولاريس كتب:

ممكن اعرف منك يا ساد كريم الحمايه اللى بعامل حمايه 50 ص133 ف كتالوج 5 اولا يعنى اى عامل حمايه وتانيا استخدامه ازاى ولو هحط مكياج يبقى قبل والا بعد وفعاليته بتقعد كام ساعه
وكنت سمعت عن اكاديمى ييوتى دى فين وياترى تبع اوريفليم والا بفلوس والا اى وشكرا ليكى ولكل المنتدى

بصى ياقمر معامل حماية يعنى درجة حماية من الشمس تقريبا تبدا من15 لحد100 تقريبا بس برضة أعرف أن الدرجة المناسبة بتبقى20
أنا مجربتش المجمعة دى بس معلوماتى أنها مجموعة قديمة فالشركة وكويسة وبيتهيألى أنها للبحر بس وبيتهيألى صعب الميكب معاها بس أنا مشفتهاش عالحقيقة فمش متأكدة من موضوع الميكب
وعلى فكرة أنتى بتحطيها على وش نضيف
أكاديمية بيوتى بتبقى بمواعيد وكمان رسمها 10ج وبتبقى فالفروع تابعيها فالمجلة كل شهر

شكرا اوى يا ساد

تحت امرك يا قمر أنا اللى معلش معرفتش أرد على كل سؤالك

ولا يهمك المهم انك اهتمى ورديتى

في كتالوج شهر 6 2011 يابنات في حاجات مكتوب عليها خصم مثلا 40% دي فعلا بيتخصم عليها كده ولا 23% بس

لاياقمر انتى بس اللى مش واخدة بالك ال40%دى السعر الاصلى يعنى الحاجة ب20 ج وخصمها 50% تبقى ب10ج ودة سعر العميل لسة بقى أنتى هتخدى الخصم على ال10ج

سوال يا ساد ضرورى جداااا دلوقت لو قال على منتج اشتريه بخصم 60% لو اشتريت ب200 جنيه من الكتالوج طب لو اشتريت ب400 جنيه ممكن اشترى اتنين من المنتج دا بخصم 60 % والا انا لى مره واحده بس

انا كمان والله عايزة اعرف الاجابة على السؤال ده

ازيكم يا بولاريس و يامنه بعد اذن ساد انجل انا هرد لانى جربت الموضوع ده فعلا لو اشتريتى ب400 جنيه ممكن تشترى اتنين من المنتج دا بخصم 60 % لكل واحد وع فكره دى تجربه شخصيه ده من حقك يارب اكون فيدتكم وخلوا بالكوا فى مره واحد فى خدمه العملاء قالى لازم 200ج ع فاتوره واحده وساعتها كان المنتج اساسا منزلش لسه واما جيت اطلبه فى الطلبيه اللى بعدها وكنت معديه 200ج قالى لامينفعش تاخدى المنتج خلاص قولتله ماهو مكانش موجود اصلا لماعملت الاوردر ب200ج اول مره بصراحه واحد تانى فى خدمه العملاء قاله لا ينفع هات اناهعملها الاوردر لان المنتج لسه نازل امبارح ومن حقها تاخده دى معلومه يمكن تفيدكوا

شكرا جدا والله يا دعاء ربنا يبارك فيكى يارب فعلا كان نفسى اعرف الاجابة لان البرفان اللى نازل فى شهر 6 كنت عايزة منه اتنين

أولا عن عدم ردى عليكو عشان الفترة دى عندى شغل كتتتتتتتير جدا وبرجع مهدودة وبشكر دعاء جدا جدا عالافادة ودة فعلا مظبوط بس أعرفو أن لو المنتج منزلش لسة بيتحجز لو خلص بيبقى فية بديل وزى ماقلتى يا دودو هما سعات بيكسلو يسألو أو عندهم ضغط شغل فعادى لو شكيتى ممكن تقولى أن هكنسل دلوقت وتتصلى تكلمى حد تانى
بس وربنا معانا كلنا

على فكرة قريب هصورلكم أدواتى ومكياجاتى ومسكاتى وكدة يعنى عشان بعدها هقولكم أزاى نعمل ميكب بالادوات دى ودة هيكون سهل عن الحجات اللى عالنت عشان بنبقى عرفين الحاجة واللون عالحقيقة وكمان ممكن الحاجة تكون موجودة أوسهل نجبها
بس بصراحة هشوف الاول المرحبين بالموضوع فى ناس هتعوزة ولا عشان هياخد وقت يعنى أرجوكم اللى عيزانى أكمل تقول واللى لا عادى وان شاء اللة هبدا فية بكرة قدامكم من النهاردة لحد بكرة العصر أما أشوف

يا سلام عليكى وعلى جمال افكارك
فكره ممتازه وياااريت فى اسرع وقت كماان
منتظرينك يا جميل

فكرة جميلة ورائعة يا ساد انجل استمرى ان شاء الله فى نجاح دائم ................ممكن تردى على موضوع قلم الايلنير اللى شبه الفلومستر علشان انا بثق فى ارائك

فكرة جميلة والله يا ساد يا ريت فعلا وياريت كمان تعلمينا تناسق الوان الايشادو لما يبئى كذا لون مع بعض فوق العين

أولا أنا رديت عليكى يا صيدلانية ودة شرف ليا أنك بتثقى فرأى وأنا تحت أمرك

من عنيا يا بنات كل شوية نتكلم عن حاجة وأنتو اللى تحددوها تمام

الالوان يعنى الايشادو من اهم الحجات فالميكب لان هى بتكون الفنش الاخير للميكب ودلوقت شوفو معايا الحجات دى وهى أى شادو وبلاشر كمان بس عادى لو أستعملناهم مكان بعض

معلش عندى مشكلة فتنزيل الصور
عالعموم بالنسبة للتنسيق فالالوان الموضوع سهل جدا ياقمرات بصو اية اللى يريح عنيكى مفهوش حاجة شازة دة أولا
ثانيا أنا من محبى الهدوء والبساطة وفنفس الوقت الغموض أيوة جد الميكب ممكن يقل شخصيتك واللى لفت نظرى جوزى لما أتخطبنا قاللى عجبنى رسم عنيكى بسيط وغامض ومش ملفت بجد بس عايزنى مرسمش خالص دلوقت

هقولكم أزاى فالاول نحدد رسمة الحاجب وأنا بحب الرسمة شكل8 حلو والحاجب يكون مناسب لا رفيع ولا تخين
نبدا نفرد الايشادو الابيض المت يعنى اللى شبة الجير ودة للخروج العادى ولو مناسبة نحط المصدف بيكون بيلمع شوية ويتفرش عالعين كلها لحد الحاجب وبعدين نفرض هنلبس طقم أسمر مثلا هنبدا من زاوية العين اللى ناحية لانف ونحط الجراى وندخل بية لنصف العين وبعدين الاسود الفحم أو العادى من الجانب التانى للعين وندخل بية على جوه وبعدين ندخل الروز الهادى ونخلط بية الاتنين ونطلعة مع الاسود ونظبط حسب محنا عيزين وبعدها نستعمل الكحل أو الاينر من جوة وبرة فوق دةأساسى وتحت العين حسب الرغبة أنا مش بحط تحت عينى بصراحة
المهم حيكون فالاخر حاجة شبة الصورة الشخصية بتاعتى كدة
والالوان دى تمشى مع الدرجات الاحمر لحد النتيتى وكمان مع الكحلى بس بدل الروز نحط أزرق والكحل جوة العين أزرق لوحلو فعينك
طب لو هنلبس بنى أو زيتى أو أى درجة قريبة هنستعمل البيج أو السمنى بدل الابيض والبنى المحروق بدل الاسود وبل الروز اللون اللى هتلبسية مثلا الزيتى أو النحاسى وكدة يعنى

نيجى للوك الشغل بتاعى بصو أنا بعمل حاجة حلوة جد بجيب الكحل وأعملة زى الاينر بس عريض فوق العين وبعدين أجيب فرشة الشادو السودة وأبدأ أفرش اللون لفوق وبالفرشة أسحب شوية خفيف من تجحت العين وأحط كحل أسود أو أزرق حسب الهدوم والمسكرا وكدة تمام بجد شيك جدا جدا ومش مبالغ فية وممكن كمان للكلية يابنات


معلش قولولى طريقة الصور بطلع صغيرة معايا لية عشان أنا صورتلكم الحجات ونزلتها ومش عرفة أرفعها عالموقع

قولولى فهمتم منى حاجة ولا أنا مش عرفة أوصل لكم واللى عيزة حاجة تقلى

معلش بغيب فالرد بس لما كوكو بتدينى فرصة أقعد عالكمبيوتر

الله لا اله الا الله

شكرا ليكى يا مدام هالة التحديد دة حلو جبت منة لبنات وعيزين تانى والروج اللى معاة حلو قوى على فكرة انا بستعملة بس عيبة ان الكمية بتاعتة صغيرة قوى والاتنين يعتبر سعرهم حلو

السلام عليكم
يا مدام هاله أقلام تحديد الشفايف اللى فى صفحة 11 و 12 كتالوج مايو حلوين جداااااااااا وثابتين والوانهم واضحه انا اشتريت منهم افضل 100مره من اى روج من ارواج اوريفليم اللى مش بيبانوا ولابيثبتوا اصلا قلم التحديد مع زبده الكاكو حلو جداا والوانهم رائعه بجد انا فضلتهم عن اى روج جبته من اوريفليم

العفو يامدام هاله

تحت أمرك يا مدام هالة وشكرا ليكى يا دعاء بسأوريفلام أغلب روجاتها روعة ودةعن تجربة

معلش يا ساد انا كنت عايزه اعرف ايه احسن كريم للجسم فى كتالوج مايو

كنت عايزة اعرف البرفانات الهادية و الثابتة فى اوريفليم . انا جبت جيوردانى وايت و ميس اوه البينك و دانسج ليدى و ديفين الزرقاء اجيب ايه تانى؟؟؟؟؟؟؟؟؟؟؟؟؟

ساد انجل ..............ايه رايك فى ملمع جوردانى الغالى اللى نازل فى العرض .حلو؟ وهل دلرجاتة ذى الصورة ولا فاتحة

مجموعه العنايه بالرجال دى حلوه ولالا؟ ياريت الى خربها يقولى وهى موجوده لسه ولا خلصت ؟