استشارات مجانية مع خبيرة التجميل

ممكن الرد على سؤال الاسبراى والبرفان قياريت حد يجوابنى

انا بشرتى دهنية جدا جدا وفيها بقع من مكان الحبوب ونفسى البقع دى تروع حد يعرف منتج من كتالوج شهر 6 اجيبه.

يا شوق انتي سؤالك بخصوص اسبراي ص 72 الاسبراي دا مفيش عليه عرض يعني هيبقي سعره غالي قوي انصحك تشتريه لما يكون عليه خصم واللي في صفحة 13 حلو قوي بس لازم تشتري البرفان عشان تاخدي الاسبراي والمرطب بتاع الحلاقة يعني لازم التلاتة مع بعض
بالنسبة للعروض 60 % البرفانين الاتننين ريحتهم خفيفة قوي بس الأفضل اكزيت لان اس 8 خفيف جدا ومش ثابت
كنتي كمان عايزة كريم قدم في كريم قدم نازل في العرض تحفة قوي لونه زيتي و ب 11 جنيه هو بالافوكادو وفي نوع تاني انا شخصيا بستخدمه بالكاموميل لونه اخضر ممتاز جدا عموما منتجات العناية بالقدمين من اوريفليم كلها حلوة

شكرا يا مانو انا قريت فى الموضوع ده و اظاهر ان فى اعضاء كتير ليهم نفس المشكلة للبشرة الدهنية و الحبوب وعرفت بعض المنتجات المناسبة.

السلام عليكم اظن ان الموضوع ده مفروض يتقفل لان م فيش حد بيرد على اسئله الاعضاء فين خبيره التجميل وفين الردود احنا الى بنرد على بعض لما هو ما فيش حد متابع الاسئله ولا حد مهتم الموضوع ده مثبت ليه وطبعا كلامى فى الهوى لان ما فيش حد من المسؤلين عن الموقع بيدخل على الصفحه دى اساسا وفرو على نفسكم الاسئله وشوفو خبيره تجميله فى اى حته تانيه او دكتوره امراض جلديه تسئلوها الاستشارات اتعملت شويه وبعدين زهقو عفوا هذا الموضوع خارج نطاق الخدمه

بصي يالميا هو اكيد في الاول كان فيه خبيره بترد
انا مراجعتش الموضوع ولا شفت
بس بجد انا استفدت جدا من ردود بعض الاعضاء عليا فيهم ناس كتير عندهم خبره طويله عن منتجات اوريفلام وعن اساليب التجميل عموما
زي ايمي حبيبتي مثلا
وانتي لو رجعتي لورا شويه في الموضوع وحاولتي تقري حتلاقي ان الموضوع ده بالذات مهم جدا وفيه معلومات ثريه جدا عن حاجات احنا كلنا بنسأل عليها
انا متأكده انك حتغيري رأيك وحتعرفي هم ليه سايبينه لحد الوقت
وياستي اهي الناس اللي بترد علينا بتفيدنا برضه اكيد لما كنتي مش عضوه معانا ماكنتيش بتلاقي حد تسأليه عن منتجات اوريفلام دلوقتي انتي بتلاقي بدل الواحده عشره يردو عليكي
المهم اني عايزه اوصل لك ليه القايمين عالمنتدي مش بيقفلوه يعني مش مطنشين ولا حاجه

manooo_82 كتب:

يا جماعة هو غسول الوجه بالافندر اللى نازل الشهر ده ينفع اغسل بيه منطقة العين برضه ولا ايه

لأ يامانو العين بيبقى ليها حاجات مخصوص وده على حد علمى

maro81 كتب:

انا بشرتى دهنية جدا جدا وفيها بقع من مكان الحبوب ونفسى البقع دى تروع حد يعرف منتج من كتالوج شهر 6 اجيبه.

فى كريم optimals even out صفحة15 فى كتالوج6 ده حلو اوى للبقع وفى شهر7 نزل منه نوع مخصص للحبوب لأن به كره دوره انا سألت عنه خبيرة التجميل فى الشركة وقالتلى انه حلو وبيجيب نتيجة حلوه اوى

[quote="samsam85"]

maro81 كتب:

انا بشرتى دهنية جدا جدا وفيها بقع من مكان الحبوب ونفسى البقع دى تروع حد يعرف منتج من كتالوج شهر 6 اجيبه.

فى كريم optimals even out صفحة15 فى كتالوج6 ده حلو اوى للبقع وفى شهر7 نزل منه نوع مخصص للحبوب لأن به كره دوره انا سألت عنه خبيرة التجميل فى الشركة وقالتلى انه حلو وبيجيب نتيجة حلوه اوى[/

تمام يا مارو كلام سمسمة صح

maro81

بس خدي بالك يا مارو لانه ما دام بشرتك دهنية اوي كده ممكنن يسببلك حبوب
فلو هتستعمليه يبقى عالجزء المصاب بس مش ع الوش كله لمدة شهر ع الافل الصبح وبالليل
لانه معمول اصلا لعلاق البقع الداكنة الناتجة عن الشمس والتقدم ف العمر ودول غالبا الحالات فيهم بتكون بشرتهم جافة او عادية

manooo_82 كتب:

يا جماعة كنت عاوز اسال على حاجه انا لو عاوزه اشترك عضوة تحت مدام رشا اعمل ايه وهل العضوية فعلا بتوصلنى لحد البيت ولا ايه وشكرا ليكوا كتيييييييييير

تقدري تتواصلي معاها عن طريق
الرقم والميل اللي ف اعلى المنتدى
وهي فعلا هتبعتلك العضوية لحد البيت ان شاء الله

كريم seeing is believing كيفيه وضعه هل علي العين كلها ولا من تحت بس يعني ممكن يوضع علي الجفن من فوق يا ريت حد يفيدني ضروري وشكرا

جنات كتب:

كريم seeing is believing كيفيه وضعه هل علي العين كلها ولا من تحت بس يعني ممكن يوضع علي الجفن من فوق يا ريت حد يفيدني ضروري وشكرا

يوضع الكريم ع عظام العين فوق وتحت لكن لا تقتربي من الجلد تحت العين مباشرة
ضعي فقط ع العظام فوق العين بالطبطبة بالاصبع قبل الاخير (الخنسر) من الداخل للخارج وتحت العين من الخارج للداخل

شكرا ليكي ياmayoya علي اجابتك جزاكي الله خيرا

انا بشرتى دهنية جدا جدا وفيها بقع بنية ومسام واسعه وموجود كمان حبوب وعندى عالات سوداء حوالين العين ارجوكى عايزة حل لدا كله مش عارفه اجيب مجموعة اوبتملز كلها ولا ايفن اوت للبقع ولا اجيب ايه وعاوزة كمان اسال على مجموعة التقشير الديرمو بروفيشنال ايه رايك فيها وتنصحينى بيها ولا لا

ما هو علاج ترهلات البطن بعد الولادة

habiba_200888 كتب:

انا بشرتى دهنية جدا جدا وفيها بقع بنية ومسام واسعه وموجود كمان حبوب وعندى عالات سوداء حوالين العين ارجوكى عايزة حل لدا كله مش عارفه اجيب مجموعة اوبتملز كلها ولا ايفن اوت للبقع ولا اجيب ايه وعاوزة كمان اسال على مجموعة التقشير الديرمو بروفيشنال ايه رايك فيها وتنصحينى بيها ولا لا

حبيبتى انتى لازم تعملى تنضيف بشره بالبخار الاول عند حد متخصص عشان تنضفى مسام البشره وتقللى الدهون وتعمليه بأنتظام كل شهر عند خد متخصص وكل اسبوع تعملى سكرب واعملى ماسك الطمى المغربى وميه الورد حلو اوى للبشره الدهنيه بيمتص الدهون وبيبيض لو عايزه الطريقه قوليلى
وجيبى مجموعه الاوبتمالز اهم حاجه الغسول والتونر والاسكرب عشان عمر المسام الواسعه ما هتتقفل او تقل وهى مش نضيفه والحبوب كمان بتيجى نتيجه الدهون الكتير اللى على البشره فبتتكون بكتريا يعنى انتى يا قمر تغسلى وشك تلات مرات على الاقل فى اليوم
وفى كمان غسور بيور سكن حلو للحبوب وغسول شجره الشاى تحفه بس لازم تجيبى معاهم تونر وياريت تجيبى صابونه طبيه تغسلى بيها وشك تلات مرات فى اليوم مع الغسول زى سنيو بار او سموزفيس دى تحفه هتقلل الحبوب وتمشى البقع انا بغسل وشى بيها كويس وبسبيها زى ماسك لحد ما تنشف وبعدين بغسل بغسول الشاى على المناطق الدهنيه وبالتدريج هتلاقى البقع قلت عشان انتى بتنضفى بشرتك وبالسكرب بتشيلى الجلد الميت وهتلاقى بشرتك جميله اوى ونضره
واى استفسار انا تحت امرك يا قمر

السلام عليكم
كنت عاوزة اسال هو الكراتين اللى بيتعمل فرد للشعر ده كويس
وممكن يتكلف فى حدود كام
ومين اللى بيعرف يعمله فى اسكندرية بس تكون واحده مش واحد علشان انا محجبة وممكن يضر الشعر فى ايه
وشكراا

انا كمان يا شيرى نفسى اعمل الكيراتين فى شعرى يعنى عشان يعطى للشعرة حيوية شوية وكنت عايزة اقولك على معلومة عرفتها يمكن تفيدك هى ان فى كيراتين فيه فورمالين، وكيراتين مفيهوش فورمالين والافضل لاى شعر هو اللى مفيهوش فورمالين بيقوى الشعر وكمان لو فى كسرة مش جامدة بيفكها.

ميرسى ليكى يا رحاب76 بس انا فعلا شعرى فيه كسرة خفيفة وبيهيش علشان كده كنت عاوزة اعمله مش هو اصلا بيفرد الشعر ولا مغذى فقط وكمان مش عارفه بيتعمل عند مين انا من اسكندرية وممكن يتكلف كام

يا جماعة بلاش الكرياتين دة والله دكاترة كتير قالو انه بيجيب بعد الشر عننا كلنا سرطان فى المخ
عايزين ايه اكتر من كدة عشان مانفكرش اصلا اننا نعمله
كنت فى مرة عند الكوافيرة وبعدين لقيتهم بيوزعو علينا كمامات استغربت جدا قلت هما هايرشو ولا ايه؟ ليه هو احنا صومالين؟؟؟؟ المهم سالت هو فيه ايه قالولى لا دي واحدة هاتعمل كرياتين بس تخيلو