ينفع خطيبك يكون اصغر منك؟؟؟

انا قرات موضوع عن ان العريس ممكن يكون اصغر من العروسة في السن
وفيه ناس بتأيد ده
وفيه ناس بتعارض
ايه رايكم ؟؟؟؟
توافقي لو خطيبك اصغر منك ؟؟؟
كل واحدة تقول رايها وهي شايفة ايه

انا لا اويد الموضوع دة لان المفروض الراجل يبقى اكبر علشان يقدر يحتوي الموقف ولو في اى مشكلة تتحل بحكمة

لكن لكل قاعدة شواذ يعنى ممكن ينفع في بعض الحلات لو البنت بطبعيتها بتبقى عاقلة وتفكرها كبير في الخالة دى هتقدر تحتوى الموقف

وعلى كل حال الحياة الزوجية لا تخلو من المشاكل سواء كانا الرجل اصغر او اكبر

عارفة
راي المؤيدين للموضوع بيقولو انه ينفع لو في حالة ان الراجل دماغه كبيرة وعاقل
والبنت برده
كده الحياة تمشي
انما لو دماغهم صغيرة يبقي لا

الدماغ والعقل مش بالسن يااما رجال كبار بس عقلهم صغير
دة رايى

اقتران الشبان بقتيات أكبرا سناً , ظاهرة جديدة
أثارت نوعاً من الجدل بين المؤيدين والمعارضين .
مــــــــــــــع

منهم من يقول انه مع الزواج بفتاة أكبر سناً , بشرط ألا يكون فارق العمر كبيراً , لكي لا تشعر بالغيرة , أو يظل الشاب مرتبطاً بشلته دون التفكير في شعور زوجته بالوحده والفراغ الذي يثير غضبها عليه ..

وانه مع هذا الزواج .. لان في نظره يرى ان هذه المسأله عادية جداً , ولم يعد الأهل ينظرون إلى هذه الامور نظره سلبيه , مثلما يحدث في السابق .. وكل ما يهمهم الآن هو سعادة أبنهم وتحقيق رغبته في الاقتران بالفتاة التي يحبهااا ...

ويقول أيضا انه لا يمانع لانها ستكون أكثر خبرة وإدراكاً وانها ستكون زوجة إجتماعية تعرف تدبر شؤون بيتها .. وتسعد زوجها ولا يهمها رأي الآخرين في سنهااا ....

وأضافة الى ذلك ..

بما ان هناك علاقة حب قوية ومقنعه للطرفين .. ولا سيما الاقتناع يذيب جميع الفوارق والحب يصنع المعجزات

وعلماً .. بأن الفتيات الصغيرات أكثر دلالاً وعدم إحساسهن بالمسؤولية أكبر ..


نقرتين لعرض الصورة في صفحة مستقلة


ضـــــــــد

يقال انا الاقتران بفتاة اكبر سناً يخلق المشكلات .. أولها غيرة الزوجه على الزوج .. ومراقبتها له في كل زمان ومكان .. مما يجعل الحياة جحيماً لا يطاق ..

وعدم تأيد البعض بزواج الفتاة لشاب أصغر سناً .. لانها تكون في أغلب الاحوال ناضجه وواعية .. بينما يظل الشاب فترات طويله دون سن النضوج.. ولا يهتم بأسرته أو زوجته لأرتباطه بحياة العزوبيه ..


والكثير قااال ..

انه ضد الاقتران بفتاة اكبر سناً لأن المجتمع الشرقي لا يتقبل مثل هذه الظواهر ..


...أنــــــــــــــــــــت ...

((( مــــــــــــــــــع أو ضــــــــــد الزواج بفتاة أكبر سناً )))

وأنتِ هل تتزوجين رجل أصغر منكِ سناً؟؟؟؟؟؟

منقوووووووووووووووول
ايه رايكم في الكلام ده ؟؟؟؟؟؟؟؟؟؟؟؟؟؟؟؟؟؟

انا عن نفسى شايفة ان صعب بصراحة

انا من راى انه مش مع ان البنت تكون اكبر خالص بس فى حالات بتنجع وعلى فكرة يا

asd1234
بالعكس الاهل متغيروووش خالص بالعكس هما زى ماهما ومحدش منهم يتقبل ان ابنهم يتجوز من اكبر منه او حتى فى نفس سنه

انا كمان مابحبش الراجل يكون اصغر من الواحده لان الاغلبيه كده قليل لما تلاقى الزوج اصغر من الزوجه

طيب ياكرستين
اهله شايفين الموضوع ازاي ؟؟؟؟؟
معلش هنتقل عليكي في الاسئلة
اصل الموضوع ده من ساعة ماقراته شاغل فكيري اوي
انا معاكي في رايك
بس احيانا نظرة الناس للموضوع او اي موضوع تاني بتخلي الواحد اللي في الموقف ده يكره نفسه

انا الصراحة مبعرفش احكم علي سن الولد لا بالشكل و لا بالتصرفات خالص في تفاوت فظيع لان مجال خبراتهم فظيع في عيال في ثانوي بيكونوا بيفهموا و عندهم خبرة اكتر من حد عنده 30 سنة ده عكس البنات الي مجال الاحتكاك بالناس في الشغل و السفر واحد تقريبا و خبرتهم بتزيد بالسن بس تقريبا
انا شايفة الموضوع يرجع للطرفين و ان اكبر عائق هو نظرة المجتمع للموضوع مش فرق السن انا بشوف ناس بتغمز و تلمز علي واحدة اتجوزت واحد قدها فما بلكوا لو اصغر منها

فعلا هي نظرة المجتمع
مع ان انا اعرف معرفة شخصية واحدة اتجوزت واحد اصغر منها بحوالي 6 او 7 سنين وهي كانت في الثلاثينات وهو لسه في العشرينات
وماشاء الله بيحبوا بعض جدا وعايشين حياتهم ومتفاهمين
بس الناس هم اللي حطينهم في دماغهم وعمالين يكلموا عليهم

بصي اهله في الاول كانوا معارضين انا منكرش لكن بالوقت لما عرفوني و عرفوا ان موضوع السن مش عامل ازمة بينا بل بالعكس احنا متفاهمين و الحمد لله ، تقبلوا الموقف و بيعاملوني عادي جدا..
بالنسبة لاهلي هما مكانوش رافضين لانهم شايفين ان الولد كويس و محترم و هيصون بنتهم و دي كانت اهم حاجة..و يارب يوفق الجميع

انا شايفة ان الموضوع تقبل بس ساعه النصيب
بمعني
اني طول عمري وانا عايزة جوزي يكون اكبر مني وشايفة ان فرق العمر بين ماما وبابا -11سنه- فرق معقول ممكن يكون كبير بس مناسب يعني بابا لما طلع معاش ماما كانت عد ال40ودخلت على سن الزوجه بتحتاج لجو معين صحبة طيبة زي ما بيقولوا بيكون خلاص الناس شبعت تنطيط وكده
لكن
لما اتقدملي زوجي وتم التفاهم والقبول بيننا رغم انه
اكبر مني ب2سنتين فقط وهو عقلة كبير ومتفاهم
حسيت ان الحكاية في الآخر راجل في راجل مختلف عن راجل تاني
واكبر مثال كرستين اهي
وعمي ومراته برده
وعم صاحبتي ومراته
وناس كتير حوالي
المهم البني ادم والبني ادماية اللي حيعيشوا مع بعض
وكلة في الآخر نصيب ومكتوب عند ربنا
طبعا

موضوع حلو جدا انا شايفه انها بتفرق من راجل لراجل وان الواحد مش بالسن
واهم حاجه التفاهم ومع كده انا برجح ان يكون الراجل اكبر من البنت والراجل لما بيكون اصغر بيحاول طول الوقت انو يسيطر على البنت بس اكيد مش كل الرجاله كده اكيد فى رجاله زى الفل والورد والياسمين بس انا مش عارفه هما فين ممكن يكونوا فى كوكب زحل

هو المهم في الموضوع ان الراجل يكون عاقل ويقدر يمشي الامور ويحل المشاكل
وكمان يكون في نظر البنت كبير مش تبصلوه علي انه صغير

هو ايه اللي يفرق ؟؟؟
يكون البنت كبيرة بكام ؟؟؟
بسنة نقدر نقول دا فرق كبير ولا لازم كذا سنة ؟؟؟؟

بسم الله

ينفع جدا جدا جدا ...والدليل

لم اري في حياتي فشل لهذا النوع من الزواج .

وانا نابقولش الكلام دة من فراغ لانني عشت في القرية حوالي 19 سنة وكان هذا النوع من الزواج منتشر جدا بل كان هناك احترام شديد بين الطرفين وعشت في المدينة حتي الان ورايت هذا الزواج ناجح ايضا في كل الطبقات (الفقيرة والمتوسطة والطبقات العالية جدا ناجح ناجح ) . وفعلا زي ماقالت الاخت ان الحياة الزوجية لم ولن تخلو من المشاكل ابدا ولكن هذة المشكال هي بمثابة ملح الطعام اللي بيدي الاكل طعم بس كترة مش كويس عارفين لية

لان السعادة المبنية علي الحب بين الزوج والزوجة تقوم علي اساس التنازل بين الطرفين يعني في زوجة بتسامح بسرعة زوجها وفي زوج كذلك الامر بس لما تيجي من الزوجة بيكون افضل 100 مرة ...طيب لية ...دة في حد ذاتة بيدي انطباع للزوج انها بنت ناس قوي وتكبر في نظرة جدا ودة طبعا له مردود من الزوج علي الزوجة وبتحس دة بقلبها جدا وهي دي قمة السعادة بس فية مشاكال ولكن مع مرور الوقت يقل حجم المشاكل وتصبح المشكلة لحظات ...

ولية قولت كل الكلام دة .. لان الزوجة الاكبر سننا غالبا ماتمتك هذة الصفات الجميلة والزوج ينظر لها نظرة احترام .

ومعظمكم يعرف جيدا ان النبي صلي الله علية وسلم تزوج من السيدة خديجة وكان فرق السن حوالي 15 عام والله اعلم وانجبت له البنات رضي الله عنهم اجمعين

واخر حاجة تفكر فيها كلام الناس دوس علية ولا تلقي له بالا ابدا ابدا طالما انة غير محرم او ينافي الادب والاخلاق

( قالت يا ابتي استاجرة فان خير من استاجرت القوي الامين) الايه

صفتان

القوي

الامين

elsharqiya كتب:

بسم الله

ينفع جدا جدا جدا ...والدليل

لم اري في حياتي فشل لهذا النوع من الزواج .

وانا نابقولش الكلام دة من فراغ لانني عشت في القرية حوالي 19 سنة وكان هذا النوع من الزواج منتشر جدا بل كان هناك احترام شديد بين الطرفين وعشت في المدينة حتي الان ورايت هذا الزواج ناجح ايضا في كل الطبقات (الفقيرة والمتوسطة والطبقات العالية جدا ناجح ناجح ) . وفعلا زي ماقالت الاخت ان الحياة الزوجية لم ولن تخلو من المشاكل ابدا ولكن هذة المشكال هي بمثابة ملح الطعام اللي بيدي الاكل طعم بس كترة مش كويس عارفين لية

لان السعادة المبنية علي الحب بين الزوج والزوجة تقوم علي اساس التنازل بين الطرفين يعني في زوجة بتسامح بسرعة زوجها وفي زوج كذلك الامر بس لما تيجي من الزوجة بيكون افضل 100 مرة ...طيب لية ...دة في حد ذاتة بيدي انطباع للزوج انها بنت ناس قوي وتكبر في نظرة جدا ودة طبعا له مردود من الزوج علي الزوجة وبتحس دة بقلبها جدا وهي دي قمة السعادة بس فية مشاكال ولكن مع مرور الوقت يقل حجم المشاكل وتصبح المشكلة لحظات ...

ولية قولت كل الكلام دة .. لان الزوجة الاكبر سننا غالبا ماتمتك هذة الصفات الجميلة والزوج ينظر لها نظرة احترام .

ومعظمكم يعرف جيدا ان النبي صلي الله علية وسلم تزوج من السيدة خديجة وكان فرق السن حوالي 15 عام والله اعلم وانجبت له البنات رضي الله عنهم اجمعين

واخر حاجة تفكر فيها كلام الناس دوس علية ولا تلقي له بالا ابدا ابدا طالما انة غير محرم او ينافي الادب والاخلاق

( قالت يا ابتي استاجرة فان خير من استاجرت القوي الامين) الايه

صفتان

القوي

الامين

كلام حضرتك حلو جدااااا بس برضه دة معتمد على شخصيات معينه بمعنى انه مش كل الرجال الاصغر سنا يناسبوا كل الستات الاكبر منهم دة بيبقى فى ناس معينه تمتلك الصفات دى
بس ممكن سوال لحضرتك هوا حضرتك من الشرقيه؟؟؟
اصل دول اكتر فئه من المصريين الى بيمنعوا زواج الرجل من بنت اكبر منه سنا او اده فى العمر؟؟؟

ايوة حضرتك انا ولدت بالشرقية وعشت باحدي قري الزقازيق تقريبا 20 سنة ولكن مازال كل الاهل هناك

بالفعل كلامك صح لكن هي مجتمعات قائمة علي العرف والعادات قصدي انة قد يكون هناك قريتيين متجاورتيين ولكن لكل قرية او بلد طقوسها الخاصة بكل مناسبة تخلف كثيرا عن الاخري ودة في كل مكان مش الشرقية بس ولكن عندما تكلمت في هذا الموضوع كان لي وجهة نظر خاصة شوية الا وهي انة لا مانع من هذا النوع من الزواج بشرط تقارب الطرفين اجتماعيا

elsharqiya كتب:

ايوة حضرتك انا ولدت بالشرقية وعشت باحدي قري الزقازيق تقريبا 20 سنة ولكن مازال كل الاهل هناك

بالفعل كلامك صح لكن هي مجتمعات قائمة علي العرف والعادات قصدي انة قد يكون هناك قريتيين متجاورتيين ولكن لكل قرية او بلد طقوسها الخاصة بكل مناسبة تخلف كثيرا عن الاخري ودة في كل مكان مش الشرقية بس ولكن عندما تكلمت في هذا الموضوع كان لي وجهة نظر خاصة شوية الا وهي انة لا مانع من هذا النوع من الزواج بشرط تقارب الطرفين اجتماعيا

كلام حضرتك كويس
بس ايه المقصود بالتقارب الاجتماعي اللي ذكرته ؟؟؟؟؟

قصدي بالتقارب الجتماعي انة مايكونش فرق المستوي المعيشي بعيد اوي لان دة بيعمل مشاكل صعبة الحل

برضو مستوي التعليم نفس الحكاية

الشكل الخارجي . يعني مش معقول واحد اسمر اوي يرتبط بواحدة بيضة اوي او العكس . وبرضوا وحد طويل جدا والتانية قصيرة والعكس

درجة التدين بمعني واحد ملتحي يتقثدم لواحدة علي الموضة اوي والعكس .واحد اسمة ميمي لابس قرن شطة وانسيال وحظظاة يتقدم لبنت منتقبة

هو دة اللي ااصدة

عندك حق فعلا
بس الشكل مابيفرقش اوي طالما فيه قبول بين الاتنين
وكتير شوفنا بنت زي القمر وواخده واحد ميتشفش اصلا والعكس صحيح
انا في اعتقادي ان الاهم مستوي التدين و التعليم ومستوي المعيشة زي ما حضرتك قولت لان دول اللي بيشكلوا عقلية الراجل او البنت عشان يقدروا يتفاهموا لازم يكونوا قريبين عقليا
بس برده في استثناءات وتستغرب ان الحياة مستمرة وطبيعية جدا بين اتنين الفرق بينهم في المستوي التعليمي والثقافي فرق السما والارض بس متفاهمين وعايشين

هو فعلا في استثناءات والحياة جميلة جدا

وانا والله اعرف نموذج غريب من هذا النوع لكن الحياة جميلة اووي

بس ممكن سؤال ؟؟

الموضوع دة يخصك ؟

لا ابدا
كل مافي الامر ان قرايت عنه وفي نفس التوقيت حصلت عندنا في العائلة وكان في معارضة شديدة جدا من اهل الراجل وكانه واخد واحدة مطلقة
عشان كده الموضوع لافت نظري وحبيت اعرف راي الناس فيه
بس مع اصراره وافقوا واتخطبوا الحمد لله
بس لسه معاملتهم مع البنت مش اوي
مع اني اتعاملت معاها واخلاق وذوق جدا وكل الفرق مابينهم سنه الاايام بسيطة
وهو عادي بالنسباله
ربنا يوفقهم
وبالنسبة ليا حصلتلي قبل كده بس كان سبب الرفض مني حاجات تانية غير السن مع ان اللي اتقدملي كان تعليم عالي وكل حاجة ومنصب كويس
بس الدماغ فاضية خالص اهتماماته كانت تقريبا منحصرة في حاجات تافهة جدا لدرجة تخنق
عافة حضرتك الناس اللي عايشة مع نفسها افلام ومسلسلات واكشن وحكايات
جو غريب كده ولا كانهم عايشين في الدنيا
والموضوع انتهي

قصدك موضوعك انتهي مع الشخص دة بتاع المسلسلات
ولا الموضوع اللي بنتكلم فية

لا طبعا
اللي عاوز يقول رايه يقول الموضوع مفتوح للجميع
وكل واحد اكيد له رايه في الموضوع ده
والاراء بتختلف

لا طبعا ماينفعش

ايون ينفع
انا عندى صاحبتى اتجوزت زميلنا ف الجامعة وهى اكبر منة بسنتين بس كانها اضغر منة ب 10 سنيين وهو واخدها عن حب
وواحدة تانية وخداة اضغر بسنة مع انة كمان افضل منها ف كل شئ تقولى اية نصيب
واللى يقول لا
لا ينكر نجاح زواح رسول اللّة من خير النساء السيدة خديجة

ربنا يسعدهم