فيديو اســــــــرار التجميل مع خبيره تجميل اورفليم نرمين

لاقيته ع الفيس حبيت انقله ليكم

https://www.youtube.com/watch?feature=player_embedded&v=SYcRQxSMXzg#!

انا بشوف ان دي مش خبيرة تجميل ولا حاجة ده مجرد وحدة محفضينها الكلام عشان التسويق بس
انا طول عمري بحط الفونديشن بايدي ولا حصل خطوط ولا حاجة بالعكس اما كنت بستعمل الفرشة كانت بتترك خطوطها على الوش
كمان الستيك ده مش بينحط على الحباية فقط لانه مش كونسيلر ده بينحط على الوش كله
و الليكويد كونسيلر ببتدي بيه و بيدي تغطية حلوة يعني بليز بلاش فلسفة احنا مش نازلين من القمر و مشفتش زراق ولا حاجة اصلا اللكويد كونسيلر هو افضل حاجة تحت العين عشان الكونسيلر للي بيبقا زي الكيت كده زي بوبي براون ده بيعمل تجاعيد للعين عنها ما اتدارت الهالات
و الهايلات مش بيبقا في المثلث شكلك هيبقا بهلوان الهايلايت بيكون فوق عظمة الخد
و في بنات بيحبوه جنب الانف

نورتو يا بنات

هى بتتكلم عن الصح يا ساره ...اللى عاوز يعمله يعمله الى مش عاوز عادى وهو طبعا صعب يطبق كله

بس الى شفته ان صحبتى طلبت كونسيلر المشاهير تغطيته عاليه بس في اجزاء برضه مهما بتحط فيها زى ما هى .! مع ان الكونسيلر ممتاز

لا مش صح مع احترامي ليكي و لرايك انا شيفاها بتتكلم اي كلام و نصه مش صحيح
اصلا الكونسيلر السايل مش بيدي على ازرق لو عندك هالات قولي لصحبتك تديلك منه و شوفي هل هيديكي ازرق ولا لا عمالة تقول اي كلام الدرجة الفاتحة ممكن لو هالاتك غامقة اوي تديكي على رمادي حتى لو حطيتي كونسيلر مش سائل لكن ده بس لو انك معرفتيش تحطيه يعني هو بيتحط طبطبة لو دهنتيه زي الكريم هيديكي على رمادي و ده كلام معروف
الدرجة الوردي لو بشرتك قمحية تقريبا هتخفي اللون و ده اللون للي كنت عايزاه عشان عارفة اوي ان اللون الوردي بيخفيلي الهالاات.. و الدرجة الغامقة بتاع البشرة الغامقة
شايفة الناس حبت كونسيلر المشاهير و فعلا ناس كثيرة بقت بتشتري منه و قررت انها تثبت عليه طب قوليلي مين هيشتري الكيت للي فيها 3 الوان المكتلة دي ؟؟ و مين هيشتري بتاع جيورداني *على فكرة مش بهاجم منتجات جيورداني و الكونسيلر بتاعه الكل بيشكر فيه*؟؟ بصي يا قمر انا من زمان مع اوريفليم و الحاجات ده فهماها اوي كانت بتيجي زمان وحدة تقعد تقلنا مش لازم تحطو الفاراجو من غير تحديد برونزي للوش و حاطة قدامها منتجات جيورداني و عمالة تقنعك بشكل غير مباشر انه المنتجات الثانية ممنهاش فايدة زي الاخت بتقولك الفونديشن الستيك بتاع البشرة الدهنية بيتحط على الحبوب يعني مش نازلين من القمر
انا بحطه على بشرتي كلها و حلو اوي وهو اصلا مش بيخفي الحبوب لكن بيوحد لون البشرة و لو قبله اتحط على الحبوب كونسيلر هيبقا تمام
الهايلايت طريقة المثلث تحت العين انقرضت من ايام جدتي الله يرحمها
و دلوقتي للي دارج انك تحطيه على عظمة الخد عشان يبرز جمال الخدين و الوش
و الحمد لله انا واخدة دورات في حاجات التجميل ده سواء في النت او برا النت يعني مش بتكلم كده و بس بتكلم عن معرفة

صح يا ساره بس مش انا الى عامله الفيديو والله

معاكي حق يا سارة الست دي بتقول اي كلام اصلا المكياج عموما ده فن مفهوش صح و غلط الثوابت فيه حاجات قليه قوووي و ممكن تتغير كمان و من جه انها حمارة و بتعك فهيا حمارة و بتعك
اصلا حوار خبيرة تجميل في مصر ده لقب كده زي باشمهندز بيتقال للسواق و البقال و كله مفيش خبيرات بجد كله في الكلتش