تفتكروا اروح الفرع ولا اطلب من هنا وخلاص

السلام عليكم ورحمة الله وبركاته
ياجماعه انا ان شاء الله مسافره القاهره الصبح
رايحه للدكتور
هو في المهندسين وانا اعرف ان في فرع هناك
بس مش عارفه فين تحديدا
انا اصحابي طالبين مني حاجات اجيبهالهم وكنت هطلب من النت
بس فكرت اجيب من الفرع لان انا عمري مارحت اي فروع بصراحه
ومش عارفه نظام الاوردر ايه
ورجعت قلت ممكن يكون بعيد واتبهدل وانا مش عارفه حاجه
هو الدكتور في شارع اسمه البطل احمد عبد العزيز
حد يعرف عنوان فرع المهندسين وهيكون بعيد عن الشارع بتاع الدكتور ولا ايه
قولولي رايكم




سبحانك اللهم وبحمدك نشهد ان لا اله الا انت نستغفرك ونتوب اليك

شوفى ف الموقع الرسمى لاوريفلام

لا مانا عرفت العنوان
بس كنت عاوزه رايكم
محدش معبرني باين

بصي انا في اسكندريه و عندنا فرع و بطلب من النت بدال زحمه الفرع و اقعد استني ده غير ان المواصلات اد اللي بدفعه بالشحن فراي اعمليه شحن اريح و يجيلك لغايه عندك من غير زحمه و مواصلاات ووجع دماغ و كمات تظبطي اوردرك براحتك في البيت

ل الاسبوع ما عدا الجمعه

مواعيد العمل بالفروع

يوم السبت من الساعه 2 ظ الى الساعه 7 م

وباقى ايام الاسبوع من الساعه 10 ص الى الساعه 11 م


الفرع الرئيسى بمصر الجديده : 19662
63 شارع ابوبكر الصديق - ميدان سفير - القاهرة


(02) فرع المعادى : 23598369 (02) - 23598570
4 شارع 151 كورنيش المعادي - ميدان الحرية - القاهرة


(02) فرع المهندسين : 37623470 (02) - 37623927
3 شارع عبد الحميد لطفي - متفرع من البطل احمد عبد العزيز - امام سيراميكا كليوباترا - القاهرة


(03) فرع اسكندريه : 4852590 (03) - 4852591
14 شارع كلية الطب - محطة الرمل


(057) فرع المنصوره : 2367431 (050) -
2 شارع الجمهورية - امام جامعة المنصورة


(062) فرع الاسماعيليه : 3922217 (064)
شارع سعد زغلول من السلطان حسين - مول سنتر سعد زغلول وسينيما دنيا


فرع دمياط : 332550
ميدان الكباش - اعلي كوافير عبده طه - او كمفورت هاوس


- فرع السويس : 3323824
اسفل مستشفي الامل القديمة - شارع عبد الخالق ثروت

سلامتك يا ساندى لا يا حبيتبى اطلبى من النت احسن
هناك زحمه وتقفى بالدور وقرف

ألف سلامة عليكي يا ساندي ربنا يتم شفائك على خير
معظم الفروع بتكون مش زحمة أوي بالنهار لكن بالليل بتكون زحمة مووووت غالباً و خاصة في الأيام الأخيرة من الشهر فأنا مع لولا لو مش محتاجة حاجات تجربيها في التيستر لكن لو في حاجات مترددة فيها روحي الفرع عشان تجربيها و كده كدة الدكتور و الفرع في البطل احمد عبد العزيز بس خللي بالك ان الشارع ده كبير و طويل جداً عشان متتوهيش هناك أو تتعبي يعني ممكن تضطري تركبي أي حاجة لو بعيد عن بعض لأن الشارع ده كذا محطة

سلامتك يا ساندى وانا مع البنات انك تطلبى من النت احسن عشان الزحمة وعشان انتى مش من مصر والغريب اعمى ولو كان بصير ومصر بالذات عايزة حد ابن لذينة ده انا لما بروحها وببقى فى عربية ملاكى بكرة نفسى وكمان النت تقدرى تطلبى وتعدلى براحتك وخلى بالك من السرقات عشان الموضوع زايد قوى اليومين دول بالذات وربنا معاكى يا رب

متشكره اوي ياجماعه ربنا يخليكم علي ذوقكم
انا دايما اوردر النت بيجيلي متلخبط وفيه مشاكل وبتبهدل معاهم
وكان نفسي اعيش تجربه الطلب في نفس اللحظه
بس هو فعلا هخاف من الطريق خاصة اننا هنكون العصر والجو هناك حر وزحمه وخنقه


وربنا يسلمكم دعواتكم بالشفاء

سلامتك يا ساندى
النت افضل كتير

انا رائى انك تروحى الفرع يا ساندى بس هتاخدى تاكسى من عند الدكتور لحد فرع الشركه مش هيبقى كتير هتلاقيه حاجه بسيطه بس خدى تاكسى ابيض

الله يسلمك يامينا


تاكسي ابيض يعني ايه يامانو
هو في تاكسي اخضر
بعدين تاكسي في القاهره ازااااااااي دانا مره ركبت اخد مني 30 جنيه
مشوار مكملش 5 دقايق
ومره كنت نازله من عند الدكتور رجلي اتلوت وقفت تاكسي يوصلني بس علي اخر الشارع مسافه 10 متر كده اخد 5 جنيه
هههههههههههههههه
بجد هو ليه المواصلات غاليه هناك كده
عندنا بدفع 2 او 3 ولو المشوار بعيد اخره 5

ساندي كتب:

الله يسلمك يامينا


تاكسي ابيض يعني ايه يامانو
هو في تاكسي اخضر
بعدين تاكسي في القاهره ازااااااااي دانا مره ركبت اخد مني 30 جنيه
مشوار مكملش 5 دقايق
ومره كنت نازله من عند الدكتور رجلي اتلوت وقفت تاكسي يوصلني بس علي اخر الشارع مسافه 10 متر كده اخد 5 جنيه
هههههههههههههههه
بجد هو ليه المواصلات غاليه هناك كده
عندنا بدفع 2 او 3 ولو المشوار بعيد اخره 5

عشان كده بقولك خدى تاكسى ابيض مش هيعرف يضحك عليكى لانه شغال بالعداد وانتى قبل ما تنزلى بتبصى ع العداد وتحاسبى ع اد اللى طلع ع الشاشه بظبط لان فى تاكسيات تانيه لونها اسود هى دى اللى ما فيهاش عداد وبيضحك ع الناس ويغلوا عليهم

ههههه مانو تقصد ان التاكسى الأبيض ينفع فى اليوم الأسود

ههههههههههه
الف سلامة يا ساندي معلش يا بنتي المؤمن مصاب
بصي انا من رأي وده عن خبرة لو عايزة تروحي الفرع تروحي بدري يعني اول مايفتح كده مش تتبهدلي يعني الساعة 10.30فانا اسيب الموضوع ده لظروفك بما اني مش عارفة انتي حتكوني وصلتي القاهرة امتي ؟ لكن وخدي بالك من لكن دي لو حتوصلي القاهرة متأخر انصحك بشده ارجوكي متروحيش احنا اخر الشهر والكل حيبقي هناك عشان يقفل نقط له ولأعضاءة وخاصة ان فيه سحب على الفواتير ايوة هو الساعة 7 لكن بعد الساعة 11.30بتبقي الشركة بهدلة وخاصة اخر يومين في الشهر وربنا معاكي ويوفقك ويسمعنا عنك دايما كل خير

نادر الحداد كتب:

ههههه مانو تقصد ان التاكسى الأبيض ينفع فى اليوم الأسود

آآآآآه صحيح ده انا كنت هنسى بقى انا اللى طفشت مرمر من المنتدى ماااااااااشى لما ترجعى بالسلامة من مشوارك هبقى اطفشك زيها

حد يقولى كود علببببببببببه ديزنى بسسسسسسسسسرعة

dr mena كتب:

حد يقولى كود علببببببببببه ديزنى بسسسسسسسسسرعة

اييييييييييييييييييييييييييه دنيا
ياااااااه يا مينا انت فكرتنى بشبابى لما كنت بدخل فى كل موضوع وعيط وأقول الدى ماركو خلصت يا جدعااااااااااااان