كارت خربش واكسب الاخير

طبعا كروت خربش واكسب الطلعتلي المرة الفاتت

كانت اتنين كريم قدم خمسين ملي ومصحح بشرة

وحكتلكم ايه حصل

وكنت ناوية مشتريش تاني الشهر ده


لكن بعد العرض الرائع ال نزلته مدام رشا قررت اشتري تاني لان كل الحااجات عجباني


وطبعا كان من حقي كارت خربش واكسب

واتصلت بيهم والراجل قعد ربع ساعه بيخربش مش فاهمة بيرخبش في ايه كل ده

قولت يمكن خير

وطلعلي في الاخر شامبو بجوز الهند 200 ملي

وكودة 4035

هههههههههههههههههههههههههه

فكرت هيطلعلي بارفان ولا حاجة عدلة يلا ما علينا الحمد الله

مستنية خربشتكم بعد العرض


اه صح نسيت اقولكم انا قررت اي شهر نازلل فيه عرض هنخربشلك ومش هتكسب ده مش هشتري حاجة

ربع ساعة بيخربش !!!!!!!!
معلش معندهوش ظوافر
حاجة تنقط

هههههههههههههههه وياريتني ما سالت علي راي احمد حلمي

انا اتعقدت من الكارت ده لاخر عمري

بس يا رب المدير يتغير بسرعة ونخلص
حد عارف هيتغير امتى؟؟؟؟؟؟؟؟؟

ال اعرفه انه بتغير كل سنة لكن شهر كام مش عارفة ياريت مدام رشا تفيدنا وياريت تقولهم يبطلو كارت هنخربشلك ومش هتكسب

مقلتلكم دة مشروع فاشل

لا انا بقى حظى اتحسن شويه طلعلى 2 شامبو جوز هند وكرات اللؤلؤ واخيرا قلم كحل مش حلو خالص احسن حاجه كانت الكرات بصراحه

sad angel كتب:

مقلتلكم دة مشروع فاشل

[code]


انا اتعقدت خلاص

PRINCESSFRASHA كتب:

لا انا بقى حظى اتحسن شويه طلعلى 2 شامبو جوز هند وكرات اللؤلؤ واخيرا قلم كحل مش حلو خالص احسن حاجه كانت الكرات بصراحه

الف مبروك

انتي خربشتي علي الخط الساخن ولا فين ؟

مبروووووووووووك

دى حظوظ فعلا انا بقى بما انى مجاليش الكارت لحد دلوقتى لانى مش عايزة اطلب حاجة منهم لانى قرفت خالص قولت اجى على نفسى فى الحر والزحمة دى واروح اجيبة من فرع مصر الجديدة وكانت الصدمة ويا ريتنى ما روحت ردت عليا مدموزيل امورة خالص هنا ك وقالتلى ماينفعش اخد كارت من عندهم مكان ما انا عملت الاوردر اخد الكارت يعنى اتصل بيهم واعمل اوردر واطالب بالكارت متقولوش هافتح عكة يعنى وهوالفرع دة مش بردة تبع الشركة دى حاجة غلب واللة الواحد قرفمنتجات غالية وكمان فى حاجات وحشة كتير والواحد عمال يدبس والله حرام عليهم كدة الناس عمالة تموت فى الصومال من الجوع وهما هنا عمالين يكوشوا فلوسنا ويعبوا بيها جيوبهم حسبى الله ونعم الوكيل بس ارجع واقول ما انا اللى غلطانة علشان بديهم الفرصة فى كل مرة بانى بارجع اشترى منهم تقولولى محدش ضربك عل ايدك هقولكم انا ام اتلات ولاد مطلعين عينى ربنا يخليهملى هههههههه ومش باعرف اروح ولا اجى بيهم فى حتى وفى كتالوج بيجيلك لحد عندك وكمان اللى عايزاة بيجيلى لحد عندى فلازم طبعا اشترى وانا قافلة بقى ومش بتكلم والا مش هطول لبلح الشام ولا عنب اليمن ههههه صدعتكم صح من قرفى والمشوار اللى دبيتة على الفاضى

معلش يابسكوته عوضك علي ربنا

فعلا الميزة الوحيدة الواخدنها اننا بنشتري حاجتنا وبتيجي لحد باب بيتنا وبنكون ضامنين ان محدش قبلنا جربها

اتصلي بيهم خليهم يبعتولك الكارت او يخربشوه ويبعتوه ويبقي طمنينا

ويارب يكون حظك احسن مننا كلنا وياستي ارغي معانا براحتك انتي ولا صداع ولا حاجة انتي زي العسل

معلش يا بسكوتة ان شاء الله يطلع في الكارت حاجة كويسة
وربنا يخليلك ولادك يارب وتفرحي بيهم

hend_dodo كتب:

طبعا كروت خربش واكسب الطلعتلي المرة الفاتت

كانت اتنين كريم قدم خمسين ملي ومصحح بشرة

وحكتلكم ايه حصل

وكنت ناوية مشتريش تاني الشهر ده


لكن بعد العرض الرائع ال نزلته مدام رشا قررت اشتري تاني لان كل الحااجات عجباني


وطبعا كان من حقي كارت خربش واكسب

واتصلت بيهم والراجل قعد ربع ساعه بيخربش مش فاهمة بيرخبش في ايه كل ده

قولت يمكن خير

وطلعلي في الاخر شامبو بجوز الهند 200 ملي

وكودة 4035

هههههههههههههههههههههههههه

فكرت هيطلعلي بارفان ولا حاجة عدلة يلا ما علينا الحمد الله

مستنية خربشتكم بعد العرض


اه صح نسيت اقولكم انا قررت اي شهر نازلل فيه عرض هنخربشلك ومش هتكسب ده مش هشتري حاجة

وانا معاكى يا هند مش حنشترى

ومبروك عليكى الشامبو وابقى قوليلى اخباره ايه معاكى

الله يبارك فيكي ياغادة

ان شاء الله هقولك اخباره اول ما يوصل بكرة

بس اكيد هيكون سئ لان كريم القدم ريحته وحشة ومالوش اي تاثير ابدا

والكونسيلر اصلا ولا بيعمل اي حاجة

وبنت خالتي قلم الكحل الخدته مش بيحط عامل زي قلم الالوان الخشب وناشف

يبقي اكيد الشامبو هيوقع الشعر

هههههههههههههههههه

مبروك للبنات اللى اخدوا حاجات حلوة وهاردلك لينا كلنا على المقالب والبمب الحلو اللى معظمنا اخده وانا برده زى بسكوتة كل مرة اقول مش حشترى حاجة بس اعمل ايه الكتالوج منه لله اللى بيصممه بياخد العين وبيبهر بصراحة اعترفله بالمهارة والله يكون فى عوننا وفى عون جيوبنا اللى اتخرمت هههههههههه

هههههههههه اتخرمت خرم واسع اوي

وعلي فكرة اصلا مفيش حد كتب هنا انه اخد حاجة عدلة

غير واحدة فقط ومشكوك في كلامها لانها مكتبتش غير المشاركة دي فقط لا غير كانها داخلة علشان تقول كدة وعاملة العضوية عشان كدة

يلا ما علينا

فاكرة من شهر واحد بس اشترينا ب 700 جنيه تقريبا
ودفعنا 35 جنيه كلام فاضي وخدنا شامبو وديفين وكريم ديفين

يااااااااااااه

يارب البرنامج يبقي كدة علطول

ويارب يبطلو خربش واكسب ده ويرحمونا

بصراحة احلى شهر هو اللى قبل اللى فات لما كنا بناخد هدايا من 50 نقطة انا فاكرة 3 هدايا خدتهم هههههههه احسن من عنيهم بس اللى اكلناة بط بط طلع علينا وز وز هههههههه نعيش وناخد غيرها

ايوة فاكراه بتاع التندر كير والشاور جل واسبراي القدم وكريم القدم وكارت خربش كان جاااااااامد برده

ما هو يوم ليك ويوم عليك

المفروض يرجعوا الهدايا على ال100 نقطة تانى ويدونا بقى هدايا تفتح النفس يعنى شهر يدونا جريس والتانى يدونا برشيوس مومنتس والشهر اللى بعده يدونا كريمات بشرة نضيفة كدة عشان نحس ان احنا بندفع وبناخد هدايا بنص اللى دفعناه ههههههه

هههههههههههههههههههههههههه

لأ بصي ياريت يعملو الشهر الجاي

علي 50 نقطة ديفين الزرقا

100 انجما البينك

150 برشيوس مومنتس

200 ميد نايب بيرل

و300 يفتحولك فرع اورفليم باسمك

500 يدوكي شركة اورفليم هديه

هههههههههههههههههههههههههه ان شا الله ما حد حوش


الاعضاء بيحلمو واحنا معاهم

هههههههههههههههههههههههههههههههههههه

صح هو ده الكلام الجامد يا عسوله

يا جماعة بجد انا قربت ازهق من الشركة دي وانا كمان خلاص قربت اخلص او خلصت اصلا كل المنتجات اللي انا وعائلتي عايزنها الشهر ده والله العروض دي مقرفة اخر حاجه

انتى حتقوليلى انا زهقت اخر 2 مليون حاجة انا بشد فى شعلرى قربت اتقرع يا جماع ولو اتقرعت حارفع قضيه تعويض ولما اكسبها حازرع بيها شعر هههههههههههههههههههههههههههههههههههههههههههههه

والنبي اوعي


هيبعتولك شامبو بالعنب او جوز الهند بتاع العرض تتعالجي بيهم

ههههههههههههههههههههه

ايوة انا اخدت خلاص شامبو العنب فى الكارتين اللى خربشتهم يعنى الشامبو كدة كدة موجود

يعني ايه شامبو بالعنب اصلا
ايه فوايده
اغسل بيه شعري يلزق يعني ؟؟؟
ميشوفوا عاجة متوسطة طيب بلاش عدلة اوي يمكن دي صعبة عليهم شوية