| سؤال عن ميعاد العروض الخاصة لشهر يوليو2011 | |
|
+26mshamisho mony97 PRINCESSFRASHA د ورده lola21 shereen tamer رهف الكلام مع محبتى secret.whisper little duck م.هالة توتو ديدي ammy sasooo Nody cool amirayhia رشا محمد hend_dodo ملاك الحب RORA ELMAHLAWY bascota majoann marwa86 monia205 نينا ريتشي 30 مشترك |
|
كاتب الموضوع | رسالة |
---|
نينا ريتشي عضو جديد
عدد الرسائل : 2 العمر : 38 تاريخ التسجيل : 13/07/2011
| موضوع: سؤال عن ميعاد العروض الخاصة لشهر يوليو2011 الأربعاء يوليو 13, 2011 11:38 pm | |
| السلام عليكم ورحمة الله وبركاته كنت عايزة أستفسر عن معاد العروض الداخلية لشهر 7 إمتي عشان مفيش حد عاجبه أسعار الكتالوج بيقولوا مبالغ في أسعارها وغالية جدا جدا مع إن عطورهم مش ثابته ...بليز الإفادة | |
|
| |
monia205 عضو vip
عدد الرسائل : 340 العمر : 47 تاريخ التسجيل : 02/04/2008
| موضوع: رد: سؤال عن ميعاد العروض الخاصة لشهر يوليو2011 الخميس يوليو 14, 2011 1:14 am | |
| | |
|
| |
marwa86 عضو ملكي VIP
عدد الرسائل : 915 العمر : 37 الدولة : الوادى الجديد-الخارجه العمل/الترفيه : عضوه ف اوريفلام تاريخ التسجيل : 06/03/2011
| موضوع: رد: سؤال عن ميعاد العروض الخاصة لشهر يوليو2011 الخميس يوليو 14, 2011 12:03 pm | |
| مش المفروض يبقى ف عرض ولا ايه ياجماعه | |
|
| |
majoann عضو ملكي
عدد الرسائل : 499 العمر : 60 تاريخ التسجيل : 25/05/2011
| موضوع: رد: سؤال عن ميعاد العروض الخاصة لشهر يوليو2011 الخميس يوليو 14, 2011 1:42 pm | |
| على العموم الشركة قللت قوى العروض مش عارفة ليه ،و الكتالوج مش قوى الشهر ده | |
|
| |
bascota عضو فعال
عدد الرسائل : 100 العمر : 46 تاريخ التسجيل : 20/06/2011
| موضوع: رد: سؤال عن ميعاد العروض الخاصة لشهر يوليو2011 الخميس يوليو 14, 2011 5:52 pm | |
| اصلا بقى هما بيستنزفوا فلوسنا على الفاضى وكلة ضحك على الدقون | |
|
| |
نينا ريتشي عضو جديد
عدد الرسائل : 2 العمر : 38 تاريخ التسجيل : 13/07/2011
| موضوع: رد: سؤال عن ميعاد العروض الخاصة لشهر يوليو2011 الخميس يوليو 14, 2011 9:45 pm | |
| والله العظيم فعلا ضحك علي الدقون ونصب ونهب ....لما تبقي زجاجة برفان اقل من العادي وكمان مش ثابته ب323 جنيه عشان ايه ان شاء الله هو دخل الفرد كله كام عشان يدفع في كام مل ميكملش 50 مل عطر اهبل لا ريحة ولا ثبات 323 جنيه ....هي دي السرقة بعينها....بيحاكموا الرؤساء والوزراء الفاسدين ومفكرين انهم بكده انتهوا من الحرمية وعملوا تطهير للوجود؟؟؟؟؟؟ الحرمية مليين الدنيا ...والسرقة طبع قذر بيكون عند ناس كتير في صور واشكال مختلفة ...الحرامي مش هو بس الي بيسرق المحافظ ويجري ولا يسرق في الاتوبيس ..لأ في حرامية متلمعين وعاملين نفسهم ناس راقية ...وهما أكثر حقارة وخسة من الانسان البسيط الي ممكن يكون بيسرق عشان حيموت من الجوع.....يعني مع احترامي للموقع ده ..بس صاحبته دي بتهلب شمال ويمين وماصة دم الغلابة ...وزمان علي قلبها فلوس متلتله ...في حين ان ممكن يكون في شخص زجاجة البرفان لو ب30 جنيه تبقي غالية عليه ...ودي زي المنشار طالعة واكلة نازلة واكله ومبتعرفش معني الشبع ولا القناعة ...إلي زي دي ربنا بلاها بنقمة عدم الرضا أبدا طول الوقت عايزة تشتري عربية احدث وشقة افخم وسوليتير ..طمع طمع طمع ..ربنا حرمها من نعمة الرضا ..لأ وإيه بتتفنن في كيفية المكسب من كل النواحي وبكل الطرق ..يا لطيف مرستأة امورها علي اليمين اخبار اوريفليم وعلي الشمال الكتلوج وهنا العروض وهناك الوف.......انسانة جشعه ومش حاسة بالناس البسطة ..ربنا ما يكتب علينا نقمة الطمع المستمر وعدم الرضا وان الواحد مهما ربنا يديله عايز اكتر واكتر ..ويستفحل عنده الطمع لحد ما يموت أبشع الموتات إنتقام من ربنا ...حسبي الله ونعم الوكيل | |
|
| |
RORA ELMAHLAWY عضو فعال
عدد الرسائل : 169 العمر : 39 تاريخ التسجيل : 13/06/2011
| موضوع: رد: سؤال عن ميعاد العروض الخاصة لشهر يوليو2011 الخميس يوليو 14, 2011 10:29 pm | |
| | |
|
| |
ملاك الحب عضو جديد
عدد الرسائل : 19 العمر : 35 تاريخ التسجيل : 11/02/2011
| موضوع: رد: سؤال عن ميعاد العروض الخاصة لشهر يوليو2011 الخميس يوليو 14, 2011 10:43 pm | |
| يا جماعه ميصحش الكلام داانتي بتقولي انو نهب وسرقه اومال ليه مش بتقولو كده لما حد فيكو بيكسب فلوس من الشركه ديمن غير تعب جامد زي اي شغل تانييا جماعه ميصحش الكلام | |
|
| |
hend_dodo عضو ملكي متألق
الاوسمة : عدد الرسائل : 3361 العمر : 36 تاريخ التسجيل : 21/02/2011
| موضوع: رد: سؤال عن ميعاد العروض الخاصة لشهر يوليو2011 الخميس يوليو 14, 2011 11:04 pm | |
| - نينا ريتشي كتب:
- والله العظيم فعلا ضحك علي الدقون ونصب ونهب ....لما تبقي زجاجة برفان اقل من العادي وكمان مش ثابته ب323 جنيه عشان ايه ان شاء الله هو دخل الفرد كله كام عشان يدفع في كام مل ميكملش 50 مل عطر اهبل لا ريحة ولا ثبات 323 جنيه ....هي دي السرقة بعينها....بيحاكموا الرؤساء والوزراء الفاسدين ومفكرين انهم بكده انتهوا من الحرمية وعملوا تطهير للوجود؟؟؟؟؟؟ الحرمية مليين الدنيا ...والسرقة طبع قذر بيكون عند ناس كتير في صور واشكال مختلفة ...الحرامي مش هو بس الي بيسرق المحافظ ويجري ولا يسرق في الاتوبيس ..لأ في حرامية متلمعين وعاملين نفسهم ناس راقية ...وهما أكثر حقارة وخسة من الانسان البسيط الي ممكن يكون بيسرق عشان حيموت من الجوع.....يعني مع احترامي للموقع ده ..بس صاحبته دي بتهلب شمال ويمين وماصة دم الغلابة ...وزمان علي قلبها فلوس متلتله ...في حين ان ممكن يكون في شخص زجاجة البرفان لو ب30 جنيه تبقي غالية عليه ...ودي زي المنشار طالعة واكلة نازلة واكله ومبتعرفش معني الشبع ولا القناعة ...إلي زي دي ربنا بلاها بنقمة عدم الرضا أبدا طول الوقت عايزة تشتري عربية احدث وشقة افخم وسوليتير ..طمع طمع طمع ..ربنا حرمها من نعمة الرضا ..لأ وإيه بتتفنن في كيفية المكسب من كل النواحي وبكل الطرق ..يا لطيف مرستأة امورها علي اليمين اخبار اوريفليم وعلي الشمال الكتلوج وهنا العروض وهناك الوف.......انسانة جشعه ومش حاسة بالناس البسطة ..ربنا ما يكتب علينا نقمة الطمع المستمر وعدم الرضا وان الواحد مهما ربنا يديله عايز اكتر واكتر ..ويستفحل عنده الطمع لحد ما يموت أبشع الموتات إنتقام من ربنا ...حسبي الله ونعم الوكيل
وانتي ليه مضايقة كدة؟؟؟؟؟؟؟؟
محدش بيغصب حد انه يشتري وبعدين كل منتج وليه ناس بتشتريه
ولو اسعار اورفليم شايفاها غالية ونصب في نصب عندك ماي واي وعندك افون
وبعدين انتي ازاي تحكمي علي صاحبة المنتدي من غير ما تتعاملي معاها وانتي عضو جديد اصلا ؟؟؟؟؟؟؟؟
بصراحة نو كومنت علي كل كلامك | |
|
| |
رشا محمد مديرة النادي كود 815692 مرحبا بكم في النادي
عدد الرسائل : 3079 العمر : 45 الدولة : egypt العمل/الترفيه : مديرة نادي اعضاء اوريفليم مصر تاريخ التسجيل : 09/02/2008
| موضوع: رد: سؤال عن ميعاد العروض الخاصة لشهر يوليو2011 الخميس يوليو 14, 2011 11:53 pm | |
|
RORA ELMAHLAWY hend_dodo ملاك الحب
اشكركم جدا علي ردكم وثقتكم في
واعتذر اني غيرت عنوان الموضوع من العروض الخاصة لشهر يوليو 2011 الي سؤال عن ميعاد العروض الخاصة .......... حتي لا يلتبس الامر علي اعضاء المنتدي
اما بالنسبة للعضوة نينا ريتشي كنتي بتستفسري عن ميعاد العروض فهي ان شاء الله ستنزل علي المنتدي بعد تحديدها من قبل شركة اوريفليم اما عن قولك ان كتالوج اوريفليم ليس به عروض حلوة فسأترك اعضاء المنتدي يرد علي ذلك اما عن كلامك عن شخصي فأنتي بدأتي الكلام بالقسم بالله العظيم يااختي في الله ... كيف يقسم الانسان علي شيء غير متأكد منه؟ فقسمتي بالله انه نصب ونهب وضحك علي الذقون وغيره من الكلام الذي لا اساس له من الصحة وافتراء علي الشركة ومنتجاتها وعليا انا ايضا
فاحب ان اقول لك انني لا اعرفك وكلامك جرحني جدا ..... وظلمني والله يشهد ويعلم ولي سؤال اود ان تجاوبيني عليه .... هل تعاملتي معي؟هل قابلتيني من قبل ؟ هل كلمتيني في التليفون وحاولتي الاستفسار عن شيء ولم افيدك؟ هل انتي عضوة تبعي ولم تستفادي من محاضراتي سواء علي الانترنت والفيديو كونفرس او من اجتماعاتي وحفلات تكريم اعضاء مجموعتي الخاصة بفروع اوريفلم
لا اعتقد بل ومتأكدة انك لم تقابليني حتي الان لانكي اذا قابلتيني ستجدي انني انسانة بسيطة جدا ، احب الخير للجميع ،ولولا حبي لاعضاء مجموعتي وحبهم لي وتعاوننا مع بعض ونشكل فريق بروح الحب والتعاون والحماس ، ما كنت لاصل لاي لقب لا انا ولا اعضاء الفريق وانا الان لا اشعر بنعمة الرضا فقط .... بل اشعر بنعمة الرضا والحب والسعادة عندما تتحقق احلام اصحابي واعضاء مجموعتي وكل يوم جديد اسعد بانضمام اعضاء جدد الي فريق المجموعة الخاصة ليكون اخ او اخت جديدة لنا نسعد سويا بالمشاركة في تحقيق احلامنا معا هل يوجد رضا وسعادة في العالم اكثر من ذلك؟؟
اسألك لماذا حكمتي عليا بهذا الكلام الجارح المؤذي للمشاعر؟
عندي كلام كثير ولكني فعلا مشغولة جدا ان اكمل الحديث وستثبت لك الايام انك علي خطأ كبير
| |
|
| |
amirayhia عضو مميز
عدد الرسائل : 236 العمر : 44 الدولة : مصر العمل/الترفيه : طبيبة تاريخ التسجيل : 17/02/2010
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 12:16 am | |
| شكرا يا مدام رشا لاهتمامك واحزننى كثيرا ما قرأتة للعضوة التى لا اعرف سبب لضيقها كما قالت هند من المنتجات وسعرها فاعتقادى انها لديها الكثير من البدائل عن اوريفليم ممكن فى برفانات تركيب او ممكن بلاش خالص وريحى دماغك ومتقعديش تحقدى على اللى بيشترى من اوريفليم كل واحد يختار اللى يناسب مستواه ومستوى الناس اللى معاه وبعدين بجد اية كمية الحقد دى على المنتدى واصحابة لمعلوماتك الشخصية كل اعضاء المنتدى اخوات وكلهم اصحاب المنتدى مش بس مدام رشا واهانة فرد تساوى اهانة للجميع وانا ادافع عن اختى وصديقتى مدام رشا لانى تعاملت معها الى الان مدة عامين ولم يسعدنى الحظ لرؤيتها الا اننى اشهد انها فى غاية الاحترام والذوق ولا تتاخر فى اى رد ليلا او نهارا واعتقد دة راى كل مجموعتنا التى لانريد لاحد حاقد ان يدخل فيها .اما العروض فهى من الشركة ودائما اول ما تنزل مدام رشا واستاذ عصام مشكورين بينزلوها .اما الحكم على الكتالوج فدة كل واحد واحتياجاتة انا شايفاه حلو جدا وجبت منه (ما شاء الله _عشان الحسد بتاع الناس) حاجات كتير وان شاء الله يا رب نجيب حاجات تانى لما الباقى يتوفر بالشركة واخيرا اللهم ابعد عنا الشر واحفظنا من الحسد والحاسدين واجعلنا دائما نرى بنورك ونهتدى بهداك ولا حول ولا قوة الا بالله | |
|
| |
hend_dodo عضو ملكي متألق
الاوسمة : عدد الرسائل : 3361 العمر : 36 تاريخ التسجيل : 21/02/2011
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 12:20 am | |
| كلامك حلو اوي يا اميرة
وهو فعلا زي ما انتي قولتي ده حسد وحقد وغيرة
وربنا يبعده عننا كلنا
وفعلا انا شايفة ان كتالوج شهر 7 كله عروض جميلة جدا وانا كمان جبت منه حاجات كتيرة ما شاء الله ولا حول ولا قوة الا بالله | |
|
| |
Nody cool عضو جديد
عدد الرسائل : 22 العمر : 30 تاريخ التسجيل : 11/07/2011
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 12:29 am | |
| بجد يا بنات انا عايزة اقولكم على حاجة انا اللى خلانى اشترك فى اوريفليم هو المنتدى الجميل ده شجعنى جدا واستفدت منه اوى ومن مدام رشا مع انى مش عضوة تحت مجموعتها بس لما اعوز اعرف اى حاجة بلاقية فى المنتدى انا بشكر مدام رشا وكل اعضاء المنتدى وعلى فكرة دية اكتر شركة محترمة بجد وبيتعملوا مع الناس بكل احترام والواحد المفروض يختار المناسب لية وعلى قد احتياجاته كفاية انى الشركة مافبهاش حد ادنى للطلبية ودية ميزة حلوة اوى غير بقى الشركات التانية وده معناه انى الشركة مش بتجبرك على حاجة ابدا وغير العروض الخاصة يعنى مثلاالبرفان اللى حضرتك جبتيه ب323 ممكن كنت تستنى شوية كنتى ممكن تجبيه بارخص من كدة بكتير | |
|
| |
sasooo عضو ملكي متألق
عدد الرسائل : 1062 العمر : 38 الدولة : رأس غارب العمل/الترفيه : اوريفليم تاريخ التسجيل : 10/11/2009
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 12:31 am | |
| متحكميش على حد من غير ماتعرفيه وهى مقالتش للغلبان لازم تشترى اللى معهوش مايلزمهوش وقد الحافه مدى رجلك لو مش معاكى متشتريش لو امكانياتك تسمح اشترى انتى حره فى فلوسك انما متتهميش حد ومتتكلميش عند حد متعرفهوش بالاسلوب ده خلى اسلوبك احلى شويه | |
|
| |
ammy عضو فعال
عدد الرسائل : 177 العمر : 37 الدولة : مصر العمل/الترفيه : اوريفليم تاريخ التسجيل : 04/03/2010
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 1:26 am | |
| ردا علي العضوه المحترمه نينا ريتشي معاكي انسانه بسيطه وعضوه مع مدام رشا اسمي ايمان ومسلمه والحمد لله اولا ردا علي ان منتجات كتالوج شهر 7 انه غالي اولا يبدو انك اصلا مشفتيش الكتالوج وجايه من عند حد تاني والحاقدين كتير والحمد لله لانك لو شفتي الكتالوج هتعرفي انه مليان عروض راااااااااائعه بمعني الكلمه منها مثلا ماسكرا تبدا من 15 جنيه وبالنسبه للبرفانات اللي بتقولي عليه ب 300 جنيه باين كل الناس بتشتري المنتجات في التخفيضات وبتبدا من 50 و70 جنيه كمان والبرفان بيكون ريحته تحفه وبيسبت وبيكون في غايه الجمال يبدو انك عمرك ما جربتي برفان من اوريفليم ومتعوده علي منتجات ماي واى هههههههههههههههههههههه ثانيا بالنسبه لكلامك عن مدام رشا يبدو انك انسانه حاقده وبدل انتي متعرفهاش ولا عمرك شفتيها بتحكمي عليه ازاي مثال اخر محاضره انهارده كانت في قاعه فرع المعادي وكنا عاملين حاجت رووعه للاعضاء بتوعنا وكلها مجانيه ومنها تنضيف بشره هدايا تكريم للمستويات السابقه ........الخ وكفايه كده عشان الار هههههههههههههههههه واقل شي صورة مدام رشا وانا في المحاضره انهارده خليها ترد عليكي وشكرا | |
|
| |
ammy عضو فعال
عدد الرسائل : 177 العمر : 37 الدولة : مصر العمل/الترفيه : اوريفليم تاريخ التسجيل : 04/03/2010
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 1:26 am | |
| https://www.facebook.com/photo.php?fbid=204895806228227&set=at.130467177004424.32809.100001234265040.100001234265040&type=1&ref=nf | |
|
| |
ديدي عضو فعال
عدد الرسائل : 189 العمر : 36 تاريخ التسجيل : 16/08/2009
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 1:27 am | |
| انا بجد مستغربة انتى ليه بتتكلمى بكل الزعل ده بس حرام عليكي تظلمى الناس وعاوزة اقولك انى مش مع مدام رشا في المجموعة بتاعتها بس لما احتاجتها ساعدتني لوجه الله | |
|
| |
توتو عضو مميز
عدد الرسائل : 214 العمر : 47 تاريخ التسجيل : 08/05/2008
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 2:01 am | |
| انا مش عضوه مع مدام رشا وعمرى ما تعاملت معاها شخصيا بس انا حبتها من كلامها من المنتدى وواضح انها بعيده كل البعد عن الطمع والكلام الكتيييير الا نينا رتشى قالته بس واضح من اسمها انها بتاعت موضه يعنى وعارفه فى الماركات العالميه والكويسه واعتقد كمان انها بعيده كل البعد عن منتجات اوريفليم ولا عمرها جربتها وصدق الا قال دى ثوره جياع وربنا يستر علينا وعلى البلد | |
|
| |
م.هالة عضو ملكي متألق
الاوسمة : عدد الرسائل : 1615 العمر : 44 تاريخ التسجيل : 06/01/2011
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 2:27 am | |
| صراحة فوجئت بكلامك الغريب جدا عن مدام رشا و عمرى ما سمعت عنها اى شئ وحش حتى من قبل ما اشترك معاها كنت دائما بشوف الناس بتشكر فيها و ده لقيته بجد بعد ما اتعرفت عليها و لاحظت كمان حاجة مهمة أنك عضوة جديدة ومشتركة بتاريخ 14-7-2011 و ملكيش غير مساهمتين فى الموقع و ده معناه ان انتى مشتركة بس من امبارح و ده اول موضوع تشتركى بيه فى المنتدى يا ترا انت مشتركة مخصوص فى المنتدى علشان تهاجمى مدام رشا؟؟؟؟؟؟؟؟؟؟؟؟!!!!!
| |
|
| |
little duck عضو فعال
عدد الرسائل : 110 العمر : 35 تاريخ التسجيل : 01/06/2011
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 2:47 am | |
| سؤال بس هيا زعلااانه اوى كده لييييه ...؟؟ انتى يعنى مندوبه لشركه تانيه وعاوزه اعضاء فمش عارفه تجيبى اعضاء ازاى ولا انتى زعلانه ليه وطالما زعلانه اووى كده اشتركتى فى اوريفليم ليييه والمنتدى ده لييه وبتسالى على العروووض لييه ..!! طالما انتى متاكده انها سرقه ومص دم الغلابه ..!! سؤال بقى كمان هو انتى عضوه فى اوريفليم ..؟؟ طب حد غصبك يعنى انك تشتركى ..؟؟ طب حد بيضربك على ايدك علشان تشترى ولا حتى تدفعى ولا حتى تجيبى برفان ب 300 ..!!!! يعنى ايه اللى مدايقك كده ومتغاظه لييه ..!! بالنسبه بقى لمدام رشا فدى شطاااره مش هقول غير كده ربنا يكرمها ويزيدها ...
يعنى من الاخر اوعى تفتكرى ان كلامك ده اثر فينا .. ده اتضحلنا ان فيه ناس كتيير اووى زيك كده ربنا يبعنا عنهم ويكفينا | |
|
| |
secret.whisper عضو ملكي
عدد الرسائل : 462 العمر : 41 تاريخ التسجيل : 03/01/2011
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 3:18 am | |
| [size=12] لا حول ولا قوة إلا بالله العلى العظيم
أدب تلقّي الأخبار: (يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ) آية 6
أدب الأخوّة بين المؤمنين: (إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ) آية 10
أدب الإصلاح في حال وقوع خلاف: (وَإِن طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا فَإِن بَغَتْ إِحْدَاهُمَا عَلَى الْأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِن فَاءتْ فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ الْمُقْسِطِينَ) آية 9
الآداب الإجتماعية بين المسلمين : (يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلَا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ * يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضًا أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ) آية 11 و 12
أدب التعامل مع الناس بشكل عام: (يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ) آية 13
ومش عندى أكتر من كده ......... ! [/size] | |
|
| |
مع محبتى عضو نشيط
الاوسمة : عدد الرسائل : 77 العمر : 36 تاريخ التسجيل : 12/11/2009
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 4:01 am | |
| السلام عليكم لا تعليق حسبنا الله ونعم والوكيل | |
|
| |
رهف الكلام عضو ملكي مميز
عدد الرسائل : 826 العمر : 41 الدولة : مصر العمل/الترفيه : العمل باوريفليم تاريخ التسجيل : 21/12/2009
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 1:09 pm | |
| دى انسانة حاقدة وبس مفكرة انها حتأثر بالسلب على مدام رشا بالعكس تماما انا عضوة فى اوريفليم بس يا خسارة مش تبع مدام رشا بس بصراحة من ساعة ما اشتركت فى المنتدى وانا بستفيد منه كتير ومدام رشا عمرها ما اتاخرت عليا فى سؤال لو هى فعلا مش كويسه ما كانت وصلت لاى لقب لان الشغل فى اوريفليم بيعتمد على الحب المتبادل بين الاعضاء مش عارفةاقول ايه بس الكل رد عليها طبعا دى انسانة حاقدة وحاسدة فقط | |
|
| |
shereen tamer عضو جديد
عدد الرسائل : 10 العمر : 41 تاريخ التسجيل : 24/06/2011
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 1:56 pm | |
| ربنا يساعدك يامدام رشا على الناس اللى من النوعيه دى | |
|
| |
lola21 عضو مطرووووود
عدد الرسائل : 803 العمر : 36 الدولة : شمال سيناء تاريخ التسجيل : 22/06/2011
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 2:23 pm | |
| خلاص يا جماعه سيبوكو منها خالص ويكفى مدام رشا ان مليون يشهد لها باخلاقها واحترامها ومساعدتها لغيرها فمش واحده من وسط مليون هناخد بكلاكها تجنبوها لان كده انتو ادتوها قيمه اكتر مما تستحق والعروض شهر 7 تجنن دانا جبت حاجات اول مره اجيب الكميات دى ولو منزلتش عروض هنكون مبسوطين برضه لان الكتالوج يجنن | |
|
| |
د ورده عضو ملكي متألق
عدد الرسائل : 3140 العمر : 35 الدولة : North Sinai العمل/الترفيه : dentist تاريخ التسجيل : 28/02/2011
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 2:27 pm | |
| اولا بالنسبه للمنتدى فحقيقى من اجمل المنتديات اللى دخلتها وشاركت فيها اى استفسار محدش بيتاخر عليكى
انا مش مشتركه تبع مدام رشا بس بجد واضح جدا انها انسانه محترمه اوى
ودايما بقرأ مواضيعها وردودها على الاعضاء واهتمامها بكل اللى فى المنتدى سواء تحتها او لا والست مابتضربش حد على اديه علشان يشترى حاجه ومش عاجبك الاسعار عندك منتجات تانيه ارخص وتناسبك
ومنتجات اورفيليم مفيش اتنين اختلفو عليها واول مره اسم كلام كده بصراحه
ومايتردش عليكى الا ربنا يهديكى ويعافيكى | |
|
| |
د ورده عضو ملكي متألق
عدد الرسائل : 3140 العمر : 35 الدولة : North Sinai العمل/الترفيه : dentist تاريخ التسجيل : 28/02/2011
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 2:29 pm | |
| - lola21 كتب:
- خلاص يا جماعه سيبوكو منها خالص ويكفى مدام رشا ان مليون يشهد لها باخلاقها واحترامها ومساعدتها لغيرها فمش واحده من وسط مليون هناخد بكلاكها تجنبوها لان كده انتو ادتوها قيمه اكتر مما تستحق والعروض شهر 7 تجنن دانا جبت حاجات اول مره اجيب الكميات دى ولو منزلتش عروض هنكون مبسوطين برضه لان الكتالوج يجنن
معاكى حق
وانا كمان جبت حاجات من الشهر دا جميله وشهر 8 بصراحه عرووووووضه تحفه | |
|
| |
PRINCESSFRASHA عضو فعال
عدد الرسائل : 115 العمر : 41 تاريخ التسجيل : 18/12/2009
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 3:16 pm | |
| واضح انك فعلا داخله مخصوص تشتمى وبرغم ان مدام رشا محذفتش تعليقك ولا حذفت وردت بمنتهى الاحترام على فكره انتى حاقده جدا ومحدش طلب منك تشترى برفان ب300 ج فى برفان تركيب 100 مل ب10 ج على فكره انا مش تبع مجموعه مدام رشا بس بصراحه انتى مستفزه جدا | |
|
| |
mony97 عضو جديد
عدد الرسائل : 3 العمر : 48 تاريخ التسجيل : 23/06/2011
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 5:14 pm | |
| حسبى الله ونعم الوكيل فى كل من يقذف الناس ويسبهم بالكذب عيب على فكره الكلام ده وان دل على شىء دل على كميه حقد كبيره ليس لمدام رشا فقط ولكن لنفسها ايضا ربنا يهدى لها نفسها ومتزعليش يامدام رشا | |
|
| |
secret.whisper عضو ملكي
عدد الرسائل : 462 العمر : 41 تاريخ التسجيل : 03/01/2011
| موضوع: رد: سؤال عن ميعاد العروض الخاصة لشهر يوليو2011 الجمعة يوليو 15, 2011 6:11 pm | |
| خلاص يا جماعة بقى هى كده هتاخد من حسناتنا احنا مدام رشا واحنا أكبر وأرقى من إننا نرد على كل الكلام الباطل ده ربنا يهدى ومش فى داعى نديها أكبر من حجمها | |
|
| |
| سؤال عن ميعاد العروض الخاصة لشهر يوليو2011 | |
|