كريم العين أوبتيمالز متعدد الفوائد

وحشتونى كلكم حبيباتى يارب تكونوا بخير

لو ممكن تفيدونى فى كريم العين اوبتيمالز متعدد الفوائد
هل فعلا حلو للهالات ولراحة العين
وبيبان بعد قد إيه من الإستخدام نتائجة على العين

لأنه لو حلو هاجيبه الشهر ده لأنه نازل فى مايو غالى

فى إنتظار ردودكم

بصي يا ستي انا جبته من 4 شهور تقريبا و كان عجبني جدا بيرطب قووي و كنت حاسة انه جاب نتيجة في الهالات و جبته تاني في عرص حلو بس مش حاسة دلوقتي انه بيعمل حاجة مش عارفة لية و دلوقتي مش متاكدة هو فعلا عمل حاجة و لا لا

ممممممممممم
حيرتينى
يعنى هل فعلا عالج الهالات
ولا انتى علشان مش استمريتى عليه ؟

وايه اللى كان مخليه حلو قبل كده
وايه اللى غير النتيجة معاكى دلوقتى

انا جبته لصاحبتى وقالت انه حلو قوى
وبعدها اشتريته لزوجى وهو بيلبس نظارة وانتم عارفين تحت العين بيبقى شكلها ايه المهم جبته وكان مفعوله حلو قوى جاب نتيجة كويسه وسريعه اهم حاجة المداومه وبعد ما تروح الهالات سبيه واستخدميه اذا لزم الامر

شكرا لردك يا رهف تسلميلى

فى انتظار أراء أخرى

انا جبته واستمريت عليه فترة كبيرة ومعجبنيش خااااااااااااااااااالص لانه معملش معايه اى حاجة

معملش معايا اي حاجه وكنت كل ما احطه عيني تحرقني وتدمع
مش عارفه ليه
ومع صاحبتي واختي برضه

للدرجة دى تعبكم مش حد شكر فيه الا رهف بس يمكن ياجماعة استخدمتوه غلط انا متشكرة جدا على ردودكم حبيباتى وجزاكم الله خيرا

الكريم حلو جدا يا سيكرت و زي مانتي قولتي اللس استخدمه استخدمه غلط
اصلا مفروض كريم العين و الهالات يستخدم علي العضمة نفسها و هوه هيروح مكان الهالات
و كمان لازم مدوامة و استمرار و علبة واحدة مش كفاية
علي الاقل علبتين
و بعدين ممكن سؤال للي قالوا وحش ؟
انتم عاوزين تراكم سنين يتصلح في يوم ؟
كل حاجة لازم تأخد و قتها

انا استخدمته عالعضمه زي ما بيقولوا ودومت عليه يجي شهر معملش اي حاجه معايا وواحده قريبتي برضه جابته معملهاش حاجه

Roraa كتب:: الكريم حلو جدا يا سيكرت و زي مانتي قولتي اللس استخدمه استخدمه غلط
اصلا مفروض كريم العين و الهالات يستخدم علي العضمة نفسها و هوه هيروح مكان الهالات
و كمان لازم مدوامة و استمرار و علبة واحدة مش كفاية
علي الاقل علبتين
و بعدين ممكن سؤال للي قالوا وحش ؟
انتم عاوزين تراكم سنين يتصلح في يوم ؟
كل حاجة لازم تأخد و قتها

شكرا يا رورا على ردك
أنا سمعت من واحدة صاحبتى إنه حلو فقولت أدخل هنا اتاكد
واحبطت جدا لما قالولى إنه مش بيعمل حاجة
وفى حاجه مهمه جدا لازم مع العلاج نريح عنينا يعنى مش نحط الكريم ونتاخر فى النوم ونتاخر لما نصحى
أو نشرب الحاجات اللى فيها كافايين كتير

اللى مزعلنى بقى أكتر دلوقتى
إنى جيت أطلبه لقيته خلص كريم العين أوبتيمالز متعدد الفوائد 705119

كريم العين أوبتيمالز متعدد الفوائد 705119

والشهر الجاى نازل غالى جدا

يالا الحمد لله
شكرا حبيبتى على ذوقك
أرق امنياتى يا رورا

ميرسى يا سماء على ردك حبيبتى
جزاك الله خيرا

هو متغيرش و لا حاجة بس انا معنتش بشوف تغير زي الاول و انا موظبه فعلا خلصت علبه و ابتديت في التانية انا بستخدمه من اربع شهور اهو و لسه في هالات و معتقدش اني قبل ما ابدا الوضع مكنش فارق عن دلوقتي كتير عموما هو ككريم عين ممتاز كده كده هستمر عليه هتا لو الهالات مرحتش

ربنا يعمل لك اللى فيه الخير يامارو يارب
ولو كان ع الاقل بيخلى شكل العين مرتاح والجلد اللى حواليها رايق
فيبقى حلو

بس انتى بتقولى بقالك 4 شهور بتستخدميه وخلصتى علبه واحدة
انتى بتستخدميه ازاى وكام مره فى اليوم
لانى أعتقد إن حجمه مش يخليه يقعد المدة دى كلها

اول شهرين كان كل يوم صبح و بليل بعد كده بليل بس عاش بستخدم جيل للعين قبل الميك اب عشان بيخلي الميك اب احسن بس الايام الي مش بخرج فيها مرتين انا بقالي شهر تقريبا في الجديدة
هي العبلة صغيرة بس منطقة العين كمان صغيرة انا بستخدم كمية كبيرة يعتبر عشان باخد وقت علي ميمتص كله
بصي انا بقلك هستخدمه لانه كريم العين الوحيد في اوريفليم لكل الاعمار و سعره معقول و بيرطب بس لو هتجبيه يشيل الهالات افتكر مش هتبقي راضية قووووي

انا بقول اني لما بحطه بيحرقلي عيني جدا وبتدمع
هواظب عليه ازاي يعني مش فاهمه
سبحان الله
ومش انا لوحدي دي اختي وصاحبتي كمان

على فكره يا مارو انا بستخدمه تحت الميك اب عشان بيرطب المنطقة عشان الميك اب ما يجيرش وما يكسرش
وبالنسبة ل ساندى اعتقد انك بتحطى كمية كبيرة يا قمر ولما بتسيح بتنزل ع العين وتدخل جواها وده غلط وحاولى تبعدى عن العين يعنى خليه بعيد شويه

انا بحطه عادى جدا تحت العين وبعبد عن العين يبقى ازاى حطينه غلط بقى

انا كمان كنت بستخدمه تحت الميك اب يا مانو بس الجل نتيجته احلي لو جربتي جل هتحسيها

ساندي كتب:: انا بقول اني لما بحطه بيحرقلي عيني جدا وبتدمع
هواظب عليه ازاي يعني مش فاهمه
سبحان الله
ومش انا لوحدي دي اختي وصاحبتي كمان

حبيبتي حطية علي عضمة العين مش علي الهالات نفسها و هوه مش هيحرقك
و اي كريم عين او كونسيلر بيتحط بالاصبع الثاني
اللي بيتلبس فيه الدبلة و بنحطة طبطبة

marobader كتب:: انا كمان كنت بستخدمه تحت الميك اب يا مانو بس الجل نتيجته احلي لو جربتي جل هتحسيها

انهي جل بتحطيه يا مارو

marobader كتب:: انا كمان كنت بستخدمه تحت الميك اب يا مانو بس الجل نتيجته احلي لو جربتي جل هتحسيها

جل زى الو فيرا كده يا مارو مثلا؟

خلاص يا جماعة ليه زعلانين إحنا مش بنغصب حد على حاجة
واللى مش عاجبه الكريم عادى جدا مش فى مشكلة
أوقات المنتجات بتبقى كويسة مع ناس وناس تانية لأ
وإختلاف الرأى لا يفسد للود قضية كريم العين أوبتيمالز متعدد الفوائد 27231

كريم العين أوبتيمالز متعدد الفوائد 27231

وعلى فكرة الجل بتاع أكوار ريثم للعين شكله حلو لأنى لما دخلت موقع أوريفليم بولند
لقيت نسبة التصويت كبيرة وواخد 5/5
يعنى كتير أجمعوا إنه ممتاز وانا ناوية أجربه إن شاء الله

انتى بتتخانقى يا سكرت ولا ايه
هههههههههههه

manooo_82 كتب:: انتى بتتخانقى يا سكرت ولا ايه
هههههههههههه

هههههههههههههه
لا والله يا مانو أنا اللى إفتكرت إنهم بيتخانقوا
فقولت أهدى الدنيا شوية لأنى حسيت إنهم فهموا إننا بنقنعهم بالعافية إنه حلو كريم العين أوبتيمالز متعدد الفوائد 429658

كريم العين أوبتيمالز متعدد الفوائد 429658

حبيبتى إحنا كلنا إخوات ومش فى مشكلة فى أى حاجة
إنتى عسل على فكرة هههههه

انتى اللى سكر يا سكرت

ايوه يا مانو و يا رورا هو الالوفيرا انا جبته من عرض داخلي كان رخيص قوي قلت اجرب لقيته صيني و اي كلام و مش بيرطب قد كده و بياخد شوية وقت علي ما ينشف و عبوتة بطلع كتير و حالته بالبلاء بس سبحان الله لما بحته تحت الميك اب النتيجة بتبقا احلي لانه شوية بيشد المنطقة دي هو مختلف عن الكريم مش عارفة اوصل قوي بس عارفين لما تحطو الماسك الي بيتقشر من البشرة بيخلي البشرة مشدودة ازاي و بيعمل طبقة ناعمة زي البلاستك المشدود شوية كده بيتخلي مكياج العين ناعم خالص و شكله حلو مش عارفة لية مش عارفة انا الي بحس كده بس و لا اية بس بجد بموت فيه
و بعدين انا سمعت من امينة شلباية ان الي عندهم انتفاخات مفضل ميستخدمش كريم عين الجل افضل لهم و انا عندي بسيط بس حسيت ده مبيرطبش فكررت كريم الهالات تاني
بس بعد كده نزلو بتاع شجرة الثالوث بس كنت جبت خلاص

marobader كتب:: ايوه يا مانو و يا رورا هو الالوفيرا انا جبته من عرض داخلي كان رخيص قوي قلت اجرب لقيته صيني و اي كلام و مش بيرطب قد كده و بياخد شوية وقت علي ما ينشف و عبوتة بطلع كتير و حالته بالبلاء بس سبحان الله لما بحته تحت الميك اب النتيجة بتبقا احلي لانه شوية بيشد المنطقة دي هو مختلف عن الكريم مش عارفة اوصل قوي بس عارفين لما تحطو الماسك الي بيتقشر من البشرة بيخلي البشرة مشدودة ازاي و بيعمل طبقة ناعمة زي البلاستك المشدود شوية كده بيتخلي مكياج العين ناعم خالص و شكله حلو مش عارفة لية مش عارفة انا الي بحس كده بس و لا اية بس بجد بموت فيه
و بعدين انا سمعت من امينة شلباية ان الي عندهم انتفاخات مفضل ميستخدمش كريم عين الجل افضل لهم و انا عندي بسيط بس حسيت ده مبيرطبش فكررت كريم الهالات تاني
بس بعد كده نزلو بتاع شجرة الثالوث بس كنت جبت خلاص

مارو يعنى الالوفيرا احطه تحت الميك اب ولا لا عشان ما فهمتش حاجه بصراحه
ههههههههههههههه jocolor

ايوه تحطيه بس لهذا الغرض بس لا بيرطب و لا حاجة انا قلت اقولك عيوبه عشان متقوليش دبستك هو made in china

لا يا قمر انا عملت زيك وجايباه من ساعة ما كان عليه عرض ورخيص جبت اتنين منه

» خمس طرق للقضاء على الهالات السوداء
» كريم العين
» تخفيضات خطيرة من اوريفليم 10 نوفمبر 2009 الي 17
» كريم العين اوبتيمالز
» كريم للسواد تحت العين