خلاص هبطل اشتري من اوريفليم

انهى كريم ده الى طلع وحش يا أسماء عشان ناخد بالنا منه , و بصى انا لسة مشتركة جديدة بس حاسة ان الأفضل انك تروحى تجيبى بنفسك عشان تقدرى تسألى و ميغالطوكيش فى الحساب لأنك هتبقى هناك و تقدرى تحسبى بنفسك و تراجعى منتجاتك بنفسك

ع فكره بيعملوا معايا انا كمان حركات كتير زى دى وبرضه جاتلى مصاريف المناولة دى بس فى منتجات كتير والله حلوة عندهم ومش معنى ان فى منتج طلع وحش معاكى انه كله وحش ممكن تجربى تانى واذا كان ع موضوع المغالطه ده انتى ممكن بس تركزى معاهم شويه ومش تدفعى فلوس الا لما تتاكدى ان حاجتك مظبوطه

المناوله دي بتضاف علي اي فاتوره سواء اشتريتي من الفرع او اوردر من النت
انا من اول ما اشتركت بدفعها!

بصراحه انا اول مره اشترك فى الردود وده لانىمعاكى جدا فى قله ذوق خدمه العملاء وللامانه هو شخص واحد بس كويس فى فرع المهندسيين وذوق لدرجه انى بيجى عليه الدور ومبرداش اعمل الاوردر الا لما يعدى دورى عشان هو اكثر واحد محترم هناك

انا مصدقاكي والله
بس انا نفسي مبقتش فاهمه

يا جماعه انا عندى ردورد لكل الاسئله دى انا عضويه زى زيكم بس ليه خبره شويه عنكم معاهم لانى بقالى 4 سنين
اولا بالنسبه للكريم الى بوظلك وشك انصحك انك تسالى خبيره التجميل الى فى الفرع قبل ما تشترى هو اه مكتوب عليه لجميع انواع البشره ولجميع الاعمار بس ده معناه ماعدا البشره الحساسه والدهنيه دول لهم منتجات خاصه بيهم ومن الواضح ان بشرتك حساسه علشان كده سببلك الالتهابات دى
ثانيا مش كل خدمه العمله وحشه بس فى ناس بالفعل زباله اسفه فى التعبير بس فى ناس محترمين انا بتعامل مع واحده بس لما بتصل بطلبها بالاسم ويحولونى عليها
ثالثا مصاريف المناوله دى حاجه عاديه سواء طلبتى من النت او فرع لازن تضاف للاوردر وساعات بيضفوها على التليفون واوقات لا انتى وحظك بقى
ولما تلاقى منتج ناقص فى الفاتوره ويقولك مش موجود تقولى له تضفلى ثمنه فى حسابى ولما تيجى تطلبى تانى يتخصم من السعر الاوردر
لو عاوزين اى حاجه فى الموضوع ده انا تحت امرك

أنا معاكى خدمة العملا فيها ناس............................بس كمان فيها ناس بجدمعدين الزوق بمرحل وبسألهم فكل حاجة وبيردو لما ميعرفوش بيقولولى ثوانى ويسألو ويردو بجد ولما تكون فية مشكلة بجد حلوهالى ب

أنتى بس اللى حظك وحش معلش والمنتجات لحد دلوقت مجربتش حاجة وحشة وكريم العين محتاج أكتر من كدة عشان تحسى بالفرق ميبقاش عمايل سنين يجى كريم فأسبوعين يتحل
معلش ياقمر أقرى الحاجة كويس قبل الشرلء وزى ما يامن قالت البشرة الحساسة بالزات لها منتات خاصة والدهنية بردو
ربنا يوفقك يا حببتى متزعليش بجد الشركة مليانة حجات حلوة رغم دقات النقص اللى يسعات بتحصل

حتا يا اسما انتي لو بشرتك مش حساسة انت ممكن اي حاجة تعملك حساسية زي ما تكلي حاجة وشك يحمر انا عن نفسي لما باكل جبنه قديمة شفيفي بتورم و بتحمررررررر عادي جدا الحساسية واردة هتا من الاكل ما بالك المنتجات و لازم الكريم ده تسبيه خالص و ده مش معناه وحش انا بستخدمه و عجبني جداااااااااااااااااا
اما عن خدمة العملا معاكي حق جدااااااااااااااااااااااااااااااااااااااااا

علي فكرة انا اول مرة اشارك في المنتدي بس عايزة اقولك ان كريم اوبيتملز 20 انا اطلب مني 6 مرات الشهر دا ومن ناس مختلفة وواحدة طلبته ليها 2 يبقي هو ممكن مش مناسب لبشتك
اما بق في خدمة العملاء نصيحتي ليكي اتعاملي مع مروة او مستر اشرف بجد مش هتلاقي زيهم وخصوصا مروة انا طلعة عينها استفسارات لاني بردوا دخلت في شهر ديسمبر 2011

كمان فة خدمه العملاء زهره باضافه الى مروه بجد ناس محترمه اوى

الاخت اسماء صاحبة الموضوع معلش متزعليش اما لو شفتى الزبالة عندنا فى فرع اسكندرية كل ما اروح اشترى حاجة ارجع متضايقة قرف وقلة ادب ومش لاقيه حد اشتكيلة وبالنسبة لكريمات العين انا جبت كريم اوبتيمالز للعين وبلسم اكواريزم فعلا زادوا الوضع سوء

انما فى حاجات تانية كويسة جدا الحمد لله

عصام كتب:

الاستاذة اسماء صاحبة الموضوع

اولا هناك اكثر من طريقة للشرا منها الشحن عن طريق التليفون

او خدمة الشحن عن طريق الانترنت بتعملي الاوردر في اقل من 5 دقائق بمصاريف شحن 5 جنيه بس

او عن طريق الفروع

وفيه اكثر من موظف وممكن تتعاملي مع الموظف اللي بترتاحي ليه

وحيبقى فيه تقييم للموظف مع الاوردر اللي بتعمليه

وده دليل على ان الشركة بيهمها فعلا تلافي السلبيات وهي في تطور دائم

اما منتجات اوريفليم الطبيعية بجودتها العالية صعب جدا تقولي عليها كده وشوفي ايه اللي يناسبك منها قبل ما تشتريها

اما انك حتبطلي تشتري اوريفليم ده شيء يرجعلك بس اكيد حترجعليها في يوم من الايام لما تجربي غيرها

يعنى ايه يا استاذ عصام حيبقى فيه تقييم للموظف مع الاوردر الى بتعمليه ارجو التوضيح

شكرا ليك

على فكره كريم اوبتميلز 20 اللى انتى بتقولى يا اسماء انه بوظلك وشك يا اسماء انا بستخدمه وبشرتى دهنيه وجميل جداااااااا معايا ولما لاقيت بيجيب نتيجه كويسه طلبت منه اتنيين كمان ، فمعنى كده ان العيب مش فى المنتج
وانا مش عضوه فى اورفليم لكن شهريا بطلب حاجات كتير شخصيه ليا حتى لو فى مره جبت حاجه مدتنيش النتيجه اللى عايزاها بس مقدرش استغنى عن منتجاته لان حقيقى انا ماشوفتش احلى ولا اجود ولا انضف من منتجات اورفليم

معلش يا اسماء متزعليش
انا كمان اتعرضت لمشكلة وخدمة العملاء ولا سألو فيا وفضلوا يجمعوا ويطرحوا فيا اسبوعين لما استويت
فيه فعلا ناس كتير فى خدمة العملاء مالهمش حل
بس
انا عاوزة اقولك حاجة
منتجات اوريفليم فيها حاجات حلوة اوى
وفيها حاجات مقلب يعنى انا مرة شميت عينة برفان الانجيما وكانت تحفة
ولما اشتريت البريفيوم ومع العلم انو كان غالى
طلع ريحة تانية خالص
بس فيه حاجات كتيرة وحلوة اوى
وانتى اكيد لقيتى فرقبين اوريفليم والماركات التانية

بلاش تاخدى قرار بناء على الناس اللى فى خدمة العملاء
جربى كلمى الناس اللى قالولك عليها
مروة وزهرة ومستر اشرف
وشوفى اكيد هتلاقى فرق
جربى وقوليلنا
ومتضايقيش نفسك كلنا بناخد مقالب بس بنتعلم منها اكيد

فاطمة الزهراء محمود كتب:

ا

يعنى ايه يا استاذ عصام حيبقى فيه تقييم للموظف مع الاوردر الى بتعمليه ارجو التوضيح

شكرا ليك[/quote]

كويس جدا والله عشان الموظفين يهتموا بالعملاء كده على الاقل الاداره توجهم ويحسنوا من معاملتهم

علي فكره يا جماعه هما مش كلهم وحشين هو بس في واحد اكثثر من رائع لدرجه انه ينفع ياخذ جايزه نوبل في الرخامه وقله الذوق لكن بصراحه الباقي اكثر من محترم زي ايهاب والاخ اللي لابس نظاره التاني برده محترم وكويس لكن اللطيف اللي في النص يا ساتر والبنوته كمان طعمه ولذيذه انا بتكلم علي فرع المهندسين يا شباااااااااااب
واعتقد ان الكل عارف الشاب الظريف اللي بتكلم عليه فعلا اسلوبه مستفذ جدا وكمان بحس انه بيستهزء بالناس انا مش عايزه اكثر من انه يحسن اسلوبه والله

انا كمان بيجيني غلطات كتير في الشحن منها حاجات مبكونش حاطها في الاوردر ونفسي اعرف ليه الناوله ده واحنا بناخد حاجتنا شحن بالنت وفي 3 جنيه مش عارفه بتوع ايه بلاقيي نفسي دفعه 10 جنيه فوق الاوردر من غير لازمه
حد يعرف ازاي الغي المناوله من الاوردر
وعايزه اعرف تمن الكتالوج كام

الكتالوج ب4جنيه ونص اما موضوع الاوردر مش عارفه والله لانى ماجربتش موضوع النت ده

انا كمان غيضانى قوى ال 3 جنيه دول مناوله قاال امال ال 5 جنيه دول ايه ماهما دول تمن الشحن

ازيكو يا جماعه عاملين ايه انا بقالى كتير مدخلتش وحشتونى على فكره انا والله الحمدلله من يوم ما اشتركت فى الشركه وانا كل ما اعمل اوردر شحن اللى بيردو عليا لحد دلوقت كويسين وعلى فكره كل مره بستفسر عن اى منتج بيردو عليا باحترام وبيقولى على احسن حاجه موجوده وبيبقا عندهم صبر طويل والله يمكن مش كل الناس اللى شغاله بقا ربنا يستر