اوريفيلم اعداءها ؟ ايفون ؟؟؟؟

لما قعدت ويا نفسى لاقتنى بفكر اعداء اوريفيلم مين هم ايفون وهيه شركه منافسه بس الاقوى فى التنافس هيه ايفون واكيد كلنا نعرف الشركات دى عشان اوريفيلم تبقى فى الطليعه لازم الاسعار تنخفض وتبقى برفاناتها قويه زى برفانات ايفون وتبقى رخيصه لان الناس كلها عرفت ايفون لرخص اسعارها ولتركيز برفاناتها ولكن لاسف فى فى اوريفيلم برفانات غاليه موت بس جميله بس مين هيشتريها بقى وهيه غاليه كده فبقم هما منتشرين وبقت اوريفيلم لطبقه معينه وهيه لطبقه الاغنياء وانا عن نفسى عايزه شركه اوريفيلم تفكر بعقل المنافس القوى ترخص اسعارها وتركز برفاناتها وكمان اسكرباتها تجبها من حتت اخرى لان اسكرباتها مش قويه اوى وكمان فى فى عروضها موضوع الخصم قليل
23%
لكن فى ايفون 25% عشان كده انا بحبها جدا بس نفسى مديرين الفروع يرخصوا الاسعار ويزودوا الخصومات ويزودوا الهدايا لان الهديه بتاعت 300 جنيه خصم على المره الجيه 14 جنيه لا هيه عايزه هدايا زى برفانات غاليه برضوا وربنا يوفقنا ويارب موضوعى يعجبكم والاقى صدى منكم وياريت اعرف رايكم وكمان عند اوريفيلم كريمات روعه بس غاليه وماسكرات جميله انا عملت الموضوع ده عشان اللى فى الشركه يحسبوها صح عشان يبقو لكل طبقات المجتمع ويبقم دايما فى المقدمه

علي فكرة الموضوع حلو قوي قوي ويا ريت يلقي صدي عند شركة اورفليم علي فكرة فعلا شضركة اورفليم جميلة وقوية و انا نفسي تكون افضل ويكون عملاها اكثر و عروضها افضل

علي فكرة مفيش وجه مقارنة أصلا بين منتجات أيفون وأريفيلم دي حاجة ودي حاجة تانية خالص وعشان كدا أنا قلت لازم أرد وأقول رأي
بالنسبة لبرفانات ايفون بجد زبالة أنا آسفة في التعبير أنا لقيت كل الناس بتتكلم عن برفانات ايفون وقد ايه هي ثابتة وجميلة ومركزة علي العكس تماما لما رحت ايفون عشان اجيب برفان لزوجي وليا خرجت من غير ما اشتري حاجة هقولكم مثل
برفان فاراوي ريحته تقرف لدرجة انه ثبت في ايدي جدا وحاسة اني كنت هرجع فسألت هناك ايه احسن برفان في ناس قالولي انكدينسنس أنا اسفة مش عارفة الحروف صح بس وحشة قوي وفي بنات تانية قالوا تريزيل برضوا معجبتنيش اللي عجبتني شوية برسيف وبرضوا مش زي برفانات أوريفليم يا جماعة في فرق كبير قوي في الذوق والشياكة أنا عن نفسي شايفة ان برفانات أوريفليم أحلي وأشيك وشكل وأقيم بكتير ومفيش وجه مقارنة أوريفليم هي شركة التجميل الأولي في مصر
ونسيت أقولكم بالنسبة للبرفانات الرجالي جربت بلاك سويد تاتش شكل الزجاجة كأنها ب 20 جنيه ما تساوي أكتر من كدا

آه نسيت بالنسبة لغسول البشر ة والا سكرب في ايفون عامل زي معجون السنان والا الشامبو متعرفوش دا متعبي فين وهقولكم علي حاجة بالنسبة للأسعار اللي الناس بتقول عليها غالية في أوريفليم اللي بيشغل مخه شوية ممكن يحصل علي المنتجات المفضلة بالنسبة له بأرخص الأسعار هقولكم مثل في عروض داخلية في كل شهر من الشهر ممكن العروض دي يبقي نازل فيها غسولات حلوة للبشرة بسعر جميل جدا وبروضوا برفانات بسعر تحفه بتنزل بخصم 50- 60 %
كمان في الكتالوج منتجات بتنزل بخصم 60 % بشروط معينة انك تكوني اشتريتي من الكتالوج ب 200 جنيه مثلا - ممكن تقولي للديركتور بتاعتك انها تجيب لك من العرض دا لأنها أكيد بتشتري من الكتالوج بأكتر من 200 جنيه كمان في منتجات بتنزل في المجلة بأسعار بجد جميلة جدا بأقل من نصف الثمن
عايزة أقول كلمة أخيرة يا جماعة أوريفليم سعرها مش غالي بالنسبة لجودة منتجاتها يكفي انها طبيعية Natural تفرق كتير وأكيد كل بنت فيكم جربت حاجات كتير من كل المنتجات وملقيتش زي أوريفليم عشان كدا أنا بحيي الأخت كاتبة ومقترحة الموضوع لأن من الواضح انها بتحب منتجات أوريفليم وعشان كدا هي حريصة علي ان الشركة تكبر وتبقي في القمة وهي فعلا في القمة

ايفون كانت زمان وقول للزمان ارجع يا زمان يعنى كدة من 13 سنة كانت فيها منتجات كويسة نوعا ما وكانت اسعار الكتالوج غالية مش رخيصة لكن دلوقتى طبعا كل منتجاتها لا تعليق اما بالنسبة لاسعار الشركة ال25 % بيتهيا لىانها الحاجة الوحيدة اللى ميزة وطبعا البونص بتاعها اى كلام حاجة عبيطة اوى يعنى الشغل فى منتجات ايفون ميجبش همة فرق كبير اوى بين منتجات ايفون واورفليم مثلا البرفانات فى ايفون البرفان تقيل اوى لكن بلدى اوى اوى مفيش ذوق ولا شياكة لكن اورفليم دايما مميزة وشيك فيها فخامة ورقة فى ناس كتير بتقدر الحاجات دة اوى ومتفرقش معاهم اسعارها العالية اوى اورفليم اورفليم اورفليم دائما في المقدمة وبعدين اورفليم كانت من حوالى 9 سنين كان الخصم على النتجات حوالى 30 % وطبعا هو دلوقتى23%واكيد دة راجع لارتفاع الاسعار فى كل مكان ودة سياسة الشركة

على فكرة سكرب افون حلو جدا وما فيش زيه فى اوريفليم
لكن احنا عشان عندنا انتماء لاوريفليم بقي لازم نقارن ما بين منتجاتنا ومنتجاتهم عشان نقدر نوصل المعلومة الصح للعملاء ولو عندهم حاجة مش مجودة عندنا نلاقي لها بديل بس الملحوط ان المنتجات والميك اب فيه تشابه كبير يعني بالتة جوردانى والبودرة والروج زيهم فى افون بالظبط باسم تانى مجموعات الشامبو تلاقيهم ماشيين فى نفس الخط حتى سيرم الشعر اللى بالسيليكون
لازم نقارن ونشوف عشان نعرف نوصل المعلومة صح
طبعا البارفان فى اوريفليم احسن بكتيييييييييييييييييييييير لان معندهمش بارفان واحد مستورد ودى مش عقدة بس فعلا العبوة والبيريوم كانهم تركيب

وبالنسبه لمانجوم انا بتكلم عشان الشركه ترتقى ويبقى عملائتها من كل الفئات الغنى والفقير وياريت الكل يفهم ده وميرسى لكلامك على فكره يا مونيا مش باشكال البرفانات بتركيزها وبرخصها وبدرجه ثابتها والموضوع ده مش من اجل ان نعيب فى الشركه لا بالعكس عايزها افضل وافضل وارخص عشان ترضى الناس كلها وتوصل للكل وتبقى نمره واحد وانتى شايفه الاسكرب حلو اوك
يا احمد وميرسى يا زهره على ذوقك وربنا يجيب الخير لينا جميعا وميرسى ليكى يا

هوبى وتسلم ايديكم جميعا وعلى فكره انا كمان من عشاق اوريفيلم واتمناها تكون الافضل حتى من قبل ما اكون عضوه وربنا يجعل لكلامى صدى ياااارب وتبقى الافضل بدعائنا وسياسه الشركه تبقى للكل عشان اوريفيلم تستحق تكون للكل بجمالها وشياكتها انا جد بعشقهااااااااااااااااااااااااااااااااا عشان كده بفكر ليها وميرسى لكل من رد عليه حتى لو بالسلب الاختلاف لا يفسد للود قضيه وانا بقولهلكم انا من عشاااااق اوريفيلممم ومعها فى كل الاوقات وعلى طووول ومش ضدها بالعكس عشان كده بفكر ليها

موضوعك جامد قوووووى يا مرمر المنافسه قويه من ايفون يا ريت المسئولين ينزلو الاسعار شويه علشان نسبه المبيعات تزيد وارويفليم تبقه رقم 1 فى كل حاجه المنتج والسعر فى ناس كتير بيهمها السعر اكتر من المنتج يا رب صوتنا يوصل للشركة اللى بنتمنا تكون رقم 1 فى كل حاجه

موضوعى عجبك ياغاده يارب دايما ياحبى ويارب يسمع من بقك لربنا ويسمعو كلامى عشان تبقى افضل وافضل دايما

انا كنت مشتركة بايفون ومنتجاتها فيها الحلو وفيها الوحش بس بالنسبة للبرفانات فيها برفانات تحفة من الحريمى
بحب انكاندينس وسانى اسكايزو برسيف و تريزيل دى حلوة اوى
والرجالى فى كتير حلو وبالنسبة لهدايا الاعضاء
كانت الخصم25 فى المية وهدية على 150جنية و250جنية وانتو طالعيين
وبيبقى فى كل شوية برنامج زى برنامج الترحيب كدة بس عندهم بيبقى لكل الاعضاء تدخلى كام شهر تقريبا كان 3 وبعدهم بتاخدى هدايا كتير
ايفون كويسة بردو مشش وحشة

الموضوع فعلا حلوومرمر جابت فعلا نقطة مهمة وهي الاسعار لاني كتيييييييييير بقابل ناس بيقي نفسها تجرب منتجات اورفليم بس المشكله بتبقي في الاسعاروبنضطر نتعامل مع طبقة معينة بسبب المشكلة دي ي

فعلا المشكلة فى اورفليم ازمة اسعار مش اكتر لكن منتجاتها ممتازة

الموضوع بجد حلو وانا منكرش ان منتجات اوريفليم حلوة بس يا جماعة ماتوصلش لدرجة العداء لاننا فى الاول والاخر ميهمناش غير المنتج
بس احب اوصل حاجة صغيرة لمونيا: ان لولا اختلاف الاذواق لبارت السلعة...خصوصا ان البرفانات اللى ذكرتيها ب ايفون دى افضل البرفانات
وعلى مااعتقد ان اوريفليم برده فيها برفانات مش اد كدازى ساجا .اميتست.ديفين الحمرا.وفرى الردالى وان تون
ولمعلومكم الشركة اتنقشت كتير فى الموضوع دا ومطلعوش باى نتيجة مش لحاجة لكن ذكروا اسبا ومنها المنتج الطبيعى..والجمارك..والمنتج بيتصنع فى البلد الموجود فيها المادة او الخامة بتاعتها لعدم تلوثه.....والخ
شكرا ليكم

اه صحيح وبالنسبة على الى مابيثبتش فكتييييييييييييييير اوى ولا ايه

عموما يا جماعة البرفانات أذواق يعني مثلا في إيفون في حاجة اسمها الروليت أنا مش عارفة كل الأقبال دا عليها ليه مع انها بجد لو حد جبهالي ببلاش والله ما هرضي آخدها وعلي فكرة التقل والثبات ممكن ميكونش ميزة ممكن يكون عيب وايه المشكلة لما احط برفيوم يقعد معايا ساعتين وأنا مستمتعة بيه أحسن ما احطة ويقعد يومين وأنا قرفانة من ريحته عموما أنا مش بحب البرفانات التقيلة وزي ما قلت لكم البرفانات أذواق وفي فق كبير بين المنتج المتسورد والمنتج المصنع محليا أو اللي متعبي في مصر ، وفي ناس بتعلق علي شكل الإزازة فعلا شكل الازازة يفرق كتير يعني مش معقول يكون البرفان حلو وقيم ويعملوا له ازازة أي كلام

يا حماعه البرفانات اذواق وعموما هدف الموضوع على ما اعتقد هو ان اوريفيلم تكون فى المقدمه لاننا كلنا بنحب منتجاتها وواثقين فى الجوده بس مشكله كل وقت وكل شعب الاسعار فعلا دى نقطه متفقيت عليها كلنا وللاسف ايفون عرفت تحلها
ومع حبى الشديد لاوريفليم ايفون فى منتجات كويسه ولازم نحترم داونحاول نوصل صوتنا لشركتنا الحبيبه علشان تكون فى المقدمه

اولا احيي مرمر على الموضوع الجميل جدا ده
ثانيا كلنا هدفنا اكيد اننا نعلي من الشركة يعني مش مجرد مقارنة بين شركتين
فعلا افون منتجاتها منتشرة كتير جدا بين الطبقة المتوسطة ودي طبعا الطبقة السائدة وده مش معناه الجودة هو بس السعر لأني سمعت ده كتير جدا حتى معظم قرايبي واصحابي بيقولو كده
اما المنتجات مفيش فخامة وشياكة وطبيعة زي اوريفليم
فياريت حد من الديريكتورز يوصل كلامنا ده مدام رشا استاذ عصام حد تاني
الأسعار الأسعار

اولا انا بحيى مرمر على الموضوع ده بغض النظر عن هدفه وهو تقليل سعر المنتج فى اوريفليم
اولا انا عضوة فى ايفون قبل اوريفليم وفعلا انا بحب ايفون جدا وبعد ما اشتركت فى اوريفليم لاقيت مميزات كتتتتتتتتير اوى فى اوريفليم عن ايفون بغض النظر بردو عن سعر المنتج
لكن فى نفس الوقت مسبتش ايفون لان فى ايفون فيه حاجات كتير انا بحبها جدا جدا جدا ومازالت بستخدمها على الرغم من استخدامى لكتير جدا من اوريفليم مثلا منتجات الكلير سكين بتاعت ايفون بجد دية تحفة من غسول واسكرب حتى منتجات العناية بالقدم زى الفوت وركس ليها رائحة جميلة جدا وبالنسبة للروليتس اللى بتتكلم عن مونيا حلوة اوى اوى اوى
وفيه برفيومز فى ايفون احلى بكتيييييييييير جدا من اوريفليم ومنها البرفيومز اللى زكرتها مونيا مع الأحترام الشديد لرأيها مينفعش تقول عليها زبالة وريحتها تقرف وبلدى لان فيه ناس كتير اوى بتحبها ودول مش ذوقهم لا زبالة ولا بلدى وانا عن نفسى بستخدم برفيومز ايفون
زى فاراواى ودية من البرفيومز اللى ريحتها فواحة اوى فيه انكانديسنس مفيش اتنين يختلفوا عليها رقيقة جدا فيه راير جولد رائعة كمان ليتل بلاك ووايت دريس خطيرة
كتير اوى من برفانات ايفون
وانا مش متخيزة لايفون بس ده مجرد كلمة حق لازم اقولها فى حق منتجاتها اللى انا بكن ليها كل احترام وتقدير واعجاب
بس على الرغم من كدة فأوريفليم مميزاتها لأعضائها بتختلف كتير عن ايفون مثلا :
اولا اوريفليم لو عاملة عضوية طبعا ليكى الخصم
ثانيا تقدرى تجيبى فى الأوردر الواحد ولو حاجة واحدة بس حتى ولو ب 10 جم بس مش لازم تجمعى اوردر بقيمة معينة زى ايفون
ثالثا فى اوريفليم ليكى الحق فى استبتدال المنتجات بتاعتك خلال 5 ايام من استللامها بدام معاكى الفاتورة ماعدا لو كانت ماسكرا فى ايفون مفيش الكلام ده طبعا
رابعا هداياهم بجد بتبقى قيمة جدا مش زى ايفون غير انهم كمان بيعملوا مسابقات وسحوبات على فكرة على طول وفيه خصومات
غير طبعا العروض اللى بيعملواها فى الشركة اللى هى العروض الداخلية ودية مزية كمان مش موجودة فى ايفون العرض بيكون فى ايفون بييجى ويخلص ومنعرفش عنه حاجة
هدية عيد ميلادك دية غير هدايا الشركة كمان
اخر ميزة دية بقى ودية الأهم لما بدخلى اعضاء تحتك بتستفادى من شغلهم وبيكون ليكى مكافأت وخصومات من الشركة
ومعلش انا طولت عليكوا بس كان لازم اقول اللى ليه واللى عليه

ميرسى لذوقك ولردك الحميل ياريهام وانا معاكى فى رايك وبؤيدوا جدا والحمد لله مواضيعى بتلااقى صدى عندكم جامد وبصى يا زهره ميرسى لردك اكيد عليه بس انا بقول فيها ايه لما يقللو شويه الاسعار عشان الكل يستفيد وربنا يرزقنا جميعا ويبارك فى صحتكم وياااارب دايما مواضيعى تعجبكم

وميرسى ليكى يارشا بس مش ايفون ليها ناسها واوريفيلم ليها ناسها واللى مش عايزين نختلف عليه جميعا تقليل الاسعااااااار وربنا يوفقنا جميعا

ماشاء الله عليكى يامرمر بجد

السلام عليكم
موضوع جميل بس علشان نستفيد بجد لازم نكون غير متحيزين لشركتنا ونقارن فعلا المنتجات بموضعية واكيد كل شركة فيها مواطن قوتها وضعفها انا شايفة الشاطر الى ياخذ من الاتنين احسن ما فيهم لو امكن
انا عن نفسى مجربتش ايفون انا بجيب من اورفيلام كل حاجة عوزاها بس لو فى حاجة احسن فى ماركات تانية اكيد حجربها ولو عجبتنى حستمر عليها لغاية ما اعرف حاجة احسن ههههههههههه

موضوعك حلو يا مرمربس ليا تعليق بدلا من اعداء نرتقى ونقول منافسين وبالنسبة لكلام مونيا دا ما يليق بك وعلى فكرة أنا كنت عضوة فى ايفون وهى شركة محترمة ولها اسمها وفيها برفانات روعة زى انكانديسنس وباشون وجولد وغيرها كتير والرجالى كتير وعلى فكرة شامبوهات واسكربات جميلة وكمان مصل الشعر وغيره وفعلا احنا نفسنا لو اوريفليم ترخص من اسعارها شوية لان مثلا عندنا يفضلو السعر أول شىء وسوق ايفون عندنا كويس قوى بينسحب اكتر من اوريفليم لان اوريفليم غالية جدا ما يشترى منها إلا المستوى المادى العالى جدا وبصراحة فى فى اوريفليم برفانات غالية جدا ورائحتها خفيفة وما تستاهل ادفع فيها كل المبلغ ده وف الأخر هما شركتين محترمتين ولهما اسمهما فى السوق المصرى وما يصح يا اخوانى ان نقول ألفاظ لا تليق بنا كأعضاء فى شركتنا الجميلة اوريفليم 

اكيد يا هبه بس صدقينى يمكن كلنا بنمشى بكلامك وبصى يارهف انتى معجبكيش يمكن كلام مونيا بس دى طريقتها وتحترم بس حتى لو طريقتها مش تليق لانها غلطت فى شركه زى مقولتى ليها ناسها فده رايها وكل شخص ورايه واسلوبو وميرسى لردك ياحبيبى