السلام عليكم و رحمة الله و بركاته
إزيكم يا قمرات معلشي انا مقصرة معكم شويتين بس النت عندي بيقطع من فترة مش عارفة ليه .. كنت عايزة اخد رأيكم في حاجة ضروري .. طبعاً إنتوا عارفين ان الدنيا اليومين دول معايا زي الفل و متنفضة أحلى تنفيض
كمان عندي مجاملات بالهبل اليومين دول لناس اقاربي في ثانوية عامة و كمان في التخرج من الجامعة
و اللي زاد و غطى واحدة صحبتي كانت مسافرة دبي من 4سنين و نزلت من كام يوم و كلمتني عشان اروحلها بصراحة أنا محتارة و محتاسة كنت ناوية اشتري لبنتها الصغيرة (3سنوات) دبدوب أو اللعب الديزني تكون في حدود لا تزيد عن 150ج لإني هجيبهم زي مبيقولوا في وسط الظروف دي من لحم الحي بس هي قاليتلي تعالي و هاتي لميرا فانوس رمضان
.. هما بسم الله ما شاء الله مستواهم عالي جداً و أنا مش عارفة هل محلات لعب الأطفال المحترمة بيكون فيها فوانيس محترمة باين إنها غالية و الا كله صيني و أبو 2.5 زي أبو 200ج و هل اشتري للبت فانوس لعبة و الا فانوس حجمه كويس من اللي بيكون صاج و زجاج زي اللي في الصورة و اشتري بوكيه ورد لصاحبتي و أنا رايحة خاصة إنها قاعدة عند والدتها عشان زوجها مش نازل السنة دي
يا ريت تقولولي اقتراحتكم يا حلوين احسن المفروض اروحلها اليومين دول قبل رمضان
https://2img.net/r/ihimizer/img841/6095/28451610150267262278881.jpg