الاى لاينر استايلو

ازيكم يا بنااات

اعذرونى بقي ع اسئلتى دى لانى عمرى م حطيت اى لاينر ف حياتى قبل كدا Cool

ولا اعرف هو ايه لزومه او اهميته
بس اللى لفت نظرى انه هو مش سائل وبفرشه مدببه لا انه قلم يعنى هيساعدنى اهبل شويه واجرب ف عنيا confused

عشان شايفه ان سعره حلو بغض النظر عن جودته لانى سالت ناس قالو وحش وناس شكرو فيه جدا وقالولى هو حلو للى بيعرف يستخدمه الى مبيعرفش يستخدمه بيقول عليه وحش؟ مش عارفه
انا بس عاوزة اعرف هو بيتحط جوة العين ولا بره ولا فين بالزبط؟
كمان انا عنيا ضيقه يعنى ينفع لها اى لاينر اصلا ولالا ولا ايييه؟؟؟
مستنيه ردكم يا قمرات Sleep

لا يانور طالما عينك ضيقة بلاش ايلاينر لانه بيضيق العين هو بيتحط برة ع العين ع الجفن من فوق ومن تحت
انا عمرى محطيت ايلاينر لان عنيا صغيرة شوية وسمعت قبل كدا خبيرة تجميل قالت العين الضيقة متحطش ايلاينر خااالص
ف نصبحة منى بلاش تجبيه يصغر عنيكى هو عايز عين واسعة اوى بيبقى حلو عليها

تسلمى يا مونمون وفرتى عليا بدل م اجيبه وارميه ده انا بحط كحل بالعافيه ان حطيت Basketball

بورصى يا نور يا حبيتى استايلو ده ع حسب حظك ممكن تاخدى تلاقكى حلو ووممكن تلاقى ناشف بس هو حلو معايا هو فعلا زى القلم الفلومستر هو بيتحط فوق العين تعملى خط بيه او تحت العين ع الرموش بس طبعا موش جوه العين بس هو مع الماسكرا بيبقى شكله حلو ولو مثلا كحل تحت ع الخفيف او من غيره هو حتى نازل الشهر 7 سعره حلووو اوووى Laughing

المشكله يا سندريلا ان عنيا ضيقه عشان كدا كنت بسال
بس بما انك جربتيه وحده صاحبتى عاوزة منه اللون الاخضر انتى جربتى اللون الاخضر؟

بصى يا نور اللى جابه قالوا عيبه بينشف بسرعة بس ثباته حلو وياجماعة العين الصغيرة يترسم عليها خط واحد من فوق بالاى لاينر السائل تبقى تحفة وبلاش كحل اسود جوه العين جوه العين لازم كحل فاتح انا عنيا واسعة بس مش اوى انما مش بحط غير كحل ابيض جوه الين لانه ده هو اللى بيصغر العين بجد

انا بحط الابيض جوه العين يامارى بس لازم احط ع خط الرموش اى لون تانى اسود او ازرق او اخضر او بنى لان الابيض لوحده مش بيبقى حلو وبتحسى انك صاحية من النوم وعينيكى مرهقة

ماهو ابيض جوه العين وخط اسود من فوق بالكحل السايل وبعدين ماساكرا وبيبقى حلو اوووى وشيك وشكله كمان نهارى ومش مبالغ فيه ينفع للشغل

تسلم اديكم يا بنات
بس ايه الكحل السايل ده يا مارى
انا عاوزة اسالكم يا بنات بردو حاجه كمان اصلى جديده ف حكايه الميك اب
انا بحط جوة العين الكحل الابيض الجديد اللى لونه بيج ده وبيوسع فعلا بس ببقي عاوزة بقي احط لون تانى زى م انتو بتقولو على خط الرموش طب مهو لما باجى اعمل كدا الرموش نفسها بتتلون بلون القلم اعمل ايه

حاولى تظبطيه يانور انا بحط الابيض مع الازرق او الاخضر بيبقا جامد

الحكل السائل اللى هو مش القلم اللى بيتحط بالفرشاه ويبقى زاهى كده يا نور الاي لاينر ستيلو بيدى نفس التاثير

بتحطيه تحت الرموش يا مونمون صح
اللى بيبقي فيه لمعه كدا يا مارى ولا اللى هو بودر ده ؟

لا انا بحطه ع خط الرموش بالظبط بس بينزل منه تحت الرموش بس بظبطه بمزيل المكياج بالبتاعة بتاعة الودان دى الى بيبقى فيها حتة قطنة

لا يا قمر مش بيبقى فيه لمعه هاديلك لينك كده فيه صورته
http://style.pk/how-to-apply-liquid-eyeliner/

تسلمو يا بنات ربنا ميحرمنيش منكم Idea

وياريت اللى جرب الاي لينر الاخضر او شاف درجته فاتحه ولا غاممقه يقولى لان صحبتى هتتحنن ع الاخضر بس يكون فاتح

لا يا نور للاسف انا جربت البنى والبلاك بسسس انشالله حد يفيدك

الاخضر فاتح يا مونمون Shocked

» ايه رايكو في قلم الاي لاينر السائل
» نصائح لاستخدام الاى لاينر
» اى لاينر جورديانى
» استفسار عن الآى لاينر
» استفسااار عن الاى شادو المضىء للعين