وحشتوني اوي تعالو اقلكو اخر اخباري

السلام عليكم
وحشتوووووووووووووووووووووني جدا جدا جدا بجد كلكم وحشتوووني اوووووي
انا اسفة ليا فترة مش بدخل عشان الظروف
والدي مريض معاه نزيف في المعدة دعواتكو يا حبايبي
و كمان الشغل الجديد شغلني جدا
و الشهر ده مشترتش حاجة من اوريفليم بس ناوية احجز دلوقتي بلشر اوريفليم اللون الخوخي رغم ان عاجباني كريات
جيورداني اللون الخوخي الجديد الا انها غالية اوي مقدرش ادفع الثمن ده كله
ايه رايكم في بلاشر اوريفليم بيوتي اللون الخوخي ؟ عندي البنك و مستريحاله اوي و ثابت
كمان عايزة استشيركو فحاجة
من اسبوع كده رجعت من الشغل لقيت شنطة الميكاب مش موجودة فشنطتي
اليوم الثاني رحت سالت البنات للي بعرفها و دورت ملقتش حاجة و قالولي انهم مشافوش حاجة
طنشت الموضوع رغم اني عصبت جدا جوايا عشان كل ماكياجي تقريبا للي شريته من اوريفليم حطيته في الشنطة
و كمان كنت شريت فونديشن غالي اوي من فيتشي دفعت عليه دم قلبي و راح هو كمان
الفونديشن ده عجيب بيخفي كل حاجة من الوش مش تحتاجي تشتري كونسيلر و مش بيكلكع بيفضل زي ما هو
نرجع للموضوع المهم قبل يومين كده شفت بنت حاطة روج بيشبه الروج السحري بتاع فيريمي و لونه زيه
قلت اعوذ بالله يمكن عندها زيه رغم اني دخلت قبل كده معاها فنقاش و قالتلي انها مش بتحب تشتري من اوريفليم عشان خسارة فلوس
و ان كل ماكياجها رخيص و حاجات كده المهم طنشت
اليوم للي بعديه جت البنت ووشها صافي و حلو و منور زيي تماما لما بحط فونديشن فيتشي و البنت وشها فيه شوية حب و اثار فاختفت و
ده اول مرة بشوفها من غير حبوب و اثار
و اما سلمت عليها نفس الريحة و كمان حاطة جلوس باور شاين باين من لمعته و لونه نفس اللون ريد اوفيشن
ساعتها شكيت اوي انها تكون سارقة الشنطة بتاعتي
دلوقتي مش عارفة اعمل ايه اصارحها ولا اقولها ايه ؟؟؟ انا محتارة اوي و المشكلة ان الحاجات غالية اوي
و البنت وصلت وقاحتها انها تحط حاجاتي قدام عنيا و انا ساكتة !!
انصحوني اعمل ايه ؟؟

الف سلامه لبابكى ربنا يارب يشفيه ويقومهلكوا بالسلامه المواضيع دى بتبقى محرجه انا مش عارفه اقولك ايه بس انتى لو واجهتيها اكيد هتنكر ومش هتعرفى تاخدى حاجتك تانى لانها عمرها ماهتدهالك وتثبت عليها انها هى اللى واخدهم انتى حاولى تعرفيها ان الحاجات اللى هى بتحط منها شبيه لحاجاتك اللى هى اتسرقت يمكن تحس على دمها وطالما الشغل بتاعك فى ناس ممكن تسرق ماتروحش الشغل تانى بحاجه تخافى عليهاوربنا يعوضك عنها

الف مليون سلامة على بابا يا سارة انتي كنتي وحشاني جدا بس قولت تلاقي شغلها ودراستها منعينها عشان ضيق الوقت
انا زعلانه جدا على حاجتك اللي ضاعت لأني عارفة انك مش بتجيبي غير الغالي من كل حاجة
انا لومنك اقعد انأورها كل شوية اقولها ايه ده ايه ده انتي ورثتي ولا ايه
جبتي الفونيدشن ده منين وبكام
اقعد كل شوية احرجها باسئلة والفت نظرها اني كان عندي نفس الحاجة بس -وتدعي - على اللي سرق حاجتك- الاهي مايوعي يتهني بيهم- وكده هي مش حتحس على دمها لأنها بجحه وسرقت ومدارتش بس مفيش قدامك حل تاني دي زمانها خلصتهم اساسا
وبرضه زي ما سارة قالتلك متاخديش معاكي حاجه تاني الشغل طالما في ناس حرامية يارب يجيلها مرض وهي بتحط حاجتك

اهلا ياسارة وحشتينا وربنا يشفى والدك ويعافيه ويطمنكم عليه
اما من ناحية البنت دى فأعملى زى ما قالولك البنات وكترى اسئلة واستفسارات ولوممكن تطلبى منها توريكى لون بعض الحاجات بتاعتها وخماتها على سبيل انك هتضطرى انك تشترى وهى بتجيب حاجات رخيصة وطبعا مش هتوريكى حاجة من بتعتك بس هتتاكدى من فرق الالوان والجودة وهتوصليلها كدا بردو ان اللى ورتهولك لونه وخامته غير اللى عجبك عليها
وعوضك على الله وخدى بالك بقا من حاجتك بعد كدا

صح كده يا سارة خليكي شريرة شويتين تلاته في افكارك في احراجهها مين عارف ممكن تطلع بريئة ويطلع اللي اخد الحاجات من بره الشغل عميل مثلا او عامل او اي حاجة

ازيك ياساره انا مدخلتش برضو من زمان غير تخاطيف كدا واخر حاجة كنت اعرفها عنك يارب تكونى عدتيها على خير

بالنسبة لباباكى ربنا يشفيه ويعافيه ويخليهولك يارب

بالنسبة للبنت كلمة واحدة بس قوليهالها قوليلها ( نضفتى من أمتى وبقيتى بشترى من اوريفليم ) ولا جايز الحاجات الرخيصة هى اللى نضفت

مش عارفة حاسة إنى عدوانية جدا من ناحية اى حد بيعمل كدا وربنا يشفيها من مرضها اللى هى عليه

وقولى حسبى الله ونعم الوكيل بس هل انتى متاكدة انها ممكن تعمل كدا

عشان إن بعض لظن اثم

وربنا بقى يعوضك خير

تصدقى انتى بنت حلال انا داخله النهاردة مخصوص عشان اعمل موضوع ليكى واسال عليكى
وحشااااانى جداااا وكنتى فى بالى بقالك كام يوم

الف سلامه على باباكى وربنا يعافيه يارب
بالنسبه للمشكله دى انا لو منك هاتفرس اوووى بس اعملى زى ما سارة دينا قالولك واساليها واحريجها كل شويه لحد ماتقدرى تعرفى هيا الى وخداهم ولا لاء
ومبعدييش عننا تانى يا سارة ومتطوليش الغيبه كددة

اسمعى يا ساره انتى قدامك حل واحد علشان متأزميش الامور وتطلعى انتى الغلطانه.....................اكيد انتى قولتى ان حاجتك اتسرقت وهى موجوده قوللى بصوت عالى والكل سامعه انك لحد ما هاتموتى مش مسامحه اللى سرقك والهى يارب ما يشوف خير ابدا وكررى الكلام ده كلما اتيحت الفرصه امامها لحد ما هى نفسها تتعب نفسيا ويزيد الضغط النفسى عليها لان الحرامى مهما كان جباااااااااااااان وهايحصل حاجه من اتنين يا اما يكون معندهاش ضمير مطلقا ومش هايهمها وممكن تحاول تسرقك تانى ....او هاتحط لك حاجتك فى اى مكان بحيث تلاقيها من غير ما تواجهك وربنا معاكى وفداكى منها لله متزعليش نفسك

الكذب ملوش رجلين هتنفضح هتنفضح المسالة مسالة وقت لا اكثر و لا اقل ربنا كبير لا تقلقي

الف سلامة على بابا وربنا يكملة شفاه وخليهولك يارب
وحشتينى جداااااااااااااااااا وبجد انا زعلت قوى على الحجات بتاعتك الى اتسرقت منك وحاسة بيكى لان الواحد بيقعد يجمع فيها فترة طويلة جدااا وبتبقى حجات غالية وحاولى تعملى زى مادينا بتقولك وربنا يهديها وترجعهملك