تغطيه كتالوج 13 وكل سنة وانتم طيبين

أولا: إحضار النخاع
إما بتشتري النخاع جاهز من عند الجزار أو بتجيبي العضم جواه النخاع برضه من عند الجزار
(إستخراج النخاع من العضم)
لو النخاع في العضم/ بتسخني الفرن تحميه وبعدين تهدي النار خالص
تحطي العضم في صينية وبعدين 5 دقايق تخلي النارمتوسطة بس اقل من المتوسط شوية
اول ما تلاقي العضم بقى لونها زي الرمادي كده او نشفت ونزلت منها زيت النخاع طلعيه من الفرن
اخبطي العضمة خبط خفيف في الصينية بحيث تدقيه عشان تنزلي منه النخاع
لو النخاع منزلش كله يبقىمحتاج يرجع تاني للفرن
شيلي الزيت والنخاع من الصينية ورجعي العضم تاني في الفرن لحد ما النخاع ترجعي تخبطيه تاني ينزل من العضم من جوه.
تمام دي طريقة استخراجه من العضم

ثانيا: تهيئة النخاع
سواء كان النخاع اشتريتيه طبعا من الجزار جاهز او استخرجتيه من العضم في البيت بنفسك
تتبعي الطريقة التالية
بتحطي النخاع على حمام بخار لحد ما النخاع يسيح خااالص والزيت ينزل منه.
بتشيلي النخاع في برطمان هو والزيت اللي ينزل منه مترميش حاجة.

ثالثا: الخلطة
بالنسبة للشعر الدهني او العادي بتستعملي معلقة كبيرة
وبالنسبة للشعر الجاف بتستعملي ملعقتين كبار
النسبة دي انا قريتها،،، لكن قرأت مرة لكورس لدينا الجازم مأكتبش فيه بصراحة المعايير دي
على العموم هي الفكرة بس ان الشعر الدهني حيبقى مليان دهون اوي وحتتعب صاحبة الشعر الدهني اوووووي في غسله
فهي تحاول تعمل كمية مناسبة عشان تقلل من نسبة الدهون دي

كمية النخاع المطلوبة
+
ملعقة كبيرة عسل نحل
+
زيت عطري أو اي زيت انتي تستعمليه وقريت انه ممكن زيت درة
+
(بالنسبة للشعر الجاف )
صفار بيضة

رابعا: الطريقة
تخلط كل المكونات دي كويس ويدهني بيها اولا فروة الراس والباقي تحاولي توزعيه بالتساوي على باقي الشعر
مش لازم كل الشعر يتغطى بيه اهم حاجة الفروة ولو تحاولي تراعي الاطراف شوية
تعملي حمام بخار للشعر بحيث تحطي فوطة سخنة على الشعر كرريها اكتر من مرة
وبعدين غطي الشعر ببونيه بلاستيك للحفاظ على السخونية وتفتيح المسامات
وتعمليه وتنامي بيه،، او يترك على الشعر لمدة من 4 إلى 6 ساعات
تزال الدهون بالماء أكثر من مرة ثم يغسل الشعر بالشامبو المستخدم لديكي
ودي خطوة ضرورية تضيفي 1 ملعقة خل التفاح إلى لتر ماء دافئ ويشطف به الشعر
ويعمل غسول للشعر مكون من
(50 جم عشب زعتر ناشف + 750 جم ماء)
يغلى الماء ويصب على العشب ثم يصفى ويشطف بيه الشعر في اخر غسلة

ويعمل حمام النخاع ده مرة في الاسبوع
وبإذن الله حتلاقي تحسن ملحوظ في الشعر خلال شهر بالضبط
يعني بعد اربع مرات بإذن الرحمن

نقلتلك الطريقه زى معملتها بالظبط Embarassed

تسلميلي يا احلي ورده عرفتها في حياتي ونخدمك في الفرح دايما
Embarassed

بصوا يا بنات الشعر ده صحيح مشكلته كبيره اوي
بس غالبا احنا السبب فيها لان تغذيتنا موش سليمه قولولي كام واحده فينا محافظه على طبق السلطه يوميا واكل الفواكه ؟؟؟؟
تاني حاجه انا سمعت دكتوره كانت جايه مع دعاء عامر بتقول ان الكيراتين ده مجرد غلاف للشعره يعني لو انتي شعرك بيطول بسرعه او مع مرور الوقت الغلاف ده هيقع ويرجع شعرك تاني ويمكن اسوا لانك اجهدتيه بالفرد وقالت كمان احنا لما بنحب نغذي النبات بنحط السماد على الورقه ولا ف التربه؟؟؟
وبالنسبه للاطراف المتقصفه احنا لازم نقصها لانها ملهاش حل تاني
كلام اخير لامينه شلبايه قالت يا جماعه محدش يكره شعره انتي شعرك مش ناعم وسايح ديه خلقة ربنا متحاوليش تسوايه اكتر من كده والكلام ده انا حسيته فعلا يا بنات لما شوفت قريبتي كانت بتفرد شعرها كل 6 شهور وهي شعرها كان عادي يعني مش ناعم ولا خشن دلوقتي قرب شعرها بيكون اكرت منظره من فوق من المنابت يخوف والله

بيوتي ليلي كتب:: بصوا يا بنات الشعر ده صحيح مشكلته كبيره اوي
بس غالبا احنا السبب فيها لان تغذيتنا موش سليمه قولولي كام واحده فينا محافظه على طبق السلطه يوميا واكل الفواكه ؟؟؟؟
تاني حاجه انا سمعت دكتوره كانت جايه مع دعاء عامر بتقول ان الكيراتين ده مجرد غلاف للشعره يعني لو انتي شعرك بيطول بسرعه او مع مرور الوقت الغلاف ده هيقع ويرجع شعرك تاني ويمكن اسوا لانك اجهدتيه بالفرد وقالت كمان احنا لما بنحب نغذي النبات بنحط السماد على الورقه ولا ف التربه؟؟؟
وبالنسبه للاطراف المتقصفه احنا لازم نقصها لانها ملهاش حل تاني
كلام اخير لامينه شلبايه قالت يا جماعه محدش يكره شعره انتي شعرك مش ناعم وسايح ديه خلقة ربنا متحاوليش تسوايه اكتر من كده والكلام ده انا حسيته فعلا يا بنات لما شوفت قريبتي كانت بتفرد شعرها كل 6 شهور وهي شعرها كان عادي يعني مش ناعم ولا خشن دلوقتي قرب شعرها بيكون اكرت منظره من فوق من المنابت يخوف والله

كلام سليم يا بيوتي Shocked

انا مثلا مش مشكلتي ان شعري وحش ولا حلو انا مشكلتي انه لما بيطول بحتاس بيه وبستتقل اسرحه بتكون النتيجه يتكعبل ويبوظ ويقع عكس لنا ببقي قصاه بقعد اسرحه كل شوية واحط له بلسم واعتني بيه اهم شيئ اننا نعرف مشكلتنا مع شعرنا وبشرتنا ونحاول نعالجها

اه فعلا النخاع مفيد اوووووي للشعر خصوصا بتاع الجمل هجربه ان شاء الله رغم اني كسووولة جدا يعني عايزة الحاجة جاهزة
طب متعرفيش كريم بالنخاع اشتريه جاهز؟؟
عشان و النبي قررت اتخلص من شعري من كثر ماهو معدبني معاه و بفكر ان كل اما يطول اقصه

بيوتي ليلي و الله يا حبيبتي تقريبا اكلي كله سلطات و كل يوم باكل فواكه بحس ان الاكل مالوش فايدة لا للبشرة ولا للشعر بيزيد في الشحوم و بس
بفكر اشتري حبوب الزنك او الحديد بيقولوا انهم حلوين للشعر خصوصا ان عندي انيميا

سـآرة كتب:: بيوتي ليلي و الله يا حبيبتي تقريبا اكلي كله سلطات و كل يوم باكل فواكه بحس ان الاكل مالوش فايدة لا للبشرة ولا للشعر بيزيد في الشحوم و بس
بفكر اشتري حبوب الزنك او الحديد بيقولوا انهم حلوين للشعر خصوصا ان عندي انيميا

والله يا ساره انتي سكره
يعني عندك انيميا وعايزه ازاي شعرك يبقى تمام ووشك نضر
الانيميا لوحدها بتعمل شحوب وبقع ف البشره لازم طبعا تتعالجي منها وخصوصا انك داخله على مرحلة جواز ان شاء الله وحمل وكده ربنا ييسرلك الحال ويكرمك
فلازم تتعالجي منها كويس
ومتاخديش حاجه من نفسك اعملي تحليل وروحي لدكتور عشان يظبطلك الجرعات وربنا يشفيكي يا قمر

انا بردو عندى انيميا يا ساره شعرىطويل لكن موش بيطول وبيسا الدكتور ادينى فينامات زنك بس بيجلى تعب فى قلبى منها اوى روحتله تانى غيرها وادينى فيتامينات بسيطه شويه

بيوتي ليلي الانيميا للي عندي مش قوية جدا يعني حتى لو اثرت مش هتأثر اوي و طبيب الجلدية قللي ان مش هي السبب في تساقط شعري و اداني حبوب الحديد و ساعتها حصلي زيادة في الوزن الحمد لله لكن بعدها جات فترة صعبة عليا اوي و رجعت زي الاول و دلوقتي عايزة اشتري حبوب الحديد و الزنك عشان التساقط زاد اوي اوي و على الاغلب ده من نقص الاكل .. وزني بقا 43 بعد ما كان 51 و الجرعات كان وصفلي حبتين في اليوم وحدة الصبح ووحدة المسا و بالنسبة للزنك مش عارفة بس على العموم بيتاخدو 3 مرات في اليوم
السبب الرئيسي في تساقط شعري هو تشابكه و المشط للي بمشط بيه اسنانه متقاربة و بيالمني اوي اني امشط بحاجة اسنانها متباعدة و الشعر اما بنام و بفوق بيتشابك اوتوماتيكيا هههههههههههه
معرفش اعمل ايه معاه بجد حاجة تجيب المرض

ربنا يشافينا يا ساندرالا يا رب
انا جا عليا وقت كنت بقع من طولي و الطبيب بيقولي فقر الدم عندك خفيف انا حاسة ان فقر الدم مسيطر عليا معرفش يمكن اغير الطبيب عشان حاسة انه مبيعمليش حاجة غير الرغي من غير فايدة

الف سلامة عليكى ياقمر وربنا يشفيكى

الف سلامة عليكي يا سارة خدي حمض الفوليك ودي نصيحه للمقبلين على الزواج يا بنات الفوليك اسيد احسن حاجة تاخدها البنوته كمان بيصلح كتير في الجسم وبينقي الجسم وبيطلع الأجيال القادمة قرود !!!!!!!!!!!!!!! والله قرووووووووووووووود
منين يا سارة بتقولي كسوله ومنين بتعملي الشامبو في البيت يا جبارة !!!!!!!!!!!
انا نا شاء الله حجرب طريقة ورده بس انزل واجيب ماسورة!!!!!!!!!!!!!!!!!!

حبوب بنتوجار للشعرلو المصرى مرتين باليوم بعد الاكل ولازم بعد الاكل والا ختتعب معدتك
ومتصدقيش اللى حيقول بتزود شعر الجسم دة اى كلام
مع فيروترون للحديد ودى من انظف منتجات المصرية فى الحديد لاحتوائة على نسبة من الفولك اسيد
مع حبة زنك فى اليوم
وممكن فيتامين اية
الزنك وفيتامين اية شهر ولا يكرر الا باستشراة طبيب
البنتوجار اقل كورس 3 شهور علشان يبدا يجيب نتيجة
الحديد كل شهر تحليل للتاكد من النسبة اضبطت ولا
دينا الجارم انا سمعت انها بتبع النخاع بس مبيكونش لة رائحة
لان رائحتة فظيعة
وفية كريم تصفيف للشعر انا لم استخدمة ولكن بشوفة كتير وبقرا عتة
هو بالمرز لكى الشعر لو جد هنا استحدمة يقول على تجربتة معة

عندي اصحابي في العمارة استخدموا بالمرز وعلى حسب نوع الشعر طبعا ناس رمته وناس اكلته ناس عجبها جدااااااااااااااااااااااااااااااااو ناس معجبهاش قالت انه زي قلته
الجارم ده فين؟؟؟؟؟؟؟؟؟؟؟؟؟؟؟؟؟؟؟؟

سـآرة كتب:: بنات انا النهاردة رحت جبت الاوردر و جالي الكاتالوج 1
مش هتصدقوا ملقتش حاجة غير سبراي الشعر
الشامبو و البلسم ملقتهمش وكمان مجموعة الصبار مش لقيتها
يمكن ده عشان مصلحتي عشان انا اصلا كنت متخوفة منها جدا
المهم عجبني اوي كاتالوج 1 في حاجات اول مرة تنزل
و على فكرة ملمع باور شاين مش فترة محدودة ولا حاجة نازل في الكاتالوج 1 بنفس الثمن
و فيه فاول الصفحة عرض جامد اوي لالفي الزرقاء
و عرض حلو اوي تاخدي منتج من 3 مجموعات بثمن حلو اوووووي رخيييص
المجموعات هي كريم اسانسيال للبشرة الحساسة كريم اسانسيال النهار و جل مجموعة الصبار
المجموعة الثانية عبارة عن فونديشن التبييض و باودر التبييض و المصحح للي فيه 3 الوان
و المجموعة الثالثة الماسكارا الحمرا و كحل كاجال
و في مجموعة جلوسات نازلة بطعم الفواكه العبوة حلوة و كبيرة
و نازلة مجموعة محددات الشفايف شبه الكحل للي بيتلف
و فاخر الصفحة فيه عرض لايلاينر فلوماستر
لو عايزين الاثمنة و الصور مافيش مشكل بس خودو بالكو ان الاثمنة هنا ممكن تكون اغلى او ارخص
لكن الكاتالوج بيبقا هو نفسه زي المغرب زي مصر مافيش غير فروق بسيطة يمكن في عروض 50 في المية عشان حسب المخزون للي عندهم

ملمع بور شاين الي في كاتلوج شهر 1 نازل بـ 44 جنيه ..... لكن الي نازل في الكتالوج الحالي كاتلوج 13 نازل بـ 29 جنيه

الف سلامه عليكى ياساره ربنا يشفيكى يارب

دينا كريم بالمرز بيمشى معايا هو عايز شعر تقيل مش خفيف ,]ودلوقتى بستخدم منه واكس بزيت الجوجوبا وفيتامين e

انا في المغرب يا دعاء و ايام كاتالوجات 10 و 11 و 12 و 13 مكانش فيه فرق بين كاتالوج مصر و المغرب لكن دلوقتي فيه فرق كبير ده حتى عرض المجموعات مش موجود في كاتالوج مصر و الجلوس الجديد هنا نازل بنفس ثمن عرض كاتالوج 13

النخاع يابنات ريحته مش فظيعه اوى يعنى انا استحملتها عادى مع انى عندى حساسيه تجاه الروائح النفاذه اللى كان مضايقنى ريحه البيض Cool

بنات الاوردر وصل اخيرا
دينا بالنسبة لديليكسي فهي حلوة للي بيحبوا ريحة التوت والبرفانات الشوجر بالنسبة لي عادية فيها من ريحة المصاصة اللي بالفراولة او دوا الكحة حاجة كده الكريم بتاعها اهدى واحلى
الباور شاين حلو وثباته حلو الدرجة البينك رقيقة بس لازم يتحط تحتها روج
ايلينر جورداني وههههههههههههههم وميشققش حطيته طول اليوم لا اتشقق ولا حصل له حاجة وسهل ازالته ومش بيهبب حول العين
روج فري مي جبت لون بينك بس طل مش زي لون الكتالوج كل الوان البينك اللي تبع فري مي قريبة من بعض وفاقعة هو اللون معجبش صحبتي بس عجبني يديكي لون الشفايف البينك الطبيعية بس عاوز تحطي خفيف منه
شامبو هير اكس الاصفر لسة هجربه واقولكم

مبروووك ياقمر تتهنى بحاجاتك يارب

loma كتب:: بنات الاوردر وصل اخيرا
دينا بالنسبة لديليكسي فهي حلوة للي بيحبوا ريحة التوت والبرفانات الشوجر بالنسبة لي عادية فيها من ريحة المصاصة اللي بالفراولة او دوا الكحة حاجة كده الكريم بتاعها اهدى واحلى
الباور شاين حلو وثباته حلو الدرجة البينك رقيقة بس لازم يتحط تحتها روج
ايلينر جورداني وههههههههههههههم وميشققش حطيته طول اليوم لا اتشقق ولا حصل له حاجة وسهل ازالته ومش بيهبب حول العين
روج فري مي جبت لون بينك بس طل مش زي لون الكتالوج كل الوان البينك اللي تبع فري مي قريبة من بعض وفاقعة هو اللون معجبش صحبتي بس عجبني يديكي لون الشفايف البينك الطبيعية بس عاوز تحطي خفيف منه
شامبو هير اكس الاصفر لسة هجربه واقولكم

طيب يالوما اخبار اللمعة بتاعة الباور شاين ايه حلوة ولا اوفر تنفع الصبح ولا مناسابات بس؟

بصي البينك لمعته حلوة وممكن يتحط منه الصبح لكن الدرجة اللي قبل الاخيرة كانت اللمعة زيادة شوية وينفع سهرة اكتر البينك حلووعجبني اكتر عشان كده

loma كتب:: بنات الاوردر وصل اخيرا
دينا بالنسبة لديليكسي فهي حلوة للي بيحبوا ريحة التوت والبرفانات الشوجر بالنسبة لي عادية فيها من ريحة المصاصة اللي بالفراولة او دوا الكحة حاجة كده الكريم بتاعها اهدى واحلى
الباور شاين حلو وثباته حلو الدرجة البينك رقيقة بس لازم يتحط تحتها روج
ايلينر جورداني وههههههههههههههم وميشققش حطيته طول اليوم لا اتشقق ولا حصل له حاجة وسهل ازالته ومش بيهبب حول العين
روج فري مي جبت لون بينك بس طل مش زي لون الكتالوج كل الوان البينك اللي تبع فري مي قريبة من بعض وفاقعة هو اللون معجبش صحبتي بس عجبني يديكي لون الشفايف البينك الطبيعية بس عاوز تحطي خفيف منه
شامبو هير اكس الاصفر لسة هجربه واقولكم

شكرا يا لوما على اهتمامك بالرد على تسلميلي وتتهني بحاجاتك وربنا يباركلك فيها
ياريت تجربي الهير اكس وتقوليلنا رأيك فيه

ايه رايكم فى محافظ اوريفليم نازل محفظتين شهر جاى 60 فالميه لو حد شافهم يقولى ايه اخبار

اول مره اشارك هنا يابنات

بس علي فكره النخاع ريحته مقبوله وعاديه يعني بل ساعات بتجوعني ههههههههههه

لوما شجعتيني اشتري ايلاينر جورداني طيب ايه احلى هو ولا بتاع فري مي ؟؟

» تغطيه كتالوج 11 والعروض
» تغطيه شهر 7
» عروض العيد كل سنة وانتم طيبين
» عروض اوريفليم الرائعة كل سنة وانتم طيبين
» تغطيه كتالوج ابريل