شامبو و بلسم ميلك اند هوني

السلام عليكم

ازيكو يا حبايبي
النهاردة فكرت اني انوع في الشامبوهات عشان قريت ان الاستقرار على شامبو واحد بيدمر الشعر
انا بستخدم دلوقتي شامبو و بلسم هير اكس
و حساهم يعني مش وااااااو يعني اوكي ماشيين مع شعري بس حاسة انها حاجة مؤقتة
يعني كلام يوم بعد الغسل و بس
و السيروم في سيرومات ارخص منه و بيدوا مفعول زيه بس هو حلو قبل الاستشوار بيثبته جدا
اما الماسك و السبراي الليلي ملهمش لازمة خالص شبكوا شعري فبعض و نشفوه و اديتهم لوحدة معايا في الشغل
المهم مش هتكلم على هير اكس الصفرا لان موضوعي عن شامبو و بلسم ميلك اند هوني
شميت ريحتهم حلوة اوي
بس مش عارفة مفعولهم ازاي يعني هل بيهدوا هيجان الشعر و بيرطبوه شوية و مش بيعقدوه ؟؟
او عادي زيهم زي اي حاجات ثانية ؟؟
مستنية ردودكم

زعلتيني خالص ياسارة انا كنت ناوية اجيب مجموعه الهيراكس الصفرا بعد لما كتبتي الموضوع

انا مجربتش ميلك اند هاني بس قرايبي وصحابي استخدموهم وشكرو فيهم

هند معلش يا قمر انا كمان زعلت اووووي عشان انا كنت متأملة انه يعمل لشعري حاجات رهيبة
لكن يمكن المشكلة فشعري مش عارفة ممكن يناسبك
انا بعد اما بغسل بيه تعالي شوفي اللمعة و النعومة لكن بعد ما ينشف بيروح تأثيره يعني بجد كذبوا لما قالوا انه علاج
و السيروم احسن حاجة قبل الاستشوار ده ممكن يثبتلك الاستشوار 3 ايام ورا بعض
و مش دهني و حلو عشان تقصف الاطراف بس بردو حاسة انه مش قد ثمنه اوي يعني
مبيعملش حاجات تستاهل ثمنه و فيه ماركات ثانية ارخص و احسن منه
و الماسك ده لما عملته خليته كده نص ساعة بعدين غسلته تعالي شوفي شعري نااااااااااااااشف جداااااااااااااا ده حتى مش بيتسما ماسك عشان الماسك بيخلي الشعر زي الحرير لكن فين و فين
و المرة الثانية حطيته ساعة و غسلته بردو نشفلي شعري و المرة التالتة حطيته ربع ساعة قلت يمكن مش لازم احطه كثير بردو نشفلي شعري يعني بيزيد الطين بلة
اما سبراي الشعر الليلي ده لزقلي شعري فبعضه لو شفتيني الصبح يتهيألك ان فيه علكة ماسكة فشعري كده و عقده و بقا بيتساقط و عملي قشرة
و اما قلت لصاحبتي قعدت تتأسفلي و قالتلي انهم بجد نفعوها كلهم يعني شعر عن شعر يفرق
و دلوقتي قررت اغير كل المجموعة عشان حاسة ان شعري اتضر و بقا بجد باااااهت
خايفة ان ده من الصوديوم الموجود في الحاجات حاسة اني لازم انظف شعري من الكيماويات للي جاتله
فقلت اجرب ميلك اند هوني يمكن يطلع حلو زي ريحته كده
لو مش حلو اشوف حاجة ثانية بجد الشامبوهات و حاجات الشعر مافيش حاجة ناسبتني لحد دلوقتي
حاسة ان كلام الماركات ده دعاية و كيماويات عشان ينافسو بعض و خلاص

بصي يا سارة الوحيدة اللي جربت ميلك اند هاني وانا اعرفها هنا في المنتدي هي ورده ممكن تساليها وهي تفيدك او تشوفي الموضوع بتاعها بتاع كل مايخص كتالوج 12

بس بجد صدمتيني في الهير اكس الأصفر انا كنت ناوية اجيبة وفي ناس كتير مستنياه هنا في المنتدي

انا مكنتش ناوية اجيب السيرم عشان انا مستريحة على السيرم الي انا ماشية عليه لكن كنت ناوية اجيب الشامبو

انا كدة اضايقت اكتر

بصي فاكرة في بنت هنا قالت الماسك مكتوب عليه يمكن تحطيه 3 دقايق وبتقولك متزوديش عليهم هما دول بس

عامة معلش متضايقيش انا الهير اكس النبيتي فظيع في شعر ماما واخويا وانا بيبوظ شعري

غالبا بيختلف من شعر لشعر

طيب حد جرب الأحمر او البنفسجي او الأزرق ؟؟؟؟؟؟؟؟؟

يقولنا اي معلومات انا كنت فاكرة ان الهير اكس ده احسن حاجة في اوريفليم لأن الناتشرز مش كل الأصناف حلوة

بجد يا بنات انا اتصدمت اوي عشان بجد مشفتش حاجة هايلة ابدا زيه زي شامبو فاتيكا بالصبار الفرق ان ده معمليش تساقط فاتيكا عملي شوية تساقط
يمكن لو استمريت عليه شهر يدي نتيجة انا بغسل شعري كل يوم و البلسم بحطه كل غسلتين
السيروم كل ما اطلع من الحمام اعمله
و لحد دلوقتي غسلت بيه يمكن 20 مرة او اقل او اكثر
ومشفتش حاجة هايلة غير ان شعري تعب حبتين حاسة انه بهت اوي زمان كان فيه لمعة حتى مع الجفاف دلوقتي بهتان اوي حتى مع السيروم
ورودة ادخلي نوريني برأيك

هند انا اخذت المدة من جارتي للي باعتلي المجموعة
و هي بقا اخذتها من للي بتبيع هناك و كمان مجربة المجموعة كلها
قالتلي حطيه ساعة عشان الشعر يستفيد منه
حطيته ساعة و نشفلي شعري
بعدين الاسبوع الثاني حطيته نص ساعة بردو نفس النشفة
بعدين كلمتها بالتلفون و سالتلي خبيرة تجميل بتعرفها من اوريفليم
و قالتلي استعمله ربع ساعة و لو مناسبنيش اسيبه
و فعلا ده للي حصل مناسبنيش و سبته اديته
و السبراي الليلي لما استعملته مرة و لزقلي شعري فبعض
كان شعري جاف
قلت يمكن لازم ابلله و بللته و استعملته نفس التشابك
و اديته كمان

انا الماسك كنت بسيبه 5 دقايق زي ما اكتوب عليه و برضوا وحش
بس الاسبراي بقا زبااااااااااااااااااااااااالة جدااااااااااااااااا عمري ما فيه حاجة خالت شعري وحش كده
بينفسه في الوحاشة الليف ان بتاع هير اكس الفوشيا او البمبي بتاع الهيشان بيخلي شعري عنده حاله عصبيه و ناشف جدااااااااااااااااااااااااااااااااا
و انا كمان زعلت كنت هجيب الشامبو و بلسم و السيرم اعمل ايه دلوقتي

مارو انا مش عارفة هل المنتجات مش جودة عالية ولا انا شعري مش بيستقبل كل حاجة على العموم انا هشوف اراء الاعضاء بخصوص ملك اند هوني عشان يريحولي شعري شوية بالعسل و الحليب بعدين هشتري منتجات يا اما من شوارسكوف او من كيراستاس

مرسي اوي يا وردة يا قمر شجعتيني على الحليب و العسل ده
انا عندي هوس النظافة كل يوم لازم انظف شعري بجد بحس اني لما بنام في حاجات بتيجي فشعري و الحالة دي ابتدت من يوم ما شفت برنامج عن جراثيم النوم هههههههههههههه و انا مش على بعضي فبقيت بغسل شعري كل يوم الصبح بالشامبو بس و بحط شاور جيل و بطلع و البلسم بحطه مرتين كده انا عارفة ان غسل شعري كل يوم بمتص زيوت الشعر بس اعمل ايه انا سالت للي اخذت من عندها قالتلي عادي و احسن كمان عشان المفعول يبان اكثر كمان شفت ففيديو على اليوتيوب ان عادي نغسل بيهم شعرنا كل يوم فعشان كده تشجعت
هتوكل على الله و اشتري شامبو و بلسم ملك ان هوني ان شاء الله و شكرا جدا

انا استخدمت شامبو و بلسم هير اكس الاصفر عجبني جداااا و مكنتش حتى بحط كريم تصفيف خارجي
و جربت هير اكس الازرق عشان كان جايلي هدية + البلسم الاصفر بردو حلو
و بجد مستنياه جدااا لانه الشامبو الوحيد اللي ريحني في اوريفليم بعد ما جبت الجامبو و ناتور سيكرت معجبونيش خاااااااالص و نشفو شعري بغباء

يا بختك يا جمانة بجد كنت بتمنى يناسبوني يلا خيرها فغيرها

شكرا يا ورده على المعلومات القيمة



سارة انا كمان بغسل شعري كل يوم بس ده عشان انا شعري دهني وكمان في قشرة مش بتروح باي حاجة تانية غير الغسيل المتكرر لكن لما بستعمل الشامبو بعرف هو مناسب لشعري من اول غسلتين

كده انا ممكن اجيب الميلك اند هاني بدل اللهير اكس الأصفر وحشوف حيدوني ايه في عيد ميلادي؟؟؟؟؟؟؟؟؟؟؟؟؟؟؟؟

اول مرة حد يشتكى من الهيراكس الاصفر انا عن نفسى جربت الازرق اللى بيجى دايماً هدايا وحلو جداً وناوية اجيب الاصفر ان شاء الله وصحبتى اشترت الاصفر وشكرت فيه جدات جدا جدا

هاو توبي ازاي اول مرة حد يشتكي من هير اكس الاصفر امال للي قبلي مش محسوبين ههههههههههه طبعا مش كل المجموعة مش حلوة انا قلت السيروم حلو لكن مش قد ثمنه

فعلا السيروم غالي قوي وصغير قوي قوي قوي قوي