مقلب كبير اوووووووووووووووووى

شحن النت الاون لاين يعنى بقى 10 جنيه مش 5 زى الاول كل ده علشان الاقبال على النت زاد منهم لله

الحمدالله على كل شئ بس والله ده حرام اصلا بستخدم الطلبيه ليا يعنى بصراحه مش عارفه اقول غير الحمدالله برضوا

يابنات لما بتعملى عالنت بتلغبطى وبتدفعى وبتضيعى وقت أكتر من الهوت لاين يبقى رجعت ريما لعدتها القديمة أحسن

ما مدام رشا قالت انه هيغلي

حسبي الله ونعم الوكيل فيهم

يارب نقدر بس ازاي

احنا نتمنى كمان الناس الكبيرة زى الاستاذ عصام ومدام رشا
يرسلوا للشركة تقرير بآراءنا
مهو الموضوع رأي ورأي آخر
لأنى دايما بلاحظ أى رأى عكس الشركة بيتحذف
مهو لازم يكون فيه نقد
والا بجد لازم نعمل وقفة

ما هو خوفنا من السياسة اللى ودا البلد فى داهية وخلاهم ينسونا خالص اى نعم كله دلوقتى بقى يتكلم فى السياسة بس دى فترة ولازم نتحملها

انا لما اروح الفرع ان شاء الله هحاول اجند اى حد هناك وموضوع العضوية الدولية ده ممكن هند تعرف عنه اكتر منى عشان هى قالت عليه قبل كده ومرمر هتروح فرع اسكندرية بكرة عايزين نقولها على اكلام ده يمكن تعمل حاجة

ازاى يا اميره طلبتى من المانيا والسعوديه؟؟؟؟؟؟؟

فى مراكز تجارية او محلات بيبقى ليها مواقع على النت وبتاخد منك الفلوس اما عن طريق الفيزا او تسديد بعد الاستلام عن طريق مكاتب بريد معينة وتحول عليها المبلغ المطلوب او انك بتراسلى مثلا مكان معين زى مراكز عطور تكونى عايزة حاجات وتكتبيلهم انتى عايزة اية بالظبط وعددها وهما يردو عليكى بانهم هيبعتوها وانت بتبعتى العنوان اللى عايزاة يوصل عليكى ...ودة سهل جدا على فكرة دة انا كمان اليومين اللى فاتو كنت بفكر اجيب حاجة سوارية من امريكا بس زنقت معايا شوية انت بتديهم المقاس واللون وتختارى من كتالوج النت وهما بيبعتوه اعرف ناس كتير جابو من نفس المكان بجد تحففففففففففففففففة بس هتدفعى دولار وعلى فكرة مش غالى خااااالص بالعكس حتى لما تحولية مصرى تلاقى انك كانك هتشترى حاجة عادية من مصر مقارنة بالاسعار الغريبة اللى بقت عندنا والاسلوب دة من الشرا متبع فى جميع دول العالم دلوقتى احنا بس هنا اللى الدنيا متاخرة اوى عندنا

مفيش احسن من صنع بلدنا ومبيتكسرش

واللة ياجماعة أنا حاولت أراسل شركات كبيرة للمكياج عشان أعرف لو عيزين موزعين أو حجات كدة بس من غير رد رغم أن لهم كتالوجات وكدة بس مش عرفة

انا كمان عاوزة سواريه من امريكا

خديني معاكي يا اميرة ونطلب سوا

انا كنت مفكرة ان الطلب عن طريق النت من اى دوله تانيه لازم تدخلى رقم وكود الفيزا فكنت بخاف من النصب خاصة ان فى ناس بتنصب على النت كتير بس طالما ان ممكن احاسب بعد ما المنتج يوصلى كدة ادينا مواقع التسوق دى عشان انا بصراحة باحب كل الحاجات الاصلى والمستوردة

اما عن الشركة وموظفيها خلاص الواحد زهق من قله ذوقهم وطريقتهم فى التعامل
لو حد يعرف ازاى نوصل لحد فى الشركة الام انا مستعدة اتقدم صفوف القتال واتكلم انا بلسان الكل

عشان خلالالالالالالالالالالاصصصصصصص

اتحنقت اخر 100 حاجة

وانا اتخنقت اكتر

وشكلي هسيب اورفليم خالص

انا من ساعة ما دخلت المنتدى هنا وانتو مخنوقين ومحدش فيكو عمل حاجة يظهر كدة انكم لازم تصبرو 30 سنة وبعدين تخلعو مدير الشركة وتعملو لجان حوار وطنى و تتخانقو هو الكتالوج اولا ولا العروض اولا

يا جماعه ايه رايكوا كلنا نقاطع الشحن من علي النت الشهر ده ونطلب من علي الهوت لاين او من فروع الشركه لحد ما يتعلموا الادب ويرجعوا يرخصوه تاني

انا مش معاكى اقتراحك مش عملى اكتر الناس هنا هتقولك معاكى واول متقفل تروح تعمل الأوردر من عالنت وبعدين الحاجة اللى بتغلى فى البلد دى استحالة ترخص تانى وبعدين احنا كلنا على بعض كده منعملش فسوة فى أورفليم عشان احنا فى مصر الكلام ده لو بره كانت الشركة اتحركت عشان خاطر عميل واحد

جتنا نيلة فى حظنا الهبااااااااب

ايه ياجماعه في ايه
ما احنا كنا بندفع15 وناس كانت بتدفع 30 وكنا راضيين ولا عمر حد اتكلم عن الشحن

وانا نفسي يغيروا شركة ميدل ايست دي مفتريين انا بيجيلي اوردرات من اسكندريه بدفع 30 جنيه ولو حتي كانت جيالي حاجه قد السمسمه

لييييييييييييييه يا جمااعه بتدفعو 15 و 30 ...!!!
احنا بنتكلم على اون لاين سيرفس .. مش انك تطلبى من التليفووون ..!! مش فاهمه بصرااحه ..!!
استاذ عصام انا كمان بعمل طلبيات من مواقع تانيه بره اوريفليم وبيجيلى على الميدل ايست وعارفه تمن الشحن كويس .. بس حضرتك ماوصلكش كلامى صح .. وانا اقصد ان فيه طلبيات بتعدى ال 800 جنيه فى الشهر الواحد من عضو واحد .. اعتقد ان طلبات زى دى بالنسبه لاوريفليم تغطى تكاليف الشحن اللى بتدفعها اوريفليم ... فى كل الاحوااال .. كلنا عارفيين ان سواء الشحن 5 او 10 الشركه كده كده بتكسب .. طب طالما بيكسبو يحملونا فلووس زياده وزى ما قالت العضوه نونو 2010 .. المشكله ان فيه 10 شحن و 2.5 مناوله و4.5 كتالوووج .. ده غير سعر المنتج نفسه بس ده مش هتكلم فيه لانى بشترى كواليتى كويس ومش مضايقنى اووى ... على الاقل يعملو اى اوفر للشحن الاون لاين ..!!!

علي فكرة ياجماعه عاوزة اقولكم حاجة بس علشان الهجوم ده كله

انا طلبت قبل كدة حاجة من منتدي فتكات المهم واحدة وصلتهالي لحد البيت بشركة ميدل ايست دفعت 60 جنيه شحن

وقبل كدة طلبت من صيدلية العزبي في كايرو وصلت لحد البيت ب 60 جنيه شحن

يعني اي اوردر بتجيبه ميدل ايست لحد اسيوط من القاهرة 60 جنيه وسواء كنت بدفع شحن نت او تلفون فاورفليم ببتحمل باقي ال 60 جنيه

الكلام ده سالت فيه واتاكدت منه

يعني 10 جنيه مش حاجة والحمد الله انها لما رجعت زودت رجعت زودت ضعف الخمسة مش 3 او 4 اضعاف

انا الاول كنت زيكم بس لما عرفت قولت الحمد الله

يا جماعة انا ملاحظة ان الاعضاء الى من محافظات بعيدة راضيين بسعر الشحن الجديد وهو تمن عادل بانسبة لهم خلا ص اوكى نخلى الكلام على المحافظات القريبة فقط زى القاهرة والجيزة الى انا واحدة منهم وشايفىة زيادة سعر الشحن غير عادل بانسبة لى بالمرة

ارجو الرد يا استاذ عصام