البرنامج اليومي لتفتيح بشرة الوجه و الجسم خلال شهر واحد

ابدأي و هتلاحظي الفرق في لون بشرتك
- الصبح.. بتعملي
ماسك مكوّن من ملعقة كبيرة زبادي وتضيفي عليها نصف ملعقة ليمون وملعقة
كبيرة عسل نحل، وبتخلطيهم مع بعض، وتوزعيه على بشرتك بعد ما تنظّفيها،
وبتسيبي الماسك على بشرتك لمدة ساعة وبعد كده بتشطفي وشك كويس.

- بالليل.. بتعملي ماسك حبة البركة والأرز

ملعقة كبيرة أرز مصري مطحون
ملعقة كبيرة حبة البركة مطحونة
كوب ماء

طبعاً الكلام دي هينطبق على الناس اللي مش بتخرج الصبح ومش بتتعرض للشمس؛ لأن ما ينفعش نعمل ماسك فيه زبادي وليمون ونخرج في الشمس.

ناس كتير هتقول ما إحنا ممكن نعكس الماسكات بحيث إننا نعمل ماسك حبة
البركة قبل ما ننزل الصبح، ونعمل ماسك الليمون بالليل، لكن الحل ده مش
هينفع؛ لأن لازم نعمل ماسك الزبادي قبل ماسك حبة البركة، علشان ماسك
الزبادي بيعمل زي “كاسح” بيشيل الدهون والحبوب الصغيرة من على البشرة،
فعلشان كده بابقى محتاجة إن ده يتعمل قبل ماسك حبة البركة.

وكمان ما ينفعش نعمل الماسكين ورا بعض على طول لأنهم هيبقوا جامدين أوي على البشرة.

لو كان عندك وقت إنك تعملي الماسكين واحد
الصبح والتاني بالليل بنفس الترتيب اللي قلنا عليه يبقى تمشي على البرنامج
ده لمدة شهر، أما بقى لو كنتي بتشتغلي أو بتنزلي المدرسة أو الجامعة وما
عندكيش وقت تعملي الماسك الصبح يبقى ممكن تكتفي بماسك حبة البركة وتداومي
عليه لمدة 3 شهور.

وفي النهاية هتحصلي على تفتيح ملحوظ لبشرتك، وهتحسي إنها بقت نضرة
وناعمة جداً وليها رونق جميل، لأن بجد حبة البركة لها فوايد حلوة جداً سواء
كنا بناكلها أو بنعملها في ماسك.

طب ينفع اعمل ماسك الزبادي مثلا لما ارجع من الشغل

ولا لازم لما اقوم من النوم

وبالنسبه لماسك حبه البركه انام بيه و لا اعمله قبل النوم بساعه

ميرسي يا قمر

هو ينفع ياساد اننا نعمل ماسكات كل يوم انا اعرف اندا خطر على البشرة جدا وبيجهادها وكمان انا بشرتى دهنية وسمعت انا العسل مش ينفع لنوع بشرتى وشكرا ليكى جدا

والله انتي اللي بتعمليه معانا ده كتير يا ساد
شكرا ليكي

مورى مورى كتب:

هو ينفع ياساد اننا نعمل ماسكات كل يوم انا اعرف اندا خطر على البشرة جدا وبيجهادها وكمان انا بشرتى دهنية وسمعت انا العسل مش ينفع لنوع بشرتى وشكرا ليكى جدا

بصى يا سكرة العسل لوحدة لا بس ممكن تضفيلة لمون عشان ينشف البشرة شوية من الدهون أو كمان جلسرين ولمون
لكاية مش غلط بس هو كدة أجهاد أكتر من الافادة كفاية مرتين فالاسبوع بس

والله اقمرات أسعادكم دى حاجة ممتعة بالنسبالى وربنا يقدرنى دايما