جايبلكو لعبة وياريت تشتركو معايا

انس يبقي ابن واحدة صحبتي

أدم

ادم ابن جارتى مؤمن

مؤمن ابن جارتي برضو

اية

ايه بنت خالى
غاده

السلام عليكم حبيباتى
انا اسفه جدا يا بنات على المعلومه الخاطئه والتى لم انتبه لها ...
فقد قلت لكم ان سيدنا حمزه رضى الله عنه ابن عم رسول الله وهذا غير صحيح فهو عم رسول الله صلى الله عليه وسلم اى انه اخو العباس وابو طالب
وقد استشهد فى احد ... وقتله عبد اسمه وحشى .. وقد مثلت بجسده ولاكت كبده هند بنت عتبه زوجة ابو سفيان قبل اسلامها
وهى من حفزت وحشى على قتله رضى الله عنه مقابل ان تعتق رقبته اى مقابل ان يصبح حرا
وقد حزن رسول الله صلى الله عليه وسلم عليه حزنا شديدا ... حتى انه بعد العوده من احد وجد النساء المسلمات يبكين كل منهن على من فقدن من ازواج وابناء وكل من فقدوا لهن وقتلوا اى على شهدائهن فبكى صلى الله عليه وسلم بابى هو وامى وروحى ... وقال .. " ولكن حمزه لا بواكى له " او كما قال .... فاجتمعت النساء من كل البيوت و جلسوا ليبكون حمزه رضى الله عنه ارضاءا لرسول الله صلى الله عليه وسلم
جمعنا الله جميعا معه على الحوض وبجواره فى الفردوس الاعلى ... قولوا آمين

غاده صاحبة اختى فى ابتدائى
هشام

احبك الذى احببتنى فيه يا يويو .... وانا كمان احبك كثيرا فى الله وانت غاليه عندى جدا
وربنا يخليكى متوجعيش قلبى ..... ايه اللى تاعبك يا حبيبتى .. قوليلى يا يويو متخبيش عليا انت فيه حاجه بتشتكى منها
والا مجرد شوية صداع او مغص عابرين ... الله يكرمك انا مش باستحمل فى اى حد اعرفه اى حاجه وحشه فما بالك بقى لو كنت بحبه
ميغركيش حبة الهزار والشقاوه دول .. لا انا خايبه جدا فى المواضيع دى واغلب من الغلب .... ومن كتر الخيابه دى لما بتتعب ماما او بابا او اى حد فى العيله اختى واخويا بيخبوا عليا .... وخصوصا لما الولاد الصغيرين يتعبوا ببقى بكلم نفسى و ببقى انا اللى تعبانه مش هما ....
ربنا المستعان .. هنعمل ايه هى الدنيا دار ابتلاء وكدح وكبد .... الحمد لله
ربنا يكرمك يا يويو طمنينى عليكى يا عيونى
ربنا مايسئنى فيك ابدا

هشام يبقى خالى
خالد

خالد يبقي ببايا

ردينه

ردينه بنت صاحب زوجى
ريماس

معرفش ريماس
بروين

حلوة كدة اللعبة وهي فيها اسماء غريبة
بس انا مش عارفة حد بالأسم دة فهستني يمكن حد يقول
لو ملقتش حد يبقي هكمل بعد الأسم دة

يا جماعه بنقول اسماء سهله يعنى مستغربين ريماس حطيتوا اسم اصعب واصعب
اسلام

والله يا يامن اللعبة كدة احلي وبنعرف منها اسماء جديدة ومختلفة

اسلام صاحب اخويا

روان

يا قمر بنقول بس علشان نعرف نلعب عاوزين اسماء سهله وكمان المشكله مش فى معرفه الاسامى المشكله فى معرفه معانيها كمان
انا كنت ممكن اقول اسم ابنى يامن بس عارفه ان الاسم مش منتشر ومحدش هيعرف حد بالاسم ده
عموما روان تبقى بنت واحده صحبتى وكمان بنت ابن عم جوزى
ولاء

يلا مش مشكلة عشان اللى جيلها بيبى فى السكة تعرف اسماء جديدة
ولاء بنت صاحب بابا
ريتاج

السلام عليكم

ريتاج تبقى بنت اخت خطيبى الاول Very Happy

منال

منال مرات خالو
ماجد

كيفكم يا قمرات ... ؟
ازيكوا .... سمسومه الجميله وسوبيسو العسوله وساره الحلوايه ويمون الطيوب ومون لايت القمر
ايه يا بنات ليه مفيش حد قال آمين ... ؟ يعنى مش عايزين تبقوا مع الرسول فى الجنه .... ؟
مش ممكن طبعا .... وبرده مش ممكن يامون ... انا اول مره اشوف القمر فى عز الظهر
يا بنات مفيش واحده تعرف ايويا فين وعامله ايه .... ؟
فينك يا يويو ؟

انا هنا ياقمر ربنا يخليكي بتسألي علية ربنا ميحرمنيش منك انا لسة كنت بقرأ تعديلك لاسم حمزة بجد بجد مفيش كلام يوصفلك اللي جوايا بجد افدتينا جدا ومعلومات وافية وحاجات مكنتش عارفاها فربنا يجازيكي خيرا عننا امين
يارب نجتمع جميعا عند الحوض مع الرسول أمين أمين أمين

حبيبتى اسم الله عليكى ... عامله ايه دلوقتى ... يا رب يكون التعب راح
انشاء الله هتبقى زى الفل .... اوعى تشيلى هم اى حاجه يا يويو بالله عليكى
كله بيعدى والله ومفيش حاجه تستاهل حزن او زعل .. عارفه ولو حتى حد ضايقك او ظلمك ارمى كل حمولك على الله
وقولى وافوض امرى الى الله ان الله بصير بالعباد .... وقولى دعاء سيدنا نوح عليه السلام " ربى انى مغلوب فانتصر " وتاكدى من نصر الله
انت عارفه ان ربنا بيقول " ان الله يدافع عن الذين امنوا "
فيه ايه بقى جمال اكتر من كده .... ومن الناس اللى ربنا اختصهم بإستجابة دعائهم .. المظلوم
قال الرسول الكريم ( صلعم ) .. " للمظلوم دعوه لا ترد "
انا بقولك كل ده علشان خايفه عليكى الله لايقدر تقعى فى اللى انا وقعت فيه ..... كنت بتأثر من كل حاجه وازعل واخد على خاطرى لغاية لما فى يوم سكرى ارتفع ل 560 تخيلى الكل كان متعجب حتى الدكتور وفضل على الحال ده وارقام عجيبه 500 و400 ولما يقل ويقولوا كويس كان بيبقى 300 وبعدها بقيت مريضه سكر وكانوا الدكاترا كلهم وقتها بيحزرونى من الضغط كمان لانه كان علطول عالى .. والحمد لله على كل اللى ربنا يجيبه
وعلشان كده الواحد بيهرب بالتهريج والهزار من هموم الدنيا وبيحاول ينسى او يتناسى معاكم كل شىء
وكل شىء بثواب عند الله .... والواحد مهما اوذى مش ممكن هيكون قد ما أوذى الرسول (صلعم ) فسيبيها على الله يا قمرى وربنا يدبر لك امرك وييسر كل حوائجك يا رب
وانا اسفه طولت عليكى

ماجد ابن خالو
يمنى

السلام عليكم ورحمة اللة وبركاتة
صباح الخير يانونا انتي بتتاسفي علشان طولتي دة كان اجمل كلام ومكنتش عايزاة يخلص من حلاوتة وانا الحمدللة يانونا محدش ظلمني دة بالعكس انا اللي ظلمة اللي حوالية بالتعب اللي انا فية كل مااخلص من علاج حاجة الاقي حاجة تانية بس الحمد للة انا احسن منغيري انا مستحملة التعب وراضية بقضاء ربنا ومش متضيقة منة انا بس مخنوقة ان اللي حوالية شايفني تعبانة وكل اللي يشوفني يقولي انتي صغيرة علي دة كلة حتي لو انا حاولت انسي التعب الناس اللي بتيجي تزورني تستغرب من اللي انا فية بس الحمد للة الحمد للة الحمد للة علي كل خير مفيش شر بيجي من عند ربنا فانا مستحملة وصابرة علي تعبي لغاية ما ربنا يشفيني من عندة أمين
وبجد يانونا كلامك كلة بيخلي قلبي يطمأن جدا ويهدي لو مخنوقة او متضايقة وانتي بسم اللة ما شاء اللة عليكي حافظة احاديث كتير وقرأن ربنا يجعل السنتنا رطبة بذكر اللة دائما
دة اميلي aya.zima علي الياهو ابعتيلي علية كل حاجة دينية او مضحكة زي الصور اللي نزلتيها هنا بتاعت الاطفال ربنا يبارك فيكي ويهديكي وأيانا علي طاعتة

انا الحمد لله كويسة يا نونا تسلمي علي سؤالك ربنا يخليكي ويارب دايما كدة متجمعين علي خير وطاعة في الدنيا والأخرة وحب في الله من غير منكون نعرف بعض سبحان الله

يمني صاحبة اختي
بسنت

بسنت بنت اخت جوزي

شهد

اللهم آمين يا يويو ... انت زعلتينى جدا علشانك بس ده اكيد ابتلاء من ربنا لان ربنا لما بيحب عبد بيبتليه
سأل احد الصحابه الرسول ( صلعم ) اى الخلق أشد إبتلاء قال الأنبياء قال ثم من قال الأمثل فالأمثل ..... او كما قال
بس المهم انك تحتسبى كل آلم عند الله وتصبرى وترضى بقضائه
وعزائك قول الرسول (صلعم ) انما يبتلى المرء على قدر دينه .... او كما قال
وربنا يأجرك يا حبيبتى على كل آهه وكل آلم خير الجزاء .. ويشفيكى عاجلا غير آجلا شفاء لا يغادر سقما ..... اللهم آمين

اللهم أمين
ربنا يخليكي لية يانونا وميحرمنيش منك ومتزعليش ياقمر امال مين اللي هيضحكنا هنا ويخلي المنتدي كلة هزار ودمة خفيف بجد كل كلامك بيهديني علشان كدة اول ما اقعد علي الكمبيوتر بفتح المنتدي علشان اشوفك كاتبة اية ربنا يبارك فيكي ويزيدك من ايمانة ويثبتك علي طاعتة وايانا اجمعين يارب اللهم الهمنا الصبر وارحمنا
اللهم أنك عفو كريم تحب العفو فااعفوا عنا
اللهم أنك عفو كريم تحب العفو فااعفوا عنا
اللهم أنك عفو كريم تحب العفو فااعفوا عنا

ايويا حبيبتى ربنا يعفو عنك انشأ الله ويارب تكون كل ده تكفير ذنوب ورفع درجات فى الجنه انشأ الله
وفى حديث عن رسول الله (صلى الله عليه وسلم) فى معناه" حتى الشوكة يصيبها يأجر بها" ـ
اللهم اشفى مرضنا ومرضى المسلمين اجمعين
والف سلامه عليكى يانونا السكر جالك بس علشان انتى زى العسل وزى السكر

الف سلامع عليكى يا ايويا وان شاء الله فى ميزان حسناتك والسكر ده بقى مرض العصر كله كبير وصغير عنده انا اعرف اطفال عندهم ممنوع حتى ياخدوا دواء الكحه علشان مسكر ربنا يشفى الجميع
شهد بنت ابن واحده صحبت ماما
منى

الف سلامه عليكي يا ايويا يا حبيبتي
اصبري واحتسبي
لعله الخير والله كل حاجه بتحصلنا هي الخير لينا فسبحان الله

مني زميلتي في الشغل
لارين

» استفسار وياريت الرد بسرعة من فضلكم
» استفسار وياريت الرد بسرعة من فضلكم
» ايه رايكوا فى الروج صفحة 44 وياريت تقولولى الكود بتاعواعشان مش شايف
» محدش معاة لينك لكتالوج 12؟
» لعبة المارد السحرى