حبايبى ارجوكم اسعفونى

السلام عليكم يا حبايبى
انا عايزه اعمل اوردر ... وفى حاجات وعروض مش قادره احكم عليها لوحدى
انتم ما شاء الله عليكم عندكم خبره و تقدروا تقولوا العرض ده حلو او وعادى ... وده ميتفوتش
ارجوكم قولوا لى عرض مجموعة السويدش سبا للوجه ده حلو ... يعنى واااااااو والا عادى
وايه العروض اللى مافوتهاش فى كتالوج 13
انا اتعودت منكم على التجاوب السريع ... والحب والتعاون ... والروح الطيبه بينكم
وعلشان كده لجأت لكم قلت والله ما هيفدنى وينور طريقى غير اخواتى وجزاكم الله كل خير يا حبايب قلبى

ازيك يا نونا انا بصراحه جربت مجموعة سويتش سبا بتاعت الجسم وبجد تحفه لكن بتاعة الوجه معرفش

الحمد لله يا حبيبة قلبى انا بخير ... ربنا يكرمك ويجازيكى كل خير على ردك عليا يا سمسومه

طيب يا حبيبتى انت شايفه سعرها كده حلو .... المجموعه كلها ثمنها 122 جنيه للعميل ........... ؟

بداية يا جميل مبروووك علي العضوية
ونتكلم الاول في نصيحة هدايا الترحيب و لكي مطلق الحرية طبعا
انا برشح لك كريم الجسم افضل من الشامبو انا جربت شامبوهات حسيت انها عادية او اقل من الحاجات التانية
ماعرفش بقي شعري اللي ماجاش عليها والا ايه
كريمات الجسم انا بنصح اما جورداني جولد او ديفين الاتنين اروع من بعض
الشهر التاني بقي انا اول مرة اشوف الاوبتيمال الابيض ده بس عموما اي حاجة اوبتيمال حلوة
واي حاجة جورداني حلوة يبقي الاتنين حلوين شوفي انتي حابة ايه فيهم
التالت بقي ان عشنا وكان لينا عمر محدد موقفة البرفيوم حلو وغالي ومبروكين عليكيي يا حبيبتي
بالنسبة بقي لسؤالك ايه العروض اللي ماتتفوتش اي عرض 50 % يبقي فرصة
المجموعة بقي عليها تخفيض 40 % يعنيي برضة عرض كويس والله معاك

ازيكم ياقمرات نونا وسمسم ورورا شكلكم اخوات يانونا ورورا اساميكم علي وزن واحد
بصي يانونا بالنسبة لمجموعة السويدش سبا تحفة تحفة لانها فعلا منتجات تحسسك انك في منتجع صحي وريحتها تحفة برضو انا كنت جيباها واحدة واحدة بس المجموعة مع بعض سعرها حلو

وانتي كمان يا ايويا نفس الوزن
يعنيي كلنا اخوات

ياحبيبتي انا عارفة انا اختكم من زماااااااااااان من غير وزن
بحبكم في اللة

ayoya كتب:: ياحبيبتي انا عارفة انا اختكم من زماااااااااااان من غير وزن
بحبكم في اللة

احبكي الذي احببتني فيه

يا حبايب قلبى اسم الله عليكم ... والله زى ما توقعت ان انتوا اللى هتغيثونى وتريحوا قلبى وكنت مستنياكم
ربنا يا رب يريح قلوبكم ويهنيكم ويسعدكم ويحقق كل اللى بتتمنوه فى الدنيا وفى الاخره

رورا يا قمرايه والله رأيك نفس رأيى ... بالنسبه للشهر الاول حبيت الكريم بس سألت نفسى هما ممكن يخيرونى والا يبعتوا اى حاجه ؟ وبالنسبه للشهر التانى انا مش باستعمل فونديشن ... فقلت يارب لو كملت النقط أخد الاوبتيمالز
بس برده سألت نفسى هما ممكن يدولى اللى انا عايزاه ؟ والا هيبعتوا اى حاجه

فى حاجه تانيه بقى هل المجموعه دى هى اللى البنات بيشكروا فيها والا المجموعه اللى فى كتالوج رقم 7 لانها هى كمان سويدش سبا للوجه ؟
لو تعرفوا قولولى ؟ ..... انا اسفه بتقل عليكم يا حبايبى

بصي يانونا انا المجموعة اللي عندي اللي هيا الزرقاء وهية تحفة بجد زي ماقولتلك اللي في صفحة 123 كتالوج دلوقتي انما اللي في الصفحة اللي قدامها المجموعة الصفراء دي مجربتش منها حاجة بس بفكر اجيبها علشان زيت الجسم اللي نازل معاها بصراحة مجموعات سويدش سبا كلها تحفة فشوفي كرري هتجيبي الزرقا ولا الصفراء بس انا من راي لو اول مرة هتجيبي هاتي المجموعة الزرقا لانها متكاملة هتستخدميهم مع بعض خصوصا احنا في الشتا فحلويين قوي
يارب اكون عرفت اريح بالك في الاختيار

بصى يا قمر حاجة سويدش سبا حلوة اوى
اشتيريها وانتى وغمضة
بس فى نقطة انا جربت الكريم اليلى بتاع الايدين بينعم بس ريحته نفاذة شوية
بس على العموم انا بنام زى القتيلة فمش بشم حاجة
هيا المشكلة فى اللى نايمين معاكى فى الاوضة
بس للامانة هوا بينعم اوى

طبعا ريحتى قلبى فى الاختيار يا يويو يا جميله وماتحرمش منك ابدا ولا من رورا وكل حبايبى فى المنتدى الجميل ده
وشكرا على ردك يا بمبم ... وانت دمك خفيف قوى

يا نونا انا مش لاقيه اى شى اكتر من الى البنات قالوا عليه فعلا سبا تشتريها وانتى مغمضه ومع احترامى لكلامك يابمبم ممكن تكون ريحه نفاذه بالنسبه لكى بس بالنسبه لحد تانى تكون لا بس انا مش جربت كريم الايد فمش هقدر افيدك فيهوان شاء الله يا نونا كل شى هتشتريه هيعجبك وعموما انا كنت بختار الهدايا لما بيكون فى اختيار وان شاء الله يجيلك الى انتى عوزاه

فينك يا نونا حاسه انك مختفيه افتقدتك والله

اه طبعا يا حبيبتي هيخيروكي في الهدايا وانتي كمان حددي لهم من الاول
انا عاوزة كذا
وخدي بالك لازم تكملي خلال برنامج الترحيب الــــ 100 نقطة علشان ماتقعش منك هدية
وبعدين ماتقوليش انا ماليش في الفونديشن
انا كان اخري رووج قبل اوريفليم ههههههههههه
دلوقتي كل حاجة و حياتك
هتستعملية هتستعملية
صحيح ماقولتيش انتي هتطلبي شحن والا هتنزلي الفرع ؟
انا ماعرفش كمان انتي اصلا من فين ؟
منتظرة اعرف منك اخبار اول اوردار يا جميل

يمون يا قمر والله كفايه انك عندى رديتى وربنا يبارك فيكى يا حبيبتى
وانا ببقى موجوده اول ما بتيجى فرصه يا سوبيس ... ووالله بفتقدكم كلكم جدا يا حبايبى
وربنا ما يحرمنى منك ابدا يا رورا الجميله ... والله انتى زى العسل وعلى طول كده معرفانا حقوقنا ومصلحتنا
و ان شاء الله هعمل الأوردر شحن ... وانا من اسكندريه يا حبوبتى
وان شاء الله الاخبار هتكون عندك اول بأول يا جميل

يا بنتي يا حبيبتي طالما من مكان فيه فرع
يبقي الاحسن انك تنزلي بنفسك
سيبك من الشحن علي الاقل في الاول
الفرع ممكن تعملي تيست علي اي حاجة قبل ماتشتريها
ده رأيي و انتي حرة
عارفة انا مش من القاهرة بس شغلي في القاهرة ساعات بروح بعد الشغل
ومرة نزلت مخصوص مابتفرش كتيرر المواصلات عن مصاريف الشحن
كنت مختارة كذا درجة ايشادو في مرة لما عملت تست غيرت رأيي
في الاخر ربنا يوفقك ومنتظرة اخبارك

انا رأى من رايك يا رورا انك يا نونا تنزلى الفرع هو فى محطه الرمل وبجد سهل انك تعملى من الفرع لان لو فى حاجه عاوزه تجربيها فعلا بتجربيها حتى لو مش نازل عليها خصم وبتشوفى حجم كل شى على الطبيعه ولو عاوزه ترجعى حاجه هترجع وقتها لكن لو بالشحن هيطلعوا عينك انا مضطره اطلب شحن لانى من طنطا مفيش عندنا فرع وبعانى من الموضوع ده بس لما بكون فى اليكس بروح الفرع وبجد كل الى هناك زوق جدا
وربنا معاكى يا قمر وابقى طمنينا عجبتك المنتجات لا واكيد فيش ولا