جوردانى جولد

انا بصراحة مجربتهاش بس في ناس قالولي علي جيورداني جولد وجيورداني ويت انهم حلوين بس مش في الشهر اللي احنا فيه دا من شهور تانيه فاتو وعموما انا بحس ان برفانات اوريفليم كلها مش حلوة يعني ممكن الواحد يشتري برفان من بره احسن وارخص وبيتبت وريحته حلوة وعموما ربنا يعوض عليكي وان شاء الله بعد فتره ممكن يتحسن

انا اول مرة اسمع بحاجه زي كده علي برفان جيورداني واشتريت من البرموشن اللي فات والناس اللي اخدوا منه طلبوا منه تاني وده دليل انها عجبتهم خالص
وبعدين انا مش مع مونيا في رأيها ان برفانات اوريفليم كلها مش حلوة
بالعكس اوريفليم معظم برفاناتها خطيرة وتجنن بدليل انه احيانا بتخلص بدري وبتتسحب كتتتتتتتتتتتتتتتتتيرمن الشركه وده اكبر دليل علي حلاوة البارفانات وبعدين بارفانتها اصليه ومش مقلدة يعني مضمونه ومفيش خطورة منها علي الجسم
واللي حصل معاكي يا رحلب ممكن سببه راجع ان السحب علي المنتجات كتير فالحاجات بتطلع من المصنع للتوزيع قبل ما تاخد الفترة الكافيه للتعتيق فانتي ممكن تسيبيه فترة وحتلاقي ريحته بقت حلوة ان شاء الله

بصراحة انا اول مرة بردو اسمع الكلام ده من رحاب
وانى اسمع انه ريحتها غير كل مرة
وبصراحة انا مجربة منها جيوردانى وايت وروعة جداااااااااااا وبقعد فى الهدوم كتير جداااا

ومش مع مونيا فى كلامها بصراحة وانا ملاحظة انها ديما بتهاجم منتجات اوريفليم ولحظاتها كتيراوى اوى
مع انه لا يعلى على منتجاتها وهى الاولى بصراحة والمفضلة عندى

جوردانى جولد من أجمل وأرقى البرفانات خليها فى مكان بارد ومظلم وان شاء الله حتبقى ريحتها حلوه يارحاب....... وبعدين أنا بقول لمونيا أن اريفليم جميع برفانتها مش حلوه وبس دى تحفه وأسعار البرفانات مش غاليه وحتى لو كانت غاليه فده علشان جوده المنتج

اشكرك يا جماعة على اهتمامكم وردودكم وانا فعلا حاطة البرفان فى الفريزر تقريبا من ساعة مجبتها
وناوية ان شاء اللة اخليها مدة طويلة وربنا يسهل ريحتها تبقى كويسة
وانا مش معاكى خالص يا مونيا ان برفانات اوريفليم وحشة بالعكس اغلب البرفانات تحفة
وانا اول مرة يحصل معايا الموضوع دة عشان كدة كنت مستغربة
ان ريحة البرفان مش زى الى انا عارفها
لكن بوجة عام كل منتجات اوريفليم ممتازة

هى تقصد ان ريحتها مش زى القديمة وفعلا دة صحيح بس الجديدة تحفة برضه

السلام عليكم
بالنسبة للبارفان بتاعك يا رحاب..
أنا كنت نوهت قبل كده أن في بارفانات خفيفة.. وتقيلة... يعني للربيع والصيف أو الشتاء.. وهكذا..
يعني أنا افتكر كنت جربت ميس او البينك في الشتاء... حسيت انها مش حلوة... ومفكرتش اجيبها ابدا... لكن اول ما الربيع جه... جربتها تاني... لقيتها تحفة.. وبتتفاعل مع جسمي بشكل غير طبيعي.. وبيطلع ريحة حلوة اوي..
كل الحكاية اني كنت جربتها في وقت تاني...غير اللي المفروض اجربها فيه..
ممكن ده الي يكون حاصل معاكي يا رحاب.. لو تستني علي البارفان فترة .. ممكن تلاقي ريحتها أحلي بالنسبة لك..
وسؤال بردو.. يا تري انتي جربتيها علي ايدك مثلا؟ ويا تري بعد محطتيها دعكتي المكان اللي حطتيها عليه؟
ولا حطتيها علي الهدوم مثلا؟ ولا ايه بالضبط؟
يا ريت تفسري أكتر..
ومع ذلك أنا مع مونيا في ان بعض المنتجات مش حلوة... يعني معظم منتجات فيجنز مش بتعجبني نهائي.. ولا تعجب ناس كتير... لكن مثلا اقلام الروج بتاعة بيوتي او جيورداني... مفيش فيها كلام.. ولا يعلو عليها اي ماركة تانية... انا جربت كتييير... وبجد أقلام روج أوريفليم الواحد مش بيحس انه حاطط حاجه أصلا.. وبعد مبيشيل.. بيحس ان شفايفه ناعمة اوي.. وده عمري محسيته مع أي اقلام روج تانية...
أما بارفانات أوريفليم... فأنا شايفة انها من أحسن البارفانات اللي موجوده في السوق يعني...
ناس كتير جدا بيجولي .. بيقولوا أن بارفنات بتاعة بعض الماركات العالمية مش عاجباهم اصلا... واما بيحطوها مش بيحسوا انها حلوة.. وبيقولوا نفاذه اوي.. وبعد شوية بتروح..
أنا شايفة ان الهدف من البارفان أصلا ان الواحد يا دوب يبقي شامم نفسه.. ومحدش تاني يشمه إلا اذا اقترب منه اوي.. ده النسبة للبنات يعني.. لأن طبعا انتوا عارفين اللي تحط بارفان وواحد يشمها تبقي ايه...
وانا شايفة بردو ان بارفانات اوريفليم بتبقي يا دوب... الواحد شاممها بينه وبين نفسه... وحتي اول مبتتحط .. مش بتبقي نفاذه اوي بحيث ان الناس كلها تشمني مثلا وانا راكبة الاتوبيس بتاع الجامعة الصبح مثلا...

الخلاصة ان اه في بارفانات بتاعة ماركات عالمية حلوة.. وبردو بارفانات أوريفليم حلوة.. وبتنافسهم يعني... كل الحكاية ان اوريفليم بتعتمد علي الطبيعة في منتجاتها عشان كده بتبقي محكومة يعني.. في حاجه زي البارفانات...
لكن انا شايفة ان في بارفانات في أوريفليم احسن كتير من برة...
العيب بالنسبة لي في بعض البارفانات هي العبوة نفسها.. زي مثلا ميس او... بعد فترة صغيرة.. البخاخة بتطلع من مكانها.. ودي حاجه مش ظريفة يعني...

وفي النهاية... البارفانات أذواق... وممكن اللي ميعجبنيش.. يعجب غيري.. وممكن اللي يعجبني النهارده ميعجبنيش بكره...

والله انا شايفة ان البرفانات معظمها حلوة وبتختلف ذوقى عن ذوقك عن ذوق اى حد تانى في الانواع اللى بتعجبهم في ناس بتحب برفانات هادية وناس تانية بتحب القوية واورفيليم بتتنوع في ده فعلا وبيختلف تجربتها من الصيف ااشتاء فعلا يعنى بحس ان الصيف تناسبه برفانات خفيفة وحلوة والشتاء الاقوى احلى فيه وكده بس انا ليا سؤال تتحط في الفريزر ليه انا محتفظة بيها اللى مش بستعملها وخلاص حتى العلب مقفولة ده كده صح ولا ايه انا اخاف احطها في الفريزر وعلى فكرة انا جبت جوردانى الوايت والجولد الشهر اللى فات وحلوين

متزعليش يا مونيا واكيد مفيش حد هنا فى المنتدى كان يقصد يزعلك
واكيد كل واحد من حقة يقول راية وكمان يسمع للراى الاخر
و دة من غير تجريح فى حد لان كل الى مشترك بالمنتدى
كان هدفة انة يفيد وكمان يستفيد
اما بالنسبة للبرفان يا اية فا انا وقتها لما جبتة
جربتة كذا مرة على الجلد مباشرة وعلى الهدوم يعنى
لعبتة كل الالعاب ههههه وبرضة ريحتة كان مش زى الى عارفاها
لانى جبتة كتير قبل كدة وعارفة ريحتة كويس
لكن تقريبا كدة زى ما استاذ علاء قال كان البرفان عايز يتعتق شوية
لانى لما حطيتة فى الفريزر شوية الريحة بقت تمام زى الريحة بتاعتة العادية
اما بالنسبة لموضوع حط البرفانات فى الفريزر يا صن شاين فادة عشان
تتعتق اكتر وتبقى ريحتها اكثر ثباتا
لان الفريزر مكان بارد ومظلم ودة مكان مناسب لتعتيق اى برفان

شكرا يارحاب قووووووووووي على المعلومة جزاكي الله خير

انا حكون طماعة واسألك على البودرة تكون حلوة الشهر ده والاستيك مع العلم اني بيضاء بس مش بياض شاهق وميرسيه ياقمر

واللة يا صن شاين انا مجربتش
اى حاجة منهم معلش مش هقدر افيدك
ان شاء اللة حد من البنات يكون يعرف ويقدر يفيدك
اسفة حبيبتى بجد