ارجو المساعده

بالنسبة للبشرة الدهنية انتي ممكن تستخدمي المجموعة الزرقاء اللي هي بيور سكين ودي موجودة في الكتالوج ص 20 في كريم نازل عليه خصم ودا بيقلل اللمعان الخاص بالبشرة الدهنية وفي لوشن بينقي ويفتح المسام السعر ليكي كعضوة هيبقي 22.5 لكل منتج يعني الكريم ب 22.5 واللوشن 22.5
انا باقي المجموعة مش نازل عليها خصم فانصحك تشتريها لما ينزل عليها خصم
وفي كمان منتج تاني خاص بالبشرة الدهنية وهو غسول وكوفر ستيك شجرة الشاي اللي موجود في الكتالوج ص 21 دا انا جربته شخصيا وجميل معايا جدا بس بيطفي الحبوب وينظف البشرة الدهنية من الزيوت الموجودة فيها بس للأسف مش موجود في الشركة بس الكوفر ستيك نازل الشهر دا وموجود بس سعره غالي هيبقي ب 30 جنية فأنصحك برضوا تاخديه في شهر تاني لأنه ساعات بينزل ب 14 تاخدية انتي كعضوة ب 11 جنيه
وفي عندك ص 22 في منظف وتونر أوبتيمالز ممتاز جدا ونازل عليه خصم حلو
انا بتكلم علي فكرة علي كتالوج 11 نوفمبر مش كتالوج 12 واتمني اني اكون افدتك ولو في اي سؤال تاني انا تحت امرك

انا آسفة نسيت أرحب بيكي يا رودي عضوة جدية معانا في النادي واتمني التواصل

اولا برحب بيكى رودى عضوة جديدة معانا وان شاءالله بتستفيدى معانا برده
من كل منتجات اوريفليم وعروضها

وزى ما قالت ليكى اختى الكريمة دى منتجات البشرة الدهنية وان شاء الله بتعجبك لان كل منتجات اوريفليم طبيعية وجميلة جداااااااااااااااااااا

ميرسى جدا يا monia205
على اهتمامك وردك عليا وسورى لو كنت تعبتك معايا
وعلى فكره انا مشتركه جديده فى المنتدى بس لسه ما اشتركتش فى الشركه وان شاء الله اشترك قريب
بس ممكن اعرف حاجه منك انتى كاتبه:
انا جربته شخصيا وجميل معايا جدا بس بيطفي الحبوب

مككن اعرف يعنى ايه بيطفى الحبوب
وميرسى اوووووووووووووى لكى ياقمر

أهلا بيكي يا رودي معانا..

بالنسبة للبشرة الدهنيه.. أولا انتي عندك كام سنة؟ 23؟ وهل بيطلعلك حبوب باستمرار في بشرتك؟ ولا مفيش حبوب لكن بشرتك دهنية؟

أنا انصحك بمجموعة الاوبتيمالز الخضراء لو بشرتك دهنية ومفهاش مشاكل الحبوب الكتير.. ودي لسن 20 سنة فيما فوق.. وفيها كل احتياجاتك من سكرب وغسول وتونر وكريم نهار وليل..

مجموعة البيور سكن بتبقي للبشرة الدهنية اللي فيها مشاكل الحبوب الكتير وغالبا بتبقي للسن الصغير حوالي 15 سنة عشان الحبوب الكتير اللي بتطلع علي طول في سن البلوغ لحد 20 سنة كده..

مجموعة شجرة الشاي بردو هايله للبشرة الدهنية اللي فيها حبوب.. بتقضي علي الحبوب في أيام قليله وبتخلي البشرة صافية تماماً ونقية.. يمكن دي أقوي كمان من بيور سكن.. لأن زيت شجرة الشاي معروف أنه له فاعلية عالية في مقاومة البكتيريا ومنقي طبيعي..

وعموما أي بنت لازم يبقي عندها زيت شجرة الشاي لزوم الحبوب اللي بتيجي نتيجة تغيير الفصول أو أثناء الدورة الشهرية..

لوعندك مشاكل حبوب خليكي مع مجموعة شجرة الشاي لحد مالحبوب تروح خالص وابدأي استخدمي الاوبتيمالز الاخضر..
لو مفيش مشاكل حبوب يبقي أحسنلك الاوبتيمالز من دلوقتي..

والله أعلم..

انا آسفة يا رودي انا كنت اقصد اني جربته وهو فعلا حلو قوي وبيطفي الحبوب يعني بيعالجها ومش أي نوع من الحبوب هي الحبوب الصغيرة اللي بتتنقل عن طريق العدوي او اللي بيتكون أيام الدورة الشهرية مثلا يعني لو عندك حبوب قوية جدا علي هيئة بثور بيضاء أو سوداء دا مش بيعالجها لأن منتجات أوريفليم في الأول وفي الآخر هي منتجات تجميلية وليست علاجية يعني ممكن تعالج الحاجات البسيطة مش الكبيرة قوي زي مشكلة الحبوب اللي قلت لك عليها
وعلي فكرة هي كلمة بس بيطفي الحبوب دي كانت غلطة من في الكتاب وجايز توحي لأي حد بيقرأها ان المنتج حلو بس فيه مشكلة لأ هو مش فيه مشكلة بس هي كانت غلطة زي ما انا قلت لك