اهئ اهئ اهئ مش فاهمة حاجة

محتارة انا
ومش فاهمة حاجة
اة حد يفهمنى ل اقوم انتحر من فوق الكرسى اهو
هنط اهئ اهئ اهئ اهئ
بصو بقا انا شم فاهمة اية حااااااااااجة سورى قصدى مش فاهمة اى حاجة يعنى انا اسمع اة وبشوف ناس كتير معاها الكتالوج وبروموشن وتروح وتجيب اوردر اة وشغل غالى انا بقا عايزة اعمل كدا بس انا مش فاهمة انا كسبانة اية حد يفهمنى ونبى بلاش شرح معقد يعنى ف مستوى الطالب المتخلف
ويارب الى تفهمنى ربنا يرزقها با ابن الحلال ولو بتحب تتخطب ولو مخطوبة تتجوز ولو متجوزة تخلف تؤام
ولو مخلفة تبقى متهنية ولو متهنية ربنا يرزقهم اكتر واكتر :d
والى عندها ولاد كبار عرسان شغال ياجماعة نفيد بعضشيتنا

ماشاء الله 3 مشاهدات ولا رد الله الله من اولها تنفيض

هو محدش بيرد لييييييييييييييييييييية وببتتفرجو وبتمشو

هههههههههه و الله انتي عسل يا روما انتي مش فاهمة اية بظبط و انا افهمك اللي انتي عاوزاه ؟؟

هسألك الاول انتي عضوة في اوريفليم ولا مش مشتركة اصلا ؟؟

انا اللي فهمتة من كلامك انك مش عضوة في اوريفليم

فا انا هحاول افهمك الموضوع علي قد ما اقدر

اصلا هستفيد ايه لما اكون عضوه فى اوريفليم ؟؟
اقولك يا ستى

1- بتاخدى خصم 23% عن سعر الكتالوج يعني لو عندك منتج سعرة في الكتالوج 39 جنية انتي عشان عضوة بتاخدية ب30 جنية بتحسبيها ازاي بتقسمي 39/1,3=30


2- هتاخدى هدايا على الاوردرات اللى بتعمليها و بتكون قيمه جدا جدا وبيكون ليكي اول 3 شهور حاجة اسمها برنامج ترحيب و دا لو عملتي 100 نقطة كل شهر بيكون ليكي هدية بعد 3 شهور بتكوني عضو قديم بيكون ليكي هدايا برضة بس بتختلف كل شهر عن التاني يعني شهر تكون علي 200 نقطة و شهر علي 150 نقطة كدا يعني

(موضوع النقط دا لو مش فاهماه هبأه افهمهولك )


3- هتدخولى سحوبات على اجهزه كهربائيه و منتجات تجميل


4- هتاخدى محاضرات تجميل مع خبيره تجميل الشركه


5- هتنضفى بشرتك بالبخار و الاوزون
6- هتكونى اول اللى يعرفوا العروض الداخليه للشركه اللى خصوماتها بتكون 60 و 70% و اكتر و دي عروض بيستفيد بيها العضاء فقط

كدا انا قولتلك البدايات يا رب اكون قدرت افيدك :)

اهئ اهئ اهئ اهئ والمصحف مافاهمة هو اية النقط واعمل 100 نقطة ازاى يعنى اجيب قلم وانقط وانا مش مشتركة ف اى حاجة اصلا

كفاية عياط بقى
بصى باختصار
انتى نفسك تتاجرى ولا تجيبى حاجتك وبس
فى الحالتين لازم تبقى عضوة
وممكن يكون ليكى عضو راعى زى مدام رشا مديرة النتدى تفهمك الدنيا بتمشى ازاى
او ممكن تكونى تحت الشركة ومع نفسك
اولا اهم حاجة فى التجارة التسويق ظبطى النقطة دى وبعد كدة بييجى الباقى
النقط دى عبارة عن المبلغ اللى اشتريتى بية الحاجة
والنقطة بحوالى 3 جنية و18 قرش
والنقط دى بتبقى بسعر الكتالوج
يعنى لو حاجة فى الكتالوج ب 100 ج
حتشتريها انتى بالحسبة دى
100*.77
يكون الناتج 77جنية
والفرق بين السعر اللى فى الكتالوج والسعر اللى اشتريتى بية دة مكسبك
100-77
يكون الناتج 23 جنية
اما النقط دى عبارة عن مبلغ بتشترى بية عشان تاخدى هدية
مش عاوزة دة براحتك
مش قادرة تجمعى النقط وبتشترى استعمال شخصى برضة مفيش مشكلة
واول ثلاثة شهور بترحب بيكى الشركة وبتديكى مكافاة لو عملتى مبلغ معين اللى هيا النقط
والمكافاة دى عبارة عن هدايا الترحيب
يارب اكون افدتك

انا كمان هفهمك بصى يا ستى
انتى لو فى الجامعه او عندك جروب اصحاب بنات كتير ممكن تجيبى الكتالوج من الشركه وتفرجيه لاصحابك واللى يعجبه حاجه بتعلمى عليها وبتكتبى كودها فى ورقه اهم حاجه تاخدى بالك من الكود وده طبعا بعد مايبقى ليكى انتى كمان كود لحسن تروحى كده وخلاص وحد يلقطك من الشركه يعنى مثلا تحت كود مدام رشا وتعملى الاوردر وبس يارب اكون افدتك

حلوووووووووووو اوووووووووووى ابتديت افهم يعنى دلوقت ابقى تحت مدام رشا اروح فين بقا ولا اعمل ايييييييية علشان اشترك ؟؟؟
ثانيا انا لما اجيب اروردرات هدفع انا من جيبى ولا هعمل اية مش فاهمة معلش استحملو وانا اة ف تجارة جامعة يعنى

[quote="rooma _H"]حلوووووووووووو اوووووووووووى ابتديت افهم يعنى دلوقت ابقى تحت مدام رشا اروح فين بقا ولا اعمل ايييييييية علشان اشترك ؟؟؟
ثانيا انا لما اجيب اروردرات هدفع انا من جيبى ولا هعمل اية مش فاهمة معلش استحملو وانا اة ف تجارة جامعة يعنى

كل اللى حتعملية تتصلى بالتليفون اللى مكتوب فى راس المنتدى وتكلمى مدام رشا وهى حتقولك تعملى عضوية ازاى
وحتفهمك الدنيا دى بتمشى ازاى
لو كنتى عاوزة استعمال شخصى فدة ليكى ومن جيبك طبعا
اما لو عاوزة توسعى النشاط
فزى بريتى وومن ما قالت تفرجى الكتالوج لاصحابك واللى يختاروة تجيبة ليهم ومن راييى ممكن تاخدى منهم جزء من المبلغ على سبيل الجدية فى الطلب وتكملى انتى الباقى من معاكى
على فكرة انتى مش محتاجة راس مال كبير ولا حاجة
واحد واحدة الدنيا حتمشى معاكى وحتنبسطى اوى
بس اهم حاجة التسويق
ازاى تصرفى المنتجات اللى بتشتريها
وانا شرحتلك المكسب بيكون ازاى
مشكلتى انا بقى معنديش تسويق وبالتالى اللى باشترية بيبقى فى حدود الاسرة فقط واحتياجاتى
كدة تمام ولا لسة

شكرا يابنوتات ليكو كلوكوووووووووووووو :* مواااااااة انا هتصل ب الرقم واكلم مدام رشا واقولكو عملت اية