استفسار يا بنات لو سمحت

السلام عليكم ..

بصي يا سجود.. أنا مش فاهمة أوي أنتي قصدك ايه..
بس هقولك ايه اللي بيحصل..

أما يكتب جنب الحاجه خصم 30%.. بتاخدي السعر الأصلي.. وتخصمي منه 30%.. وكمان ال 23% الخصم بتاعك كعضوه.. ويبقي الرقم اللي طلعلك هو اللي هتدفعيه في الحاجه..

أما يقولك خصم 40% لو أخذتي 2.. هنا بردو بتاخدي ثمن المنتج الواحد وتخصمي منه ال 40%.. وبعدين تشيلي منه ال 23% الخصم بتاعك.. بتفضل الرقم اللي هتدفعيه فيه..

هل أنا فهمت سؤالك صح؟

اه حبيبتى الله ينور عليكى فهمتى صح
بارك الله فيكى ايه ما انحرم منك يارب
تسلمى حبيبتى

بس فى سؤال بسيط
لما بيكون الخصم على السعر الاصلى بينزله ليه تمن تانى طلما مش ده الا حشترى بيه زى مثلا شامبو ب 34 ونازل بى 29 وجمبه %30
وانتى بتقولى احسبه بالسعر الاصلى عشان اطلع الخصم طيب ايه لازمة السعر المكتوب بعد الشطب

الشامبو اللي بتقولي عليه مثلا... سعره الأصلي 34.. أما ينزل عليه خصم 30% يبقي ب 29جنيه.. وأنتي بتاخديه أقل كمان ب 23%.. يعني اللي مكتوب ده صح..
أديني مثال أنتي حاولتي تحسبيه.. ومعرفتيش.. وأنا اقولك..

يعنى عندك مثلا فى كتالوج نوفمبر فى عرض ص 88 - 89
بيقولك اى منتج بخصم %30 واى اتنين بخصم %40
والاسعار طبعا مشطوب عليها ومكتوب الاسعار بعد الخصم
ده مثل احسيبه كده وفاهمنى لحسن اتحولت
هههههههههههههههههههه
هل كده ده الخصم ب %30
صح كده يعنى لما اجى اخد الشاور او الشامبو بخصم %30 يبقى اخده بعد خصم العضوة اخده ب %22.50

حلو أوي..
نمسك الشامبو مثلا اللي سعره 34 جنيه..
لو أخدتي منتج واحد منه.. هيبقي عليه خصم 30%..
الرقم اللي مكتوب بالأحمر هو الي مخصوم منه 30%..
يعني 34*30% = 10.2
34-10.2 = 23.8 = 24 جنيه تقريبا = 18.5 جنيه للعضو

أو ببساطه تاخدي المكمله اللي هي:
34*70% = 23.8 = 24 جنيه بردو :)
وده الرقم اللي مكتوب بالأحمر

بالنسبة بقي لل 40% خصم..
34*60% = 20.4 = اللي هي هتبقي 20.25 جنيه تقريبا = 15.75 جنيه للعضو
ده معناه لو أخدتي منتجين هيقف الواحد ب 20.25 جنيه


بالنسبة بقي للشامبو أو الشاور جيل اللي ب 39 جنيه..
فهو الخصم بتاعه مش 30% بالضبط.. هو 26-27%
39*74% = 28.86 = 29 جنيه تقريبا اللي هي للعضو 22.5 جنيه
وده بيحصل كتير أن ميبقاش الخصم اللي كاتبينه هو اللي يمشي علي المنتجات كلها.. زي منتجات اللي في صفحات ال 50%.. مش كلهم بيبقوا 50%.. لكن الأغلبية بتبقي كده

لو عايزه تتأكدي من الخصم.. اعملي الطريقة دي علي أي منتج.. وهتعرفي عليه خصم أد ايه..

تسلملى حبيبتى
والله فهمت جدااااااااااااااا ووضحت الحسبة كلها وعملت فعلا زى ما قولتى وطلع تمام
وعرفت طريقة الحساب ازاى
بارك الله فيكى حبيبتى

العفو حبيبتي..أنا مبسوطه اني قدرت أوصلك الفكرة..و أنا تحت أمرك في أي حاجه..