استفسار من بنات الاسكندرية

صباح الخير
ازيكم يا بنات اخباركم اية
معلش حاتقل عليكم
عندى مشكلة ومش عارفة اوصل ليها لحل
ينتى عندها تسع سنوات من حوالى شهر لقيت شعرها بيقع بشكل ملحوظ
نزلت بيها للدكتور مجدى العشماوى كشف وحلل وكتب علاج الموضوع عدى 500ج
المهم ان الحالة بتتدهور وكل الللى قالة ضعف بسيط فى البصيلات
انا ما انكرش ان الدكتور دة افادنى فى مرض جلدى كان عندى
بس فى موضوع الشعر اعتقد مش اوى
بالله عليكم يا بنات اللى تعرف دكتور كويس فى الاسكندرية ويكون شاطر ومجرب فى موضوع الشعر تدلنى
عشان اتحرك بسرعة
بجد البنت نقسيتها اتدمرت جدا وكل شوية اقص لها شوية من شعرها عشان يبطل ينزل ومفيش فايدة
مع العلم ان ليها توام شعرها ما شاء الله طول وكثافة
والله بتشوفها تعيط
مستنية ردكم عليا
وشكرا مقدما

انا حسيت عشماوى ده بقى اى كلام بصراحه

انا بنتى كان شعرها خفيف واستعملت دهان زيت الزيتون والله تقل شعرها

وهاتى وصفات للشعرللتتقيل وزيت الجرجير وبلاش العلاج لسه صغيره

اشكرك على ردك
انا كمان حسيت ان الدكتور دة بقى مش مركز كدة وسايب كل حاجة فى ايد الدكاترة اللى عندة
انا بحب الوصفات الطبيعية بس اللى خلانى الجا للعلاج ان الوضع مبالغ فية
ربنا الشافى
وياريت لو حد يعرف دكتور احسن يقوللى

الف سلامه عليها حبيببتي وان شاء الله قريب تتحسن

بصي عن نفسي لا انا ولا اي حد من اللي جرب مجدي عشماوي جاب نتيجه كويسه من عنده

انا صراحه رحت لدكتور فايق في عمارة قبنوري اللي على الترام بين الابراهيميه وكامب شيزار والحمد لله يارب بشرتي كانت متدمره ومتبهدله ربنا جعله سبب ليه

جربيه وباذن الله ترتاحي معاه

متشكرة اوى على ردك
وربنا يسهل
انا باحاول اعمل بحث موسع واسال كل اللى اعرفهم عشان اوصل لافضل دكتور
سمعتى عن حامى امبابى
وكمان الكمشوشى
وسميح النزهى

وفيه كمان دكتورة إيمان المرسى ، ناس جربوها بس فى حاجات تانية غير الشعر وبشكروا فيها جدا دى فى محطة الهداية

بصى حامى امبابى انا سمعت عنة بردوا انة ممتاز بس لحد ماتروحى لدكتور كويس ادهنلها كل يوم زيت خروع دة ممتاز وبيتقل الشعر وفي زيت اسمة فيفيدول بتجبية من الصيدلية هيا ب25 جنية وحلو جداااااااااااا وبيقلل تساقط الشعر

اشكرك على ردك
والله انا عاوزة اروح من بكرة بس نفسى اوصل لدكتور كويس
مش يكون كل همة يكتب علاج كتير اوى
ويعمل جلسات
انتى عارفة انا اتعلجت عند مجدى دة لمدة سنة
والله صرقت الاف
واخدت دوا بكميات مهولة
كان واخدنى على مراحل مش بيجيب من الاخر
كل مرة يجرب فيا حاجة شكل
ما كانش فارق معايا اهو شوية حساسية واستحملهم
انما البنت صعبانة عليا
مش عاوزة اروح لحد يجرب فيها
طيب سمعتى عن وجدى نادر
نهى ياقوت
واحمد ياقوت
وايمان المرسى
تفتكرى فية حد فيهم احسن من حامى امبابى
والله بقيت باخاف من الدكاترة الكبيرة مش مركزين والكشوفات عنهم كتير زيادة عن الازم
دة غير الدعاية للمنتجات

moon333 كتب:: اشكرك على ردك
والله انا عاوزة اروح من بكرة بس نفسى اوصل لدكتور كويس
مش يكون كل همة يكتب علاج كتير اوى
ويعمل جلسات
انتى عارفة انا اتعلجت عند مجدى دة لمدة سنة
والله صرقت الاف
واخدت دوا بكميات مهولة
كان واخدنى على مراحل مش بيجيب من الاخر
كل مرة يجرب فيا حاجة شكل
ما كانش فارق معايا اهو شوية حساسية واستحملهم
انما البنت صعبانة عليا
مش عاوزة اروح لحد يجرب فيها
طيب سمعتى عن وجدى نادر
نهى ياقوت
واحمد ياقوت
وايمان المرسى
تفتكرى فية حد فيهم احسن من حامى امبابى
والله بقيت باخاف من الدكاترة الكبيرة مش مركزين والكشوفات عنهم كتير زيادة عن الازم
دة غير الدعاية للمنتجات

الف سلامة على بنوتك والله انا حاسة بيكى ونفسى افيدك بس اصل انا مش اعرف دكاترة جلدية بس انا الى سمعت عنة حامى امبابى شفت العيادة بتاعتة الناس وقفين على السلم بس انا مكنتشرايحاله انا كنت رايحة لدكتور اطفال في نفس العمارة

هسالك ولو وصلت لحاجة هقولك

ربنا يخليكى حاتعبك معايا
استفسار من بنات الاسكندرية 363247

» استفسار يا بنات لو سمحت
» عرض بخصوص فرع الاسكندرية
» مين يعرف مديرة فرع الاسكندرية
» سحوبات اليوم فى فرع الاسكندرية
» كـــــــــــــــلام بنات (بنات اورفليم اجمع :D )