حكاية الاوردر بتاعى

السلام عليكم


والله انا معاكى يا رحاب فى النقط دى وخصوصا اول نقطة
انا ديما بعمل الاوردر بتاعى بالتليفون لظروف برده انى مش بقدر اروح وحكاية عدم تبلغيك ان المنتج مش موجود دى
حصلت معايا بالظبط وفجؤت ان المنتج مش موجود وانا قايلة ليهم الاكواد
ولما بيكون فى منتج مش موجود بيقولى
انما المرة دى ما قالى شىء وفجؤت انه فى 3 منتجات مش موجودة
رحت متصلة بالشركة وقولت ليه فين الطلب قالى مش موجود يا فندم قولت ليه طب مش تقول انه مش موجود
اول مرة تعملوا كده بس مش محاسب عليهم فى الفاتورة
واهو انتى كمان حصل معاكى نفس الموقف
وقالى انه حيضيفه على الشهر القادم وبنفس سعره
ايه اللى حصل ليهم ما يقوله زى كل مرة انه كود كذا مش موجود
لانه لما يقوله مش موجود بحب اطلب غيره
انما لما ياجى الاوردر ناقص ويقولى مش موجود طب ماهو ضيع عليا انى اطلب طلب جديد

شوية اهتمام لو سمحت بالعضوه والعميل

بس كان كاتب عندى فى الفاتورة انه مش موجود منتج كذا وكذا تحت خالص

أنا عايزة أسألك سؤال يا رحاب هو انتي مش المفروض ليكي عضو راعي يعني بتسأليه عن المنتج هل هو موجود ولا لأ وكمان تسألي علي سعره كلنا عارفين ان الغسول والكوفرستيك لازم يتاخدوا مع بعض عشان يبقي فيه خصم 50% ودا واضح جدا في الكتالوج ولو كنتي قرأتي مواضيع هنا ع الموقع كنتي هتعرفي الكوفرستيك كدا انتي أخدتيه غالي جدا دا كان بيزل ب 14 جنيه وليكي كعضوة ب 11 جنيه بس يلا معلش متزعليش والمرة الجاية ابقي اسألي اي حد الأول
بالنسبة للبرفان اعرفي حاجة أي برفان في أوريفليم رخيص اعرفي انه وحش وحتي الغالي كمان ساعات بيبقي مش ثابت وانا كنت سألت ديريكتور في اوريفليم علي البرفان ليه مش ثابت قالت لي انه المواد المثبته للبرفان فيها مواد مسرطنة وبما ان منتجات اوريفليم كلها طبيعية مش بيحطوا المادة دي علي البرفانات عشان نفس السبب
وغلطة اوريفليم معاكي انها كان لازم طبعا تقولك انفي منتجات في الكتالوج مش موجودة عشان لو مش عايزة تشتري وانا لما بتصل بيهم بيقولوا لي بس ممكن تكوني وقعتي في شخص معندوش ضمير وعايز يبيع وخلاص أو ان وقت ما عملتي الأوردر كان المنتج موجود ع السيستم لكن لما جم ينفذوه مكنش موجود

في حكاية حصلت معايا كمان اني أخدت آي شادو كريمي من هناك كان سعره في الكتالوج 39 وأخدته ب 30 فوجئت وانا بستلم من فرع مصر الجديدة ان الآي شادو في جزء منه فاضي فقلت للي بيسلمني الاوردر هو الآي شادو دا عامل كدا ليه راح حرك علبة الآي شادو كدا وقالي مفيهاش حاجة وكمان كان حجمها صغير جدا مش زي ما هي واضحة في الكتالوج يعني متستاهلش السعر دا ابدا والأكتر حبيت ارجعها وانا واقفه فقلت للبنت اللي دفعت عندها انا عايزة ارجع المنتج دا انا لسه واخداه دلوقتي قالت لي خلاص مفيش فلوس بترجع تاني ممكن اخده منك بس الفلوس تاخدي بيها اي منتج تاني او تبقي تاخدي اي حاجة في اي شهر تاني
اللي انا بستغرب له اني ساعات بلاقي الآي شادو في الكتالوج ب 69 مش عارفة علي ايه

صحيح انا عندى عضو راعى يا مونيا بس اكيد لما احب اعمل اوردر مش هتصل بالعضو الراعى بتاعى عشان اسالة
اذا كانت المنتجات الى عايزاها موجودة ولا لا بديهى انى اتصل بالشركة عشان اعمل الاوردر علطول
وكمان بديهى ان لو المنتج مش موجود يقولى مش يحولنى على الوتينج من غير ما يسالنى ويفوت عليا
انى اغيرة بحاجة تانية او حتى الغية
وبعدين الاصل فى الاوردر ان المنتجات تبقى موجودة مش العكس ولو حصل لازم المندوبة تعرف وقت عمل الاوردر
مش وقت لما تستلم الطلبيةو بعدين كمان وانا بعمل الاوردرلية اسال عن سعرة
طالما هو موجود عندى فى البرموشن امال هما عملو البرموشن لية
عشان لما اعمل الاوردر امليهم الاكواد علطول من غير ما اسال عن سعر او خلافة
بس الى حصل معايا انى مخدتش بالى من العرض كويس لان السعر مكتوب تحت على الكفر ستيك علطول بعض التخفيض مش اعلى الصفحة وبفونت كبير زى ما بيعملوا علطول
و ممكن يكون فى كتيير برضة ماخدوش بالهم زى ماحصل معايا وكمان فى كتير اخدوا بالهم
ممكن كدة او كدة
وانا عرفة انى اخدتة كدة بسعر غالى طبعا جدا جدا وكمان كان بايظ و يبلف على الفاضى ودة الى ضايقنى اكتر
يلا الحمد للة خيرها فة غيرها هههههههه
وبالنسبة للبرفانات انا مكنش قصدى انها وحشة بالعكس دول عجبتنى ريحتهم جدا انا كان قصدى على الزجاجة نفسها مش مظبوطة ومش بترش البرفان كويس بيسل منها عند الاستخدام
والمفروض كشركة كبيرة زى اوريفليم تهتم بسلامة عبوات المنتجات عامة سواء برفانات رخيصة او غالية
وكمان تراجع كويس اوى على الاوردارات الى عن طريق التليفون وتتاكد ان العبوات كلها كويسة وصالحة للاستخدم
لان الى هتجيلة حاجة بايظة هيبقى صعب انة يغيرها
واشكرك حبيتى على مرورك الكريم واهتمامك
كمان بشكر خلودعلى مرورها الكريم واضم صوتى لصوتها
فعلا عايزين شوية اهتمام بالعضو والعميل

هو باين كده والله اعلم اللى قالك الاوردر وطلع مش موجود هو نفس الشخص اللى قالى لانه هو اللى بيرد عليا كل شهر
واعتقد اسمه ماهر وده اللى قولت ليه قولى انه مش موجود مش افتكر انه كله موجود
بصراحة اتغاظت منه وده ديما اللى بيرد عليا ياما وحدة تانية واسمها مى

مش عارفة بجد اسمة اية
بس اعتقد ان الاسم يبقى فى الفاتورة يا سجود

اه طبعا وعشان كده انا عرفته ولو اسمه ماهر زى اللى فى الفاتورة عندك يبقى هو هو نفس الشخص وريح دماغه

اناشفت اسمة فى الفاتورة دلوقتى
طلع اسمة وليد
اظاهر ان فى كتير عندهم بيريحة دماغهم

اسمه ماهر عبدالله

اه والله باين كده حبيبتى
بس ما تزعلى روحك

الحمد للة على كل حال
اهو الواحد بيتعلم برضة
مشكووووورة حبيبتى سجود
على اهتمامك وتفاعلك