رأيكم يهمنى جدااااااااااااااااااااااااااااااا

السلام عليكم ورحمه الله وبركاته
ازيكم يا أحلى بنات كل رمضان وأنتم بخير وياااارب يتقبله منا
اللهم بلغنا رمضان
اللهم انك العفو الكريم تحب العفو فأعفو عنا
رأيكم يهمنى جدااااااااااااااااااااااااااااااا 565743

رأيكم يهمنى جدااااااااااااااااااااااااااااااا 565743

انا عندى واحدة صاحبتى ظروفها وحشه جوزها بيكسب كويس ما شاء الله بس بيصرف على البيت بالعافية ويعرف ست تانية وبيضرب صاحبتى ويبهدلها ويشتمها قدام اطفالها انا مش بقول كده علشان اسألكم تعمل ايه لأ هى مش عارفة تعمل ايه ولا منو عايز يطلقها ولا منو مرايحها المهم انا كنت بفكر اجيب حاجات رمضان او شنطه كده فيها شويه حاجات واروح ازورها بس بصراحه كل ما افكر انا جوزها هو اللى هياكل من الحاجات دى بحس انى مش عايزه اجيب انا يهمنى الاطفال مش بياكلو كويس ومتبهدلين انا مش عارفه اعمل ايه انتوا رأيكم لو جبت شنطه رمضان احط فيها ايه علشان انا شايفة ان شنط رمضان اللى بتتباع جاهزه بتبقى فيها حاجات مش مهمة زى فول التدميش وصلصة وكده يعنى انا عايزه اجيب حاجات تستفاد منها الاطفال

معلش انا طولت عليكم بس يهمنى رأيكم جدااااااا والايام بتجرى وعايزه الحق اعمل حاجة

ربنا يتقبل منا كلنا ويرزقنا حسن التدبر ولو عندكوا اى افكار علشان نعملها فى رمضان ياريت كل واحد يقول فكره يعنى مرة نعمل اكل وننزله اقرب جامع او لأى مكان محتاج او نشترى مصاحف ونهديها لأصحابنا ....................

كل واحد يقول اقتراح علشان نشجع بعض

شئ جميل منك انك تساعدى صاحبتك بالطريقة الرقيقة دى

أنا معاكى فى مساعدتك بس علشان تقدرى تجيبى اللى يساعد الأطفال فانتى بتتكلمى عن مبلغ يعنى فراخ ولحمة وكبده ومكرونة
و أرز وتونة وزيت ومربى وحلاوة طحينيه ولبن وعسل وتمر ... وتقدرى تاخدى فاكهة يعنى اللى تقدرى عليه من الحاجات دى هاتيه

بس انتى بكده مش بتحلى المشكله بالعكس لو قدرتى تساعديها مره و اتنين مش هتقدرى تساعديها على طول
فين اهلها واهله ازاى الوضع ده مسكوت عليه على الاقل علشان الاطفال وصحتهم ونفسيتهم
لازم يكون فى موقف حاسم من أهلها ومنها هى كمان ازاى تقبل كل الاهانات دى وكمان قدام اولادها وكل ده وبيعرف عليها واحده تانيه .. هى فى موقف لاتحسد عليه بس لااااااااااااااازم تاخد موقف من زوجها علشان يعرف قيمتها ومش يبقى بيصرف بالمليم وحارم بيته وفى نفس الوقت ممكن يكون بيصرف اكتر على التانيه اللى بيعرفها
ربنا معاها ويقويها وان كان زوجها فيه خير ليها يهديهولها يارب

وجزاك الله خير حبيبتى
رأيكم يهمنى جدااااااااااااااااااااااااااااااا 20726

رأيكم يهمنى جدااااااااااااااااااااااااااااااا 20726