ازالة الشعر

حد يا جماعة يعرف احسن طريقة لازالة شعر الوجه
انا معنديش حالة خاصة ولا حاجة
لكن عايزة اجرب الليزر
هو كويس ولا لية مشاكل
طب تكلفتة كاااام

هو الليزر كويس
بس الدكتور او الدكتورة هو اللي بيحدد اذا كان الليزر هينفع معاكي ولا لا
علشان كده لازم تروحي لدكتور كويس وامين
التكلفة بقي حسب نوع الشعر وكثافته وبرده الدكتور بيحددها

انا اعرف انه بالسنتمتر و بينفع علي الشعر الاسود السميك اكتر من الشعر الناعم و الشعر الاصفر النتايج مش عالية قوووي
واحدة اعرفها عملت المنطقة الحساسة 6 جلسات ب 500 جنية
علي فكرة بقا شعر الوجة ده ملوش اي لازمة ينشال لانه مش واضح ابدا انا عملت وشي مرة واحدة منبنيش غير الحمار و الوجع مفرقش معايا حاجة احنا الي بنوجع دمغنا علي الفاضي

لو هتعملى ليزر يبقى خدى باللك من حاجات مهمة جداااااااااااااااااااااااااا

لازم تعملى تحاليل علشان تشوفى الهرمونات ولقدر الله لو فى مشكله فى المبايض انا ليه تجربة فى الموضوع ده وبعد ماعملت كل التحاليل اللى الدكتورة قالتلى عليها والحمد لله مطلعش فى مشاكل الدكتورة قالتلى على سنتر بيعمل ليزر وبجد هو هايل جداااااااااااااااا وناس كتير قوى بتروحوا هو فى مصر الجديدة مش عارفة ينفع اقول العنوان ورقم التليفون هنا فى المنتدى ولا ايه ب انتى بتروحى ويكون الشعر طالع كله يعنى مثلا لو عايزه تعملى منطقة الذقن تخليها تطلع كلها وبعدين تروحى والدكتوره تشوفك وتحدد انتى هتحتاجى كام جلسة تقريبا على حسب كثافى الشعراية وكل مكان الشعر اسود كل مايكون احسن والجلسة بتتحسب بالبلصه او النبضة وهى تقريبا ب 5 جنية

الجلسة عبارة عن :

تروحى السنتر بدرى علشان بيبقى زحمة جداااااااااااااا وهيدوكى مخدر تحطيه على المكان اللى هتعمليه وتستنى شوية لحد متحسى ان المكان بقى منمل وبعدين تغسلى وشك وتدخلى عند الدكتورة وتلبسى على عنيكى نضارة نعينة من عندهم او البتاع قماش شبه النظارة المهم حاجه على عنيكى علشان الليزر وبعدين تعملى ليزر ولو حسيتى بلسعه عادى جداااااااا انا اول مرة كان جسمى بيتنفض بس ده عادى متقلقيش وممكن تقولى للدكتوره اعمليلى بمبلغ معين يعنى لو انتى روحتى يوم ومش معاكى فلوس كتير قوليلها اعمليلى بكذا وهى تعمل لحد عدد نبضات معين وتقولك اكمل ولا خلاص

وبعدين يدوكى حاجه زى بلونة صغيره جواها تلج وعليها من بره كريم مهدئ من عندهم تحطيه على المكان وتدفعى الفلوس وبس

بصى بقى ياستى اول مره هتحسى ان وشك بيوجعك وانو احمر بس بعد كده هيبقى عادى وقبل ماتمشى من العياده خدى رقم الدكتوره الخاص علشان اى حاجة تحصلك تكلميها وهما هناك ربنا يكرمهم محترمين جدا

الموضوع ده مكلف بس نتايجه هايله لو اتبعتى كلام الدكتوره والتكلفه على حسب المكان اللى هتعمليه واى سؤال انا تحت امرك وعنيه ليكى و معلش انا رغيت كتيييييير

انا بنت خالتى سالت دكتور الجلد على الليزر قالها لو بشرتك حساسة هيزودها اكتر

نسيت اقولك الشعر مش بيختفى من اول جلسة يعنى بعد اول جلسة الشعر هيطلع بعد من شهر : 3 شهور على حسب طبيعة الشعر بس هيطلع اخف و اقل فى العدد فهمانى؟

وبعد تانى جلسه الموضوع بيختلف وهكذا هناك فى السنتر كل يوم فى دكتورة انا بروح لدكتورة معينة فى ايام معينة ومرتاحه معاها جداااااااااااااااااااااااااااااااا انا عملت منطقه الذقن وكان الشعر سميك جداااااااااااااااااااااا اه والله زى شعر الحواجب لانى كنت بعمل دايت جامد شوية ولخبطلى كل حاجه الحمد الله على كل شئ

انا عملتلحد دلوقتى 4 جلسان اول جلسة ب200 جنيه تقريبا والتانيه 165 والتالته 100والرابعة 100

يعنى قولى 600ج اول مره وشك هيحمر بس مع الوقت هترتاحى جدا وبجد الحمد لله فرق معايه جامد جدااااااااااااااااااا

ادعيلى انى اخلص الجلسات على خير