منتجات كتالوج نوفمبر الجديدة

ممكن الي تجرب منتجات من كتالوج نوفمبر تكتب رايها هنا لان معظم المنتجات جديدة علينا يا بنات وغالية في نفس الوقت يعنى ياريت نساعد بعض ونتفادا اننا نجيب منتج غالي كدة ونرمية بعد كدة علشان ما يتناسبش مع بشرتنا او جسمنا

ارجو التفاعل في هذا الموضع

ولكم جزيل الشكر

انا ناوية ان شاء الله اجيب المنظف والاسكرب اللي عليهم عرض واما اجربهم هقول لكم اذا كانوا كويسين ولا لأ
اما بالنسبة لكريم القدم اللي هو بالأفوكادو ممتاز جدا
كريم اليد اللي عليه عرض اللي هو سيلك اند كشمير في ناس بتقول انه بيلزق علي ايديها والجلد مش بيشربه والأحسن منه كريم اليد والأظافر اللي بزيت اللوز
غسول ESSential في ناس جربته بتقول انه كويس

انا كمان بسال علي اقلام الروج اللي نازله ب29اللي بيقلوا عليها فيها لمعه
كمان الايشادوه الكريمي حد جربه؟

بخصوص الروج الي نازل ب 29 وفية لامعة دة نازل بالسعر دة كعرض للكريم الي فى نفس الصفحة
وانا جربتة هو تحفة بجد بيدى لمعة جميلة بس اللون بيبقي خفيف مش تقيل
وافلام الايشادو انا جبت منها ال 6 الوان وبيدو لمعة جميلة وهادئة وسهل الاستخدام ودرجاتهم كلها جميله
قصدك منظف Essential 3*1 فعلا سمعت انو كويس جدا

لا انا اقصد قلم الملمع اللي في صفحه52

أنا جربت الآي شادو الكريمي جبت منه اللون الموف وكان نازل بسعر تحفة قوي ب 18.5 بس لما جربته لقيته مش حلو أبدا يعني بحس اني زي ما اكون حاطة زيت علي جفني كدا مش عارفة وبيعملي حساسية وبحس اني عايزة اشيله بسرعة يمكن تكون عنيا حساسة وكمان عشان اكون صادقة أنا مش بحط ماكب خالص الا في المناسبات يعني مش واخده ع الماكب زي ناس تانية بتحط كل يوم بتقي واخده عليه وفي ناس جربته وقالت عليه حلو .
بالنسبة للروج هو فعلا بيبقي عامل زي زبدة الكاكاو يعني بيدي لون بسيط ودا لأنه طبيعي وهو بيرطب الشفايف قوي بس هي المشكلة في اللون واحنا بنحط ماكب ليه مش عشان اللون بس بنصح اللي هتشتريه تشتري كمان اقلام تحدبد الشفايف وتحطها قبل الروج عشان يديها لون وثبات
ارجو ان اكون افدتكم

بصراحة انا ما جبتوش لانى فعلا كنت عاوزاة بس سألت علية الاول لاقيتو مش حلو خالص

والله واعلم

مش ملاحظين حاجة يا جماعة انا دورت علي حاجة في الكتالوج يكون سعرها اقل من 15 جنية ملقتش حاجة خالص ولا حتي كريم العين اللي هو 15 ملي وبعدين نقيت كام حاجة كدا بسيطة لقتني هدخل في 125 جنية مش عارفة ازاي ومعظم العروض اللي هما عاملينها عروض وهمية يعني ايه يعني مثلا سألت عن الغسول اللي بزيت شجرة الشاي ملقتوش يعني مش موجود واحنا في أول الشهر وبعدين أنزل في محلات في روكسي بتبيع منتجات اوريفليم ألاقي كل حاجة عندهم ويقولي لي لو عايزة اي حاجة من الكتالوج ممكن نجبهالك يعني معني كدا ان اي منتج بينزل بسعر مخفض جدا بيخلص قبل ما الشهر ييجي ويبيعوه هما مش بسعر الكتالوج بس لأ بيزودوا عليه كمان ليه كدا يا أوريفليم علي فكرة العميلة فيها لعب كتير وفيها نفوذ ووساطة زي اي حاجة في البلد

بالنسبه لروج الملمع اللي صفحه 52 انا مجربتوش لان الوانه مش عجباني اصلا
بس الاي الشادو الكريمي ليه حل يااماانك تحطيه في التلاجه يااما انك تحطي قبله اي شادو بودر اي لون كاساس تحته وهيثبت ويديكي لون حلو

افادكم الله
وشكرا لاهتمامك بالموضوع انا برضو حطي الميك اب بتاعى في الثلاجة علشان شايله لما اتجوز وخفت علية من الصيف الي فات بس حاطة الملمعات والروجات واقلام العين واقلام الايشادو والكحل بصراحة انا مش عارفة دة صح ولا غلط ما سالتش يعنى بس حسيت انو كدة افضل
والله واعلم

يا بنات حد جرب سكرب حلو بليز قولولي ؟وايه نظام السكرب البودره؟
وحد جرب الماسك اللب ب 4 جنيه ده؟؟؟؟

بصي يا عبير بالنسبة للإسكرب بيبقي عيل حسب نوع بشرتك يعني لو بشرتك دهنية الي مركبة ممكن تستعملي اسكرب Optimals الأخضر وساعات بيزل عليه عروض حلوة قوي يعني ممكن تاخديه بسعر مميز
واذا كانت بشرتك عادية الي جافة ممكن تستعملي اسكرب Natural Skin care ودا موجود في الكتالوج ص 26 وعليهم عرض حلو قوي هتاخدي المنظف والاسكرب ب 46 جنية
أما بالنسبة للبودرة الاسكرب اللي هي Optimals تحفة بجد قوي بس سعرها غالي
أرجو إني أكون أفدتك

بجد شكرا اوي ع الرد السرييع والمفيد
thank you :)

هاى ياجماعه
ممكن حد يقولى رايه فى او دو تواليت ايكلا
بسرعه بليز لانى بفكر اجيبه هو وجوردانى الفضى
وميرسى ليكم

hanen2 كتب:: هاى ياجماعه
ممكن حد يقولى رايه فى او دو تواليت ايكلا
بسرعه بليز لانى بفكر اجيبه هو وجوردانى الفضى
وميرسى ليكم

جيورداني الفضي طبعا مفيش كلام عليه.. منغير متفكري.. جيبيه..
بالنسبه لايكلا.. فهي عايزه شخصيه تكون عاقله كده و Sophisticated
ده الي أنا بحسه من ايكلا.. وأولا وأخيرا روحي جربيها عشان تعرفي تحكمي..

ميرسى على ردك آيه
ممكن تقوليلى اذا كانت مس او اللى نازله فى الكتالوج ده هى نفس ريحه ميس او اللى لونها روز

hanen2 كتب:: ميرسى على ردك آيه
ممكن تقوليلى اذا كانت مس او اللى نازله فى الكتالوج ده هى نفس ريحه ميس او اللى لونها روز

العفو علي ايه يا حبيبتي..
ميس أو الجديده أنا رحت عشان أجربها.. ملقتهاش محطوطه في الفرع..
لكن هي أكيد مختلفه شويه عن الروز.. لأن الروز فاكهه أكتر.. وفيها جريب فروت.. وخشب الصندل..
لكن الجديده برتقال وعنبر.. هتبقي مختلفه شويه.. وأعتقد هتبقي شتويه.. يعني هتبقي تقيله.. عشان العنبر..

إن شاء الله تطلع حلوه

لو كنتي تقصدي برفان ايكلا الرجالي فريحته قوية قوي يعني بيحتاج رجل تكون شخصيتة قوية وبارفان دي ماركو كمان حلو أما بالنسبة للبرفانات الحريمي ففي ناس كتير بيحبوا ميس أو وأول ما بينزل عليها عرض بيجيبوها علي طول وكمان شكل الزجاجة حلو قوي وشيك
وانا شخصيا بفضل برفان Devine & Pricios & Lucia
دول أحلي حاجة عندي لكن بصراحة مجربتش جيورداني

ازيكم يا بنات
ان شاء الله انا عملت الاوردر بتاعى النهادرة وحجيب منتجات جميلة اوى
والحمدلله لقيت كل المنتجات الا انا عوزها
ومنهم طبعا برفان جيورادنى بس طبعا مش اول مرة استخدامها وزى ما قالت اخت لنا هنا
مفيش عليها اى كلام تجيبها وانتى مغمضة من كتر جمالها وريحتها
وبأذن الله راح بقولكم على المنتجات لما اجربها ولو انى واثقة انها فى السليم ان شاءالله

ان شاء الله سجود الاوردر والمنتجات تطلع في السليم ان شاء الله

كنت عاوزة اقولكم علي سكرب سبا السويدية بتاع الجسم الي في صفحة 74 اول مرة ينزل بالسعر دة ماحدش يفوتو يا بنات بجد تحفة
وسكرب سبا للوجة بينظف البشرة جدا بجد المجموعة كلها تحفة اووووووووووووووى

علم قلبي كتب:: ان شاء الله سجود الاوردر والمنتجات تطلع في السليم ان شاء الله

كنت عاوزة اقولكم علي سكرب سبا السويدية بتاع الجسم الي في صفحة 74 اول مرة ينزل بالسعر دة ماحدش يفوتو يا بنات بجد تحفة
وسكرب سبا للوجة بينظف البشرة جدا بجد المجموعة كلها تحفة اووووووووووووووى

والله أنا بقول نفس الكلام ده
أصلا مجموعة سويدش سبا روعه.. أنا جايباها كلها!!

ازيكوا ياجماعه وسلام مخصوص لأيه
انا هاجيب الشهر ده حاجات وتقولولى رايكم فيها
1-power shine ململع الروز
2- silk &cashemerer bath&shower creme and body lotion
3-tea tree purifiying wash&tone gel
4-water proof mascra coce 13877 page 45
5-divine body spray
وايه حكايه السكرب سبا .... بيعمل ايه؟؟
الحاجات دى كويسه ولو فيه حاجات حلوه فى البرموشن انتوا جربتوها ونازله الشهر ده قولولى علشان اعمل الاورد بتاعى
شكرا يا جماعه

دلوقتى ياجماعه انا عيد ميلادى يوم 3-11 قالولى لو جمعت 50 نقطه هاكسب شور جيل طب لو جمعت اكتر من كده هاكسب ايه؟؟؟؟
فين الدوف بتاع شهر 11 عايزه اعرف انا جمعت كام نقطه قبل مااروح اعمل الاوردر
شكــــــــــــــــــــــــــــــــــــــــــــــــــــــــــــــرا كتيييييييييير

Manal El-Kafas كتب:: دلوقتى ياجماعه انا عيد ميلادى يوم 3-11 قالولى لو جمعت 50 نقطه هاكسب شور جيل طب لو جمعت اكتر من كده هاكسب ايه؟؟؟؟
فين الدوف بتاع شهر 11 عايزه اعرف انا جمعت كام نقطه قبل مااروح اعمل الاوردر
شكــــــــــــــــــــــــــــــــــــــــــــــــــــــــــــــرا كتيييييييييير

اولا عيد ميلاد سعيد ححبيبتى

بالنسبة لدوف اللى بتنزله هى رشا واعتقد ان النت بايظ عندها جداااا لانها مش بتخش ديما الا قليل
ام بالنسبة انك عوزة تحسبى النقاط وعدها على حسب منتجاتك اللى طلبها
حقولك تعملى ايه فى حالة ان ما نزل الدوف خلال ايام وانتى عوزة الطلبية
هاتى سعر كل منتج لوحده
يعنى مثلا لو منتج ثمنه 29 يبقى تحسبى النقط بتاعت المنتج ده كالاتى
29\ 3 = 9 وكسور
بس سيبك من الكسور كلها وخدى ال9
وهكذا لكل منتج
لحد ما تخلصى تجميع نقاط كل المنتجات واحسبها وانتى تعرفى اكتر من ال50 او اقل من ال 50
ويارب اكون قدرت اوصل ليكى شىء

بس فى سؤال ممكن

هم لما يجى يوم عيد ميلاد اى عضوة فى اوريفليم بيعمله ليها هدايا والا ايه
ياريت تقولى ليا عشان بس اعرف وكلنا نعرف يعنى

ايوة يوم عيد ميلادك تعملى الاوردر او اليوم الى قبلة
ولازم تكون قيمة الاوردر50نقطة
وتقوليهم انة عيد ميلادك النهاردة او بكرة
وهو هيخيرك بين تلات منتجات
وانتى تختارى واحد
وانا معايا خيرنى بين شاور وشامبو وبلسم
واخترت شاور الزبادى والخيار
مش عارفة باة هل الاختيارات دية بتبقى ثابتة
ولا فى منتجات تانية وممكن تتغير

ميرسى يا رحاب وسجود بجد ربنا يجازيكوا خير
شكرا على ردكم لى

بس حد يقولى رايكم ايه فى المنتجات اللى هاجيبها
مستنياكم

ومعلش واللة يا منال انا بجد ما جربتش حاجة
من المنتجات دية
وان شاء اللة حتى يكون جربها ويفيدك
وبالتوفيق حبيبتى

ميرسى جدا يارحاب ربنا يخليكى لى وان شاء الله بقيه الاعضاء يردوا على
ربنا يخلينا لبعض Embarassed

لا شكر على واجب يا قمر flower

» حصريا منتجات اوريفليم الجديدة لشهر يونيه بالصور
» وصول منتجات اوريفليم 18 نوفمبر 2015
» منتجات اوريفليم غير المتوفرة في اول شهر نوفمبر 2015
» وصول منتجات اوريفليم للمخازن 9 نوفمبر 2015
» منتجات اوريفليم المحتملة الوصول 11 نوفمبر 2015