سؤال غريب جدااا

لاقبت حاجه منتشره اوووي بين البنات اللي هيا استعاره الكود الخاص بلعضوه وتجيب اللي هيا عايزه بلكود بتعها علشان تستفيد من الخصم طبعا العضو هيستفاد من عدد النقاط طيب لو في هدايا ب بتروح لمين وكمان هدايا النقاط وهل ده في مشاكل بلنسبه للعضوه انها تدي الكود بتعها لحد يعمل بيه مشتريات؟وهل ممكن يعمل بيه مشتريات بالاجل ؟ واد ايه ولمده كام؟ولا الاجل مخصص للعنوان بس بتع العضوه

للأسف الموضوع ده بيحصل فعلا.. وحاجات أوحش من كده كمان جوه الفرع..

الواحده تدي الكود عشان الناس تشتري بيه وده مش صح عشان زي مانتي قلتي الهدايا وخلافه..
يعني لو واحده عامله نقط كتير.. وبقيلها شويه علي الهديه بتاعة برنامج الأعمال.. التانيه هتاخدها لو المنتجات اللي جايباها تكمل النقط..
وممكن بردو تكون سايبه فلوس في الأكونت بتاعها.. فالتانيه تاخدها..
من ناحية اذا كان في مشكله ولا لأ.. فهو المفروض اللي يجيب الحاجه الشخص نفسه صاحب الكود.. وخصوصا في موضوع الآجل طبعا..
لأن في الآجل بيطلبوا يشوفوا البطاقه.. ولو كان حد من أهلك.. بيطلبوا تفويض.. مابالك بواحده ملهاش علاقه بيكي..
وغير كده.. ممكن اللي أخدت الكود تعمل مشكله.. فيوقفوا الكود...

ياريت والله الناس متعملش الموضوع ده.. ويعرفوا أن أوريفليم مش فلوس ومنتجات مجانيه وبس.. والي أي واحده بتعمله في وش الشركة يعني..

والله أنا بشوف مهازل في الفرع.. الناس لو شافوا واحده مش عضوه يجروا عليها ويدوها استمارة عضويه مكتوب فيها اسمهم والكود.. عشان البنت يادوب تكتب بياناتها وتديها للكاشير عشان يعملها عضويه..
ومره بردو شفت واحده جايبه كذا ماسكارا.. بتاعة فيجنز.. وطبعا عشان مش حلوه فعايزه ترجعهم.. لقت واحده بتسأل علي ماسكارا.. فقالتلها أهو.. خدي واحده!!!
أولا المنتج مش حلو.. ازاي تغش البنت وتقوللها خدي.. وهي عارفه أن في أحسن من كده..وثانيا..المفروض بيع المنتجات بين الأعضاء غير مسموح بيه في الفرع..

ومره تانيه شفت واحده ست.. أمية أصلا.. ومشتركه في أوريفليم معرفش ازاي.. ولقيتها بتكلمني وبتوريني كتالوج عشان تبيعلي ملابس من مجموعة ايل!!

بس معلش.. أنا شايفه ارتفاع الأسعار دلوقتي في اوريفليم.. هيجي مصلحه..
لأنها هتستهدف طبقة معينه من الناس..

معلش أنا طولت.. بس كنت حابه أتكلم شويه :)