عاوزة اعمل ريجيم

انا عاوزة ابدا اعمل ريجيم لاني لاحظت اني زدت شوية في الشتا وعاوزة اظبط وزني قبل الصيف مايبدا
بس كنت عاوزة حد يساعدني بحاجة ممكن تزود معدل حرق الدهون شوية

طيب ياريت حد يساعدني في حكاية حرق الدهون دي

طيب يا وردة احنا ممكن نشجع بعض
بس نتفق علي نظام

بالنسبه للريجيم تبعى مع دكتور احسن انا صاحبتى 80 كيلو وبتبع مع دكتور وبتاكل اللى هو عايزاها بس بمعدل بردو وبتاخد ادويه وممكن كمان تشربى شاى اخضر كتير وخس وكيوى انا شايفه ان التخسيس اسهل من التخن انا بقى نزلت اوووى بقيت 46 كيلو تخيلى موش هابن بعد كده بس انشالله يا قمر تثبتى ع الوزن اللى انتى عايزاه

هو ممكن يكون نظام غذائي معاه رياضة نص ساعة مثلا يوميا

ممكن يا sandrala
تساعدينا في حكاية الادوية دي ومشروبات ايه تاني للتخسيس غير الشاي الاخضر
انا كنت متابعة مع دكتور من كذا سنة وخسيت وبقيت تمام وكان كاتبلي حاجات ممنوعة وحبوب بتساعد علي الحرق بس بصراحة ده من فترة طويلة يعن 4 او 5 سنين ومش فاكرة كان ايه اسمها

بصوا يا قمرات انا لما احب اظبط وزنى اشرب شاى اخضر وان شاء اللة هشترى جهاز اب روكيت لتخسيس البطن علشان الحمل والولادة عملوا عمايلهم معايا

لا بلاش المشروب ده ارجوكي انا مش بستحمل ريحته حتي فظيعة وطعمه وحش جدا جدا

د ورده كتب:

شاى اخضر اللى هو رويال ولا ليبتون العادى ؟؟؟؟؟

لآ يا رورى دة شاى اخضر ورق بيتباع فى علب من عند اى عطار نضيف العلبة ب5 جنية

انا بحاول افتكر في اسم الحبوب مش فاكرة
بس هي كانت حلوة وبتجيب مفعول كويس ومش باكل كتير

مفيش حد بيشارك معانا ليه
الظاهر كلهم خسين ومظبطين نفسهم

في شاي ليبتون اخضر بالنعناع طعمه حلو
ده ينفع برده؟؟؟؟

فعلا القرفة والجنزبيل بيحرقوا بس الجو دلوقتي مدفي شوية مش حتقدروا عليهم
كمان الشاي الأخضر حلو انا بستعمل تويننجز بس بشربه بالنعناع عشان هو طعمه شبة ورق الجرايد

كمان انا اتعلمت حاجة المشروبات اللي مش تستحملي ريحتها ولا طعمها اشربيها بارده زي الأجانب ما بيشربوا الشاي بارد بالتلج كده

بس اهم شيئ فعلا اننا نتابع مع دكتور
انا كنت متابعه مع دكتور كان بيتبع نظام هرموناتي شوية ومن غير ادوية ولا اي حاجة
اكل اللي عايزاه بس بحساب هو كاتبه زر ومكرونه ومحشي وكبده عشان ميجيش انيميا بس بحساب عين 5صوابع محشي مثلا وميكونش معاهم اي نوع نشويات في نفس اليوم وكنت عادي باكل العيش الأبيض الشامي مش السن
وقاللي اهم حاجة اني ماكلش بصل ولا توم اي بصل او توم كان بيبان على الميزان فورا كمان كان محدد لي انواع معينه من العصاير الطبيعيه اشرب منها
قاللي مبداش الرياضه غير لما يقوللي عشان لما يبدأ جسمي في الحرق الأول
هو كان لاسع شويتين وبيدخن زي مدخنه القطار بس كان شاطر
وللأسف مكملتش معاه دخلت في مواويل الجواز وكده

بس اهم حاجة في موضوع الريجيم بالنسبة لي اني بطلع همي وزهقي في الأكل ساعات باكل اكل زهق
بكون شبعانه لكن عايزة احرك بقي وخلاص ومش عايزة اكل مستيكة عشان بتزود على الزهق الصداع فباكل

ازيك ياوردة
اخبارك ايه ؟؟ واخبار الريجيم ايه ؟؟؟؟
انا ان شاء الله هحاول امشي كل يوم نص ساعة
في اقتراح عندك بخصوص الرياضة غير المشي
وبالنسبة للنظام الغذائي فانا مش فاكرة النظام اللي كنت ماشية عليه

الموضوع دة حلو جداااااااااااااا وجة في وقتة
انا كمان لسة بداة انظم فى اكلى لانى لقية وزنى زايد حبتين ... تلاتة واربعة كمان
وبدات انظم اكلى وانا عاندى جهاز اوربتراك بدات العب علية وبفكر اشترك في جيم لان جسمى متبهدل من الحمل والولادة بس ياريت لو حد يعرف نظام رجيم كويس نجرب نمشى علية ونشجع بعض

هههههههههههههه ماااشى يا نونا انا فعلا هامشى وانا زحلانه منك بقى ده انتو اللى بتغظوينى انا والله نفسى اتخن موش عارفه لو حتى 5 كيلو بس موش عارفه ازاى نزلت ااوووى وخلاص شويه وهاختفى والله بس ياااا بنات اهم حاجه الميه اشربى كل شويه مياا هقولكم مثلا طبعا الصلاه 5 مرات ف اليوم اما نصلى الصبح تخدى ازازه مياه وتشربى فيها ع مراحل لغيط الضهر ومن الضهر للعصر وهكذا وحتى التمارين ف البيت موش محتاجه جيم حتى لو معندكيش وقت مع انى هاموت واروح جيم بس للسف هروح مع مين وكمان تانى بقول الشاى الاخضر بعد الاكل هيريح معاكم اوووى والمستكيه بدون سكر بتحرق الدهون وبتساعد ف تقليل الوزن وكمان يا قمرات كلوا فاكهه كتير ما عدا طبعا المانجو والموز وخضروات بردو وخس كلوا خس ع قد ما تقدروا وياريت بقى لو هتاكلوا سمك بلاش مقلى غير فين وفين امشوا ع المشوى وابعدوا بقى عن المشروبات الغازيه والشيبسااات وانشاء الله كل قمريه تبقى بالوزن اللى عايزه وربنا كمان معايا واتخن شويه محدش عجبه حاله والله يلا الحمد لله اتمنى اكون افاتدكم وصاحبتى بتروح للدكتور تخسيس هعرف معلومات منها واقولكم يا احلى بنات

sandrala كتب:

هههههههههههههه ماااشى يا نونا انا فعلا هامشى وانا زحلانه منك بقى ده انتو اللى بتغظوينى انا والله نفسى اتخن موش عارفه لو حتى 5 كيلو بس موش عارفه ازاى نزلت ااوووى وخلاص شويه وهاختفى والله بس ياااا بنات اهم حاجه الميه اشربى كل شويه مياا هقولكم مثلا طبعا الصلاه 5 مرات ف اليوم اما نصلى الصبح تخدى ازازه مياه وتشربى فيها ع مراحل لغيط الضهر ومن الضهر للعصر وهكذا وحتى التمارين ف البيت موش محتاجه جيم حتى لو معندكيش وقت مع انى هاموت واروح جيم بس للسف هروح مع مين وكمان تانى بقول الشاى الاخضر بعد الاكل هيريح معاكم اوووى والمستكيه بدون سكر بتحرق الدهون وبتساعد ف تقليل الوزن وكمان يا قمرات كلوا فاكهه كتير ما عدا طبعا المانجو والموز وخضروات بردو وخس كلوا خس ع قد ما تقدروا وياريت بقى لو هتاكلوا سمك بلاش مقلى غير فين وفين امشوا ع المشوى وابعدوا بقى عن المشروبات الغازيه والشيبسااات وانشاء الله كل قمريه تبقى بالوزن اللى عايزه وربنا كمان معايا واتخن شويه محدش عجبه حاله والله يلا الحمد لله اتمنى اكون افاتدكم وصاحبتى بتروح للدكتور تخسيس هعرف معلومات منها واقولكم يا احلى بنات

شكراااااااا على المعلومات بس اية المستكيه دى وبتتعمل ازاى
وعلى فكرة انتى وزنك كدة حلو قوى لان لسة بعد الجواز هتزيدى فمتقلقيش

المستيكه يا ايمى اللى هى اللبان دى لا والله يا ايمى ولا هزيد ولا نيله انا خلاص حسيت انى هفضل كده مع انى باكل حلويات كتير وبعتبر باكل يعنى ساعات موش باكل ف اليوم الا مره واحده ووجبه خفيفه بس باكل الحاجات اللى فيها سعرات حراريه كتيررر انا زهقت عايزه اتخن شويه بقىىىىىىىى

شكلك موش من اليكس من كايرو يا ايمى عشان كده انتو بتقولوا عليها لبان احنا بنقول عليها مستيكه