تغطيه كتالوج ابريل

ميرسى ياوردة ع الموضوع الجميل انا كنت بفكر اعمله بردو كويس انك عملتيه
وانا هبدا واسالكم ع الحجات الى بفكر اجيبها وياريت الى جربها يقولى رايه ايه
مبدايا كدا انا بفكر اجيب
فرشاه البلاشر الى نازلة ب 29ج وعايزة اعرف حد جرب فرش اوريفليم واخبارها ايه ؟
وكمان عايزة اجيب المراه الكحلى الى ب 19 ج ودى انا شوفتها مع واحدة صحبتى وعجبتنى عشان كدا هجبها ان شاء الله
وبفكر اجيب اسكرب الايدين الى بينزل مع مجموعة الهاند كريم الى باللوز هو تقريبا ب 27ج وعايزة اعرف حد جربه وايه رايكم فيه ؟
كمان بفكر ف قلم الكحل الابيض الجديد وعايزاكم تقولولى هو بيتحط لوحده كدا جوه العين وهيبقى شكله عامل ازاى
هى دى الحجات الى بفكر فيها دلوقتى وممكن اضيف حاجة تانية بعد كدا

يا جماعه كود كتالوج ابريل ايه؟؟؟

انا كمان عاوزه اعرف سكرب الجسم ميلك اند هانى دا حلو ولا لا وكمان شامبو هير اكس الفضى وعاوزه اعرف برفان رجالى يكون حلو فى حلاوه ارتيكيت وسيجنتشر كده او احلى كمان

وردة وحشاني يا جميل اخبار الشغل ايه خلعتي كام ضرس ؟؟؟؟؟؟؟؟؟؟
شكرا يا قمر على الموضوع كنت لسه حسال عليه؟
حتجيبي ايه بقي من كتالوج 4؟؟؟؟؟؟؟؟؟؟؟
انا ناوية ان شاء الله اجيب من مجموعه البادي بيرفكت اللوشن الجديد ولوشن الأذرع والأرجل
كمان ناوية اجيب التندر الجديد-يارب يكون متوفر-
وكمان عايزة اجيبت ان شاء الله بارفان اللوف بوشن
وملمع الشفاه اللي نازل على 200جنية كتالوج

بحاول افتكر
ايمان البنات عندي جربوا السكرب بتاع اللوز بتاع لأيدي وعجبهم بس هو مبقاش بينزل
هو نازل في كتالوج 4؟؟؟؟؟؟؟؟؟؟
سارة سكرب السكر بتاع الميلك اند هاني عندي وجربته بصي هو اخشن شوية من السكرب العادي اللي هو زي بتاع التوت بتاع مجموعه ناتشرز-لو كنتي جربتيه-
وخشونته دي عجبتني لأني حسيت انه شال كل الجلد الميت كمان ريحته روعه ورغوته كتيرة نقطة حتعمل معاكي رفوة حلوة هو مشكلته سعرة !!!!!!!!!!!!!!!!!! بس بصراحه يستاهل

ايوة يادينا سكرب اللوز بتاع الايدى نازل ب 27ج

طب كويس جدا فرصة اني اجيب منه شكرا يا ايمان

العفو يادودو انا كمان هجيبه ان شاء الله بس يارب ينفع مع ايديا دى الى كل ايد لون والله بقيت بتكسف منها يارب يجيب معاها نتيجة ويرجعها للونها الاصلى

ان شاء الله يا ايمان بس انا اللي عندي شكروا فيها كانت ايدهم مش ملونه لأ كانت شديدة الجفاف وبتقشر من شغل البيت وعوامل الطقس واللذي منه وهما دول اللي شكروا فيها
للأمانه مش اكتر حبيت افهمك

ميرسى يادينا اهو نجرب مش هنخسر حاجة يمكن يعمل حاجة يعنى اهى محاولة
اانا نفسى اجيب الهاند كريم بتاع سويدش سبا بس مش راضى ينزل واخر مرة كان نازل بسعره الاصلى مش عليه خصم ومن فترة كبيرة

ربنا يكرم وينزل عشان تجربية لأنه تحفة بجد

يااااااااااارب

rovan mohamed كتب:

يا جماعه كود كتالوج ابريل ايه؟؟؟

تسلم ايدك يا ورده ع الموضوع وعقبال كل شهر اما نكون مع بعض كدا ونشوف وناقش هنجيب ايه كل شهر

معلش يا وردة ياحببتى جاوبت على ساندريلا وروفان الاول قبل ما قولك تسلم ايديك عالموضوع وكل شهر وانتم طيبين يابنات

انا بفكر اجيب قلم الكحل الجديد الاسود اللى نازل تفتكرو انه كويس ولا الرول اللى كان الشهر دا احسن وبفكر اجيب الايلينر بتاع فرى مى الاخضر والازرق لوحدة صحبتى ايه رأيكم فيهم وماسكرا وندرلاش كدا سعرها كويس ؟ وايه رأيكم فبرفان ايكلا اللى على200ج
ريحته عاملة ازاى وايه درجة ثباته وظهور ريحته فواح ولا لا ؟
والبقية تأتى ..........

ع فكرة كلنا بنسال بس ومحدش بيجاوب ايه يابنات فين الاراء ؟؟؟

انا بردو عابزة اعرف اخبار فرش اوريفليم اما اسكرب اليد يامون مون وحدة صحبتى شكرت فيه قوى فى تنعيم اليد وقليل من التفتيح نتيجة ازالة الجلد الميت اماالكحل الابيض انا معرفش عنه حاجة ولا سكرب العسل

الكتالوج بجد عجبني جدااااااااااااا وفي حجات كتير عايزه اشتريها
- هجرب تندر كير اللي بالكريز
- وهشتري كمان البيرفيوم اللي نازل جديد بريشس موومنتس ريحته عجباني جداااااااا
- وهجيب ماسكرا واندر لاش اللي فرشتها بمبي ... بس معرفش ايه الفرق بينها وبين الوندر لاش اللي فرشتها سودا ( ياريت تفيدوني ) اللي كانت نزله عرض ف اخر صفحه ف كتالوج شهر 3.
- وهشتري مغذي الاظافر لان العرض بتاعه تحفه .. انا كنت استخدمته قبل كدا وكانت ضوافري تعبانه قوي وبجد بقت قويه وجميله .
- هجيب ظل الجفون مونو كولور محتاجه لون ابيض .... هو كويس ايه رايكم فيه؟؟ انا جبت اللون البمبي منه قبل كدا بس معرفش بردو مقدرتش احكم ع مدي جملها
- بفكر اشتري جيل الحواجب ... ايه رايكم حد جربه؟؟
- هجيب معالج الحبوب بخلاصه الشاي والروزماري ووممكن اجيب الغسول بتاعه ... انا عندي حبوب بس بشرتي مش دهنيه معرفش دا هينفع معايا ولا لاء ... ياريت تفيدوني بردو
- نفسي اجيب بيرفيوم ميدنايت بيرل بس هجيب عبوة اعادة الملئ ... بس معرفش هيه نفس الجوده بتاعه البيرفيوم ولا لاء؟؟؟
- وهجيب الماسك اللي ف صفحه 148 ... بس ياريت تنصحوني ايه احلي واحد فيهم؟؟
-وهجيب بودره تلك جيورداني اللي ف اخر الكتالوج عرضها جميييييييييييل ... بس حد جرب ديفن وفولار ؟ هم حلوين ولا ايه ؟؟

امممممممممممم بس كدا كفايه عليا ههههههههههههههههههه بس انا اجمع فلوسهم ان شاء اله هههههههههههههههههههههه

بالنسبه للفرش انا جربت فرش ايفون وكلها عنندي 4 فرش .... بجد فظااااع ونعمين جدااااااااااااااااا ع البشره ... اعتقد ان اوريفليم ف جودتهم بردو وممكن تكون افضل ... دا رائي

إزيك يا د وردة وحشاني يا قمر ... ربنا يبارك فيكي دايماً بتظبطي موضوع تغطية الكتالوج ربنا ميحرمناش منك و من مواضيعك
أنا شوفت الكتالوج من يومين بس مش فاكرة فيه حاجة من الواضح إن الزهايمر هيبدأ يشتغل هههههه بس أنا فاكرة إنه مجموعة أوبتيمالز الروز اللي للبشرة الجافة و الحساسة نازلة بنفس سعر شهر 3 و عشان كدة قولت لو مقدرتش أعمل أوردر الشهر دا هشتري منها الشهر الجاي لأن رورا كانت بتشكر في الكريم بتاعها بس إحتمال مشتريش المجموعة كلها و مش عارفة أشتري كريم النهار و الا الليل ؟؟!!!
كمان في روج و أكلادور لونهم فظيع بينور في الضلمة أختي هتموت عليه من الشهر اللي فات فإحتمال لو ذاكرت الشهر دا أعملها مفاجأة وأشتريهولها

مونمن أنا مجربتش مجموعة الإيدين اللي باللوز لكن أنا فاكرة أن في حد شكر أوي في الهاند كريم اللي باللوز و أعتقد إن الأسكرب هيكون حلو إن شاء الله زي ما دينا قالت

سارة أنا هقولك على البرفانات اللي إشتريتها لأخويا أو جربت التيستر بتاعها و إنتي عيشي حياتك .... السيجنتشر طبعاً تحفة و ثابتة و إشتريتله المجموعة كلها ... سول كنت هموت و أشتريهاله لأنه حلو أوي بس كنت أتنفضت و هي عند إبن عمتي و حلوة أوي أوي و ثابتة ... الدي ماركو أشتريت لأخويا إتنين و عاجباه جداااااً و ريحتها قوية و ثابتة بصراحة أنا بحب السول و السيجنتشر أكتر بس أخويا طاير بالدي ماركو و أكيد طبعاً مش هنسى إن نادر اللي كان معانا في المنتدى ربنا يباركله هو اللي نصاحني اشتريهاله وقتها و كان بيشكر فيها جدااااااً.... الإسيندت السودا حلوة أوي جربت التيستر بتاعها و كنت هشتريهاله في شهر بس تقريباً كانت خلصت أو معملتش أوردر حاجة زي كدة ...الجلاسير هادية بس مش ثابتة يعني تنفع للصبح ... ميدسمر هادية و ثابتة بس برضه تنفع الصبح ... الجيورداني أنا متلخبطة بين البني و الزرقا أنا شميت تيستر الإتنين في واحدة كانت ريحتها بشعة كأنك بتشمي فلفل أسود و توابل و التانية كانت حلوة بتهيألي البني هي اللي كانت على فلفل أسود و الزرقا كانت حلوة بس مش متأكدة ... يارب اكون أفدتك و لو بجزء بسيط

معلش يا جماعة باقي الأشئلة سامحوني فيها و إن شاء الله حد يقدر يرد عليكم و يفيدكم

monmon mony كتب:

ع فكرة كلنا بنسال بس ومحدش بيجاوب ايه يابنات فين الاراء ؟؟؟

ليه بس يا مونمون انا جاوبتك وجاوبت سارة
وبعدين الموضوع لسه معمول وصاحبته مدخلتش غير مرتين نصبر لحد ما كلنا نشوفه وحتلاقي الرد يا ستي

اقتباس :

وهجيب ماسكرا واندر لاش اللي فرشتها بمبي ... بس معرفش ايه الفرق بينها وبين الوندر لاش اللي فرشتها سودا ( ياريت تفيدوني ) اللي كانت نزله عرض ف اخر صفحه ف كتالوج شهر 3.

انا حساهم يا سالي نفس الشيئ والفرشه هي هي ومش عارفة الفرق ياريت حد يقدر يقولنا

اقتباس :

وهشتري مغذي الاظافر لان العرض بتاعه تحفه .. انا كنت استخدمته قبل كدا وكانت ضوافري تعبانه قوي وبجد بقت قويه وجميله .

فعلا المقوي ده جميل جدا

ظل جفون المونو كلر اللي في ص 53 دي جميلة جدا والوانها ثابته جدا وبتعمل جافه ومائية
انا جربت درجه 22549

جيل الحواجب يا جماعه حد جربه عايزين فدائية تجربه وتقولنا عليه

هاتي المعالج يا سالي وكتجيبيش الغسول طالما بشرتك مش دنيه والغسول بتاع التوت والللافندر حيكون احسن معاكي

الماسك في 148 انا بستعمل الروز ومناسب لبشرتي وهو كلاي ماسك

والبودرة في اخر الكتالوج ريحتها زي البارفانات بتاعتها

Pure Snow كتب:

[color=olive]إ هههههه بس أنا فاكرة إنه مجموعة أوبتيمالز الروز اللي للبشرة الجافة و الحساسة نازلة بنفس سعر شهر 3 و عشان كدة قولت لو مقدرتش أعمل أوردر الشهر دا هشتري منها الشهر الجاي لأن رورا كانت بتشكر في الكريم بتاعها بس إحتمال مشتريش المجموعة كلها و مش عارفة أشتري كريم النهار و الا الليل ؟؟!!!
كمان في روج و أكلادور لونهم فظيع بينور في الضلمة أختي هتموت عليه من الشهر اللي فات فإحتمال لو ذاكرت الشهر دا أعملها مفاجأة وأشتريهولها

ربنا يخليكو لبعض يا بيور وميحرمكوش من بعض

انا رأسس المتواضع انك لما تجيبي مجموعه هاتيها كلها واستعمليها كلها عشان تشتغل حلو معاكي حتي لو كان هدفك الترطيب اليومي العادي مش برنامج -بعد الشر عنك -لتجاعيد -

وعلى فكرة انا كنت بفكر اجيب اللوان المانيكير دي بس المشكلة ان الوانهم ممكن تغمقني لأن ايدي سمرا ممكن الروج يجي على بس انا مش بحب احط روج حتي في البيت بيبوظ الكوبايات وانا اللي بغسل