واقي من اشعة الشمس ( صن بلوك)

لو سمحتو كنت عاوزة اعرف اسم صن بلوك بس يكون حلو
انا بشرتي دهنية

بيودريما حلو اوى وكتير شكروا فبه هنا فى المنتدى بلاش بتاع اوريفليم محستش معاه بنتيجه لاعكس حسيت انى اسمريت اكتر

فعلا عن تجربه انا بستخدم بيوديرما حمايه 100 جميله جداااا وبيحمى فعلا تمنه حوالى 105 فى الحدود دى

طيب هو اسمه كده يعن اقول للصيدلي عاوزة بيو ديرما
ولا ليه اسم تاني ؟؟؟؟؟؟؟؟؟؟
وينفع للبشرة الدهنية ؟؟؟؟
وانا مش بحط ميكياج وانا خارجة فعادي احطه واخرج ولا ايه ؟؟؟

اها يناسب بشرتك ان شاء الله

وانا زيك مش بحط ميك اب وبخرج بيه عادى

اسمه photoderm max 100

bioderma

الماركه دى مشهوره جدااااا متقلقيش اول مهاتقوليله هيجيبهولك بس خلى بالك من الاصلى ابعدى عن التقليد

وزى ماقولتلك سعر الاصلى بيكون فى حدود 105 كده ال100 ملل

الف شكر ياعسل

معلش هتعبك معايا
انا عملت سيرش علي النت دلوقتي عليه ولقيت منه نوعين
نوع شفاف ونوع فيه كريم اساس وليه درجتين
بتستخدمي نوع ايه فيهم ؟؟؟
واستخدمه ازاي قبل ما اخرج علطول ؟؟؟؟

بستخدم الشفاف وقريته عنه دلوقتى برضو لقيت انه منه نوعين

1_واحد شفاف :

ومنه تلات انواع

فلويد للبشره الدهنيه دا اللى تجيبه ان شاء الله

وميلك للبشره العاديه ىا اللى عندى

وكريم للبشره الجافه

2_واللى عامل زى الفونديشن Photodrem Tinited

تستخدميه قبل ماتخرجى ب30 دقيقه علشان الكحل اللى فيه يطير فديلك النتيجه المطلوبه ام لو حطيته وخرجتى على طول ممكن يدى نتايج عكسيه

وكمان تحطى كميه قليله على وشك يعنى يدوب بس يغطى الوش

دى صوره اللصن البلوك الاصلى

واقي من اشعة الشمس ( صن بلوك) 13086997365026

اه هو ده اللي انا دورت ولقيته فعلا
شكرا ليكي ياعسل
وان شاء الله اجيبه

ورده هو بيتحط تحت العين كمان
انا بشرتى دهنيه وبحط ميكب خفيف واهم حاجه الكونسيلر
اجيب اللى فيه فونديشن واحطه تحت العين ولا اعمل ايه

بصى انا عموما مش بحط تحت عنيا لان المنطقه دى حساسه جدا واكيد ليها صن بلوك مخصوص

بس بحط كونسيلر جيوردانى اللى بالطحالب واحيانا كونسيلر ارتيسيت علشان لون الصن بلوك بيكون فاتح والمنطقه اللى حوالين عنيا بتكون اغمق شويه من لون وشى فبستخدمه كهاى لايت

وبلبس نضاره شمس اصليه وبالتالى مش بتتعرض المنطقه دى للشمس

لاء يا هبه الصن بلوك مش بيتحط حول العين

ايوه يل بنات هو ده اللى انا كان قصدى عليه هو فعلا ب100 و بس اخر مره سال عليه ب120 وكنتم بقالكم قبل كده هنا ف موضوع ان الناس بيتشتروا اللى ف نسبه كريم اساس عشان مينفعش تحطى ميكب او بودره فوق الصن بلوك عشان ميعملكيش بقع اما العادى اللى هو كريم ابيض ده للناس اللى موش بتحط ميكب عادى واقي من اشعة الشمس ( صن بلوك) 565743

طيب الصن بلوك مش بيتحط تحت العين امال احط ايه...........انا مش بحب البس نضاره كتير وبقالى قرن عايزه اجيب نضاره اصليه ومش عارفه قولولى اجيب ايه وهتكون فى حدود كام؟؟؟؟
وايه هو الكونسيلر اللى عامل زى الهاى لايت ده ياورده فهمينى

بصى ياقمر النضاره بتاعتى من ماركه verace ايطالى جبتها من ستين فى حدود 500 جنيه
اهم حاجه تروحى لحد معروف بحيث تجبى حاجه كويسه

والكونسيلر دا بتاع جيوردانى جولد اللى بالطحالب وفى كونسيلر استديو ارتسيت

بيتحط تحت العين مفروض انه بيغطى الهلات وبينور المنطقه دى

بس انا يا بنات دلوقتى مش فاهمه حاجة

انا عاوزاه صن بلوك عشان داخلين على الصيف وانا بشرتى بتبقى دهنيه فى الصيف بس بحد ميكب قولولى اجيب انهى نوع بقا اه انا بستخدم كريم اساس الاستيك دبل كور بالصيف؟؟؟

لو عايزة تحطى كريم اساس فوق الصن بلوك يبقى هاتى الشفاف اللى هو invisible

ولو عايزة متحطيش كريم اساس هاتى Photodrem Tinited
الدرجه اللى تناسبك منه لانه درجتين

بس نصيحه منى يانيره انا حاسه ان كريم اساس على صن بلوك هيكون تقيل على البشره شوفى كده لو تجيبى اللى فيه كريم اساس اكيد هيبقى اخف من الاتنين على بعض وجربيه يمكن تلاقيه افضل

واللى يناسب بشرتك fluid Embarassed

اوك يا رودتى واقي من اشعة الشمس ( صن بلوك) 855315

شكرا اوى ليىك بس فلويد دة هايبقى سائل وانا بشرتى بتكون دهنيه دااا

ممكن تجيبي الكريم التينيد ده اللي شبة كريم الأساس وتكتفي بالبودر فوقة من غير كريم اساس لأن كريم الأساس حيزود الدهنية

rose_elmansoura كتب:: اوك يا رودتى

شكرا اوى ليىك بس فلويد دة هايبقى سائل وانا بشرتى بتكون دهنيه دااا

بالعكس يانيره فلويد دا يعنى سهل الامتصاص خفيف وهو اصلا مناسب للبشره الدهنيه زى فكره اللوشن كده

ان شاء الله اجيبه الصيف ده لأني مش بنزل في الشمس كتير في الزمهرير ده كمان الشمس اليومين دول واخده اجازة بتصيف في حته تانية؟؟؟؟؟؟؟؟؟؟؟ sunny

انا بقى هاجيب صن بلوك سولوشن من افون ده لو تعرفوا بس الحقيقه محتاره انهى نوع اجيبه اختى عندها واحد اللى لونه روز ده القديم وبيجى ع وشى اوى وحلو وموش بيدهن الوش بس موش نازل فمحتاره اجيب الاخضر ولا الفوشيا ولا الاورنج واقي من اشعة الشمس ( صن بلوك) 332753

مجربتهوش لكن ممنوع الكلام ده I love you

انا جربت الاخضر للبشرة المركبة وهو حلو وماشى معايا بس مش منتظمة عليه يعنى

امممممممممممم ميرسى يا مونى انا شكلى كده هاجرب الاخضر وخلاص بقى

مرسى يا وردة يا حبيبتى واقي من اشعة الشمس ( صن بلوك) 20726

» واقى الشمس
» كريمات الحماية من الشمس
» كريم حماية من الشمس
» ماسكات طبيعيه لحمايه البشره من الشمس ررو‘‘عـــة
» عرض عيد الحب من اوريفليم تخفيضات حتي 60% يبدأ 10 فبراير 2011