يلا باه يااحلو اخوات ادونى خبراتكو

انا جبت اللوشن بتاع ايسينشيال اللى هوه فوايده 5*1 ومش عارفه ده بيتغسل ولا بيتساب عالوش؟
وجبت برضو صابونه التفتيح بتاعه ايسينشيال فقولولى استخدم الاتنين مع بعض ازاااااااااى؟
وكمان عوزه اعرف مبيض الاظافر ده بيبض الضوافر فعلا ولا بيخلى لونهم ابيض زى المونوكير الفرينش وهل هوه بيتحط ويتشال يعنى ولا اسيبه وبيمنع الوضوء زى المونوكير ولا هوه مغذى للضافر وبس

ردو عليا بسررررررررررررعه

ريهام معلش عشان انا تهت انتي جبتي اللوشن اللي نازل مع الصابونه الشهر ده صح؟
لو كده يبقي الصابونه لها استعمالين اولها انك عادي جدا زي اي صابونه تحترم نفسها بتغسلي بيها وشك ترغي وتدلكي وشك وتشطفي
وممكن تعملي بيها ماسك بتبلي وشك على خفيف وبتبليها - الصابونه- وبعدين تمسكيها زي الرغيف الفينو بس متاكليها تدلكي بيها وشك حتبقي زي الكريم على وشك بتسيبيها على وشك شوية وبعدين تغسلي وشك عادي بس ده لو كان وشك دهني
اوعي تعملي كده لو جاف او عادي
واللوشن عادي بتحطيه بعد ما تغسلي وشك زي اي كريم
اما المبيض ففي نوعين اكتبيلي الكود بتاعه وانا اقولك ده اي واحد لأن في واحد عامل زي الماسك على الظوافر مكتوب عليه بيل اوف لو ده فده ماسك على الظوافر بتدهني بيه الظوفر وهو مفيهوش مانيكير بعدها بتستني شوية لحد ما ينشف خااااالص حتلاقيه عمل زي الجلد بتقشريه من ظوفرك
هو بيفتح شوية بس عايز استمرار

يعنى والله ماعارفه اقولك ايه يا احلى دندن فالدنيا وفيتى وكفيتى يا برنسيسه والله ربنا يكرمك
انا كنت فاكره اللوشن بيتغسل عشان كده كنت محتاره كنت فاكراه غسول يعنى بس كده انا الكريمات كترت عليا يعنى انا بحط الايفن اوت نهار وليل فاللوشن ده احطه امتى باه؟؟؟؟؟؟؟؟؟؟؟؟افتينى يا وزير
بالنسبه لمبيض الاظافر اه انا جبت اللى هوه بييل اوف ده فقوليلى استخدمه يوميا يعنى ولا كزا مره فاليوم؟ واسيبه شويه واروح مقشراه يعنى؟

لا يادينا هي تقصد التاني الجديد ال 5 في 1
وده بيتعمل بقطنه

ايون يا ساندى انا قصدى ال 5*1 طب يعنى احطه عاللقطنه وبعدين على وشى واغسله بعد كده ولا اسيبه؟

انتى يا ريهام قصدك اللى هو نازل ف شهر 3 جمب الصابونه اللوشن اللى ب27 ولا المنظف 5*1 بس ده موش نازل الشهر ده قصدك انهى

مش عارفه باه انا اتلخبطت هوه كود 13644 ونازل ب 15 للعضو

ايوه يا ريهام الكود ده اللوشن موش المنظف اللى 5ف 1 بس ده هيوقف ع العضو ب20 موش ب 15 يبقى انتى موش جايبه الشهر ده واستعملى زى ما دينا قالتلك اما المنظق 5 ف 1 ده حاجه تانيه

يعنى استخدمه كانه كريم مرطب ميتغسلش مش كده؟

ومعلش سؤال كمان تعبتكو معايا ياريت تقولولى اظبطه ازاى مع الايفن اوت النهار والليل والسيرم بتاعهم خايفه يكون كده غلط على بشرتى

لا يا ريهام استعملي الأيفن اوت ولما تخلصيه ابقي استعملي اللوشن ده
اما بالنسبة لماسك الأظافر عادي استخدميه كل ماتفضي

لا يا قمر متغسلهوش تستعملى بعد تنظيف بشرتك وتدلكى لغيط ما يتمص بشرتك وتسيبه وانا راى من راى دينا اما تخلصى الايفن تبقى تستخدمى عشان كده كتير اوى ع بشرتك مينفعش او ممكن تستعملى معاهم بس موش دايما مره كده حوال 3 ايام ولا حاجه

ميرسى خالص ليكو ربنا يخليكو ليا يا احلى صحاب فالدنيا

ريهام تبقى تقوليلى الصابونه عملت معاكى نتيجه وحلوه ولا لا عشان بفكر اطلبها وصاحبتى طلبها منى

بصى يا سندريلا نورت وشى من اول مره وخليته ناااااااااااااااعم بس ده تاثير وقتى معرفش عالمدى البعيد هتعمل ايه هبقى اقولك طبعا

اوك يا ريهام ميرسى ع ردك يا قمر وانشاء الله تبقى حلوه وتنور وشك ع طول موش فتره معينه

الصابونه جميلة جدا يا تقي ومناسبة اكتر لأصحاب البشرة الدهنية وفعالة قوي
اما اصحاب البشرة المركبة والعادية ممكن يستعملوها بس يحطوا بعدها كريم مررطب وطبعا بينصح باستعمال المجموعه كلها
اما البشرة الجافه لالالالالالالا يمتنعوووووووون

ريهام الايفن اوت ايه اخباره معاكى المفروض انا وانتى استخدمناه مع بعض فرق ايام بس
ايه النتيجه لحد دلوقتى

dinaali كتب:

الصابونه جميلة جدا يا تقي ومناسبة اكتر لأصحاب البشرة الدهنية وفعالة قوي
اما اصحاب البشرة المركبة والعادية ممكن يستعملوها بس يحطوا بعدها كريم مررطب وطبعا بينصح باستعمال المجموعه كلها
اما البشرة الجافه لالالالالالالا يمتنعوووووووون

ليه لأ كتب:

ريهام الايفن اوت ايه اخباره معاكى المفروض انا وانتى استخدمناه مع بعض فرق ايام بس
ايه النتيجه لحد دلوقتى

بصى هيا البقع بهتت شويه بس مش خالص يعنى بس لما اعتمدت على كريم النهار وحده ومبقتش احط الصن بلوك بتاعى اسمريت لان حمايه 20 قليل وانا كنت بستخدم حمايه 100 وبشرتى حساسه للشمس موووووووت فرجعت تانى للصن بلوك بتاعى
وانتى ايه اخباره معاكى؟؟؟؟؟؟؟؟

د-ريهام كتب:

ليه لأ كتب:

ريهام الايفن اوت ايه اخباره معاكى المفروض انا وانتى استخدمناه مع بعض فرق ايام بس
ايه النتيجه لحد دلوقتى

بصى هيا البقع بهتت شويه بس مش خالص يعنى بس لما اعتمدت على كريم النهار وحده ومبقتش احط الصن بلوك بتاعى اسمريت لان حمايه 20 قليل وانا كنت بستخدم حمايه 100 وبشرتى حساسه للشمس موووووووت فرجعت تانى للصن بلوك بتاعى
وانتى ايه اخباره معاكى؟؟؟؟؟؟؟؟

انا كمان يا بنات بداه معاكم اما مداومه بنسبه 85 % بس حاسه انها بهتت فعلا بعض من الاثار والبعض الاخر وقتى ساعت لما بصحى الاقيها فاتحه شويه وطل اليوم زى ماهيا انا حاسه انه ملوش فايدة وكنت لسه هاعمل موضوع بكرة عليه

بصي يا تقي انتي ممكن تعرفي نوع بشرتك من حاجات كتير
مثلا لون ان فيها حبوب او (مزيته)بالبلدي كانك حاطه عليها زي او بتلزق تبقي دهنية
اما لو بتشد جامد ومبتصدق-بشرتك طبعا-انك تتعطفي وتفتكريها بشوية كريم ساعتها بتتشربه على طول من غير كلام وتقول انا عايزة من ده يا حزمبل تبقي جافه -بشرته والله -
اما بقي لو في مناطق مرطبه ومناطق فيها قشور مثلا او شد او قلة ترطيب -لاحظي اني بتكلم عن البشرة شتااااااااااااااءااااااااااااااا- وخاصه منطقة الأنف عليها زيت شوية او دهون -ملهاش علاقة بالبثور السوداء على فكرة- تبقي مركبة عادية
ولو يا ست البنات عندك مناطق فيها حبوب ومناطق تانية عاديه بتجف في الشتاء وفي الصيف مش فارق معاها تبقي مركبة دهنية
اما بقي لو كنتي في الصيف بتبقي عادي خالص الدنيا وردي ومن اقل لمسة كريم بتنتعشي وفي الشتاء معقول برضه من برضه اي كريم بتتظبط عندك الأمور يبقي مبروك انتي بشرتك عادية
شوفي انتي مين في دول
على رأي سعاد حسني في خلي بالك من زوزو من انت؟؟؟؟؟؟؟؟

نيرة ان اجوزي بيستعمل المجموعه بتاعه الأيفن اوت لأن وشه مليان بقع من الشمس وماشي معاه حلو قوي والبقع ابتدت فعلا تبهت وهو مبسوط منه عشان لما بينزل في الشمس مبتبهدلوش وشه زي الأول لأنه مبيستخدمش صن بلوك واقتنع باستعمال الصن بلوك بعد ما استعمل الايفن اوت

rose_elmansoura كتب:

د-ريهام كتب:

ليه لأ كتب:

ريهام الايفن اوت ايه اخباره معاكى المفروض انا وانتى استخدمناه مع بعض فرق ايام بس
ايه النتيجه لحد دلوقتى

بصى هيا البقع بهتت شويه بس مش خالص يعنى بس لما اعتمدت على كريم النهار وحده ومبقتش احط الصن بلوك بتاعى اسمريت لان حمايه 20 قليل وانا كنت بستخدم حمايه 100 وبشرتى حساسه للشمس موووووووت فرجعت تانى للصن بلوك بتاعى
وانتى ايه اخباره معاكى؟؟؟؟؟؟؟؟

انا كمان يا بنات بداه معاكم اما مداومه بنسبه 85 % بس حاسه انها بهتت فعلا بعض من الاثار والبعض الاخر وقتى ساعت لما بصحى الاقيها فاتحه شويه وطل اليوم زى ماهيا انا حاسه انه ملوش فايدة وكنت لسه هاعمل موضوع بكرة عليه

وانا كمان زيك يانيره بهتت وحسه انى لما بصحى بتبقى فاتحه

dinaali كتب:

نيرة ان اجوزي بيستعمل المجموعه بتاعه الأيفن اوت لأن وشه مليان بقع من الشمس وماشي معاه حلو قوي والبقع ابتدت فعلا تبهت وهو مبسوط منه عشان لما بينزل في الشمس مبتبهدلوش وشه زي الأول لأنه مبيستخدمش صن بلوك واقتنع باستعمال الصن بلوك بعد ما استعمل الايفن اوت

طيب كويس يا دينا نه اقتنع اصل اقناع الناس دى صعب جدااااا

لا تبقى عاديه يا دينا بس ساعات كده بتطلع حبه او اتنين ف وشى ودايما فوق بس بيرحوا الحمد لله بس فعلا اما بحط كريم بس انها منتعشه وكمان ف الصيف بيبقى ف اوقات عند منخيرى بس دهينه شويه بس ده اكتر اما بصحىمن النوم وانا هاجرب الصابونه دى انشاء الله عشان انا بستعمل صابون طبى

وكمان الكريم ده بحبه اوى وبيجى ع بشرتى جدا الحمد لله بس بفكر الشهر ده اشترى زيه بس نوع تانى اللى غطاء لبنى او اخضر ولا انتو ايه رايكم

انا مجربتش الكريم يا تقي عندي الناس بتشكر في بتاع البشرة الدهنية لكن انا مجربتهوش ورأيي طبعا متغيريش حاجة ريحتك ممكن تغيريها شوية طبعا عشان التعود لكن حاولي تدوري على حاجة تريحك وتكون مناسبة لنوع بشرتك وده اهم شيئ