يعنى ايه بابا؟؟!!!

• يعني تفتكري وانت صغيره اما كنتي تنامي علي الكنبه ويجي باليل يشيلك يوديكي أوضتك

• يعني يدخل عليكي باليل وانتي نايمه عشان يطمن اذا كنتي متغطيه كويس ولا يغطيكي

• يعني تصحي باليل وتبقي مكسله تقومي من مكانك .. فتنادي عليه وتقوليله بابا عايزه أشرب

• يعني تقوليله عايزه اطلع رحله مع أصحابي .. يقولك مينفعش .. تقومي تزعلي .. يجي وراكي بعدها بشويه ويبوس راسك ويقولك خلاص ولا تزعلي

• يعني اما تخرجي معاه .. تمشي معاه متعلقه في ايده زي ما كنتي بتمشي وانتي صغيره

• يعني تفتكري اما كنتي صغنتوته لسه وكان شايلك علي كتفه .. والدنيا عماله تمطر عليكم

• يعني تبقي قاعده في البرد رجلك متجله وتيجي تقعدي جنبه وتحطي رجلك علي رجله عشان يدفيهالك .. وهو يهزر ويقولك امك ثم امك ..يلا روحي عند ماما

• يعني أما يبقي عندك فار في البيت تتلموا كلكم في أوضه .. وتسيبوه هو لوحده مع الفار لحد ما يموته

• يعني أما يجيلك عريس تلاقيه قاعد بيتكلم معاه وفخور بيكي ويحسسك ان مفيش حد في الدنيا عنده بنت زيك

• يعني أما تزعليه وتشدي معاه في الكلام .. وتروحي بعدها تقوليله بابا أنا اسفه .. يقولك حبيبتي أنا عمري ما ازعل منك

• يعني يوم جوازك .. تشوفي في وسط فرحته بيكي دموع مقدرش يمنعها عشان خلاص مش هتبقي معاهم في البيت

• يعني يوم اما يعرف أنك حامل وانك هتجيبي نونو يبقي فرحان أكتر من جوزك ذات نفسه

• يعني ساعة ولادتك تلاقيه واقف بره هيتجنن عليكي وعمال يقرا قرأن ويدعي ربنا يقومك بالسلامه

• يعني يبقي فرحان بابنك أو ببنتك وسايب اللي وراه ورايح جاي يلعب معاه

• يعني الحنان والحب والامان

• يعني ربنا يخليهم لينا ويحفظهم ويقدرنا علي برهم :):)

ربنا يخليكي يا نيرة عيطيتيني والله
بس الكلام والذكريات وخاصه انه كان تعبان جدا بعد موضوع الحريق بتاعنا ده
بجد الموضوع جميل جدا ربنا يباركلك
ربنا يساعدنا على رد الجميل لهم وخدمتهم في كبرهم زي ما شالونا وبيشيلوا اولادنا في صغرهم
فعلا منظرة امبارح والله يا نسرة واقف جنب انس لحد مايخلص تخريب في ترابيزة الصالون وهو مش قادر يقف اساسا من التعب وكل ما اجي اقولة اقعد يا بابا يقوللي وانتي مالك انا مرتاح كده سيبية على راحته
فعلا مش سهلة كلمة بابا ولا ماما

الواحدة مش ممكن تلاقى راجل يحبها كده زى ماهى ويفضل يديها بدون مقابل الا باباها وانا بالذات عشان ماليش اخوات بابايا يبقى صاحبى واخويا وحبيبى وكل حاجة ف حياتى باختصار my dad is my hero يارب ما انحرم منه ابدا
تسلم ايدك ع الموضوع يا نيرة

جزاكى الله خيرا بجد مفيش اغلى من الاب انا بنت وحيده والصغيره ومتعلقه ب بابا جداااااااااااااااااااا ربنا يحفظلنا اباهتنا ويبارك في عمرهم ويكرمهم

بقينا 3 بنوتات وحيدات ملناش غير بابا وماما انا وحيده خالص مليش اخرات بنات او صبيان وانتم؟؟؟؟؟؟؟؟؟؟؟؟

انا كمان زيك يا دينا يظهر ابويا وامى لما جابونى لقيوا العينة سكة ماحبوش يكرروها هههههههههههه

لالالالالالالالالا متقوليش كده هما بس خافوا ليبقي البييت عبارة عن مسلسلات اجنبي
تلاقي جرايز اناتومي وديسبيرت هاوس وايفز وبريزن بريك-ده للولاد طبعا- وهاوس و24
مش ناقصه زحمة هي

انا عندى اخين اكبر منى ومتجوزين

حدش معاه منديل

فعلا مافيش بعد الاب والام انا بحب بابايا جدااااااااااااا وامى كمان احنا خمس اخوات بنات ومليش اخوات ولاد بس الحمد لله ربنا كرمنى بولادى محمد ومازن

جميل يا نيرو

ربنا يخلي لنا بهبهاتنا يااررب ومهمهتنا معاهم واخوتنا وكل اللى بنحبهم

sara.hosny كتب:

فعلا مافيش بعد الاب والام انا بحب بابايا جدااااااااااااا وامى كمان احنا خمس اخوات بنات ومليش اخوات ولاد بس الحمد لله ربنا كرمنى بولادى محمد ومازن

ربنا يخليهملك يا سارة وتفرحي بيهم
[/quote]حدش معاه منديل [quote]
خدي اليافطة يا ساندي منه انا موصياه حيسيبهالك

الموضوع جميل خالص وطالع من القلب عشان كده ابكانى وكمان لأن بابا متوفي الله يرحمه ويحسن اليه وربنا يخليلكم ابهاتكم ويعنكم على برهم ان شاء الله

البقاء لله يا مرمورة ربنا يرحمة ويسامحه ويخفف عنك يا حبيبتي

ويخليلك انس وتفرحى بيه

شكرا يا دينا كللك ذوق وبجد حساكى جدعة وبنت بلد وحسة ان انشاء الله هنكون اصحاب لو مش عندك مانع طبعا

موضوعك حلو قووووى كالعاده طبعا يانيره
ربنا يخليلنا اهلنا وميكرمهم
وخدى ياسندى مناديل مفيش اكتر منها ياحبيبتى ولو خلصت ...استخدمى الكم اومال هو معمول ليه

mrmora كتب:

شكرا يا دينا كللك ذوق وبجد حساكى جدعة وبنت بلد وحسة ان انشاء الله هنكون اصحاب لو مش عندك مانع طبعا

العفو يا حبيبيتي انا اتشرف

dinaali كتب:

ربنا يخليكي يا نيرة عيطيتيني والله
بس الكلام والذكريات وخاصه انه كان تعبان جدا بعد موضوع الحريق بتاعنا ده
بجد الموضوع جميل جدا ربنا يباركلك
ربنا يساعدنا على رد الجميل لهم وخدمتهم في كبرهم زي ما شالونا وبيشيلوا اولادنا في صغرهم
فعلا منظرة امبارح والله يا نسرة واقف جنب انس لحد مايخلص تخريب في ترابيزة الصالون وهو مش قادر يقف اساسا من التعب وكل ما اجي اقولة اقعد يا بابا يقوللي وانتي مالك انا مرتاح كده سيبية على راحته
فعلا مش سهلة كلمة بابا ولا ماما

بقا كدة يا جينا طب معتش عامله مواضيع تانى

انا اسفه جدااا بس بجد انا قرايت الموضوع جدااا وعجبنى وفعلا حسيت بمعنى الاب جداااا دايما كلنا عارفين مدى تضحيه الام لينا بس دايما الاب مظلوم مع انه شاااااااااااااااااايل كتير جدااا انا بقا كنت بعزبه معايا على مانام وانا صغيرة بتاع 3 او 4 سنين وكنت بنزله الشارع الساعه 1بليل عشان اجرى ورا القطط هههههههههههه مع انى دلوقتى بخاف منهم جدااااا

diva_faraona كتب:

الواحدة مش ممكن تلاقى راجل يحبها كده زى ماهى ويفضل يديها بدون مقابل الا باباها وانا بالذات عشان ماليش اخوات بابايا يبقى صاحبى واخويا وحبيبى وكل حاجة ف حياتى باختصار my dad is my hero يارب ما انحرم منه ابدا
تسلم ايدك ع الموضوع يا نيرة

مرسيى يا حبيبتى الله يخليكى وربنا مايحرمك من ماما وبابا خالص

وعلى فكرة بقا يا بنات انا شفت مارى وماشاء الله عليها امورة هيا بس بتخزى العين

د ورده كتب:

جزاكى الله خيرا بجد مفيش اغلى من الاب انا بنت وحيده والصغيره ومتعلقه ب بابا جداااااااااااااااااااا ربنا يحفظلنا اباهتنا ويبارك في عمرهم ويكرمهم

ربنا يخليهملك يا وردتى

mrmora كتب:

الموضوع جميل خالص وطالع من القلب عشان كده ابكانى وكمان لأن بابا متوفي الله يرحمه ويحسن اليه وربنا يخليلكم ابهاتكم ويعنكم على برهم ان شاء الله

البقاء لله يا حبيبتى تعيشى وتفتكرى بس من غير عياط الله يخليكى ومكانه ان شاء الله فى جنه الخلد باءزن واحد احد

ليه لأ كتب:

موضوعك حلو قووووى كالعاده طبعا يانيره
ربنا يخليلنا اهلنا وميكرمهم
وخدى ياسندى مناديل مفيش اكتر منها ياحبيبتى ولو خلصت ...استخدمى الكم اومال هو معمول ليه

مرسى يا هوبا منتحرمش منك اللهم امييين ياروحى

rose_elmansoura كتب:

dinaali كتب:

ربنا يخليكي يا نيرة عيطيتيني والله
بس الكلام والذكريات وخاصه انه كان تعبان جدا بعد موضوع الحريق بتاعنا ده
بجد الموضوع جميل جدا ربنا يباركلك
ربنا يساعدنا على رد الجميل لهم وخدمتهم في كبرهم زي ما شالونا وبيشيلوا اولادنا في صغرهم
فعلا منظرة امبارح والله يا نسرة واقف جنب انس لحد مايخلص تخريب في ترابيزة الصالون وهو مش قادر يقف اساسا من التعب وكل ما اجي اقولة اقعد يا بابا يقوللي وانتي مالك انا مرتاح كده سيبية على راحته
فعلا مش سهلة كلمة بابا ولا ماما

بقا كدة يا جينا طب معتش عامله مواضيع تانى

انا اسفه جدااا بس بجد انا قرايت الموضوع جدااا وعجبنى وفعلا حسيت بمعنى الاب جداااا دايما كلنا عارفين مدى تضحيه الام لينا بس دايما الاب مظلوم مع انه شاااااااااااااااااايل كتير جدااا انا بقا كنت بعزبه معايا على مانام وانا صغيرة بتاع 3 او 4 سنين وكنت بنزله الشارع الساعه 1بليل عشان اجرى ورا القطط هههههههههههه مع انى دلوقتى بخاف منهم جدااااا

ماريان شكلها زي الفراعنه يا نيرة ؟؟؟؟؟؟؟؟؟؟؟؟؟؟؟ هي بتقول !!!!!!!!!!!
لالالالالالالالالالالالالالالالالالالالالالالالالا يا نيرة انتي بجد فكرتينا باللي بنعملة فيهم وهما صابرين وانتي عارفة بقي مين اللي كان صابر فعلا مش بس ربي اولاده لأ احفاده ورباني وعاش لحد ما جوزني وبعدها مات في صمت يوم منتصف شعبان الماضي
مات قبل مايشوف ابن حفيدته
جدو سيد
لما قريت موضوعك افتكرته وعشان كده عيطت وفي سري قريت له الفاتحه
وكفاية كده انا مش قادرة اكتب اكتر

ربنا يخليكي يا هالة والله ده شعوري رغم قلة مشاركاتك في المنتدي لكنك مش بتتاخري بالنصيحه عن اي حد وربنا يديم المعروف ويخليك اولادك وتفرحي بيهم

م.هالة كتب:

تسلم إيديك يا نيرة الموضوع حلو قوى


ربنا يرحم جدك يا دينا و يجعله من اهل الجنة
و يبارك لك فى اهلك و يعينك على برهم
اللهم أمين
انت شخصية جميلة قوى بجد و انا بحبك من غير ما اشوفك
ربنا يبارك لك فى انس و تفرحى بيه و باولاده و ولاد ولاده

مرسيى يا مدام هاله دة بس من زوقك