حملة ضد زيادة اسعار الشحن

عايزين نعمل حملة ضد زيادة اسعار الشحن دى الشركة لسه عاملة زيادة فى شهر سبتمبر ده استغلال لو وصلت اننا نقاطع الطلبات والشركة نعملها مين معايا احنا لو سكتنا هتغلى تانى بعد 3 او 4 اشهر مش معقولة كده مين هيشترك معايا فى الحملة وقولولى نعمل ايه

الدايركتور بتاعتى كانت ف الفرع وكان اجتماع مع راويه عفيفي ويوسف يعقوب وفضلم يفاوضو ف الشركه كتير قالت لهم مفيش حل الشحن غلى ودى ارخص شركه ولو عندكم شركه تانيه قولو لنا لو لاقيتم ارخص من دى

م الاخر يعنى نو واى

وعلى فكرة يا بنات من غير دعايا والله بس الشحن غلي في اكتر من شركة بيع مباشر في مصر وبرضه في المنتديا ت وعلى الفيس عملوا مقاطعه للشغل على اكوادهم وحملات ضد الزياده واحتجاجات بس مفيش فايده كمان اللي زود المساله سوء ان الناس بتشتري وخاصه اللي له حاجات لازم يقفلها مستويات وهدايا وبرامج وحجوزات لازم يفكهها باوردر
الخلاصه ان ده بقي امر واقع واللي متضرر يروح يشتري من الفرع لأن الشركة مش حتغلب

عندك حق يا دينا بدليل الحاجه عماله تغلا امبارح طلعت عينى على ما الخط جمع قولت اعمل تيم اوردر ب 13 ج زى ما قالو بدل 20 ج من النت الاقي ف الاخر الفرق في كل اوردر 2 ج؟؟؟؟؟؟؟ يعنى ب 18 ج بدل 20 ج يعنى كنت اوفر التليفون واعمل ع النت واريح دماغى

والحاجات خلصانه يعنى الناس شغاله الله ينور لا حد مقاطع ولا حاجه

بصو ياجماعه من الاخر كدة لو واحد واخد الموضوع بيزنس وشغل مش هيعرف ولا يقاطع ولا يعمل

لو الواحد بيشتري احتياجاته الشخصية هيكبر دماغه لان مفيش حاجة تجبره يدفع كل المبلغ ده علشان حاجة ولا اتنين

وهي دي مصر

اهلا بيكم في اوريفليم

لية مصاريف الشحن غالية كدة يا بنات انا بصراحة مش حاسة بيها لان الراعى بتاعتى اتصل بيها واقولها على اللى انا عايزاه وتروح هية الشركة وتبعت لى الاوردر مع مندوب تبعها ب10جنية مصاريف شحن وكتالوج بس هى بتقولى انها بتروح كذا مرة علشان تكمل كل الاوردرات فده بصراحة مريحنى وانشاء الله الشركة تستجيب وتنزل مصاريف الشحن علشان ما فيش حاجة تزعلكو يا قمرات حملة ضد زيادة اسعار الشحن 20726

هو فعلا الشحن بقي غالي بس الصراحه كل الحاجات اللي طلبتها جتلي والحمد لله مفيش حاجه كانت ناقصه وبعد ماطلبتها بيوم واحد بس اول مره الأوردر يجيلي بسرعه كدا