سؤال لاحلى اخواتمساء ال

[color:0be5="darkblue"]مساء الخير عليكم يا احلى اخوات

انا عندى سؤال صغنون

انا عندى كريم اساس جيوردانى جولد كوده 16968 ودة لتقدم العمر بس الشكل القديم ومش عارفه ابيعه فهل ينفع احطه انا عادى ولا ايه مع ان سنى 24 Crying or Very sad

معلينا .....

ها انا مستخسراه انى ارميه وخصوصا صلاحيته هاتنتهى كمان 6 شهور وانا اساسا بحط فونديشن علطول يعنى

تنصحونى بايه؟؟معلشى طولت عليكم

بصى يا نيرة انا مش جربته بس لو مكانك ابيعه او اديه هدية لحد افتكر مش من المستحب نستخدم حاجة مش مناسبة لبشرتنا وده مجرد رايى طبعا وانتى براحتك يا جميلة

مانا مش عارفه ابيعه ؟؟

وهو مش مكتوب عليه سن معبن طيب ينفع ادى لواحده 35 سنه ولا ايه

اه ينفع ا ش ا السن ده مناسب اكتر
البشرة غالية يا نيرة ما تعمليش بشرتك الحلوة معمل تجارب

طيب تمام هديه هديه لخالتى فى عيد الام ههههههههههههههههه

يا انساتي
ده مضاد لتقدم العمر و ليس للعمر المتقدم
عادي يا نيرة تستخدمية مافيش مشكله
ده كان احسن واحد في مجموعة جوردني اصلا
و مش هتبقي تجربة و لا حاجة زي ماالدكتورة قالت

يا رورا انا قلت من خوفى على نيرة مش اكتر الاحتياط واجب برضه

Replumping foundation for younger, smoother-looking skin. Deep hydrating ingredients moisturise and soften, whilst replumping actives fill out fine lines from within creating a flawless finish. Includes application spatula. SPF 20. 25 ml.
مكتوب بالانجلش على موقع الشركة انه بيدارى الخطوط الرفيعة والتجاعيد الغير عميقة

diva_faraona كتب:: يا رورا انا قلت من خوفى على نيرة مش اكتر الاحتياط واجب برضه

انا عارفة حبيبتي
بس انا لو عارفة انه هيضرها
مش هأقول لها تستخدمة طبعا
دي بنتنا برضة

لا ما تكبريش نفسك للدرجة دى يا قمر انتى اختنا الكبيرة

هو عندى وبستخدمه يانيرة وانا عندى 25 سنة وشوية كدا وهو كويس بس انا مش بحط منه كتير عشان عندى بتاع فيرمى وبحسه اخف من الجيوردانى ع البشرة
بس انتى استخدميه عادى ياقمر زى مارورا قالت هو مضاد لتقدم العمر وكمان هو لكل الاعمار

ممكن اسال سؤال يااصدق اخوات انا اليوم الراعى بتاعتى ادتنى الكود بتاعى ودخلت بية موقع الشركة بس اللى ظهر بس عدد النقاط هو كدة بس ولا بيظهر الفاتورة بتاعتى اشتريت اية ولو بتظهر ممكن تقولولى اعمل اية يعنى ادخل ازاى اكون شاكرة ليكم ياقمرات معلش هتعبكم معاية

diva_faraona كتب:: لا ما تكبريش نفسك للدرجة دى يا قمر انتى اختنا الكبيرة

ماهي بنتنا مجازا
مش بجد يعنيي
هههههههههههه

انا كمان كنت ناويه اجيبه باذن الله الشهر الجاى وكنت هسال نفس السؤال

اقتباس :: ممكن اسال سؤال يااصدق اخوات انا اليوم الراعى بتاعتى ادتنى الكود بتاعى ودخلت بية موقع الشركة بس اللى ظهر بس عدد النقاط هو كدة بس ولا بيظهر الفاتورة بتاعتى اشتريت اية ولو بتظهر ممكن تقولولى اعمل اية يعنى ادخل ازاى اكون شاكرة ليكم ياقمرات معلش هتعبكم معاية

هتلاقي النقط الفاتوره لا مبتبقاش موجودة ولا الحاجات اللى انطلبت مش بتبقا موجوده ولو عملتى اكتر من 200 نقطه او تحتك حد هتلاقي مرتبك واى استفسار انا هنا يا قمر Embarassed

مرسى يا رورا يا ماماتى ههههههههه 2dg

مرسى يا ماريان انا عارفه انك خايفه والله بتقولى كدة من خوفك

مرسى يا مونمن بس دة النوع القديم الى كان فى برطمان
هوا دة الى بتستخدميه؟؟

لا يانيرة الى عندى مش ف برطمان بس هو الجيوردانى تقدم العمر القديم الى كان غامق شوية دة

انا حاطه كوده باول الموضوع

طب يا بنات انا شفته ف كتالوج مارس حاسه انه غامق اوى هو فعلا كدا؟

قوليلنا يا مون مون انتى الى جربتى

متشكرة جدا يا نونا طيب هو لو انا حجزت حاجات من كتالوج فبراير وجت فى مارس طبعا زى ما اخواتى قالوالى انى هاخدها بسعر فبراير لكن النقاط بييكون وضعها اية يعنى تتحسب على فبراير ولا مارس انا الحمدلله عملت 100نقطة بتوع فبراير ومستنية جوردانى وايت ونفسى اعمل نقاط مارس

لا طبعا هى النقط مش هتتحسب في فبراير لسبب انك مدفعتيش تمنهم انما نقطتهم هتتحسب اول ما يدخلو ضمن الفاتورة وتدفعى تمن المنتج وبالنسبه لنقط مارس والله الواحد مش عاوز يعملهم لان الشنطه وحشه : (

العفو يا قمر على ايه احنا كلنا اخوات زى ما قولتى Idea

لا مش غامق اوى انا عندى درجة البورسلين وانا بشرتى قمحية فاتحة مش بحس انه بيغمقنى لا بحسه كويس بس مش بيفتحنى هو بيوحد لون بشرتى وبيدارى اى عيوب فيها بس بحط فوقيه بودرة فاتحة الى هى ستديو ارتيست افتح درجة وبيبقى طبيعى وجميل

طب انا مش بستخدم بودر خالص كريم الاساس بس مش عارفه ااخر كلام اجيبه ولا ايه rabbit

انتى لون بشرتك ايه نور ؟

nona mido كتب:: طب انا مش بستخدم بودر خالص كريم الاساس بس مش عارفه ااخر كلام اجيبه ولا ايه

ماينفعش يا جميل فاونديشن من غير بودر
بحس اني ملزقة
ازاي بتخرجي كده ؟
لازم بودر و بعدين روجاجو

انا لونى يا مونمون لون البنت اللى انتى حطاها ف الصوره الشخصيه بس عندى نمش خفيف وفاتح ف بحط كريم الاساس عشان كدا

البودر بتعمل ايه يا رورا كريم الاساس بيبقا شكله طبيعى لو حطيت بودر هتعمل ايه والروجاجو بخاف احطه لانى من اى مجهود بحمر جدا بخاف احطه يبقا شكله غبي مش عارفه عادى ولا ايه

انا كمان من راى رورا لان البودر تغطى لمعة الفونديشن وبتدى فنش حلو للبشرة
انا كمان معرفش احط كريم اساس من غير بودر
دة انا بحط كريم نهار وفوقيه بودر وبس من غير كريم اساس وبيبقى جميل وطبيعى
بس لو انتى لون البنت دى بيتهيالى ان الكريم دة ممكن يغمقك حاجة بسيطة

ليه بالعكس يابنات ممكن تكون بشرتها جافه انا كمان فى الشتا بحط كريم اساس جبيوردانى بالطحالب وبس والله بيكون لطيف جداااا

يمكن بقا حسب نوع البشرة يانيرة
انا بشرتى مركبة دهنية وف الصيف ببقا حاطة البودر ووشى بيلمع بطريقة مستفزة وبقوم من النوم وشى بيلمع جامد عشان كدا معرفش احط كريم من غير بودر
اكيد بقا بيختلف من بشرة للتانية