التجربة الشخصية مع المنتجات

ايه ده معقول الموضوع ده هنا من شهر يوليو و مافيش تفاعل
مع انه موضوع مهم اوييييي
انا هبدأ بالمنتجات الي ما عجبتنيش و اتخميت فيها هيهيهيهي
اولا كريم الليل و النهار بتاع العنب زي قلته معايا و زود الحبوب في وشي مع اني ساله خبيرة التجميل هتاك عليه و هل مناسب لنوع بشرتي و لا لئة كشفت على بشرتي و قالت مناسب جدا هيهيهيهي بياعين بئة عايزين يبيعوا
الروج بتاع
vision
الوانه مختلفة عن الكتالوج خالص و اتدبست في 3 طلعوا الوان تاني و خفييييف جدا كمان
غسول الشاي و النعناع عادي جدا مش محتاج هلمة و هيصة يعني
شاور جل ميلك ان هاني مش محتاج السعر ده كله عادي جدا يعني و ريحته خفيفة اوي
المعطر الي بالكره الدوارة الي بيبطء نمو الشعر عمل لي حرقان تحت الابط عاااااا
الي عاجبني اويييي بئة و طالعة بيه السما بلسم القدم الاي بالبطيخ تحفة معايا جدا
اي لاينر سائل جورداني يجنن موت تحفة
كريم الاساس بتاع فيجين حلو خفيف اوييي اويييي و بيدي لوك طبيعي بس مالوش تغطية دي ميزة بالنسبة لي انا

احييكي يا اختي الحبيبة رحاب .. موضوعك روووووووووووووووووووووعة فعلا .... ويستاهل التثبيت
يثبت للاهمية ....

طب انا جربت من كام يوم المعطر الي بالكرة الدوارة بتاع ابطاء نمو الشعر بعد ما عملت سويت تحت الابط و اجاركم الله حرقان طول الاسبوع كاني لسة عاملة سويت حالا و من ساعة بس حسيت ان تحت الباط فيه كلكيعة زي الدمل بتوجع اوييييييييييي

أنا أحب أشارك في الموضوع الجميل ده
أنا تقريبا مفيش حاجه اخترتها معجبتنيش... لكن في حاجات بنبه الناس منها.. وببعدهم عنها شويه.. وهي مجموعه فيجنز.. لأنها معموله للسن الصغير..سن المراهقه زي مبيقولوا.. حتي تلاحظوا سعرها أرخص.. والموديلز اللي جايبنهم شباب صغير

بالنسبه بقي للمنتجات اللي عجبتني أوي وعملت مفعول رهيب.. فهي

- الجيل المضاد للسيليوليت.. كود 4931.. تحفة التحف.. بيشد الجلد ويضيع السيليوليت بشكل ملحوظ وتأشيره يبان من أول أسبوع حتي منغير رياضه.. أهم حاجه المواظبه عليه والاعتدال في الأكل وياريت طبعا رياضه لو أمكن بجد محدش يتردد أنه يجيب أي منتج من المجموعه دي

- ماسكارا وندر.. كود 10782.. دي السوداء طبعا.. حلوه أوي وبتدي طول للرموش بشكل طبيعي وتركيبتها خفيفه ومش بتكلكع زي فيجنز

- كريم القدم.. كود 10258.. بالأفوكادو..بيتحط بالليل قبل النوم.. بيرطب ويخلي الجلد ناعم والقدم منتعشه
طبعا كل مجموعه القدم حلوه أوي.. بس بجد المنتج ده أنا بعت منه كتير أوي.. لأنه كويس وسعره هايل ومفعوله سحري بجد


- تندر كير.. كود 1276.. العلبه السحريه الصغيره.. بيجدد البشره.. ويلطفها وينعمها بجد زي البيبي.. بستعمله علي المفاصل.. سواء الرجل أو اليد والأظافر وطبعا الكوع وعلي الشفايف كمان.. بجد تحفه.. والفرق بيبان في ساعتها.. هو 17 مل بس جبار.. وبجد يستاهل

- مجموعة السويدش كير كلها مش محتاجه أتكلم عنها لأن كل منتج فيها بيتكلم عن نفسه.. أنا جربتها كلها ومازلت بستعملها..

في منتجات كتير أوي حلوه بس كفايه كده النهارده وهكمل بعدين.. وشكرا يا رحاب علي الموضوع الجميل ده

أنا جربت منتجات سويدش روعة وخاصة الجيل وكريم اليدين وكمان كل بارفانتهمحلوة أوي والرجالي خطيرة وخاصة دي ماركو وايكلا وكل منتجات القدمين روعة والمكياج مش محتاج كلام خاصة جيورداني هي عالية شوية بس جامدة جدا وبتقعد كتير

السلام عليكم ورحمه الله وبركاته
الموضوع طبعاااااااااا روعة جداااااااا وانا نويت اشارك فى بكل المنتجات اللى استخدماتها باذن الله

انا جربت كريم اساس جيوردانى بجد روعة روعة روعة
وجربت اى شادو mono Eyeshadow Essentials بجد خطير ومش بيقع اى باقيا تحت العين
وجربت كريم جيوردانى للجسم كتير حلو وريحته بتقعد اطول وقت ممكن اكتر
وجربت البرفان بتاعها كمان جيورادنى الابيض اللى لونها فضى ممتازة بجد
وجربت احمر شفاه فيجينز هو كويس بس بحس انه بعد شوية يكون طبقات قشر على الشفايف وخفيف وفى لون واحد جبته طلع غير ما شوفته خالص فى الكتالوج
بس شغال وده طبعا بالنسبة ليا انا ممكن مع غير يكون كويس جدااااا
وجبت ماسكارا اسمها على ما تذكر volume mascara وكانت مش بتوقف نهائى ولا بتكثف ولسه عندى لحد دلوقت مش بستخدمها وجربت كريم الايدين والاظافر بعطر تيوليب ده جنان ويمتص بسرعة ومش بيترك اى اثار لاى دهون على الايد وريحته روعة
وجربت بوردة جيوردانى ريحتها برده جميلة وبتقعد خصوصا بعد الحمام
جربت ملمع الشفاه فيجينز كويس ولمعته لذيذة وجربت اى شادو فيجينز خطير برده ولمسته رقيقة
وجربت قلم تحديد المزدوج فيجينز روعة بجد ومش بيوجع العين وناعم وجربت الكرات اللؤلؤ البرونزية جيورادنى تحفة بجد ومظهرها فى الوش يجنن وجربت كمان عطر اوه دو تواليت سيتى اواسيس ما عجبنى خالص ريحته لكن عجبتك وحدة صحبتى وطبعا الناس فى البرفانات اذواق
جربت مزيل المكياج اللى كوده 10735 بجد يجنن وبيزيل المكياج بطريقة جميلة وسهلة وبلمسة واحدة غير انه بيخلى شكل العين جميل بعد استعماله
جربت برده قلم تحديد عيون Eye lntenstiy pencil جميل جدااا بس فى حاجة صغيرة انه تحسى انه فى فراغ بينه وبين الخشب اللى حاوله وبيتقصف بسرعة عشان كده مش بعرف اتحكم فى من الفراغ اللى فى ده بس من ناحية نوعه فهو نظيف جداااا وناعم برده ومش بيوجع العين
جربت ماسكارا فيجينز مش حلوة خاااااااالص جربت كريم الجلد والاظافر اللى كوده 13610 بجد خطييييييييييير جداااا على الجلد والاظافر بعد حته غير انه بيدى ليه لامعة ومظهر حلو فى الاظافر
جربت كمان ملمع شفاه Gloss BOOSTER كويس برده جدااا وطعمه وريحته تجنن ومظهره روعة على الشفايف جربت برده بودرة سيرين للجسم بصراحة مش حلوة وريحتها كمان وتحسى انها خشنه عشان كده ما جبتها تانى
جربت بقى تونر الورد للوجه جناااااااااااااااااااااااااااااااااااااان ده غير ريحته اللى بتفضل على الوش شويات وتمشيها وغير كمية الاوساخ اللى بيطلعها لدرجة انه عجب صحبتى وحشتره ليها من كتر ماهو عجبها

ودى الحاجات اللى فكرها ههههههههههههههههههههههههه مش فاكرة الباقى عشان قديم شوية من السنوات اللى فاتت

من المنتجات الجميلة اللي اتجربت مع اصدقائي ومع زوجتي وادت نتايج خطيرة
شاور جيل الميلك اند هني والكريم بتاعه حلوين جدا

ظل الجفون الكريمي بتاع فيجنز اكواد 14264و 14265 و 14266
ودول حلوا مشكلة ظل الجفون اللي بيسيح علي العين ويعمل خط رفيع بنقطة واحدة صغيرة جدا علي اصبعك وبعدين تمسحي بيها علي الجفون بتدي نتايج هايلة وبتستمر اليوم كله وعلي فكرة هي آخر ظهور ليها في كتالوج الشهر ده ومش نازل عليها خصم وهي ب 26 للأعضاء وهي حجمها صغير خالص بس بتطول وتعيش علشان احنا بناخد نقطة صغيرة قوي في كل استخدام

كرات اللؤلؤ بتاعة جيورداني خطيرة وهايلة خالص وبتدي نتايج جميلة علي البشرة

اقلام الكحل اكواد 10967 حتي 10972 جميلة جدا وملهاش حل

برفان فريا جميل جدا جدا وبيتطلب مني بكميات هايلة وعلي فكرة نازل في برموشن الشهر ده ب 102 سعر كتالوج يعني حوالي 80 جنة للأعضاء الحقوووووووه

وحاتابعكم مرة تانية

شكرا على الموضوع الجامد ده
وبصراحة لان الواحد بيدبس فى حاجات وتطلع مش مناسبة لبشرته
انا بما انى بشرتى دهنية حقول اللى جربته وطلع حلو
بالنسبة للماسكات ماسك الطماطم تحفة بجد بينقى الوجه
اما البرفانات فطبعا سيرين ونورثن لايت وديفين انا جربتهم جمال جدا
وللماسكرا بتاعت جوردانى حلوة اوى ونزله دلوقتى ب 39 جنية بس
ده غير كريم الاساس vision
بجد حلو اوى وطبيعى
وكريم القدم اللى كان نازل عليه عرض حلو اوى بالذات فى الشتاء اكيد
والشاور والباش شاور بتوع الحرير والكاشمير جمال جدا
ارجو ان اكون افادتكم بحاجة
والسلام عليكم ورحمة الله وبركاته

ممكن اسال سوال
ايه الاماكن المناسبه اللى اقدر اعين فيها المنتجات اللى بشتريها لانى هاستخدمها فى شهر 7 لانى بعينها لجوازى
عقبال كل بنات المنتدى
وهى بدى كريمز وشاور وشامبو وماسكرا والحاجات اللى البنات عارفيناه
ارجو الرد

ممكن تعينيها في اي مكان بعيدا عن الحرارة او الشمس يعني ممكن في دولابك الشخصي

ميرسى كتتتتتتتتتتتتتتتتتتتتتتتتتتتتتتتتتتتتتتتتتتتير استاذ علاء
جزاك الله خيرا :)

من المنتجات الجميلة واللي ما تتفوتش برفان ديفين الأزرق او مجموعة ديفين عموما
وكويس نازل عليها عرض كويس قوي في كتالوج 13 اللي حيشتغل بعد العيد نازل هي وكريم الجسم 100 مل ب 134 جنية يعني للأعضاء بحوالي 104 جنيه ودي ما بينزلش عليها عروض كتير
من الحاجات الجميلة برضه عطر الشعر اللي نازل في مجموعه جيورداني او مجموعة ديفين خطيرين جدا روعهبيعطروا الشعر بطريقة جميلة جدا
من الحاجات الرجالي الكويسة برفان سيجنتشر وياريت تلحقوا العرض بتاعه في كتالوج 13
بالنسبة للشباب اللي بشرتهم بتلتهب بعد الحلاقة وتطلع فيها حبوب فيه بلسم مرطب بعد الحلاقة جلاسير وفري اتتيود مفعولهم خطير وبهدوا البشرة وبتبقي ميه ميه
غسول الشعر والجسم للأطفال كل اللي جربة شكر فيه وقال انه عملي وجميل خالص
جيل الصبار للعين خطير مرة في علاج الهالات السوداء والإنتفاخات الناتجه عن الاجهاد وقلة النوم

انا الصراحه الموضوع عجبني بس انا لسه ماجربتش حاجه اول اما اجرب حاجه هاجي هنا وارغي على طول
ثانكس على المعلومات والتجارب

انا حكمل باقى الموضوع واقول باقى التجارب مع منتجات اوريفليم

انا جربت معطر الكرة اللى بعطر الفى خطييييييييييييييييير وريحته تجنن وبتقعد وجربت كريم القدمين الليلى تحفة وبيرطب اوى وكمان جربت مبرد القدمين يجنن وبينعم بصراحة تحفة وجربت كريم الاساس جيوردانى اللى كان نازل فى كتالوج 13 رووووووووووووعة روعة وجربت قلم الحواجب هو لونه حلو وجميل لكن للاسف اقلام اوريفليم اللى جبرتها من فيجينز وقلم الحواجب ديما بيتقصف وتحسى اكنه مكسور من جو كل لما ابيره يتقصف بس من جهه لونه روعة
وجربت كمان كريم الوجه اللى بالورد والتونر الورد خطيييييييييييييييير ينعم ويرطب بصراحة اخدت عليه خلاص وجربت مزيل المكياج 3×1 بجد كويس جداااااااا وبشايل بسرعة وكمان بيرطب الوش
وجربت ملمع شفاه kiss proof Lips ده بقى طلع حكاية وياريت فى منه تانى بس للاسف بطل ينزل فى الكتالوج
بجد يا بنات حكاية مش لاقيه وصف اوصفه من جماله ولامعته وثابته ده مبيطلعش الا بمزيل المكياج وبالعافية كمان
خسارة ان الشركة بطلت تنزل منه تانى

وجربت كمان ماسكارا power curl mascara
الماسكار دى اجمل نوع ماسكارا جربته من اوريفليم وكانت لسه نازلة جديد
والله يا بنات بتعمل للرموش الفاف خطييييييييييييييييييير وكثافة تجنن لو جربتوها مش حتندمو
وجربت كمان كريم الايدى بالكشمير فى ناس قالت انه بيلذق
ابدااااااااااااااااااااااااااااا مش بيلذق
وريحته ونعومته جميلة اوووووووى
وجربت مانكير فيجينز نوعين كود 10862 ، كود 2991 بصراحة هم حلوين جداااا وفيهم لامعة
لكن للاسف طلع خفيف جدااااااااا ومش عارفة ايه السبب فى خفتهم كده يعنى لو جيتى تحطهم على اظافرك اكنك حطى ملع مع اضافة لون بسيط يعنى مش الوان تقيلة تغطى الاظافر بس عجبونى فى الفرنش والطلاء الفرنسى

ودى كانت المنتجات الجديدة اللى استعملتها من اوريفليم حاليا
فحبيت انى اقولها لكم

[color=red][b]ميرسى ليكى اووووووووووووى يا سجود

اما انا مجربتش حاجات كتير من اوريفليم عشان انا لسا مشتركة جديدة مش جديدة اوى يعنى
لسا مخلصا برنامج الترحيب بتاعى الشهر الى فات........
بس ممكن اقول الى جربتو و عجبنى و عجب الناس

انا معاكى يا سجود فعلا ماسكرا power curl mascara
فعلا تحفففففففففففففففففففففففففة و تجنن انا لما حطيتها اكتشفت انى عندى رموش
لا بجد هى فعلا بتلف الرموش حلو اووووى و بصراحة ناس كتير طلبوها....
و كمان مجموعة الورد للبشرة الجافة حلووووووووة اوى و كمان مجموعة التوت الى نازلة الشهر دا خطيييييييييييييييرة

و كريم ميلك اند هنى للجسم و اليد دا بقى تحفففففففففففففففففففففففففففففففففة و بيطلب كتير جدا منى و ف الغالب بيكون خلصان من الشركة كل ما اروح اجيبو..... بس بفضل وراهم لحد ما بجيبو

دا غير ماسك الطماطم للبشرة الدهنية جميل اوى و بيسيب البشرة نقية و ماسك الزبادى للجافة دا كمان تحفة و بيسيب البشرة ناعمة اوووووووووووووووووى و ماسك البرتقال دا للبثور السودا و هو يتقشر كدة و بصراحة انا جبت المساكات دى بعد ما سئلت خبيرة التجميل و قلتلى استعمال كل واحد فيهم

و كمان كريم اليل للبشرة vitamin A night cream
بجد رائع وانا عن نفسى بستخدمو و نتايجة جمييييييييييييييييييييييييييييلة

هى دى الحاجات الى انا متأكدة انها حلوة حبيت اقولكم عليها جايز تفيدكو
وان شاء الله كل ما اجرب حاجة و اتأكد من نتيجتها هاجى ارغى معاكو فيها على طول

هههههههههههههههههه
طب كويس ان الرموش ظهرت الف مبروك

وجميلة جدااااااااا تجاربك مع المنتجات
وياريت كل لما تجربى تحطى لنا هنا عشان انا ذات نفسى استفدت منها

يلا بنات عوزين تفاعلى اكبر وتجارب اكتر عشان الكل يستفيد ويتعرف على منتجات اوريفليم

انا جرت الكحل روعة والروج كمان حلو قوى فيجينز والاور شاين وكمان اللى علبته كحلى وكمان البرفانات روعة ديفين ساجا لوشيا افتر اورز جوردانى الفضي الكيمات حلوة قوى النهار والليل وكريم القدم وكريم اليد والظار ماسك الطماطم والبرتقال الماسكرا الجديدة اللى علبتها فوشيا معلهش اصلى مش حافظة اسامى حلوة وي بجد وبتلف الرموش حلو قوي ومزيل المكياج كريمات البرفانات تحفة وكمان الميلك أند هنى وسيلك أند كشمير حلو قوي
انما اللى معجبنيش الأي لينر اللى على شكل قلم فاتح شوية وكمان اقلام الكحل مزدوجة اللون وده مش بيناسبنى لأنها برده فاتحة انما معظم الحاجات روعة بجد

مشكورة يا قمر
بس ياريت لو كنتى تكتبى الاكواد عشان نعرف ايه هو اللى استخدمتى لانه احنا كده مش عارفين الاسماء غير القليل فقط
وتجربة سعيدة مع باقى المنتجات ان شاءالله

انا بقي جبت كريم الاساس skin perfect foundation تحفه اوي وكمانجبت حبيبات الؤلؤ البرونزيه عجبتني اوي وكمان كريم الايد hand@nail crem تحفه وكمان برفان fire eau de toilette
وكمان اسبري للحسم بعطر جيبورداني جولد وماسك الطماطم والعسل والطحالب ووتندر كير وكريم الصبار
وبرفان لوشيا
اما اللي اتخميت فيه
كونسيلير
برفان city junglr

قولى ليا لما جربتى اسبراى جيوردانى كان لذيذ يعنى نفس البرفان والا فى اختلاف

على فكرة يا سجود اسبراى جوردانى جميل جدا وبحس كمان انة ريحتة احلى من البرفان لانها مش مركزة اوى زى البرفان وبتقعد كتير

رحاب كتب:

على فكرة يا سجود اسبراى جوردانى جميل جدا وبحس كمان انة ريحتة احلى من البرفان لانها مش مركزة اوى زى البرفان وبتقعد كتير

جزاكى الله خيرا حبيبتى رحاب
اصلى فعلا نفسى اجيبه فقولت اسأل حد مجربه

جزاكى الله رحوبى حبيبتى
اصلى كنت عوزة اجربه وقولت اسأل قبل ما اشترى

الا انتى ايه اخبارك مع منتجات اوريفليم
حكم انت خبرة فى البرفانات وعوزين نشم منك قبل ما نشترى هههههههههههه
خبرة ياااااااااااااااااه نااااااااااااااااااس

انا جربت عطور نورثن لايت وميس او البينك وفير ومون
بصراحه تحففففففففففففففففففففففففففففففففففففففففففففه جدا
وعلى فكره يا سجود فعلا اسبراى جيوردانى جولد احلى من البرفيوم انا حسه كده زى ما رحوب قالت

وجربت كمان البدى كريمز للديفين ونورثن لايت اكنك حطاه الفرفيوم بالظبط يا سلام بقه لو معاهم بورده الجسم
ملمس جميل توى ونعومه فظيعه

مش بحتاج انى احط كحل هو power curl mascara وجربت اى لاينر الجديد اللى شكل القلم حلو قوى مع الماسكر الجديده
هو خط من اى لينر فوق العين مع الماسكرا بتبقى العين حلوه قوى

وطبعا كريم اساس جيوردانى والكرات البرونزيه لا يعلى عليهم
مفيش كلام طبعا

وكريم تندر كير عجبنى جدااااااااااااااااااااااااااااااااااا بيرطب حلو قوى

والمعطر واللوشن لتقليل نمو الشعر حلوين قوى
المعطر باللكر ه الدواره كود 12690 مش بيخلى فيه رائحه عرق خالص
واللوشن بيقلل نمو الشعر به حبه

تقريبا دول اللى جربتهم
واكيد لو جربت حاجه تانى هاقولكم

يلا عايزين تفاعلات كتتتتتتتتتتتتتتتتتتتتتتتتتتتتير

جيل الصبار للعين ياترى لى علاج الهالات السوداء والإنتفاخات الناتجه عن الاجهاد وقلة النوم

حد جربها يا بنات
وياترى تنفع لجميع انواع البشرة والا للبشرة الحساسة فقط

اقتباس :

وعلى فكره يا سجود فعلا اسبراى جيوردانى جولد احلى من البرفيوم انا حسه كده زى ما رحوب قالت

شكرا ليكى ولرحوبى حبيبتى
على اهتمامكم