المنتج مش موجود

ايه بئة مشكلة ان كل ما نروح نعمل اوردر يقولوا المنتج ده مش موجود و المنتج ده خلص مع اننا بنكون لسة اول الشهر

الحاجة الي عليها عروض بتكون مش موجودة لييييييه

ساعات بتتأخر في الجمارك وهي جية ............ ممكن تبقي تسألي عليها هتكون موجودة امتي ......
او تحجزيها بسعر التخفيض واول ما تكون موجودة بالشركة حتي لو خلص الشهر هتاخديها برده بالسعر اللي حجزتيها بيه

ميرسي يا رشا يا جميلة

أختي الفاضلة
فعلا عندحجز منتج يكون لي الحق في الحصول عليه بنفس التخفيض في شهر اخر ولكن:
المدة المسموح بها ثلاثة أشهر
الذي طلب المنتج لن يصبر معي ولو شهر واحد لاحضار طلبه وبالتالي أفقد مصداقيتي أمامه
الاوردر الواحد بيبقي مظبطه علي مبلغ معين عشان يعطي مصاريف الشحن 15 جنيه وسعر الكتالوج 3 جنيه ومصاريف المناولة 2 جنيه يعني عشرين جنيه ضايعة مني فلازم أظبطنفسي علي مبلغ يغطي ده فلما ما ألاقيش المنتج بيأثر معايا

يبقي ساعتها ما فيش غير حل واحد اول ما تجمعي الاوردر اتصلي علي 19662 للتأكد من وجود جميع المنتجات بالفرع .... ولو في منتجات مش موجودة ممكن ساعتها تقولي للي طالبينها منك انها هتتأخر شوية لو كانوا مازالوا محتاجنها او يكونوا عايزن غيرها ..... وبالتوفيق

طب سؤال برده يا رشا خاص بالموضوع ده
لو انا طلبت حاجة و مالئتهاش و جت بعد شهر او اتنين مثلا و اخدتها بالسعر القديم هل النقط بتاعتها هتتحط في حساب نقط الشهر الي هاخدها فيه و لا مالهاش نقط بئة دي خالص؟

Mannoun كتب:: طب سؤال برده يا رشا خاص بالموضوع ده
لو انا طلبت حاجة و مالئتهاش و جت بعد شهر او اتنين مثلا و اخدتها بالسعر القديم هل النقط بتاعتها هتتحط في حساب نقط الشهر الي هاخدها فيه و لا مالهاش نقط بئة دي خالص؟

النقط بتاعتها تضاف في حساب الشهر الذي اشتريتيها فيه بالفعل ودفعتي ثمنها