ممكن لو سمحتو بعد اذنكم تساعدونى ^^

يا بناويت انا محتاجة مساعدتكم على شوية منتجات
ياريت تقولو لى هى حلوة ولا لأ و وظيفتها ايه ؟؟
و اللى جربها يقلى اخبارها ايه

Aqua-Rhythm Intense Hydration Youth Preserve Gel Mask

Very Me Peach Me Perfect Skin Glow

Swedish Spa Anti-cellulite Cream

يلا بسرعة

مجربتش ولا حاجة منهم ياجميل بس عمتا كله بيشكر فى منتجات سويدش سبا وكمان جيل الخوخ دة البنات بتشكر فيها اوى بس للاسف انا مجربتش
ان شاء الله البنات يفيدوكى

شكرا يا منمون بس متعرفيش هو جيل الخوخ ده بيعمل ايه ؟؟ هو كريم اساس ولا ايه بالظبط ؟؟

جيل الخوخ دة مضى للبشرة

وفى منه درجتين

فايدتة بينور البشرة

ولو انتى عضوة من زمان كان فى يمكن من سنة حاجة اسمها مضى للبشرة

وكان اسمه فيجن

شكرا اوى يا هنا

انا عايزة اجيبه بس فى بنات بتقول انه بيسمر بيدى لوك برونزى يعنى هو بيمشى اوى مع اصحاب البشرة البيضا

انا كمان عايزة اجيبة ..هو انا بيضة مش بيضة بياض الثلج يعنى ممكن نقول قمحى فاتح هيمشى معايا ولا هيسمرنى اوى

مش عارفة ممكن الى جربوه هما الى يقولولنا

الاول ده ماسك لسن فوق ال 30 بيعمل ريفرش بنت خالتي بتستخدمه
التاني بينور البشرة بس بيدي لون البرونزي

التالت ممتاز وباستمرام الاستخدام صباحا ومساءا مظهر السلوليت بيقل

شكرا اوى يا هند Evil or Very Mad

انا جربت الماسك زي اي ماسك جل ويفضل استخدامه في الصيف لأنه بيقلل مظهر الدهون في البشرة ومبيحسسكيش بالترطيب الأوفر لا كانك غسلتي وشك بماء يعني ترطيبة ترطيب الماء مش الكريم الدهني فاهماني؟
وجربت انتي سليوليت بتاع سبا ريحته جنزبيل ونتيجه حلوة بس عايز مداومة زي ماهند قالت

مضي البشرة عندي من السنة الي فاتت كنت مبحبوش خالص في الصيف و قررت استخدمه من فترة لقيته جميل جدا استغربت اكتشفت انه مينفعش يستخدم علي بشرة دهنية خالص و هتا متحتيش قبله كريم مرطب لما بحط قبله كريم مبيمتصش كويس و بيقا شكله مش حلو كنت في الصيف بحسه بيسمر بس هو مبيسمرش بالعكس بينور البشرة هتوه حلو جدا بس لو بشرتك دهنية ي الصيف ذي يبقا لشتا بس

شكراااا يا بنات

ماسك الاكورايثم انا جربته و حلو
وهو جل لبنى و بيرطب البشرة بدون ميسيب اى ملمس دهنى
فممكن يكون مناسب اكتر للبشرة الدهنية
و هو لفوق 30 سنة

طب انا بيضه يا بنات الجيل ده هيغمقنى بدرجه البرونزى زى التان مثلا ولا ايه؟؟
وكمان بينور الوش ازاى يعنى لمعه ؟؟

انا كمان جربت الجيل ده انا بيضة بس مش اوي يعنى بس حاساه جميل وبينور البشرة هو نفسه فيه لمعة حلوة اوي بس انا صاحبتي لونها قمحي شوية لما بتستعمله بحسه مش حلو عليها هو عايز حد لا ابيض اوى ولا قمحى اوي وسط يعنى وعلي فكرة ريحته حلوة اوي