عايزة بودرة حلوة و بتغطي شوية و مش بتجير فيدوني ارجوكو

السلام عليكم يا بنات

السؤال زي مافي العنوان بالضبط

عايزة اشتري بودرة من اوريفليم تكون حلوة و بتغطي لو مش كثير شوية يعني مش تكون خفيفة و ملهاش لازمة غير تثبيت الميكاب و مش بتجير فيدوني ارجوكو
هل تنفع ستوديو ارتست او استنى حاجة ثانية ؟؟

و عليكم السلام و رحمة الله و بركاته

معلش يا سارة كان نفسي أساعدك بس أنا مستخدمتش من أوريفليم إلا السيلك تاتش و كانت خفيفة و بصراحة كانت بتعجبني عشان كدة فمجربتش غيرها
إن شاء الله حد يفيدك

بصى ياسارة انا محتارة زيك بالظبط خصوصا ان بشرتى دهنية جدا وحساسة وكنت عايزة حاجة تكون بتغطى وتبان طبيعية وفى نفس الوقت خفيفة على بشرتى وكنت محتارة اجيب استوديو ارتيست ولا استنى ...ع كدة رحت الفرع انبارح وجربتها لاقيتها خفيفة جدااااااااااااااااا بمعنى الكلمة يعنى مجرد ماحطيتها وبوزعها على ايدى لقيتها اختفت بصراحة انا شايفة ملهاش لازمة ومش هتغطى حاجى كمان درجاتها بيبانو مجيرين ,,,فسالت المنسقة بتاعتى قالتلى خدى بتاعة اوريفليم بيوتى مات كونترول دى حلوة جدا للبشرة الدهنية وتغطيتها عالية ,,,بس انا لسة محتارة بينها وبين بتاعة جيوردانى المضغوطة ,,عموما انا هستنى لان الاتنين نازلين الشهر الجاى بتاعة بيوتى نازولة ب 84 وجيوردانى نازلة ب 124

انا جربت الجورداني واستريحت عليها ولما خلصت جبت بودرة من افون وبرضه استريحت عليها

بصى ياحبيبى التجربة ع ايديكى غير ع وشك انا بصراحة عجبانى جدااااااااااا بودرة استديو ارتيست وانا قمحية فاتحة وجبت افتح درجة ومش بتجير ولا اى حاجة وكمان بحط تحتهها كريم اساس فيرمى اول درجة والمعروف انها فاتحة جدااااااا والى بيشوفنى مش بياخد باله انى حاطة ميكب بيفتكر ان دى لون بشرتى لدرجة انى روحت يوم من غير ميكب اصحابى قالولى انتى اسمريتى ليه دة مش لونك لانهم مكانوش بياخدوا بالهم انى حاطة ميكب مع انى ببقا حاطة اساس فيرمى وبودر استديو وكمان بلاشر جيوردانى كرات اللؤلؤ الروز
الاساس ف طريقة حطك للميكب مش تجربيه ع ايدك وتحكمى عليه انا شايفة انها احلى بودر ف اوريفليم اكيد بعد الجيوردانى لانى مجربتهاش بس كله بيشكر فيها

وع فكرة انا جربت بتاعة بيوتى السيلك اند تاتش ولقيتها عادية جدااا متنفعش مع واحدة بيضا ومش بتغطى معرفش بقا المات زيها كدا ولا ف فرق

الجوردانى المضغوطه جميله جدا ونازل عليها ديسكونت ف كتالوج فبراير استوديو ارتست جميله جدا ومش بتجير ولا خفيفه بس جوردانى احلى

بودره استوديو ارتست جاااااامده وناعمه جدا

لازم اوريفليم يا سارة?انا بستعمل بودرة تانية ومريحانى جدا من دوف مع العلم بشرتى مختلطة وعموما فى ناس بتنصح ان البودرة تستخدم ف اضيق الحدود عشان اللوك يبقى طبيعى

انا استعملت بودرة دوف دى قبل كدا مرتين بس من زمان انتى كنتى شرياها بكام يامريان ؟؟؟
وفى منها اصلى وتقليد ولا هى واحدة ؟؟؟؟

جيورداني غالية اوي في قضية الميكاب مش بحب ادفع فلوس كثير يعني على الاقل تكون في حدود المعقول حاجات جيورداني غالية اوي

المشكلة ان دوف في المغرب مش ممكن تلاقيها غير تقليد و انا كنت جبت منها وحشة اوي و بتجير لكن تقليد طبعا الاصلية هتبقا زي ما قولتي بس بالنسبة لحاجات الوش هنا شبه نادر انك تلاقيها اصلي عشان كده بخاف اشتري حاجات الوش من المحلات اوريفليم اضمن
طب بودرة استديو مش خفيفة اوي يعني بتغطي شوية ؟؟
مون مون اديني تقرير ارجوكي هههههههههههه

monmon mony كتب:: انا استعملت بودرة دوف دى قبل كدا مرتين بس من زمان انتى كنتى شرياها بكام يامريان ؟؟؟
وفى منها اصلى وتقليد ولا هى واحدة ؟؟؟؟

اصلى يا مونى مكتوب عليها صنع انجلترا جبتها من راجل كان بيحرق الاسعار ف المعرض ب٨ جنيه وللاسف بطلت القاها تانى

خلاص ياسارة هاتى استديو ارتيست والله حلوة
انتى عايزة تحطيها من غير كريم اساس؟؟

لا انا عندي كريم اساس ديو كور بتاع البشرة الدهنية اشتريته من كاتالوج 1 عشان فونديشن التفتيح مكانتش موجودة فعوضوها بدي
تنصحيني بستوديو ؟؟

diva_faraona كتب:

monmon mony كتب:: انا استعملت بودرة دوف دى قبل كدا مرتين بس من زمان انتى كنتى شرياها بكام يامريان ؟؟؟
وفى منها اصلى وتقليد ولا هى واحدة ؟؟؟؟

اصلى يا مونى مكتوب عليها صنع انجلترا جبتها من راجل كان بيحرق الاسعار ف المعرض ب٨ جنيه وللاسف بطلت القاها تانى

لاهى موجودة انا جبتها مرة ب 15 ج ومرة ب 10
بس الكلام دة كان من 5 سنين كدا

سـآرة كتب:: لا انا عندي كريم اساس ديو كور بتاع البشرة الدهنية اشتريته من كاتالوج 1 عشان فونديشن التفتيح مكانتش موجودة فعوضوها بدي
تنصحيني بستوديو ؟؟

ايوة بصراحة حلوة اوى وطالما هتحطى تحتها كريم اساس هتعجبك جداااااااا
انا زيك استغليت بتاعة جيوردانى ولما جبت استديو عجبتنى موت وقررت لما تخلص اجبها تانى كنت جيباها للافراح وبليل وكدا بس من كتر منا حباها بقيت بتستخدمها الصبح ف الشغل

سـآرة كتب:: المشكلة ان دوف في المغرب مش ممكن تلاقيها غير تقليد و انا كنت جبت منها وحشة اوي و بتجير لكن تقليد طبعا الاصلية هتبقا زي ما قولتي بس بالنسبة لحاجات الوش هنا شبه نادر انك تلاقيها اصلي عشان كده بخاف اشتري حاجات الوش من المحلات اوريفليم اضمن
طب بودرة استديو مش خفيفة اوي يعني بتغطي شوية ؟؟
مون مون اديني تقرير ارجوكي هههههههههههه

ماهو الاحسن لو وفقتى درجة اللون مع بشرتك على قد ما تقدرى عشان مش تجير يا سارة وبصراحة معاكى حق ميكب جوردانى يعتبر غالى برضه

بصى ياسارة هى ناعمة جداااااااا وفاتحة ومش بتجير وع التغطية انتى لما بتحطى كريم اساس لو تغطيتها عالية هيدارى اى عيوب والبودرة بتبقى زى فينش كدا
لكن اكيد لو ولحدها مش هتغطى بس انا بشرتى مش صافية عندى حبوب بسيطة واثارها وكمان عندى بثور سودا
بحط اساس فيرمى اول درجة بس بحط منه خفيف اوى مش بكتر يعنى وبعدين بودرو استديو بحس ان اثار الحبوب مش باينة اوى وكمان البثور مش باينة خالص يعنى بتغطى مع انى اساس فير مى تغطيته بسيطة بس بحطه مع البودرة استديو بحس انهم مغطيين اثار الحبوب واليثور

يمكن بقة بتغطى لما بيكون تحتها كريم اساس بس اصلى مش بحط اساس علشان بيكون تقيل على بشرتى يعنى هى البودر بس ويادوب وشى بيستحملها

اساس فيرمى خفيف عالبشرة وحلو اووى

monmon mony كتب:: اساس فيرمى خفيف عالبشرة وحلو اووى

ده اللى غطاه موف يامونمون؟؟؟

ايوة ياجميل

monmon mony كتب:: ايوة ياجميل

عايزة بودرة حلوة و بتغطي شوية و مش بتجير فيدوني ارجوكو 565743

عايزة بودرة حلوة و بتغطي شوية و مش بتجير فيدوني ارجوكو 835125

مرسي يا موني يا قمرة خلاص هجيبها ان شاء الله هي و الكونسيلر بتاعها للي مدحت فيه روز هجيب الدرجة الثانية
طب انتي جربتي الدرجة الاولى ؟؟ انا قمحية او بالاصح لون وشي مش موحد يعني غامق و فاتح في نفس الوقت و فونديشن ديو كور بتفتح لوني شوية و بتوحده يعني تنصحيني اجيب انهي درجة ؟؟

يابنات ياترى كونسيلر جيوردانى بالطحالب ولا كونسيلر ارتسيت مين احلى وبيغطى اكتر ؟؟؟

انا بموت في حاجات جورداني هي غالية بس فعلا اكتر من تحففففففففففففففة وتستاهل لانها بتدي لوك طبيعي اوووووووووووووووي انا جربت من جورداني كريم اساس الطحالب والكونسيلر والايلينر وبودر الجسم وجورداني وايت الروج وكلهم تحففففففففففففففففففففة واكييييد البودر كمان حلوة وانا بفكر اجيبها الشهر الجاي انا جبت بودر اوريفلام بيوتي ومش حلوة هي مش بتجير بس بتبان اوي في الوش

كونسيلر ارتست انا جبته لواحدة صحبتي الكتالوج اللي فات هو عجبها بس بتقولي انه خفيف اوي هي الهالات عندها عادية وعشان كده ماشي معاها

سـآرة كتب:: مرسي يا موني يا قمرة خلاص هجيبها ان شاء الله هي و الكونسيلر بتاعها للي مدحت فيه روز هجيب الدرجة الثانية
طب انتي جربتي الدرجة الاولى ؟؟ انا قمحية او بالاصح لون وشي مش موحد يعني غامق و فاتح في نفس الوقت و فونديشن ديو كور بتفتح لوني شوية و بتوحده يعني تنصحيني اجيب انهي درجة ؟؟

ايوة ياسارة انا جبت الدرجة الاولى وانا بردو قمحية بس فاتحة شوية
هاتى الدرجة الاولى